Feruz To'raev, Muzaffar Maqsudov
Sog`liqni saqlashda, ayniqsa, YUIK ga shubha bo`lgan bemorlarda erta aniqlash va diagnostika, menejment, kardiologik va kardioxirurgik yordam tizimini takomillashtirish, uning samaradorligini oshirish muhim vazifasidir.
Yurak ishemik kasalligi (YUIK) diagnostikasi va davalashda texnologiyalar doimo takomillashtirilishiga qaramasdan butun dunyoda aholi o`rtasida vaqtidan oldin o`lim va nogironlikning asosiy sababi bo`lib qolmoqda.
Tibbiyot rivojlanishining zamonaviy bosqichida kasalliklarni erta va o`z vaqtida tashhislashda minimum qarshi ko`rsatma va nojo`ya ta`sirga ega bo`lgan tibbiy tasvirlash usullari muhim ahamiyatga ega, odam organizmi va uning a`zolari zararlanish darajasiga baho berishga, oxirgi oqibatga va davolash taktikasini aniqlashga yordam beradi. Yurak-qon tomir kasalliklarining erta va zamonaviy diagnostikasi, jumladan, YUIK nogironlik va o`lim foizini kamaytirishda, davolash taktikasini ishlab chiqishda va miokard revaskulyarizatsiyasi usullariga ko`rsatmalarni aniqlash uchun muhim ahamiyatga ega.
