Diyoraxon Ochilova
Maqolada Yevropa Ittifoqi, AQSH va Yaponiyada ijtimoiy tarmoqlarda mualliflik huquqlarini himoya qilishning huquqiy va texnik mexanizmlari qiyosiy tahlil etilgan. Tadqiqotning dolzarbligi ijtimoiy tarmoqlarda mualliflik huquqlarini buzish holatlari ko'payishi va internet vositachilarining javobgarligiga oidhuquqiyyondashuvlardagifarqlar bilan belgilanadi.Asosiyg'oya shundan iboratki, qonunchilikdagi farqlarga qaramay (masalan, AQSH va Yaponiyada "xabardor qilish va o'chirish" tartibi, Yevropa Ittifoqida esa yanada faol filtrlash), global amaliyot huquqiy me’yorlar va texnik vositalarning uyg'unlashuvi orqali himoya mexanizmlarining yaqinlashishiga olib kelmoqda.
Natijalar shuni ko'rsatadiki, AQSH va Yaponiya xabarnoma orqali kontentni faol o'chirish bilan cheklangan javobgarlik modelini saqlab qolmoqda, Yevropa Ittifoqi esa foydalanuvchi yuklamalarini faol filtrlash majburiyatini yuklaydigan aralash tizimga o'tgan. Me’yoriy farqlarga qaramay, global platformalar bir xil texnik yechimlarni joriy etish orqali amaliyotni birlashtirmoqda, bu esa yondashuvlarning amaldayaqinlashishiga olib kelmoqda.
Xulosalar shuni tasdiqlaydiki, huquqiy himoya tartiblarining uyg'unlashuvi va faol nazorat rivojlanishning umumiy yo'nalishiga aylanmoqda. Mualliflik huquqlarini barqaror himoya qilish uchun xalqaro hamkorlikni kuchaytirish, xabardor qilishning shaffof tartib-qoidalarini ishlab chiqish va ortiqcha bloklash xavfini kamaytiradigan texnologiyalarni takomillashtirish zarur.
