13
АБДОМИНАЛ СИЛНИНГ КЛИНИК КЕЧИШИ ВА ДИАГНОСТИКАСИДАГИ
МУАММОЛАР
Обилов А.У. Тошев Б.А.
Қашқадарё вилоят фтизиатрия ва пульмонология маркази, Карши, Узбекистон
Республикаси
Долзарблиги.
Абдоминал сил-қорин бўшлиғидаги аъзоларнинг сил билан зарарланиши
бўлиб, ўзининг ҳар хил симптомлар билан кечиши туфайли диагностика қилишда бир қанча
қийинчиликларга сабаб бўлади.
Ишнинг мақсади:
Абдоминал сил билан беморларда касалликнинг кечишини ва эрта
босқичдаги белгиларини ўрганиш.
Материал ва услублар:
Қашқадарё вилоят фтизиатрия ва пульмонология марказида 2019
йил давомида “Абдоминал сил” диагнози билан бирламчи аниқланиб даволаниб чиққан 7
бемор ўрганилди.
Натижалар:
Беморларнинг ёши 24 ёшдан 67 ёшгача бўлиб 3 та аёл(42.8%) ва 4 та
эркак(57,2%)ларни ташкил қилади. Абдоминал сил 3 та беморда патологик материал Gene
xpert текширувида, 2 та бемор гистологик текширув билан, 2 бемор клинико-рентгенологик
ва диаскинтест текшируви билан тасдиқланган.
Беморларнинг барчаси касалликнинг бошланғич белгиларидан қорин соҳасида ҳар хил
оғриқлар билан шифокорларга учрашишган. Бир бемор 20 йил олдин ўпкасида сил туфайли
операция ўтказган бўлса ҳам дастлаб хусусий шифохоналар сўнг онкология марказларига
мурожаат қилган. Ҳам ўпкасида ҳам қорин бўшлиғида сил касаллиги икки (28,5%) беморда
кузатилди. Бир беморда “ўткир қорин” симптоми кузатилиб шошилинч жаррохлик
муолажаси орқали тарқалган йирингли перитонит ташхиси ва гистологик текширувдан
кейин сил касаллиги тасдиқланган. Бир беморда касалликнинг дастлабки белгиси 4 йил
олдин чов соҳасида шиш лимфаденит билан бошланган, бемор шифокорлар тавсиясига кўра
баъзи антибиотикларни қабул қилган. Шиш аста секин катталашиб борган ва қорин соҳасида
ҳам оғриқ ва катталашиш кузатилган. Бемор 2019 йил бошида Тошкент шахрига бориб чов
соҳасидан лимфа тугунини операция қилдириб сил касаллиги тасдиқланган, марказга келган
пайтда чов соҳасида йирингдан Gene xpert да текширилганда ОМБ аниқланиб рифампицинга
сезгирлик тасдиқланган. Иккита (28,5%) беморда қорин дам бўлиб ғулдураши, ахлатининг
суюқ келиши, кўнгил айниши,озиш, иштаҳасизлик белгилари билан кечган, ушбу
симптомлар билан умумий даволаш тармоғи шифокорларида самарасиз даволаниб юришига
сабабчи бўлган. Бир беморда қорин пастки соҳасидаги оғриқлар УТТ текширув
ўтказилганда тухумдонда киста аниқланиб сабабини тухумдон кистасига боғлашган,
жаррохлик муолажаси қилингандан кейин сил касаллиги ҳам аниқланган, лекин бемор
фтизиатрия шифохонасида даволанишдан бош тортган орадан бир йил ўтиб яна клиник
белгилар кузатилган ва бемор текшириш ва даволаниш учун қайта мурожаат қилган.
Хулоса:
Абдоминал сил ҳар доим ҳам ўпка сили билан бирга кечмаслиги мумкин, унинг
дастлабки белгилари турли беморларда ҳар хил симптомлар кўринишида кечади. Сил
микобактерияси қорин бўшлиғи аъзоларини ҳам зарарланиши амалиётда доим учраб
туриши жаррохлар, умумий даволаш тармоғи шифокорларини фтизиоэҳтиёткорликни
сусайтирмасликка чақиради.
Адабиётлар рўйхати
1.
Даминов, Т. О., Шоира Абдусаламовна Агзамова, and А. Д. Джагарян. "Генодиагностика
в выявлении возбудителей TORCH-комплекса у новорожденных и детей раннего
возраста." Детские инфекции 8.2 (2009): 64-66.
2.
Ахмедова, Ф. М., and Ш. А. Агзамова. "Оценка параметров систолического и
диастолического
артериального
давления
у
детей
младшего
школьного
возраста." АРТЕРИАЛЬНАЯ ГИПЕРТОНИЯ: ОТ ТЕОРИИ К ПРАКТИКЕ. 2015.