Г Юсупалиева, Ф Иноятова
Ушбу изланиш сурункали вирусли гепатитга чалинган 3 ёшдан 18 ёшгача бўлган 270 нафар болаларнинг комплекс клиник, лаборатор ва инструментал текширувлари натижаларига асосланади. СВГ клиник белгилари қуйидаги синдромлар сифатида кўрсатилди: астеновегетатив, диспептик, цитолитик, геморрагик, холестатик. Барча клиник синдромларнинг яққол ривожланганлик даражаси ва частотаси СВГ активлигининг кўтарилиб бориши сари ошиб бориб, касалликнинг этиологиясига боғлиқ бўлмади. Шунга боғлиқ ҳолда клиник – биохимик текширув натижаларининг таҳлили жигардаги патологик жараён активлиги бўйича кўрсатилган. Ўрганилган ҳар бир эхография усули болаларда СВГ диагностикасини аниқлаштиришда маълум ўринга эга. Биз томондан ўрганилган эхографик диагностиканинг юқори информатив усулларини соғлиқни сақлашнинг турли бўғинларида янада кенгроқ тадбиқ қилиш тавсия этилади. Шу мақсадда, педиатрия амалиётида ултратовушли гепатографлар комплекс технологияларини босқичма – босқич қўллаш дастури тавсия этилмоқда.
