№ 9 (2024) "Raqamli iqtisodiyot" ilmiy elektron jurnali

Mazkur maqolada investitsion salohiyatni shakllantirish va uni boshqarishning asosiy yo‘nalishlari tahlil qilinadi. Investitsion salohiyat — bu moliyaviy va iqtisodiy resurslarni samarali boshqarish orqali uzoq muddatli iqtisodiy o‘sishni ta’minlash, yangi loyihalarni amalga oshirish va bozor raqobatbardoshligini oshirish imkoniyatlarini yaratadigan bir qator mexanizmlardan iboratdir. Maqolada investitsion salohiyatni shakllantirishda eng muhim rol o‘ynaydigan ichki va tashqi manbalar, xususan, o‘z kapitali, kredit resurslari, tashqi qarzlar, depozitlar va boshqa moliyaviy manbalar yoritiladi. Shuningdek, investitsion salohiyatni boshqarish jarayonida risklarni baholash va minimallashtirish, investitsiya portfellarini diversifikatsiya qilish va samarali boshqaruv strategiyalarini ishlab chiqishning ahamiyati ta’kidlanadi. Banklar va moliyaviy institutlarning investitsion salohiyatini shakllantirishda hukumat siyosati, moliyaviy tarmoqlar va bozordagi talabning o‘zgarishi ham muhim omil bo‘lib xizmat qiladi. Maqola investitsiyaviy faoliyatni yanada samarali boshqarish uchun amaliy tavsiyalar ham beradi. Bu maqola banklar, moliyaviy tashkilotlar va iqtisodchilar uchun foydali manba bo‘lib, investitsion faoliyatni optimallashtirishga qaratilgan bilimlarni kengaytiradi.

Ushbu maqola sun’iy intellekt texnologiyalarining O‘zbekiston iqtisodiyotiga ta’siri va ahamiyatini o‘rganishga qaratilgan. Maqolada sun’iy intellektning iqtisodiy o‘sishda, ya’ni ishlab chiqarish va sanoat sektorida, xizmatlar va xizmat ko‘rsatishda, ma’lumotlarni tahlil qilish, inson kapitalida, innovatsiyalar va iqtisodiy savdoda, samaradorligini oshirish, resurslarni tejash va yangi ish o‘rinlarini yaratishdagi roli tahlil qilinadi.

Ushbu maqolada statistika tizimida raqamli platformalarning
samaradorligini oshirish yо‘llari о‘rganiladi. Zamonaviy axborot texnologiyalari va
ma’lumotlar tahlili usullaridan foydalanish orqali statistik ma’lumotlarni yig‘ish, qayta
ishlash va tarqatish jarayonlarini optimallashtirishning innovatsion yondashuvlari
tahlil qilinadi. Tadqiqot natijalariga kо‘ra, raqamli platformalarning integratsiyasi,
sun’iy intellekt va mashinali о‘rganish algoritmlarining qо‘llanilishi, hamda
foydalanuvchi tajribasini yaxshilash statistika tizimining samaradorligini sezilarli
darajada oshirishi aniqlandi.

Ushbu maqolada O‘zbekiston va xorijiy mamlakatlar aholisining
turmush darajasi kompleks tahlil qilingan. Tadqiqot jarayonida turli xalqaro indekslar,
statistik ma’lumotlar va ilmiy adabiyotlar o‘rganilgan bo‘lib, O‘zbekiston va
rivojlangan mamlakatlar o‘rtasidagi tafovutlar, ularning sabablari va oqibatlari chuqur
tahlil etilgan. Tahlil natijasida O‘zbekistonda aholi turmush darajasini oshirish
bo‘yicha mavjud muammolar va istiqbolli yo‘nalishlar aniqlangan. Xususan, mehnat
bozorini rivojlantirish, ta’lim va sog‘liqni saqlash tizimini takomillashtirish, ijtimoiy
himoya tizimini modernizatsiya qilish hamda kichik biznes va tadbirkorlikni qo‘llabquvvatlash kabi ustuvor yo‘nalishlar belgilangan. Maqolada Skandinaviya
mamlakatlari, Yaponiya va Janubiy Koreya tajribasi o‘rganilgan bo‘lib, ularning ijobiy
tajribasini O‘zbekiston sharoitiga moslashtirish bo‘yicha tavsiyalar ishlab chiqilgan.
Shuningdek, globallashuv sharoitida aholi turmush darajasini yuksaltirishning
zamonaviy tendensiyalari va innovatsion yondashuvlari tahlil qilingan.

Ушбу мақолада ишлаб чиқариш корхоналари, ишлаб
чиқариш жараёнлари, ишлаб чиқаришнинг мамалакат иқтисодиётидаги ўрни,
ишлаб чиқаришни ташкил этиш, ишлаб чиқариш ҳақида маълумот берилган.
Шунингдек Ўзбекистонда ишлаб чиқариш жараёнини ташкил этиш жараёнига
таъсир этувчи омиллар борасида фикрлар келтирилган.

Агробизнесда рақамлаштиришнинг иқтисодий самарасини
ўрганиш ва қишлоқ хўжалигида замонавий технологияларни жорий этиш муҳим
аҳамиятга эга. Ушбу мақола Ўзбекистон аграр соҳасида ахборот ва
коммуникация технологиялари (АКТ) ҳамда рақамли технологияларнинг
ривожланишини ва интеграциясини тадқиқ этади. Мақола, жумладан,
геоахборот тизими ва замонавий АКТ воситаларининг аграр бошқарув
тизимларини яхшилашдаги ролини ўрганади. Шунингдек, рақамли
технологияларнинг жорий этилиши орқали қишлоқ хўжалигини ислоҳ қилиш ва
ишлаб чиқариш жараёнларини оптималлаштиришга йўналтирилган тадқиқотлар
натижалари келтирилади. Тадқиқотлар шуни кўрсатдики, АКТни аграр соҳага
татбиқ қилиш ишлаб чиқариш самарадорлигини ошириш, ресурсларни
бошқариш ва янги бозор имкониятларини яратиш учун муҳимдир.

Mazkur maqola mijozlarga xizmat ko‘rsatishda sun’iy intellekt
texnologiyalarining samaradorligini o‘rganishga qaratilgan. Bugungi kunda sun’iy
intellekt, mijozlarga tezkor, aniq va shaxsiylashtirilgan xizmatlar taqdim etish
imkoniyatini yaratmoqda. Maqolada suniy intellekt tizimlarining mijozlarga xizmat
ko‘rsatish jarayonlaridagi afzalliklari, jumladan, vaqtni tejash, xatoliklarni kamaytirish
va mijozlarning qoniqishini oshirishga qaratilgan imkoniyatlari tahlil qilinadi.
Shuningdek, sun’iy intellektdan foydalangan holda mijozlarga xizmat ko‘rsatish
sohasidagi yangi tendensiyalar, raqamli inqilob va kelajakda suniy intellektdan
texnologiyalarining rivojlanishi bilan bog‘liq o‘zgarishlar ko‘rib chiqiladi. Maqolada,
suniy intellekt yordamida mijozlarga xizmat ko‘rsatishda yuzaga keladigan
muammolar va ularni hal etish usullari ham yoritiladi.

Банк хизматлари бозорида бизнесни кенгайтириш ва филиал
фаолиятини ташкил этиш орқали хизматлар сотувини ошириш муҳим. Банк
филиаллари фаолиятини баҳолаш ва улар фаолиятини мувофиқлаштириш банк
бошқарувининг муҳим ва долзарб вазифалардан бири. Банкнинг яхши
натижаларга эришган ва ўртача кўрсаткичлардан ортда қолган филиалларини
аниқлаш ҳамда улар фаолиятини яхшилаш чораларини кўриш муҳим масала
ҳисобланади. Бунда банк филиаллари ва бўлинмалари фаолиятини баҳолаш
тизимини яратиш зарурати келиб чиқади. Аммо, бошқарувнинг самарасизлиги,
филиалларнинг нотўғри жойлашуви ва бошқа жиҳатлар билан ортда қолаётган
филиалларни аниқлашнинг аниқ баҳолаш усулларини қўллашни тақозо этади.
Рейтинг ва рейтинг тизими филиаллар фаолиятини тизимли таҳлил қилиш, улар
фаолиятига таъсир қилувчи салбий омилларни аниқлаш, етакчи ва қолоқ
бўлинмаларни аниқлаш имконини беради. Мазкур мақолада Ўзбекистон
Республикаси банклари филиаллари фаолиятида рейтинг баҳолаш тизимини
жорий этиш масалалари тадқиқ этилган ва уни такомиллаштириш юзасидан
тавсиялар ишлаб чиқилган.