ARXITEKTURAVIY MAKONLARNING O‘ZARO TIPOLOGIK BOG‘LIQLIGI

Ushbu maqolada Qadimgi Xorazm hududidagi karvon yo‘llari va ular bilan uzviy bog‘liq arxitekturaviy obidalar — jumladan, karvonsaroylar, rabotlar, qal’alar va manzilgohlar o‘rtasidagi makonlashuv va tipologik bog‘liqliklar ilmiy tahlil qilingan. Asar doirasida mazkur obidalarning hududiy joylashuv xususiyatlari, funksiyalari, me’moriy yechimlari hamda turli tarixiy davrlar ta’sirida yuz bergan arxitekturaviy o‘zgarishlari o‘rtasidagi o‘zaro aloqadorliklar ko‘rsatib berilgan. Arxeologik tadqiqotlar, yozma tarixiy manbalar va joylarda o‘tkazilgan ekspeditsiyalar natijalariga tayangan holda Quyi Amudaryo mintaqasidagi arxitekturaviy merosning tipologik tahlili amalga oshirilgan va ushbu infratuzilmaning Ipak yo‘li doirasidagi geomadaniy ahamiyati yoritib berilgan.