Yangi koronavirusli infeksiya - SARS-COV-2: homiladorlik kechishiga ta’siri

Koronavirusli infeksiya - tez rivojlanib boruvchi va qisqa vaqt ichida ko’plab odamlarni zararlagan yangi kasallik bo’lib, koronaviruslarning shu kungacha fanga noma’lum bo’lgan SARS-CoV-2 turi tomonidan qo’zg’atiladi. Ilk bor 2019-yilda Xitoyda aniqlangan bo’lib, hozirga qadar butun dunyoda 5 mln.dan ortiq tasdiqlangan kasallanish holatlari kuzatilgan. Koronavirusli infeksiyaning homiladorlik kechishiga ta’siri haqida tor doiradagi ma’lumotlar mavjud, lekin boshqa yuqori patogen koronaviruslar chaqiruvchi kasalliklar haqidagi ma’lumotlar asosida yangi kasallikning homiladorlik kechishiga ta’siri haqida tasavvurga ega bo’lish mumkin.