КУЧЛИ ТАЪСИР ҚИЛУВЧИ ЁКИ ЗАҲАРЛИ МОДДАЛАРНИ ҚОНУНГА ХИЛОФ РАВИШДА МУОМАЛАГА КИРИТГАНЛИК УЧУН ЖАВОБГАРЛИКНИНГ АЙРИМ МАСАЛАЛАРИ

Бугунги кунда мамлакатимиз суд-ҳуқуқ тизимида амалга оширилаётган кенг қамровли ислоҳотларнинг асосий йўналишларидан бири бу жиноят қонунчилигини янада либераллаштириш ва такомиллаштириш ҳисобланади. Амалдаги жиноят қонунчилиги ва суд-тергов амалиётининг таҳлили, жиноят қонунида ўз ечимини кутаётган муаммолар мавжудлигини кўрсатмоқда. Улардан бири, кучли таъсир қилувчи ёки заҳарли моддаларни қонунга хилоф равишда муомалага киритганлик учун жиноий жавобгарлик белгиланган нормаларни амалда қўллашда юзага келаётган муаммолардир. Зеро, ушбу норманинг такомиллаштирилиши келгусида ушбу жиноятга қарши курашишнинг жиноят-ҳуқуқий чораларини такомиллаштиришга хизмат қилади.