«Наука, инновации и образование: ключевые
векторы общественного прогресса»
132
НАРКОТРАФИККА ҚАРШИ КУРАШНИ ТАРТИБГА СОЛУВЧИ
ХАЛҚАРО ҲУЖЖАТЛАР
Хуршид Газибеков
Ўқитувчи, “Жиноят ҳуқуқи, криминология ва коррупцияга қарши курашиш”
кафедраси, Тошкент давлат юридик университети
E-mail: gxiyur@mail.ru
Annotatsiya:
Ушбу мақолада наркотрафик муаммоси халқаро
хавфсизликка таҳдид солувчи асосий омиллардан бири сифатида кўриб
чиқилади, у иқтисодиёт, жамият ва давлат институтларига ҳалокатли
таъсир кўрсатади. Наркотрафикнинг трансмиллий хусусияти ва унинг
уюшган жиноятчилик билан ўзаро боғлиқлигига алоҳида эътибор
қаратилган. 1961 йилги Наркотик моддалар бўйича ягона конвенция ва 1988
йилги Наркотиклар ва психотроп моддаларнинг ноқонуний муомаласига
қарши кураш бўйича БМТ Конвенцияси каби асосий халқаро битимлар
таҳлил қилинади, улар наркотрафикка қарши курашиш учун ҳуқуқий асос
яратади. Шунингдек, ШҲТ ва Европанинг наркотиклар бўйича стратегияси
каби минтақавий ташаббуслар, наркотрафикка қарши курашда
ҳамкорликни кучайтиришга қаратилган саъй
-
ҳаракатлар ҳам ўрганилади.
Kalit so
‘
zlar:
наркотрафик, 1961 йилги Наркотик моддалар бўйича
ягона конвенция, 1988 йилги Наркотиклар ва психотроп моддаларнинг
ноқонуний муомаласига қарши кураш бўйича БМТ Конвенцияси
.
Abstract:
This paper examines narcotics trafficking as a major threat to
international security, emphasizing its devastating impact on economies, societies,
and state institutions. The transnational nature of narcotics trafficking and its
connections to organized crime are highlighted, underscoring the complexity of the
issue. The analysis reviews key international treaties, including the 1961 Single
Convention on Narcotic Drugs and the 1988 UN Convention Against Illicit Traffic in
Narcotic Drugs and Psychotropic Substances, which provide the legal framework for
combating narcotics trafficking. Additionally, the study explores regional initiatives,
such as the Shanghai Cooperation Organization (SCO) and European Union drug
strategies, with a focus on collaborative efforts to strengthen the fight against
narcotics trafficking.
Keywords:
drug trafficking, 1961 Single Convention on Narcotic Drugs, 1988
UN Convention against Illicit Traffic in Narcotic Drugs and Psychotropic Substances.
Аннотация:
В данной статье рассматривается проблема
незаконного оборота наркотиков как одна из ключевых угроз
международной безопасности, оказывающая разрушительное воздействие
«Наука, инновации и образование: ключевые
векторы общественного прогресса»
133
на экономику, общество и государственные институты. Особое внимание
уделено транснациональному характеру наркобизнеса и его тесной
взаимосвязи с организованной преступностью. Анализируются основные
международные соглашения, такие как Единая конвенция о наркотических
средствах 1961 года и Конвенция ООН 1988 года о борьбе с незаконным
оборотом наркотических средств и психотропных веществ, которые
служат правовой основой для глобальной борьбы с данной угрозой. Также
освещаются
региональные
инициативы,
включая
деятельность
Шанхайской организации сотрудничества (ШОС) и Европейскую стратегию
по борьбе с наркотиками, а также предпринимаемые усилия по укреплению
международного сотрудничества в противодействии незаконному обороту
наркотиков.
Ключевые слова:
незаконный оборот наркотиков, Единая конвенция о
наркотических средствах 1961 г., Конвенция ООН о борьбе против
незаконного оборота наркотических средств и психотропных веществ 1988
г.
Наркотрафик халқаро хавфсизликка энг жиддий таҳдидлардан бири
ҳисобланиб, иқтисодиёт, жамият ва давлат институтларига ҳалокатли
таъсир кўрсатади. БМТнинг Наркотиклар ва жиноятчилик бўйича
бошқармаси
(UNODC)
маълумотларига
кўра,
дунёда
наркотик
моддаларнинг
ноқонуний айланмаси ҳар йили юзлаб миллиард долларни
ташкил этади. Бу эса наркотик савдосини уюшган жиноятчиликнинг энг
даромадли соҳаларидан бирига айлантиради. Наркотиклар ишлаб
чиқаришнинг асосий марказлари, жумладан, “Олтин учбурчак” (Мьянма,
Лаос, Таиланд), “Олтин ярим ой” (Афғонистон, Покистон) ва Лотин
Америкаси (Колумбия, Перу, Боливия), наркотик моддаларнинг халқаро
бозорларга тарқалишини таъминлаб, трансчегаравий хавф
-
хатарларни
яратади [1].
Наркотрафикнинг
асосий
оқибатларидан
бири
уюшган
жиноятчиликнинг кучайиши бўлиб, улар наркотик савдосидан тушган
даромадни ўз фаолиятини кенгайтириш учун ишлатади. Бунга одам
савдоси, қурол
-
яроғнинг ноқонуний айланмаси ва давлат идораларидаги
коррупция каби соҳалар киради. Масалан, “Синалоа” каби Мексика
картеллари амалдорларни сотиб олиш ва фуқароларга нисбатан
зўравонлик қилишда фаол иштирок этади, бу эса бутун минтақаларнинг
беқарорлигига олиб келади [2]. Наркотрафикнинг иқтисодий оқибатлари
ҳам жуда кенг кўламлидир. Наркотик савдосидан келиб тушган ноқонуний
пул оқимлари пул ювиш орқали мамлакатларнинг молиявий тизимини
издан чиқаради. Жаҳон банки маълумотларига кўра, 2020 йилнинг ўзидаёқ
дунё молия тизими орқали жаҳон ялпи ички маҳсулотининг 2–
5%
миқдоридаги “кир” пул айланиб ўтган, уларнинг катта қисми наркотрафик
«Наука, инновации и образование: ключевые
векторы общественного прогресса»
134
билан боғлиқ [3].
Наркотрафик жамият саломатлигига жиддий зарар етказади, чунки у
наркотикларга қарамлик даражасининг ошишига олиб келади. Бу эса
соғлиқни сақлаш тизими учун қўшимча юк бўлади. Жаҳон соғлиқни сақлаш
ташкилоти (ЖССТ) маълумотларига кўра, дунёда 35 миллиондан ортиқ
инсон наркотик моддаларни истеъмол қилиш билан боғлиқ
хасталиклардан азият чекади. Бу ўлим даражасининг ошиши ва
таъсирланган ҳудудларда турмуш даражасининг пасайишига сабаб бўлади
[4]. Шундай қилиб, наркотрафик фақат бир ҳудудга хос муаммо бўлиб
қолмасдан, балки халқаро хавфсизлик учун жиддий таҳдид ҳисобланади ва
глобал даражада мувофиқлаштирилган ҳаракатларни талаб қилади.
Халқаро келишувлар наркотрафикка қарши курашда давлатлар саъй
-
ҳаракатларини бирлаштиришда ҳал қилувчи аҳамиятга эга бўлиб, ягона
ҳуқуқий стандартлар ва ҳамкорлик механизмларини яратади. Бу
келишувлар қонунчиликни мувофиқлаштириш, маълумот алмашиш ва
давлатлар ўртасида қўшма операцияларни амалга ошириш учун универсал
асосни ҳосил қилади.
Наркотрафикка қарши курашда халқаро келишувларнинг асосий
мақсади наркотикларни назорат қилиш ва уларнинг ноқонуний муомаласи
учун жавобгарликни тартибга солувчи ягона ҳуқуқий асос яратишдан
иборат. Масалан, 1961 йилда қабул қилинган Наркотик моддалар бўйича
ягона конвенция наркотик моддаларни ишлаб чиқариш, тарқатиш ва
фойдаланишни фақат тиббий ва илмий мақсадлар билан чеклайдиган
назоратни жорий этади [5]. Халқаро конвенциялар давлатлар ўртасида
самарали ҳамкорлик учун платформа яратади. Масалан, 1988 йилда қабул
қилинган Наркотиклар ва психотроп моддаларнинг ноқонуний
айланмасига қарши кураш бўйича БМТ Конвенцияси иштирокчи
давлатлардан халқаро органлар, жумладан, Наркотик моддаларни назорат
қилиш бўйича халқаро қўмита (INCB) орқали ўз ҳаракатларини
мувофиқлаштиришни талаб қилади. Шунингдек, ушбу конвенция
наркотиклар билан боғлиқ ишлар юзасидан экстрадиция ва ҳуқуқий
ёрдамни таъминлашни ҳам назарда тутади [6]. Халқаро келишувларнинг
энг муҳим вазифаларидан бири давлатлар ўртасида маълумот алмашиш
механизмларини яратишдир. Масалан, БМТ шафелиги остида имзоланган
келишувларга мувофиқ, давлатлар қўлга олинган наркотик партиялари,
уларнинг ҳаракатланиш йўналишлари ва жиноий гуруҳлар аъзолари
ҳақидаги маълумотларни тақдим этиш мажбуриятига эгадир. Бу
механизмлар наркотрафикка қарши курашда самарали ҳамкорликни
таъминлайди [7].
Минтақавий
ташаббуслар
глобал
келишувларни
тўлдириб,
махсуслаштирилган механизмларни яратади. Масалан, Шанхай Ҳамкорлик
Ташкилоти (ШҲТ) наркотрафикка қарши кураш бўйича минтақавий саъй
-
«Наука, инновации и образование: ключевые
векторы общественного прогресса»
135
ҳаракатларни, айниқса, наркотрафикнинг асосий йўналишлари ўтган
Марказий Осиёда фаол қўллаб
-
қувватлайди. ШҲТ доирасида қўшма тезкор
гуруҳлар ташкил этилади, махсус машғулотлар ўтказилади ва тажриба
алмашинуви амалга оширилади. Бу чоралар наркотикларга қарши курашда
самарадорликни оширишга қаратилган [8]. Халқаро келишувлар БМТнинг
Наркотиклар ва жиноятчилик бўйича бошқармаси (UNODC) каби
ихтисослаштирилган
ташкилотларга
саъй
-
ҳаракатларни
мувофиқлаштириш ва лойиҳаларни амалга ошириш ваколатини беради.
Масалан, UNODC давлатларга миллий стратегияларни ишлаб чиқишда
техник ёрдам кўрсатиш ва наркотрафикка қарши кураш учун зарур
ускуналар билан таъминлашда муҳим рол ўйнайди. Ушбу ташкилотнинг
фаолияти наркотрафикка қарши курашда давлатлар ўртасидаги
ҳамкорликни мустаҳкамлашга қаратилган [9].
Наркотрафикни халқаро тартибга солиш наркожиноятчиликка қарши
курашда глобал стратегиянинг муҳим элементи ҳисобланади. Бу
тизимнинг асосини БМТ ва бошқа халқаро ташкилотлар ҳимояси остида
қабул қилинган бир қатор асосий келишувлар ташкил этади. 1961 йилги
Наркотик моддалар бўйича ягона конвенция наркотиклар назорати
соҳасидаги илгариги келишувларни бирлаштириб, уларни алмаштирган ва
халқаро тартибга солишнинг асосий тузилмасини яратган. У наркотик
моддаларни ишлаб чиқариш, савдо ва фойдаланишга қатъий чекловлар
киритади, уларни фақат тиббий ва илмий мақсадлар билан чеклайди.
Конвенция, шунингдек, давлатларнинг мажбуриятларини бажаришини
назорат қилиш учун Наркотик моддаларни назорат қилиш бўйича халқаро
қўмита (МККН)ни ташкил этди.
Психотроп моддалар бўйича 1971 йилдаги конвенция янги синтетик
моддаларнинг пайдо бўлишига жавобан ишлаб чиқилган бўлиб, 1961 йилги
ягона конвенция билан қамраб олинмаган моддаларни тартибга солишни
назарда тутган. У халқаро назоратни кенгайтириб, амфетаминлар,
барбитуратлар ва ЛСД каби психотроп моддаларни ўз ичига олган. Ҳужжат,
шунингдек, экспорт ва импорт устидан назорат чораларини кучайтирган
ҳамда давлатларни мазкур моддалар билан боғлиқ операциялар бўйича
батафсил ҳисобот тақдим этиш мажбурияти билан
таъминлаган.
Наркотиклар ва психотроп моддаларнинг ноқонуний муомаласига
қарши кураш бўйича1988 йилдаги БМТ Конвенцияси наркотрафикка
қарши курашда муҳим ҳужжат ҳисобланади. У трансмиллий наркотик
тармоқлар ва наркотик савдоси билан боғлиқ молиявий оқимларга қарши
чораларни
кучайтиришга
қаратилган.
Конвенция
иштирокчи
давлатлардан наркотик моддаларнинг ноқонуний ишлаб чиқариши,
ташилиши ва савдосини жиноят сифатида тан олишни талаб қилади.
Шунингдек, у давлатларни ноқонуний айланмани фош қилишда ва
иқтисодий оқимларни назорат қилишда халқаро ҳамкорликка чақирган.
«Наука, инновации и образование: ключевые
векторы общественного прогресса»
136
Минтақавий даражада ҳам наркотрафикка қарши курашга қаратилган
келишувлар тузилган: 1) Европанинг наркотиклар бўйича стратегияси (EU
Drugs Strategy). Европа Иттифоқи давлатларида наркотик моддаларга
бўлган талаб ва таклифни камайтиришга йўналтирилган. 2) БМТнинг
Париж пакти: Афғонистон ва қўшни ҳудудлар орқали ноқонуний опиат
савдосига қарши кураш бўйича глобал ташаббус. 3) ШҲТ ва МДҲ
ташаббуслари. Наркотрафик ва уюшган жиноятчиликка қарши минтақавий
ҳамкорликни таъминлашга йўналтирилган.
Наркотик моддаларни халқаро назорат қилиш муаммоси илк бор XX
аср бошларида давлатлар наркотик моддаларнинг назоратсиз айланиши
билан боғлиқ хавфни англай бошлаганида институционаллашган. Бу
соҳадаги илк халқаро ҳужжатлардан бири 1912 йилда қабул қилинган
“Гаага халқаро опиум конвенцияси” бўлиб, у наркотик моддаларни ишлаб
чиқариш ва тарқатишни назорат қилишнинг асосий мезонларини
белгилаган.
Конвенция Гаагада ўтказилган халқаро конференция натижасида
яратилган бўлиб, унда 12 та давлат иштирок этган. У опиум, морфин ва
кокаиннинг ишлаб чиқарилиши, тарқатилиши ва истеъмолини назорат
қилишга қаратилган илк ҳуқуқий мажбуриятга эга халқаро шартнома
бўлган. Ҳужжатнинг асосий мақсадлари қуйидагилардан иборат эди:
наркотик моддаларни ишлаб чиқариш, экспорт ва импортга чекловлар
ўрнатиш; наркотикларнинг ноқонуний айланмасига қарши халқаро
ҳамкорлик учун асос яратиш; наркотик моддалардан фақат тиббий ва
илмий мақсадларда фойдаланишни тартибга солиш.
Иштирокчилар доираси чекланган ва ижрони назорат қилиш
механизмлари заиф бўлишига қарамай, Гаага конвенцияси наркотрафикка
қарши кураш соҳасида халқаро ҳуқуқнинг ривожланиши учун пойдевор
яратган. Биринчи жаҳон уруши тугаганидан сўнг, унинг қоидалари
наркотиклар назоратини Миллатлар Лигаси мандатига киритиш каби янги
халқаро ташаббуслар учун асос бўлиб хизмат қилган [10]. Иккинчи жаҳон
уруши тугаганидан сўнг, наркотиклар назорати соҳасидаги Миллатлар
Лигаси вазифалари янги ташкил этилган Бирлашган Миллатлар
Ташкилотига (БМТ) ўтказилди. Асосий ташаббуслардан бири 1961 йилда
қабул қилинган “Наркотик моддалар бўйича ягона конвенция” бўлиб, у
аввалги халқаро келишувларни бирлаштирган ва наркотик моддалар
муомаласини назорат қилиш учун глобал ҳуқуқий асосни белгилаган.
Ушбу ҳуқуқий механизмлар ШҲТ ва Европа Иттифоқи каби
минтақавий ташкилотлар ташаббуслари билан қўллаб
-
қувватланади, бу
эса глобал чора
-
тадбирларни аниқ минтақаларнинг ўзига хос
хусусиятларига мослаштириш имконини беради. Жиддий ютуқларга
қарамай, муаммолар
ҳануз долзарблигича қолмоқда: наркотик моддалар
ишлаб чиқариш ҳажмининг ортиши, наркотик савдоси трансмиллий
«Наука, инновации и образование: ключевые
векторы общественного прогресса»
137
тармоқларининг кенгайиши ва уларнинг уюшган жиноятчиликнинг бошқа
шакллари билан интеграцияси халқаро ҳамкорлик механизмларини янада
такомиллаштириш зарурлигини яна бир бор таъкидлайди.
Шундай қилиб, наркотрафикка самарали қарши курашиш учун
халқаро назоратни кучайтириш, миллий стратегияларни ишлаб чиқиш ва
давлатлар ўртасидаги ҳамкорлик даражасини оширишни ўз ичига олган
комплекс ёндашув зарур. Фақат бирлашган саъй
-
ҳаракатлар орқали
наркотрафикнинг оқибатларини минималлаштириш ва унинг жаҳон
барқарорлиги ҳамда хавфсизлигига бўлган бузғунчи таъсирини
камайтириш мумкин.
Фойдаланилган адабиётлар рўйхати
:
1. UNODC. (2023). World Drug Report. https://www.unodc.org/
2. Insight Crime. (2022). Drug Trafficking and Violence in Mexico.
https://insightcrime.org/
3. World Bank. (2020). Illicit Financial Flows and Development.
https://www.worldbank.org/
4. WHO. (2023). Global Statistics on Drug Use. https://www.who.int/
5. Single Convention on Narcotic Drugs, 1961, Art. 4
6. United Nations Convention Against Illicit Traffic in Narcotic Drugs and
Psychotropic Substances, 1988, Art. 6, 7
7. UNODC. (2023). World Drug Report. https://www.unodc.org/
8. SCO Annual Report, 2022.
9. International Narcotics Control Board (INCB) Annual Report, 2022.
10. The Hague International Opium Convention, 1912, League of Nations
Treaty Series, Vol. 8.
