ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
2020
№4 ♦ ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
94
3. Aaron Smith Future of Money: Classifying Virtual Cur-
rency Systems // http://bigthink.com/hybrid-reality/future-of-
money-classifying-virtual-currency-systems
4.
Рустамбеков И. Гражданско-правовое регулирова-
ние отношений по доменным именам в Узбекистане. Дисс.
канд. юрид. наук. –Т.: ТГЮУ, 2011. – С.26.
5.
Рожкова М.А. Права на доменное имя // Право в
сфере Интернета: Сборник статей / Рук. авт. кол. и отв.
ред. д.ю.н. М.А. Рожкова. М.: Статут, 2018. С. 195-223
6.
Новиков И.В. Виртуальная собственность: перспек-
тивы регулирования, Санкт-Петербург: 2019. – С.78.
7.
Лисаченко А. В. «Право виртуальных миров: новые
объекты гражданских прав» 1, с. 104-110
8.
Семенюта Б. «Онлайн-игры: правовая природа от-
ношений». М. 2018. - с. 38-45
.
А. Сайдахмедов
Тошкент давлат юридик университети магистранти
ЎЗБЕКИСТОН РЕСПУБЛИКАСИНИНГ МЕДИАЦИЯ
ТЎҒРИСИДАГИ СИНГАПУР КОНВЕНЦИЯСИДА
ИШТИРОК ЭТИШИГА ДОИР АЙРИМ МУЛОҲАЗАЛАР
Аннотация:
мақолада Бирлашган Миллатлар
Ташкилотининг Медиация натижасида эришилган
халқаро келишув битимлари тўғрисидаги Конвенция
(Сингапур конвенцияси)нинг асосий моҳияти очиб
берилган ва Ўзбекистон томонидан ратификация
ҳамда имплементация қилиш истиқболлари бўйича
таҳлилий маълумотлар келтирилган.
Калит сўзлар:
медиация, Сингапур конвенцияси,
медиатив келишув, низоларни ҳал қилишнинг муқобил
усули.
Аннотация:
в
статье
раскрыта
сущность
Конвенция
ООН
о
международных
мировых
соглашениях, достигнутых в результате медиации
(Сингапурская конвенция), и дана аналитическая
информация
о
перспективах
ратификации
и
имплементации ее Узбекистаном.
Ключевые
слова:
медиация,
Сингапурская
конвенция, медиативное соглашение, альтернативный
способ разрешения споров.
Abstract:
the article reveals the essence of the UN
Convention on international settlement agreements
reached as a result of mediation (Singapore Convention),
and provides analytical information on the prospects for its
ratification and implementation by Uzbekistan.
Key words:
mediation, Singapore Convention,
mediation agreement, alternative dispute resolution.
Медиация бу – келиб чиққан низони тарафлар
ўзаро мақбул қарорга эришиши учун уларнинг
ихтиёрий розилиги асосида медиатор кўмагида ҳал
қилиш усули ҳисобланади. Медиация низоларни ҳал
қилишнинг муқобил усули сифатида судда ёки халқаро
тижорат арбитражида низоларни
ҳал қилишга
нисбатан қатор афзалликларга эга ва томонлар
ўртасида ишбилармонлик алоқаларининг сақлаб
қолиниши имконини беради. [5,6].
Бирлашган Миллатлар Ташкилотининг Медиация
натижасида эришилган халқаро келишув битимлари
тўғрисидаги
Конвенциянинг
(Конвенция)
асосий
мақсади – медиацияни қўллаш орқали тижорий низони
ҳал қилишда унинг натижасида эришилган халқаро
келишув битимининг (халқаро медиатив битимининг)
Конвенция иштирокчиси бўлган давлатда миллий
қонунчилигига
мувофиқ
ижросини
(мажбурий
ижросини) амалга оширишга қаратилган.
Конвенция талаблари низони медиация йўли билан
ҳал қилиш натижасида халқаро келишув битимининг
томонларнинг давлатларида мажбурий бажарилиши
таъминланиши билан тижорат ташкилотлари учун
катта аҳамиятга эгадир.
Конвенция лойиҳасини ишлаб чиқишда (2015–2018
йиллар
давомида)
Бирлашган
Миллатлар
Ташкилотининг
Халқаро
савдо
ҳуқуқи
бўйича
комиссиясига (UNCITRAL) аъзо 85 та давлатнинг
вакиллари ҳамда 35 та ҳукуматлараро ва нодавлат
ташкилотлари, шу жумладан Америка арбитраж
ассоциацияси
(AAA),
Халқаро
арбитраж
араб
ассоциацияси (AAIA), Халқаро ҳуқуқ ассоциацияси
ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
2020
№4 ♦ ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
95
(ILA), Осиё ва Тинч океани давлатлари ҳуқуқ
ассоциацияси (LAW ASIA) ва бошқалар иштирок этган.
[1]
Конвенция 2018 йилнинг 20 декабрида БМТ Бош
ассамблеясининг етмиш учинчи сессиясида 73/198-сон
резолюцияси билан қабул қилинган.
Конвенция 2019 йил 7 августда Сингапурда ва
кейинчалик
БМТнинг
Нью-Йоркдаги
марказий
муассасаларда
барча
давлатлар
томонидан
имзоланиши учун очиқ ҳисобланади.
БМТ шартномалари ва UNCITRAL расмий веб-
сайтларига кўра, ҳозирги кунга қадар Конвенцияни
53
та давлат, шу жумладан Австралия, Афғонистон,
Беларусь,
Грузия,
Исроил,
Ҳиндистон,
Эрон,
Қозоғистон, Хитой, Малайзия, АҚШ, Туркия, Украина,
Швейцария, Жанубий Корея, Япония ва бошқалар
имзолаган. Бунда Беларусь, Эрон ва Саудия
Арабистони Конвенцияни қўшимча шарт ва баёнотлар
билан имзолаган.
Конвенциянинг мазмуни ва моҳияти ҳақида қисқача
айтиб ўтиш жоиз. Жумладан, Конвенция муқаддима ва
16
моддадан
иборат.
Конвенциянинг
1-
моддасига мувофиқ у Томонлар тарафидан тижорий
низони ҳал қилиш мақсадида медиация натижасида
эришилган
ёзма
шаклда
тузилган
келишув
битимларига нисбатан татбиқ этилади. Бунда у
тузилган пайтда қуйидаги шартлар асосида халқаро
келишув битими ҳисобланган бўлиши керак, яъни
(а) келишув битимининг камида иккита тарафининг
тижорат корхоналари турли давлатларда жойлашган
бўлиши; ёки (б) келишув битими тарафларининг
тижорат корхоналари жойлашган давлат: келишув
битими бўйича мажбуриятларнинг салмоқли қисми
бажарилаётган давлат ҳам; келишув битимининг
предмети энг узвий боғланган давлат ҳам бўлмаслиги
керак. [2]
Шунингдек, Конвенциянинг 2-моддасига кўра у
шахсий,
оилавий
ёки
маиший
мақсадларда
тарафларнинг бири (истеъмолчи) томонидан тузилган
келишувдан келиб чиқувчи низоларни ҳал қилиш учун
тузилган; оила, мерос ёки меҳнат тўғрисидаги қонун
ҳужжатларига тааллуқли бўлган; суд томонидан
тасдиқланган ёки суд жараёнида тузилган; ушбу
суднинг давлатида суд қарори сифатида ижро
этилиши мумкин бўлган; арбитраж қарори сифатида
тузилган ва ижро этилиши мумкин бўлган келишув
битимларига нисбатан татбиқ этилмайди.
Конвенциянинг
3-моддаси
талабларига
кўра
Конвенциянинг ҳар бир иштирокчи-давлати медиация
натижасида эришилган халқаро келишув битимини ўз
миллий қонунчилигида назарда тутилган тартиб-
таомиллар асосида ва Конвенцияда белгиланган
шартларга мувофиқ ижрога (мажбурий ижрога)
қаратиши лозим.
Конвенциянинг асосий моҳияти шундаки, у
иштирокчи-давлатларда
медиация
натижасида
эришилган халқаро келишув битимининг ижро этилиши
механизмини
белгиламайди,
балки
Конвенция
талабларига мувофиқ иштирокчи-давлат томонидан
ўзи белгилаган механизм асосида келишув битимининг
мажбурий ижрога қаратилишини талаб қилади.
Конвенциянинг 4-моддасида томонлар халқаро
келишув
битимининг
ижрога
қаратилиши
учун
Конвенция
иштирокчи-давлатининг
ваколатли органига айнан қандай ҳужжатлар тақдим
этилиши
кераклиги
кўрсатилган.
Бунга
кўра,
Конвенциянинг ҳар бир иштирокчи-давлати Конвенция
доирасида белгиланган тартибда ўз ваколатли
органини белгилаши лозим.
Шу билан бирга, Конвенциянинг 4, 5 ва 6-
моддаларида
Конвенция
иштирокчи-давлати
ваколатли органининг ҳуқуқ ва мажбуриятлари
белгиланган.
Конвенциянинг
8-моддасида
Конвенция
иштирокчилари уни ушбу моддада кўрсатилган
қўшимча шартлар (2 та қўшимча шарт) билангина
имзолаши (ратификация қилиш) мумкинлиги ва бошқа
ҳеч қандай шартлар билан имзолаши (ратификация
қилишига) йўл қўйилмаслиги белгилаб қўйилган.
Конвенциянинг 11-моддасига мувофиқ Конвенция
имзоловчилар томонидан ратификация қилиниши,
қабул қилиниши ёки тасдиқланиши керак. Конвенция
имзо учун очилган кунидан бошлаб уни имзоламаган
барча давлатлар томонидан қўшилиш учун очиқ
ҳисобланади. Ратификация ёрлиқлари ёки қабул
қилиш,
тасдиқлаш
ёки
қўшилиш
тўғрисидаги
ҳужжатлар депозитарийга сақлаш учун топширилади.
Конвенциянинг 14-моддасига мувофиқ Конвенция
учинчи ратификация ёрлиғи ёки ратификация қилиш,
қабул қилиш, тасдиқлаш тўғрисидаги ҳужжат сақлаш
учун депозитарийга топширилганидан кейин олти ой
ўтгач кучга киради. Шу билан бирга, Конвенциянинг 16-
моддасига
асосан
унинг
иштирокчиси
ушбу
Конвенцияни депозитарийга ёзма равишда расмий
хабар бериш орқали денонсация қилиши мумкин.
Таъкидлаш лозимки, Ўзбекистон Республикасида
медиация билан боғлиқ муносабатлар 20 га яқин
норматив-ҳуқуқий ҳужжатлар билан тартибга солинган.
Жумладан,
Ўзбекистон
Республикасининг
“Медиация
тўғрисида”ги,
“Инвестициялар
ва
инвестиция фаолияти тўғрисида”ги, “Ўзбекистон
Республикасининг ҳакамлик судлари тўғрисида”ги,
“Суд ҳужжатлари ва бошқа органлар ҳужжатларини
ижро этиш тўғрисида”ги, “Нотариат тўғрисида”ги,
“Адвокатура
тўғрисида”ги
қонунлари,
Иқтисодий
процессуал кодекси, Солиқ кодекси, Фуқаролик
кодекси, Ўзбекистон Республикаси Президентининг
2020 йил 19 майдаги ПФ–5997-сон “Давлат ҳуқуқий
сиёсатини амалга оширишда адлия органлари ва
муассасалари фаолиятини янада такомиллаштириш
чора-тадбирлари тўғрисида”ги ҳамда 2020 йил 29
апрелдаги ПФ–5987-сон “Ўзбекистон Республикасида
юридик таълим ва фанни тубдан такомиллаштириш
бўйича
қўшимча
чора-тадбирлар
тўғрисида”ги
фармонлари, 2020 йил 17 июндаги ПҚ–4754-сон
“Низоларни муқобил ҳал этишнинг механизмларини
янада
такомиллаштириш
чора-тадбирлари
тўғрисида”ги, 2018 йил 5 ноябрдаги ПҚ–4001-сон
“Ўзбекистон Республикаси Савдо-саноат палатаси
ҳузурида Тошкент халқаро арбитраж марказини (TIAC)
ташкил этиш тўғрисида”ги, 2019 йил 12 мартдаги ПҚ–
4236-
сон “Суд ҳужжатлари ва бошқа органлар
ҳужжатларини ижро этиш самарадорлигини янада
ошириш чора-тадбирлари тўғрисида”ги қарорлари,
Профессионал медиаторлар реестрини шакллантириш
ва юритиш тартиби тўғрисидаги низом (рўйхат рақами
3092, 2018 йил 29 ноябрь), Медиаторларни тайёрлаш
дастури (рўйхат рақами 3134, 2019 йил 31 январь),
Нотариуслар томонидан нотариал ҳаракатларни
амалга ошириш тартиби тўғрисидаги йўриқнома
(рўйхат рақами 3113, 2019 йил 4 январь) ва бошқалар.
Ўзбекистон
Республикасининг
медиация
тўғрисидаги, суд ҳужжатлари ва бошқа органлар
ҳужжатларини
ижро
этиш
тўғрисидаги
ҳамда
ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
2020
№4 ♦ ЎЗБЕКИСТОН ҚОНУНЧИЛИГИ ТАҲЛИЛИ ♦ UZBEK LAW REVIEW ♦ ОБЗОР ЗАКОНОДАТЕЛЬСТВА УЗБЕКИСТАНА
96
процессуал
қонун
ҳужжатларида
медиация
натижасида
эришилган
халқаро
келишув
битимларининг
мажбурий
бажарилишини
таъминлашни
назарда
тутувчи
механизмлар
белгиланмаган.
Ўзбекистон
Республикасининг
“Медиация
тўғрисида”ги Қонунининг 29-моддасига асосан
медиатив келишув уни тузган тарафлар учун
мажбурий кучга эга бўлиб, ушбу келишув унда назарда
тутилган тартибда ҳамда муддатларда тарафлар
томонидан ихтиёрий равишда бажарилади. Медиатив
келишув бажарилмаган тақдирда тарафлар ўз
ҳуқуқлари ҳимоя қилинишини сўраб судга мурожаат
этишга ҳақли. [3]
Шу
сабабли,
Ўзбекистон
Республикасининг
Конвенцияга қўшилиши муносабати билан Ўзбекистон
Республикасининг
айрим
қонунларига,
асосан
Иқтисодий
процессуал
кодекси,
“Медиация
тўғрисида”ги ҳамда “Суд ҳужжатлари ва бошқа
органлар ҳужжатларини ижро этиш тўғрисида”ги
қонунларига тегишли ўзгартириш ва қўшимчалар
киритилиши талаб этилади.
Таъкидлаш
лозимки,
ҳозирги
кунда
мамлакатимизда
медиацияни
ривожлантиришга
алоҳида аҳамият берилмоқда. Хусусан, Адлия
вазирлиги қошидаги Юристлар малакасини ошириш
маркази ҳамда Тошкент давлат юридик университети
ҳузуридаги Юридик кадрларни халқаро стандартлар
бўйича профессионал ўқитиш маркази томонидан
медиаторларни тайёрлаш дастури асосида малакали
медиаторлар тайёрланади.
Шу билан бирга, Ўзбекистон Республикаси
Президентининг
2020
йил
17 июндаги ПҚ–4754-сон “Низоларни муқобил ҳал
этишнинг механизмларини янада такомиллаштириш
чора-тадбирлари
тўғрисида”ги
Қарорига
асосан
республикада медиация ва медиаторларни тайёрлаш
соҳасини ривожлантиришга қаратилган қатор чора-
тадбирлар амалга оширилган. Жумладан, Тошкент
давлат юридик университети ва Юристлар малакасини
ошириш
марказининг
муассислигида
Тошкент
медиация маркази нодавлат нотижорат ташкилоти
ташкил этилди. Ушбу Марказнинг асосий мақсади
низоларни муқобил ҳал этиш билан шуғулланувчи
профессионал медиаторларни ўзаро ташкилий ва
услубий жиҳатдан бирлаштириш, медиация ва
низоларни муқобил ҳал этиш фаолиятини амалга
ошириш, профессионал медиаторларни тайёрлашдан
иборатдир. [7]
Шуни ҳам айтиш керакки, “Инвестициялар ва
инвестиция
фаолияти
тўғрисида”ги
Ўзбекистон
Республикаси Қонунининг 63-моддасида чет эл
инвестициялари билан боғлиқ бўлган ва Ўзбекистон
Республикаси ҳудудида чет эллик инвесторнинг
инвестиция фаолиятини амалга ошириши чоғида
юзага
келадиган
низо
(инвестициявий
низо)
музокаралар ўтказиш йўли билан ҳал этилиши, агар
инвестициявий низонинг тарафлари музокаралар
ўтказиш йўли билан низони келишилган ҳолда ҳал
этишга эришишга қодир бўлмаса, бундай низо
медиация йўли билан тартибга солиниши кераклиги
кўрсатиб ўтилган. [4]
Хулоса ўрнида шуни айтиш мумкинки, Ўзбекистон
Республикасининг Конвенцияга қўшилиши хорижий
инвесторларга тижорат низоларини медиация йўли
билан
ҳал
қилишда
келишув
битимларининг
бажарилиши учун қўшимча кафолатларни беради, бу
эса
мамлакатнинг
инвестицион
жозибадорлиги
ошишига ва хорижий инвесторларнинг давлатимизда
қонун устуворлиги таъминланишига бўлган ишончини
оширишга хизмат қилади.
Адабиётлар рўйхати:
1.
Конвенции Организации Объединенных Наций о
международных мировых соглашениях, достигнутых в
результате медиации (Нью-Йорк, 2018 г.) [Электронный
ресурс]
-
Режим
доступа:
https://uncitral.un.org/ru/texts/mediation/conventions/internati
onal_settlement_agreements
2.
Комиссия Организации Объединенных Наций по
праву международной торговли / [Электронный ресурс] -
Режим
доступа:
https://uncitral.un.org/ru/texts/mediation/conventions/intern
ational_settlement_agreements/status
3.
Закон Республики Узбекистан «О медиации» от
03.07.2018г. https://lex.uz/docs/3805229
4.
Закон Республики Узбекистан «Об инвестициях
и инвестиционной деятельности» от 25.12.2019 г.
https://lex.uz/docs/4664144
5.
Рустамбеков И. Сущность и особенности меди-
ации. Обзор законодательства Узбекистана. Т., 2019.
№1. С. 84-87.
6.
Рустамбеков И. Медиация: пособие для медиа-
торов. Т., 2019. С. 144.
7.
Ўзбекистон Республикаси Президентининг 2020
йил 17 июндаги ПҚ–4754-сон “Низоларни муқобил ҳал
этишнинг механизмларини янада такомиллаштириш
чора-тадбирлари
тўғрисида”ги
Қарори.
https://lex.uz/docs/4859436
