MODERN EDUCATION AND DEVELOPMENT
Выпуск журнала №-20
Часть–2_ Февраль –2025
217
VATAN
Odilova Muslima Mo’minjon qizi
Vatan o‘zi nima?
U haqida qancha gapirsak, go‘yo so‘zlar kamdek, jumlalar ozdek. Vatan
tug‘ilib o‘sgan go‘sha, ota bobolarimiz xoki yotgan tuproq va biz ham vaqti kelib
bag‘rimizni berishimiz kerak bo‘lgan zamindir. Vatan biz o‘zimizga va ko‘zimizga
yaqin uyimiz, mahallamiz, o‘zimizning o‘ziga bek bo‘lgan---o‘zbek qora qosh, qora
ko‘z, mehmondo‘st, xalqimizdir.Ona yurtimizning har bir qarich yeri, maktabimiz,
uyimiz hovlisi, qishlog‘imizning ko‘chalari, shahrimizning qadimiy ziyoratgohlari-
yu, osmono‘par binolari ham Vatandir...Vatan ajdodlarimizdan avlodlarga ya'ni bizga
qoldirilgan eng muqaddas, aziz merosdir. Vatanimizni taraqqiyoti va farovonligi
uchun hissa qo‘shish bizning asosiy va muhim vazifamizdir. Ajdodlarimiz yurt
tinchligi va ozodligi uchun o‘z jonidan ham voz kechgan bir paytda bizga ishonib
topshirilgan - Ona zaminimiz yanada go‘zal, ozod, obod, rivojlanishi va taraqqiy
etishi uchun nega harakat qilmasligimiz kerak?!
Onasi bor insonni hech ko‘rganmisiz? U hayotning har qanday sinovlariga
bardosh bera oladi. Chunki u onasidan kuch oladi, mehr oladi. Vatan ham Ona
kabidir.Vatani bor inson ham har qanday qiyinchilikka chiday oladi, sinovlarga
bardosh bera oladi. Bekorga aytmaymiz:Ona Vatan deb!Ona Vatanimiz, duog‘oy
xalqimiz bor ekan, hali yurtimiz har jabhada rivojlanishi uchun, kasbimiz,
mehnatimiz orqali katta hissa qo‘shamiz!
Ayni kunlarda-uchinchi renessans yoshlari-jadal rivojlanib borayotgan davrda
ko‘plab sohalarda o‘z iste'dodi va iqtidorini ko‘rsatmoqda. Bunga sabablardan biri
Yangi O‘zbekiston birinchi navbatda yoshlarga, ularning ta'limiga e'tibor
qaratmoqda. Bulardan biri sifatida SAT imtihonidan maksimal bal - 1600 bal
to‘plagan buxorolik hamyurtimiz Parviz Tuxsanovdir. Joriy yilning 14-fevralida
Shavkat Mirziyoyev bilan yoshlar o‘rtasida bo‘lib o‘tgan uchrashuvda Prezidentimiz
shaxsan Parvizni bu muvaffaqiyat bilan tabrikladi:
MODERN EDUCATION AND DEVELOPMENT
Выпуск журнала №-20
Часть–2_ Февраль –2025
218
- Ota-onangga, murabbiylaringga rahmat. Qanday baxtli onasiz, farzandni
shunday voyaga yetkazganingiz uchun sizdan minnatdorman. Buxoroni Buxoroi
sharif deyishadi. Shariflikka munosib farzand katta qilibsiz.Men sizdan juda
minnatdorman.
Prezidentimizning shaxsan mana shunday tabriklashlari, ota-onalarga bunday
minnatdorchilik bildirishlari har bir yoshni yanada olg‘a intilishga, harakatdan
to‘xtamaslikka, ota-onamizga esa yurtga munosib farzand tarbiyalash uchun
motivatsiya bo‘ldi desak, hech mubolag‘a bo‘lmaydi. Prezidentimiz faqatgina
ta'limga emas, balki sportga ham katta e'tibor qaratdilar. Davlatimiz tomonidan
ommaviy sportni yanada yuksaltirish, professional sportni rivojlantirish va yangi
sport turlarini ommalashtirish maqsadida qator chora tadbirlar amalga oshirilmoqda.
Shu qatorda Diyora Keldiyorova va Asila Mirzayorovani aytib o‘tmasak bo‘lmaydi.
Diyora Keldiyorova 2024-yil Parijda bo‘lib o‘tgan yozgi olimpiya o‘yinlarida oltin
medalni qo‘lga kiritib, O‘zbekiston tarixida ilk bor dzyudo kurashi bo‘yicha Olimpiya
chempioniga aylandi. Asila Mirzayorova 2024-yil Parij Paraalimpiya o‘yinlarida
uzunlikka sakrash bo‘yicha 5.24 metr natija bilan, oltin medalni qo‘lga kiritib, yangi
Paraalimpiya rekordini o‘rnatdi. Diyora ijtimoiy himoya milliy agentligida gender
tengsizligi va bolalarga nisbatan zo‘ravonlikka qarshi kurashish bo‘yicha maxsus
vakil etib tayinlandi. Asila Mirzayorova esa ijtimoiy himoya milliy agentligida
nogironligi bo‘lgan shaxslar huquqlarini himoya qilish bo‘yicha maxsus vakil
lavozimiga tayinlandi. Bu insonlar nafaqat sportga balki, ijtimoiy masalalarga ham
e'tibor qaratib, yurt ravnaqi yo‘lida katta hissa qo‘shyaptilar. Sportchilarimizning
bunday muvaffaqiyati muhtaram Prezidentimizning sportga bo‘lgan e'tiborining
mevasidir.Yurtboshimiz nafaqat ta'lim, sport, san'at balki, insoniyat, O‘zbekiston
rivojlanishi mumkin bo‘lgan har qanday sohaga yaxshigina e'tibor qaratyaptilar.
Prezidentimizning, xalqimizning bergan ishonchlarini oqlashga, shu
jumladan men bo‘lajak shifokor sifatida xalqimga, yurtimga sidqidildan xizmat
qilishga, uning tuprog‘ini muqaddas bilib, har qanday holatda ham uni asrashga va'da
beraman!
