Toshkent davlat iqtisodiyot universiteti

TDIU huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida “inScience” kompaniyasi bilan hamkorlikda 2023-yil 5-aprel kuni “Moliya bozorini rivojlantirishning ustuvor yo‘nalishlari, zamonaviy tendensiyalari va istiqbollari” mavzusida II respublika ilmiy-amaliy konferensiyasi o‘tkazilishi rejalashtirilgan.

Konferensiyada muhokama qilinadigan mavzular yo‘nalishlari:

1-seksiya. Yangi O‘zbekiston taraqqiyot strategiyasi doirasida moliya bozorining dolzarb muammolari va uni tartibga solishning metodologik asoslari.

2-seksiya. Moliya-bank tizimini takomillashtirish orqali milliy iqtisodiyotni barqaror rivojlantirish imkoniyatlari.

3-seksiya. Aholining moliyaviy savodxonligini oshirish – aholi turmush darajasini oshirish va hududlarni iqtisodiy rivojlantirish omili.

4-seksiya. Moliyaviy texnologiyalar sohalari moliya bozorining kelajak lokomotivi sifatida.

5-seksiya. Islom moliyasi, xulq-atvor moliyasi va moliya bozoriga oid boshqa yangi yondashuvlar.

Mazkur konferensiyada ishtirok etishni xohlagan professor-o‘qituvchilar, yosh olimlar, tadqiqotchilar va iqtidorli talabalar 2023-yil 25-mart sanasiga qadar ilmiy maqola va tezislarni yo‘nalishlar bo‘yicha o‘zbek, rus va ingliz tillarida taqdim etishlari mumkin.

Ilmiy-amaliy konferensiya ishida yetakchi xorijiy oliy ta’lim muassasalari, respublikamiz OTM va ilmiy tadqiqot muassasalarining professor-o‘qituvchilari, mutaxassislari, ilmiy xodimlari, izlanuvchilari hamda iqtidorli talabalari qatnashishlari mumkin.

Konferensiya to‘plamiga kiritilgan va nashr qilingan har bir tezis Google Scholar bazasida indekslanadi.

“Иқтисодиётни рақамлаштириш шароитида қулай ишбилармонлик муҳитини ривожлантириш йўналишлари” – республиканская научная конференция (Тошкент, 5 октябрь 2022 года) ‒ Тошкент: in Science, 2022 й.

O‘zbekiston Respublikasi Prezidentining 2018-yil 21-sentyabrdagi “2019–2021-yillarda O‘zbekiston Respublikasini innovatsion rivojlantirish strategiyasini tasdiqlash to‘g‘risida”gi PF-5544-son Farmonida ilm-fan va texnika yutuqlarini keng qo‘llagan holda iqtisodiyot tarmoqlariga, ijtimoiy va boshqa sohalarga zamonaviy innovatsion texnologiyalarni tezkor joriy etish O‘zbekiston Respublikasi jadal rivojlanishining muhim sharti hisoblanishini ta’kidlab o‘tilgan.

Shuningdek, jamiyat va davlat hayotining barcha sohalari shiddat bilan rivojlanayotgani islohotlarni mamlakatimizning jahon sivilizatsiyasi yetakchilari qatoriga kirish yo‘lida tez va sifatli ilgarilashini ta’minlaydigan zamonaviy innovatsion g‘oyalar, ishlanmalar va texnologiyalarga asoslangan holda amalga oshirishni taqozo etadi.

Shu bilan birga, o‘tkazilgan tahlil ishlab chiqarishni modernizatsiya, diversifikatsiya qilish, uning hajmini oshirish hamda ichki va tashqi bozorlarda raqobatbardosh mahsulotlar turlarini kengaytirish borasidagi ishlar lozim darajada olib borilmayotganini ko‘rsatdi.

Ushbu to‘plamda fan va texnologiyalar taraqqiyotining o‘zaro muvofiqlashtirish, innovatsion faoliyatni moliyalashtirishni yaxshilash, fan bilan ishlab chiqarish o‘rtasidagi aloqalarni kengaytirish, mamlakat iqtisodiyotini rivojlantirishning ilmiy-innovatsion yo‘nalishlarining dolzarb masalalari har tomonlama yoritilgan.

“Фан ва илмий салоҳият:  жамиятнинг барқарор инновацион ривожланишининг асоси” мавзусидаги Республика илмий анжуманининг  материаллари 14 май 2022 й., Тошкент

Konferensiya to‘plamida qishloq xo‘jaligini rivojlantirish va oziq-ovqat xavfsizligini ta’minlash, shuningdek, “Qishloq xo‘jaligi-4.0” va “Aqlli qishloq xo‘jaligi” konsepsiyalari asosida qishloq xo‘jaligida raqamli texnologiyalarni barqaror rivojlantirishning ustuvor yo‘nalishlari bo‘yicha ilmiy jamoatchilik materiallari va fikrlari o‘rin olgan.

To‘plamga oliy o‘quv yurtlarida iqtisodiy muammolar bo‘yicha ilmiy izlanishlar olib borayotgan professor-o‘qituvchilar, doktorantlar, tadqiqotchilar, vazirlik, qo‘mita va turli mulkchilik shaklidagi korxona va tashkilotlarning yetakchi mutaxassislari, magistrlar va iqtidorli talabalarning ilmiy izlanishlari natijalari kiritilgan.

To‘plamda keltirilgan materiallarning mazmuni, undagi statistik maʼlumotlar va keltirilgan huquqiy-meʼyoriy xujjatlarning haqqoniyligi, tanqidiy fikr-mulohazalar va takliflarga mualliflarning o‘zlari masʼuldirlar.

Bugungi kunda O‘zbekistonning iqtisodiy taraqqiyotida mamlakatning xalqaro iqtisodiy munosabatlarda, jumladan, xalqaro savdodagi rolini oshirish muhim ahamiyat kasb etadi. Mamlakatda olib borilayotgan iqtisodiy islohotlar ham savdo rejimini liberallashtirish, investitsiya muhitini yana-da qulaylashtirish, normativ-huquqiy bazani jahon standartlari bilan moslashtirish hamda tashqi savdo bilan bog‘liq protseduralarning mexanizmlarini takomillashtirishga yo‘naltirilgan. Shu munosabat bilan 2021 yilning 6-oktyabr kunida Toshkent Davlat Iqtisodiyot Universitetining “Jahon iqtisodiyoti” kafedrasi tomonidan “Global transformatsiyalashuv sharoitida O‘zbekistonning xalqaro savdodagi mavqeini oshirish va jahon bozoriga integratsiyasini optimallashtirish masalalari” mavzusida

respublika ilmiy amaliy anjumani o‘tkazilmoqda.

Ilmiy anjumanning shoʻbalari quyidagilardan iborat:

1. Tarif va notarif metodlarning huquqiy va institutsional negizini yana-da takomillashtirish choralari.

2. Eksportni qo‘llab quvvatlash va xalqaro kompaniyalar bilan hamkorlikni rivojlantirish yo‘nalishlari.

3. O‘zbekistonning jahon bozori va global transport tarmoqlariga integratsiyalashuvini chuqurlashtirish

yo‘nalishlari.

4. Mamlakatimiz eksport salohiyatini rivojlantirish va samaradorligini oshirish usullarini baholash mexanizmlari. Mamlakatimiz tashqi savdo yo‘nalishlarini kengaytirish hamda yana-da rivojlantirishning dolzarb muammolari qatorida O‘zbekistonning jahon bozorida tutgan o‘rnini mustahkamlash, global tranformatsiyalashuv jarayonlarida o‘zbek modelining ustuvor jihatlarini asoslash dolzarb vazifalardan hisoblanadi.

Konferensiya mehmonlari:

• O‘zbekiston Respublikasi Oliy Majlisi Qonunchilik Palatasi deputati, i.f.d., professor N.X.Jumayev

• “O‘zbekiston Eksportchilari” uyushmasi Boshqaruv raisi M.M.Umarov

• DBQ Bojxona instituti “Bojxona tartibga solinishi  va bojxona to‘lovlari” kafedrasi boshlig‘i, i.f.N., dotsent,

b.X. podpolkovnigi A.A.Shadmankulov

• Jahon iqtisodiyoti va diplomatiya universiteti prorektori, i.f.d. L.O‘.Mingeshev

• Iqtisodiy tadqiqotlar va islohotlar markazi ilmiy xodimlari

• O‘zbekiston Respublikasi Investitsiyalar va tashqi savdo vazirligi xodimlari