СБОРНИК ТЕЗИСОВ
5
ЭРТА ЁШДАГИ БОЛАЛАРДА ЎТКИР ИЧАК ИНФЕКЦИЯЛАРИНИНГ ТУҒРУҚ
ТУРИГА БОҒЛИҚ КЕЧИШ ХУСУСИЯТЛАРИ
Вафокулов С.Х., Рустамова Ш.А.
Самарканд Давлат тиббиёт университети, Ўзбекистон
Сўнгги йилларда ЖССТ маълумотларига кўра, дунёнинг ривожланаётган мамлакатларида
кесар кесиш операцияси частотасининг кескин ўсиши кузатилмокда. Бу кўрсаткич
ривожланаётган давлатларда 30 дан 70% гача ташкил этади. 2018-2020 йилларда Самарканд
вилояти туманларида кесар кесиш операциясининг туман ва шаҳарлар кесимида таҳлил этилганда
кесар кесиш операциясининг 20 дан 100% гача ўсганлигини кўрсатди. Адабиётларда табиий
туғилишдан фарқли ўлароқ, кесар кесиш операцияси билан туғилган болаларнинг касалланишига
турли омилларнинг таъсири ҳакида етарли маълумотлар мавжуд бўлса-да, кесар кесиш
операцияси билан ту-илган болаларда эрта болалик даврида юкумли касалликларнинг кечиш
хусусиятлари ёритиб берилмаган. Физиологик туғрукда боланинг туғрук жараёнида она
микрофлораси билан ифлосланиши ичак микробиоценози шаклланишига ижобий таъсир
кўрсатади. Кесар кесиш операцияси вақтида ҳомиланинг онанинг туғрук йўллари билан алокаси
бўлмаслиги натижасида шартли патоген микроорганизмлар томонидан ичак колонизацияси
шаклланиши натижасида янги туғилган бола ичакларида лактобактериялар ва бифидофлора
колонизацияси имкониятининг чекланишига олиб келади. Иссиқ иқлим шароитида ушбу омиллар
эрта ёшдаги болаларда ўткир ичак инфекцияларининг ривожланишида муҳим рол ўйнайди.
Тадқиқот мақсади: табиий туғилишдан фарқли ўлароқ, кесар кесиш операцияси билан туғилган
болаларда ўткир ичак инфекциялари кечиш хусусиятларини киёсий ўрганиш.
Материал ва усуллар: тадқиқот материали сифатида 2020 йилда Самарканд вилоят юкумли
касалликлар клиник шифохонасида “ЎИИ” ташхиси билан даволанилган 50 нафар беморнинг
касаллик тарихи олинди.
Муҳокама: Маълумотлар ишончли чикиши учун кузатувдаги бир ёшгача бўлган болалар тенг
микдорда 25 та дан таксимланиб, икки гуруҳга бўлинган. Беморлар 2 гуруҳга бўлиб ўрганилди.
Асосий гуруҳни кесар кесиш операцияси, назорат гуруҳини эса физиологик йўл билан туғилган
болалар ташкил этди. Тадкикот давомида кесар кесиш йўли билан туғилган эрта ёшдаги болаларда
физиологик йўл билан туғилган болаларга нисбатан ЎИИ 2-3 баравар кўп учраши аникланилди.
Кесар кесиш операцияси билан туғилган болалар, эрта болалик даврида назорат гуруҳидан фаркли
ўларок, ўткир респираторли инфекциялардан ҳам азият чекишган. Анамнездан маълум бўлишича,
кесар кесиш операцияси билан туғилган болаларнинг 47,9% изи, назорат гуруҳидаги
беморларнинг 44,2% изи аралаш турдаги овкатланишда бўлган. Беморларнинг касаллик
оғирлигига караб таксимланиши (асосий ва назорат): енгил шакли (мос равишда 24,3%- 35,6%),
ўрта оғир шакли (мос равишда 45,6% - 48,9%) ва оғир шакли мос равишда (30,1%-15,5%) да кайд
этилган. Асосий гуруҳдаги болаларнинг 65,6% сувсизланиш кузатилган: 45,6% ҳолларда I
даражали изотоник эксикоз токсикоз, 32,1% беморларда II даражали, сув етишмовчилиги эксикоз
токсикоз, 22,3% беморларда III даражали, яъни туз етишмовчилиги эксикоз токсикоз
ривожланган. Назорат гуруҳидаги болаларнинг 51,7% турли даражадаги сувсизланиш кузатилди:
60,6% ҳолларда I даражали изотоник турдаги экзикоз токсикоз, 25,3% II даражали сув
етишмовчилиги билан кечадиган эксикоз токсикоз, беморларнинг 14,1%изида III даражали туз
етишмовчилиги билан кечадиган эксикоз токсикоз ривожланган.Периферик кондаги ўзгаришлар
80,3% ҳолларда, асосий гуруҳ болаларида гемоглобин (Нв) даражасининг пасайиши билан
тавсифланган.
Хулоса: Кесар кесиш операцияси билан туғилган болаларда ЎИИ асосан эрта болалик даврида
кузатилади. Кесар кесиш операцияси билан туғилган болаларда физиологик йўл билан туғилган
болалардан фаркли равишда ЎИИ билан бирга ЎРИ ҳам бирга кечиши кайд этилади.
Адабиётлар рўйхати:
1.
Шаджалилова, М. С. "Проблема кишечных инфекций, обусловленных Clostridium difficile у
детей и вопросы терапии." Врач-аспирант 54.5.3 (2012): 483-488.
2.
Осипова, Е., И. Касымов, and М. Шаджалилова. "Частота аллергических заболеваний и пути
их коррекции при гименолепидозе." Современные аспекты инфекционных заболеваний 1.1
(2023): 37-38.
3.
Ульмасова, С. И., И. А. Касымов, and Ш. Ш. Шомансурова. "ОБРАЩАЕМОСТЬ ЗА
АНТИРАБИЧЕСКОЙ ПОМОЩЬЮ В ЗАВИСИМОСТИ ОТ ИСТОЧНИКА ИНФЕКЦИИ В
РЕСПУБЛИКЕ УЗБЕКИСТАН." Актуальные вопросы современной медицины. 2017.
