Бекназаров Нурман Бекназарович,
меҳнаткаш ва
меҳрибон инсон эди
Қишлоқ
хўжалиги
соҳасининг
етакчи
кишиларидан бири, устоз, механизаторлик касби
орқали обру топган инсон, Ўзбекистонда хизмат
кўрсатган механизатор, Ўзбекистон Олий Совети
депутати Бекназаров Нурман Бекназаровични
Республиканинг барча ёши улуғ механизаторлари
яхши танишар эди.
Бекназаров Нурман Бекназарович 1936-йил 7-
декабрда Нарпай тумани Нўғай қишлоғида Бекназар
бобо ва Шарофат ая хонадонида дунёга келган. Ёш
йигитчага Нурман деб исм қўйишди. Болалик йиллари очлик ва иккинчи жаҳон
урушига тўғри келганлиги боис, ёш Нурман отасидан эрта жудо бўлади. Ўрта
мактабни битиргач колхозга оддий ишчи бўлиб ишлай бошлайди. Табиатан жуда
зийрак бўлгани сабаб тезда колхознинг тракторларига техник хизмат курсатиш
борасида хизмат қила бошлайди. Техникага қизиқиши ёш йигитчани 1959 – йилда
Каттақўрғон шаҳридаги Ёш Механизаторлар билим юртига етаклайди, битиргач
техника сирларини янада мукаммал ўрганиш мақсадида 1961-63 йилларда Кармана
механизация техникумида таҳсил олади. Иккала билим юртида таҳсил олгач,
колхозга қайтиб механизаторлик соҳасида бор куч-ғайратини намоён қилди ва
хизматлари учун илк мукофот мотоцикл билан тақдирланди. Эътибор ва эътирофдан
руҳланган ёш мутахассис тинимсиз, куну-тун меҳнат қилиши натижасида 1966 –
1970 – 1981 – 1990 – йилларда Москвич автомобиллари билан тақдирланди.
Бекназаров Нурман Бекназарович 1968-1972 йиллар давомида Ўзбекистон
Олий Совети депутатлигига сайланиб, фаолият олиб борди, 1972-1974 йиллар
Нарпай туман Иттифоқ биригадаси бошлиғи лавозимида меҳнат қилди. Меҳнатлари
муносиб тақдирланиб, 1974-йилда “Ҳурмат белгиси”, 1975-йилда эса “Қизил
байроқ” ордени билан тақдирланди ва 1981-йилда олий мукофот "Ўзбекистонда
хизмат кўрсатган механизатор" унвонига сазовор бўлди.
Меҳнат фаолиятидан фахр ва ифтихор билан 1991-йилда нафақага чиқди.
Табиатан меҳнаткашлиги натижасида калхознинг ташландиқ ерларини ўзлаштириб
обод қилди, боғ яратди.
Нурман бобо Бекназаров Ойбуви момо билан 7 қиз 1 ўғилни вояга етказишди,
уларни ўқитди, уйли жойли қилди. Фарзандларидан 26 невара ва 13 эварага бош
бўлишди. 2021-йилнинг ёз ойида Ойбуви момо бу дунёни тарк этгач, 62 йиллик
сирдош умр йўлдошининг йўқлигига кўника олмаган Нурман бобо 2021-йилнинг
охирги жума куни 31-декабрида 85 ёшида оламдан ўтди.
Оламдан ўтган Нурмон бобомиз ва Ойбуви момомизнинг жойлари жаннатда
бўлиб, охиратлари обод бўлишини тилаймиз.
Неваралари номидан: СамДВМБУ таянч докторанти Хушназаров А.Х.
Самарқанд 2022 йил
