Aziz Toirov, Eleonora Tashkenbaуeva, Erkin Toirov
Tadqiqotning maqsadi. 2-tipdagi qandli diabet fonida oʼtkir miokard infarkti kasalligining ogʼirlashuvida buyraklar disfunktsiyasining ahamiyatini oʼrganish. Oʼtkir miokard infarkti bilan ogʼrigan 104 nafar bemor: 40,4% ayol va 59,6% erkak tekshiruvdan oʼtkazildi. 65,4% bemorda 2 tipdagi qandli diabet kasalligi aniqlandi. 2-tipdagi qandli diabet fonida miokard infarkti koʼpincha katta yoshdagi (60 yoshdan oshgan) ayollarda, qandli diabetning davomiyligi 5 yildan ortiq boʼlganida, kasallikning subkompensatsiyalangan yoki dekompensatsiyalangan kechishida nisbatan koʼproq rivojlanganligi aniqlandi. 2 tipdagi diabet fonida buyraklar faoliyatini buzilishi miokard infarktining rivojlantiruvchi va ogʼirlashtiruvchi xavf omillaridan boʼldi. Nefropatiya belgilari proteinuriya, silinduriya va glomerulyar filtratsiyaning 80 ml/min dan pasayishi miokard infarktining rivojlanishi uchun fon hisoblanadi. 2 tipdagi qandli diabet fonida rivojlangan miokard infarktida glomerulyar filtratsiyani 60 ml/min.dan pasayishi fatal natijalarga sabab boʼlishi aniqlandi.