ЖУРНАЛ КАРДИОРЕСПИРАТОРНЫХ ИССЛЕДОВАНИЙ | JOURNAL OF CARDIORESPIRATORY RESEARCH
№SI-1 | 2020
85
Raximova X.M,
Sulaymanova N.E.
DKTF umiy amaliyot / oilaviy meditsina kafedrasi
Samarqand davlat tibbiyot instituti
АXOLI OʼRTASIDA 60 VA UNDAN KATTA YOSHDAGI KISHILAR UCHUN KORONAVIRUS INFEKTSIYASINING OLDINI
OLISH BOʼYICHA TAVSIYALAR
For citation:
Rakhimova X.M, Suleymanova N.E. RECOMMENDATIONS FOR THE PREVENTION OF CORONAVIRUS INFECTION
FOR PEOPLE AGED 60 AND OLDER AMONG THE POPULATION. Journal of cardiorespiratory research. 2020, Special Issue 1, pp.85
http://dx.doi.org/10.26739/2181-0974-2020-SI-1-32
Koronavirus oʼtkir virusli kasallik boʼlib nafas olish tizimi va
oshqozon-ichak traktini zararlashi bilan xarakterlanadi. Koronavirus
kelib chiqishi boʼyicha zooantropanoz infektsiya hisoblanadi.Yangi
koronavirus infektsiyasi kasal odamdan sogʼlom odamga yaqin aloqa
orqali yaʼni sizning yaqiningizda aksirganda yoki yoʼtalganda yuqadi.
Bemorning ogʼzi va burnidan viruslar shilimshiq tomchilari tegib
turgan yuzalarga tushganda yuqishi mumkin. 60 yoshdan oshgan
katta yoshdagi odamlar alohida xavf ostida, chunki bu yoshdagi
odamlarning immunitet tizimidagi oʼzgarishlar tufayli keksalarda
asoratlar,
shu
jumladan
virusli
pnevmoniya,
oʼpka-yurak
yotishmovchiligi kabi xavfli kasalliklar ham boʼlishi mumkin. Bu
asoratlar eng koʼngilsiz natijalarga olib kelishi mumkin. Bu sizning
salomatligingizni saqlab qolish uchun muhim ahamiyatga ega
ekanligini unutmang.
Jamoat joylari yaʼni odamlar koʼp toʼplanadigan xududlarga
kamroq tashrif buyurishga harakat qiling. Jamoat transportlariga
chiqmaslikka harakat qiling. Doʼkonlar, xarid qilish markazlari va
banklarga iloji boricha kamroq tashrif buyurish kerakligini
unutmang. Аgar kommunal uchun toʼlovlarni toʼlash zarur boʼlib
qolsa yordam berish uchun yaqin qarindoshlaringiz yoki ijtimoiy
xizmat xodimlaridan yordam soʼrang, agar biror narsa sotib olish
kerak boʼlsa masofadan turib buyurtma berish kerakligini unutmang.
Аgar yaqinlaringiz chet eldan qaytgan boʼlsa va ularda
shamollash alomatlarini kuzatilsa, ular bilan aloqani cheklab, vrachga
murojaat qiling. Sizning dono maslahatingiz sizni va oilangizni
salomatligini saqlashga yordam beradi! Qoʼlingizni tez-tez sovun
bilan yuving, gigiena qoidalariga roiya qilish sizning sogʼligʼingiz
uchun juda muhim ekanligini unutmang.
Koʼchadan, jamoat
joylaridan, doʼkonlardan qaytgandan keyin qoʼllaringizni sovunlab
yuving, dukonlardan sotib olgan maxsulotlaringizni pishirishdan
oldin ularni yuving. Iflos qoʼllaringiz bilan yuzingizni, ogʼiz, burun
va koʼzlaringizni tegmang – virus bu yul bilan tanangizni ichiga kirib
olishi mumkin.
Bir martalik ishlatiladigan qogʼoz roʼmolchalarni ishlating.
Yoʼtal yoki aksirgan paytda ogʼiz va burunni ular bilan yoping va
foydalangandan sung darhol axlatga tashlang. Dezinfektsiya uchun
bir marta ishlatiladigan nam roʼmolchadan foydalaning. Ushbu nam
rumolchalarni jamoat joylarida, transportda yurganingizda sumkalar,
telefonlar, kitoblar va boshqa narsalarni tozalash uchun foydalaning.
Аgar kasal boʼlib qolsangiz yoki uzingizni yaxshi his etmasangiz
(faqatgina shamollab qolganda emas balki qon bosimingiz oshsa yoki
boshqa muammolar paydo boʼlsa ) poliklinikaga bormasdan, umumiy
amaliyot shifokorini uyingizga chaqiring yoki qoʼngʼiroq qiling.
Аgar shamollab qolsangiz, va yaqinlaringizdan birortasi soʼnggi
ikki hafta ichida chet eldan qaytgan boʼlsa, shu toʼgʼrisida albatta
umumiy amaliyot shifokoriga ayting. U koronavirus infektsiyasi
uchun test oʼtkazadi.
Oʼzingizni sogʼligingizni oʼzingiz asrang, koranavirusdan
saqlaning!
