Тожикистон Республикаси томонидан ҳам мамлакатда хуфиёна иқтисодиётга қарши кураш юзасидан бир неча сиёсий ва меъёрий ҳуқуқий ҳужжатлар ҳамда чора – тадбирлар белгиланган. Жумладан, 1995 йил 4 ноябрда Тожикистон Республикасининг “Валютани тартибга солиш ва валюта назорати тўғрисида”ги, 1996 йил 13 декабрда “Маҳсулот ва хизматларни сертификатлаш тўғрисида”ги, 1997 йил 15 майда “Этил спирти ишлаб чиқариш, айлантириш ва алкогол маҳсулотлари устидан Давлат назоратини ўрнатиш тўғрисида”ги, 1999 йил 3 сентябрда “Ташқи савдо фаолияти устидан давлат назорати тўғрисида”ги, 2002 йил 10 майда “Тожикистон Республикаси фуқароларининг пул маблағларини легализация қилиш муносабати билан амнистия эълон қилиш тўғрисида”ги, 2004 йил 15 июлда “Одам савдосига қарши кураш тўғрисида”ги,
2005 йил 25 июлда “Коррупцияга қарши кураш тўғрисида”ги, 2007 йил 5 мартда “Товар ва хизмат белгилари тўғрисида”ги, 2007 йил 30 июлда “Инсон таналари ёки терисини трансплантация қилиш тўғрисида”ги, 2008 йил 20 мартда “Тожикистон Республикасида Давлат молиявий назорати ва коррупцияга қарши кураш Агентлиги тўғрисида”ги, 2009 йил 19 майда “Юридик ва жисмоний шахсларни давлат рўйхатидан ўтказиш тўғрисида”ги, 2010 йил 25 февралда “Тожикистон Республикаси фуқаролари ва юридик шахсларининг пул маблағларини легализация қилиш билан боғлиқ амнистия эълон қилиш
тўғрисида”ги, 2011 йил 25 мартда “Жиноий фаолиятдан олинган даромадларни легаллаштириш ва терроризмни молиялаштиришга қарши кураш тўғрисида”ги, 2011 йил 28 июнда “Кредит ташкилотларини тақиқлаш (ликвидация) тўғрисида”ги Қонунлари қабул қилинди.
