Д Асланова, Б Юлдашев, Ф Абдурасулов, Н Холова, Н Ахмеджанова
Тадқиқотнинг мақсади камқонликнинг болаларда буйракнинг сурункали касаллигининг кечишига, гемоглобин кўрсаткичи, эндокрин ва буйрак ажратиш фаолияти ўртасидаги ўзаро боғлиқликни аниқлаш. Барча болалар стационарга ётқизилган вақтидаги гемоглобин кўрсаткичига кўра икки гуруҳга ажратилди: 1 гуруҳ-гемоглобин кўрсаткичи <110 г/л бўлган болалар; 2 гуруҳ-гемоглобин кўрсаткичи £ 110 г/л бўлган болалар. Барча болаларда қон ва сийдикнинг умумий таҳлили, шунингдек ахлатни гельминтлар тухумларига текшириш ўтказилди. Камқонликнинг ривожланиш тезлигига таъсирини ўрганиш мақсадида 65 кишилик гуруҳ олинди ва уларга тадқиқот давомида 2 ва ундан кўп марта СКФ кўрсаткичи аниқланди. Ушбу гуруҳдан 27 тасида 1 марта бўлса-да камқонлик аниқланиб, қолган 38 та болада гемоглобин кўрсаткичлари ёшига нисбатан меъёрий кўрсаткичларни ташкил қилди. Нефроген камқонлик кўпроқ буйракда экскретор урографияда аниқланган косача-жомча тизимининг деформациясига олиб келувчи патологик жараён кечиши фаоллигига мос равишда ривожланади. Нефроген камқонлик кўп ҳолларда буйракнинг сурункали касаллигига хос клиник ва лаборатор ўзгаришларга боғлиқ бўлиб, унинг буйрак ажратиш фаолиятига боғлиқлиги буйрак сурункали касаллигининг кечки босқичларида намоён бўлади
