MAMLAKAT IQTISODIYOTIDA EKSPORTNING TUTGAN O‘RNI VA UNING ZARURIYATI

Ushbu maqolada mamlakat iqtisodiyoti barqarorligini ta'minlashda eksport faoliyatining o‘rni va zaruriyati yoritilgan. Jahon iqtisodiy makonidagi integratsiyalashuv jarayonlari, savdo-sotiq aloqalarining globallashuvi va raqobatbardoshlik darajasining oshishi eksport siyosatini milliy iqtisodiyotlar uchun strategik vosita sifatida qarash zarurligini ko‘rsatmoqda. Maqolada O‘zbekiston Respublikasi misolida eksport hajmi, tarkibi va geografiyasi tahlil qilinib, mavjud muammolar va ularni hal qilish yo‘llari bo‘yicha takliflar berilgan. Shuningdek, eksportga yo‘naltirilgan siyosatning makroiqtisodiy ko‘rsatkichlarga ta’siri statistik dalillar bilan asoslangan.