Barcha maqolalar - Akustika

Тадқиқот объеклари: тадқиқот объекти - мураккаб тузилишдаги ғовак муҳитдаги тўлқинлар. Тадкикот предмета - ғовак муҳитда SH тўлкин тарқалиш жараёнларини математик моделлаштириш ҳамда бунда ҳосил бўлувчи тўғри ва тескари масалалар.
Ишнинг мақсади: бир ўлчовли SH тўлқин тенгламаси билан тавсифланувчи динамик жараёнларни математик моделлаштириш, бунда ҳосил бўлувчи тўғри ва тескари масалаларнинг ечимларини мавжудлик ва ягоналикка текшириш, бу масалаларнинг сонли ечиш методларини топиш ҳамда мос дастурларини тузиш.
Тадқиқот методлари: математик моделлаштириш, гиперболик системалар учун характеристикалар усули, интеграл тенгламалар ва чекли айирмалар усуллари, қўшма градиентлар усули ҳамда дастурлаш технологияси.
Олинган натижалар ва уларнинг янгилиги: куйидаги натижалар янги:
- эластик-ғовак муҳитда SH тўлқин тарқалишининг математик модели;
- эластик-ғовак муҳитда SH тўлқин тенгламасининг сингуляр ечими;
- эластик-ғовак муҳитда SH тўлқин тенгламаси учун тескари динамик масалаларнинг иккинчи тур ночизиқли вольтерра интеграл тенгламалар системаси;
- қаралаётган тескари масалалар ечимининг мавжудлик ва ягоналик теоремаси;
- эластик-ғовак муҳитда SH тўлкин тарқалишининг тўғри ва тескари масалаларининг сонли ечиш усули ва унга мос дастур.
Амалий ахамияти: олинган натижалар турли табиий ва технолгик жараёнларни текширишда қўлланилиши мумкин.
Татбиқ этиш даражаси ва иктисодий самарадорлиги: иш материалларидан юқори курс бакалавриатура ва магистратура талабалари учун математик моделлаштиришга оид махсус курсларнинг асосини ташкил этади.
Қўлланиш сохаси: олинган натижалар сейсмологияда, нефть ва газ заҳираларини аниқлаш ва ундан фойдаланишда кўлланилиши мумкин.