110
“UCHINCHI RENESSANS:MUAMMO VA YECHIMLARI”
O‘ZBEKISTONLIK EKANLIGIMDAN FAXRLANAMAN!
Oqmamatova Shaxribonu Zafarjonovna,
O‘zDJTU Ingliz tili 2-fakulteti
2103-guruhi talabasi
Qo‘limda qalam, qarshimda oppoq qog‘oz…
“Moziyga qaytib ish ko‘rish xayrlidir” [4;3]. Ha, tariximizga nazar tashlasak,
qancha olimlarimiz-u shoirlarimiz, sarkardalarimiz – ota-bobolarimiz O‘zbekiston
deb atalmish uyning poydevorini mustahkam qilganligini yurakdan his qilamiz.
Buyuk ajdodlarimiz vatan deb atalmish qo‘rg‘onning baquvvat bo‘lishi uchun,
milliy qadriyatlarining qadrlanishi uchun, or-nomusi, sha’nining toptalmasligi
uchun jon-jahdi bilan bilan kurashgan. Mashhur hadisshunoslarimiz Imom al-
Buxoriy, At-Termiziy insoniyatni hadis ilmining sir-u sinoatidan boxabar qilgan…
Mudom qalbim der: “So‘z mulkin shohisan, sensan Navoiy, Aljabrni
yaratgan daho Xorazmiy, Globusni kashf etgan zukko Beruniy, Osmon sinoatin
bilgan Farg‘oniy Buyuklar vatani, mudom mangu qol”, “Iymonin asragan
Jaloliddinsan.Yovga tug‘ bermagan, buyuk Kubrosan. Sen momom To‘maris,
bobom Temursan. Shiroq jasorati, Bobur baytisan. Tarixi ming doston, yurtim,
mangu qol”.
Jadidchi allomalarimiz Cho‘lpon, Qodiriy, Fitrat, Usmon Nosirlar o‘z erki,
o‘z eli, o‘z yurti – o‘zligi uchun jon fido qilishgan, jaholatga qarshi ma’rifat bilan
kurashishgan. Bas, shunday ekan, ota-bobolarimiz bilan faxrlansak arziydi,
ularning ulkan ma’naviy va moddiy meroslarini qadrlab, e’zozlab, asrab
avaylashimiz lozim. Vatanni qadrlash, ardoqlashni esa yurt tuprog‘ini sog‘inch ila
ko‘zga surtgan bobolarimizdan o‘rganaylik. Shoirning ushbu misralaridan xulosa
chiqaraylik: “Vatan nadur – anglang ranj-u ozoridan, So‘rang uni Mirzo Bobur
111
“UCHINCHI RENESSANS:MUAMMO VA YECHIMLARI”
mozoridan… Yot ellarda qolib ketdi turbatlari, “Fig‘onkim” deb o‘tdi qancha
Furqatlari” [5;662].
Uyning poydevori mustahkam bo‘lsa, u baquvvat bo‘lganidek, biz – yoshlar,
mustahkam, ya’ni sog‘lom, qobil, odil, komil bo‘lsak, yurtimiz tinch bo‘ladi,
elimiz halovat topadi, kelajagimiz – ertamiz obod bo‘ladi: Insoniyat qadr topadi,
sir-sinoatga to‘la ona tabiat yanada g‘o‘zallashadi. Bugungi avlod ajdodlardan
meros bo‘lgan sir-sinoatga boy, tengsiz kuch-qudratga ega yodgorlik-u badiiy
durdonalar bilan faxrlanibgina qolmasdan, ularga munosib voris bo‘lish, ularning
izdoshi bo‘lishi shartdir.
1991-yil 31-avgust – o‘zbegim tarixi zarvaraqlariga zarhal yozuvlar bilan
bitilgan sana. O‘sha lahzalarda yurtimiz musaffo osmonida oppoq kabutar o‘zining
qanotlarida istiqlol shamollarini olib keldi va biz mustaqil bo‘ldik, ozod bo‘ldik.
Hur fikrli, keng tafakkurli yoshlarga yanada ko‘p imkoniyatlar eshigi ochildi.
2000-yilga “Sog‘lom avlod yili”, 2001-yilga “Ona va bolalar yili”, 2008-yilga
“Yoshlar yili”, 2014-yilga “Sog‘lom bola yili”, 2016-yilga “Sog‘lom ona va bola
yili”, 2021-yilga “Yoshlarni qo‘llab quvvatlash yili va aholi salomatligini
mustahkamlash yili” deb nom berildi. Yillar davomida O‘zbekiston dilbandlari
fan-texnika, ilm sirlarini o‘rganib, yurtimiz ravnaqi yo‘lida o‘zlarining iqtidorlarini
namoyon qildilar. Mustaqilligimiz asoschisi Birinchi Prezidentimiz Islom
Karimov: “Farzandlarimiz bizdan ko‘ra kuchli, bilimli, dono, aqlli va, albatta,
baxtli bo‘lishlari shart!” – deya ta’kidlaganlar, “Zamonaviy bilim va kasb-hunarga
ega bo‘lgan, yangicha, mustaqil fikrlaydigan, mamlakatimizning ertangi kuni
uchun mas’uliyatni o‘z zimmasiga olishga, o‘zini namoyish etishga qodir bo‘lgan
navqiron o‘g‘il-qizlarimiz, ko‘zlari yonib turgan bunday yoshlarimizni yana
qayerda – qaysi davlat, qaysi yurtda topish mumkin?” [1;2], – deya yuksak
ishonch bildirganlar. Bu umidni oqlash, ajdodlarimizga munosib avlod bo‘lish
burchimizdir.
112
“UCHINCHI RENESSANS:MUAMMO VA YECHIMLARI”
O‘tmish va ertangi kunimizni bog‘lovchi ko‘prik bo‘lmish bugunimiz
qanchalik yorug‘ bo‘lsa, kelajagimizdan ham umidimiz yanada katta bo‘ladi.
O‘zbek nomini butun dunyoga tanitmoq uchun shuncha imkonlar eshigi ochiq.
O‘sib kelayotgan avlod, ya’ni biz – yoshlar, izlanuvchan, intiluvchan, iqtidorli,
iste’dodli bo‘lsak, ertamiz yanada porloq bo‘ladi. Bugungi kunda muhtaram
Prezidentimiz Shavkat Mirziyoyev O‘zbekiston kelajagi uchun katta ishlarni
amalga oshirmoqdalar. 2017-2021-yillar oralig‘ida O‘zbekistonni yanada
rivojlantirish maqsadida “Harakatlar strategiyasi” tuzilgan bo‘lsa, 2022-2026-yillar
mobaynida “Inson qadri uchun” g‘oyasi ostida “Taraqqiyot strategiyasi” yaratildi.
Joriy yil 2022-yil “Inson qadrini ulug‘lash va faol mahalla yili” deb bejiz
nomlanmadi. Chunki insoniyat qadr topgan vatan mudom ulug‘lanadi, asrab
avaylanadi. Prezidentimiz ta’kidlaganidek, “Biz yangi O‘zbekiston strategiyasini
ishlab chiqdik va uni butun xalqimiz bilan birgalikda amalga oshiramiz” [2;1].
Biz – yoshlar, qo‘lida nurli kelajak ekan, karvonimizning yetuk sarboni –
prezidentimizning bizga keng yo‘l ochib bergan imkoniyatlari, yurtboshimizning
bizga bo‘lgan ishonchlarini oqlash, ularga izdosh bo‘lish bizning burchimizdir. Bir
yoqadan bosh chiqarib, cho‘qqilarni zabt etib, sabr-u qanoat ila ezgulik tomon
harakat qilish, yurtga sadoqatli farzand bo‘lib yetishish, komillikka erishish
barchamizning vazifamizdir. O‘zbegim, senga munosib farzand bo‘lish ham
sharafdir, ham qarzimdir.
Yuqorida ta’kidlanganidek, yoshlar ma’naviyatini oshirish uchun bir necha
kitobxonlik tanlovlari, chet tillarini o‘rganish bo‘yicha bir qancha loyihalar,
yoshlarni qo‘llab-quvvatlash maqsadida xalqaro imtihonlarni kompensatsiya qilish
Yoshlar ishlari agentligi tomonidan yo‘lga qo‘yildi. Bugungacha 808 nafar
yoshlarga imtihon xarajatlari kompensatsiya qilib berilgan. Bu yildan boshlab
mana shunday imtihonlarning soni 13 taga yetishi rejalashtirilgan. Vatanimiz sport
sohasida jahon chempionatining yetakchi o‘rinlarini egallab kelmoqda, jumladan,
113
“UCHINCHI RENESSANS:MUAMMO VA YECHIMLARI”
boks sportida
Bahodir Jalolov, Shahram G‘iyosovlar bir necha oltin medallarni
qo‘lga kiritdi. 26-30-dekabr kunlari Varshavada (Polsha) bo‘lgan shaxmatning
rapid yo‘nalishi bo‘yicha FIDE jahon chempionatida Nodirbek Abdusattorov jahon
chempioni bo‘ldi. Dasturlash jabhasida yurtimiz yoshlari katta muvaffaqiyatlarga
erishishmoqda. Ammo guruch kurmaksiz bo‘lmaganidek, yoshlar orasida
dunyoqarashi tor, vaqtini bekorga sarflaydigan, nafaqat o‘ziga, balki butun bir
jamiyatga zarar keltirayotgan yoshlar ham yo‘q emas. Yaratilgan internet
imkoniyatlardan oqilona foydalanmay, o‘zi, oilasi, yaqinlari – butun bir millat
nomiga dog‘ tushirayotgan insonlardan to‘g‘ri xulosa chiqarishimiz lozim. Marifat
urug‘i ko‘proq ekilsa, barcha yoshlar “Zakovat”ga jalb qilinsa, ular shart-
sharoitlarni to‘g‘ri anglashsa, maqsadga muvofiq bo‘ladi.
Qayta-qayta baralla aytsak arziydi! Yurtimiz – buyuklar vatani. Ne-ne
daholar bunda kamol topib, o‘z iqtidorini namoyon qilgan, o‘zbek nomini butun
dunyoga tanitgan hamda bizga buyuk meros – moddiy va ma’naviy boylik
qoldirgan. Rosti, biz mudom ular bilan faxrlanamiz, g‘ururlanamiz. Biz, avlodlar,
ajdodlar qoldirgan kuchli qudratga ega ulkan xazinaning sir-asrorini o‘rganishimiz,
ulardan ma’naviy madad olishimiz hamda uni kelajakka ham o‘z holicha
yetkazishimiz zarur. Ajdodlarning noyob, badiiy durdonalaridan ma’naviy kuch
olib, el koriga, vatan xizmatiga shay turishimiz kerak. Yurtimning tarixiga kirib
borayotgan har bir lahzada biz – Uchinchi renessans bunyodkorlari, o‘zimizning
ezgu ishlarimizni amalga oshirishimiz darkor, qomusiy olimlarimizdan ilm-u
ma’rifatni o‘rganib, har jabhada o‘z o‘rnimizga ega bo‘lmog‘imiz shart. Zamon
“kapalak umri” [6;1]dek o‘tar ekan, vaqt qadrini bilmoq kerak, undan oqilona
foydalanmoq zarur. Shuni bilki, O‘zbekiston yoshlari, olg‘a qadam tashla, har
soha-yu yo‘nalishda marralarga intil, cho‘qqini zabt et, “Hech kimdan kam
emassan, kam bo‘lmagaysan” [3;3], nurli kelajakka talpin, chunki sen o‘ziga bek
o‘zbek farzandisan.
114
“UCHINCHI RENESSANS:MUAMMO VA YECHIMLARI”
Yuragimda ungan gulim – qaddi-qadri baland yurtim, mudom mangu qol!
Adabiyotlar:
1.
2.
Mirziyoyev Sh.
3.
Mirzo Iqbol. Aytgil, do‘stim, nima qildik Vatan uchun?! . –Тошкент:
“O‘zbekiston”, 2014. – B.3.
4.
Qodiriy A. O‘tgan kunlar. –Тошкент: G‘afur G‘ulom nomidagi Adabiyot
va san’at nashriyoti, 1994. – B.3.(
5.
Saidov S.Vatan nadur // Adabiyot (majmua)). –Тошкент: Cho‘lpon
nomidagi nashriyot-matbaa ijodiy uyi, 2010. – B. 662.
6.