MAPREDUCE METODOLOGIYASIDAN FOYDALANGAN HOLDA NOTO‘G‘RI YOZILGAN SO‘ZLARNI ANIQLASH

 O‘zbek tilidagi matnlarni tahlil qilishda, ayniqsa, yozma nutqdagi 
xatoliklarni aniqlash muhim masalalardan biridir. Xususan, noto‘g‘ri yozilgan 
so‘zlarni aniqlash va to‘g‘rilash matnni samarali ishlov berish uchun zarurdir. Shu 
bilan birga, katta hajmdagi matnni tahlil qilishda MapReduce metodini qo‘llash ushbu 
jarayonni tezlashtirish va samarali qilishda yordam beradi [1]. Ushbu tadqiqotda 
MapReduce modeli asosida noto‘g‘ri yozilgan so‘zlarni aniqlash metodologiyasi 
ishlab chiqilgan. Dastlab, matnni tozalash va so‘zlarni bo‘g‘inlarga ajratish orqali 
matnni oldindan tayyorlash amalga oshirilgan. So‘ngra, lemmatizatsiya jarayoni orqali 
so‘zlar asosiy shakllariga keltirilgan va noto‘g‘ri yozilgan so‘zlar lug‘at bilan 
solishtirilgan [4][5]. Bu yondashuv MapReducening Parallel hisoblash xususiyatidan 
foydalanadi [1][9]. MapReduce metodologiyasi katta hajmdagi matnlarni tahlil 
qilishda samarali qo‘llanilishi mumkin. Bo‘g‘inlarga ajratish va lemmatizatsiya 
jarayonlari noto‘g‘ri yozilgan so‘zlarni aniqlash va ularni to‘g‘rilashda muhim rol 
o‘ynaydi [4][7]. Ushbu yondashuv yanada mukammal natijalar olish uchun 
rivojlantirilishi kerak.