CURRENT APPROACHES AND NEW RESEARCH IN
MODERN SCIENCES
International scientific-online conference
160
O‘TKIR KORONAR SINDROMLI BEMORLARDA EKG-TELEMETRIYA
TEXNOLOGIYASI YORDAMIDA MIOKARD INFARKTINING OLDINI
OLISH SAMARADORLIGI
Fattaxov N.X.
Abdulxakimov A.R.
Abduraxmonov A. SH.
Farg‘ona jamoat salomatligi tibbiyot instituti
Respublika tez tibbiy yordam markazi Farg‘ona viloyati filiali
https://doi.org/10.5281/zenodo.16352637
Yurak-qon tomir kasalliklari, ayniqsa o‘tkir koronar sindrom (O‘KS),
zamonaviy tibbiyotda o‘lim va ish qobiliyatini yo‘qotish holatlarining asosiy
omillaridan biri hisoblanadi. O‘KS, odatda, ST-segment ko‘tarilishi bilan
kechadigan miokard infarkti, xavfli aritmiyalar va yurak etishmovchiligining
tezkor rivojlanishi bilan xarakterlanadi. Jahon Sog‘liqni saqlash Tashkiloti (JSST)
ma’lumotlariga ko‘ra, 2023 yilda yurak-qon tomir kasalliklari tufayli dunyo
bo‘yicha 18 milliondan ortiq o‘lim holati qayd etilgan.
So‘nggi
yillarda
shoshilinch
tibbiy
xizmatga
EKG-telemetriya
texnologiyasining joriy etilishi orqali chaqiruv joyida real vaqtda tashxis qo‘yish,
masofaviy kardiolog maslahatini olish va bemorni ixtisoslashgan markazga
tezkor ravishda yo‘naltirish imkoni yaratildi. Ushbu innovasion yondashuvning
profilaktikadagi klinik samaradorligini aniqlash amaliyot nuqtai nazaridan
muhim ahamiyat kasb etadi.
Maqsad.
O‘tkir koronar sindrom tashxisi bilan shoshilinch tibbiy yordamga
murojaat qilgan bemorlarda EKG-telemetriya texnologiyasining erta tashxislash
va infarkt rivojlanishini bartaraf etishdagi klinik samaradorligini tahlil qilish.
Material va usullar.
Ushbu tahlil 2025 yil 1 yanvardan 13 fevralgacha
bo‘lgan davrda Farg‘ona viloyatida yurak og‘rig‘i bilan tez tibbiy yordamga
murojaat qilgan 17 nafar bemorni qamrab oldi. Barcha bemorlarga chaqiruv
vaqtida EKG suratga olinib, telemetriya orqali masofadan kardiolog maslahatiga
yuborildi. ST-segment ko‘tarilishi qayd etilgan bemorlarga ixtisoslashgan
markazda koronarografiya o‘tkazilib, stent qo‘yildi. Bemorlar yoshi, jinsi va xavf
omillari (gipertoniya, semizlik, chekuvchilik, diabet, nasliy moyillik) bo‘yicha
tahlil qilindi. Statistik tahlil SPSS 25.0 dasturi yordamida amalga oshirildi.
Natijalar
Barcha 17 (100%) bemorda ST-segment ko‘tarilishi qayd etilgan;
Barchasiga EKG-telemetriya orqali masofaviy tashxis qo‘yilib, kardiolog
maslahatiga asosan yo‘naltirilgan;
Hamma bemorga koronarografiya o‘tkazilib, stent qo‘yilgan;
CURRENT APPROACHES AND NEW RESEARCH IN
MODERN SCIENCES
International scientific-online conference
161
O‘rtacha shifoxonaga etkazish vaqti —
2,4 ± 1,1 soat
;
Miokard infarkti, o‘lim yoki nogironlik holatlari qayd etilmagan (0%).
Xavf omillari tahlili:
Gipertoniya
— 100% (17 bemor)
Semizlik
— 41.1% (7 bemor)
CHekuvchilik
— 41.1% (7 bemor)
Nasliy moyillik
— 23.5% (4 bemor)
Qandli diabet
— 11.8% (2 bemor)
YOsh bo‘yicha taqsimot:
60 yoshdan katta — 58.9% (10 bemor)
40–60 yosh — 41.1% (7 bemor)
40 yoshgacha — 0% (0 bemor)
Jins bo‘yicha taqsimot:
Erkaklar — 70.6% (12 bemor)
Ayollar — 29.4% (5 bemor)
Xulosa.
Farg‘ona viloyatida EKG-telemetriya texnologiyasi asosida amalga
oshirilgan masofaviy tashxislash tizimi o‘tkir koronar sindromli bemorlarda
miokard infarkti, o‘lim va nogironlik holatlarining oldini olishga xizmat qilgani
bilan yuqori samaradorlikni namoyon etdi. Bemorlarda bir nechta xavf
omillarining mavjudligiga qaramasdan, barcha holatlarda o‘z vaqtida tashxis va
davolash taktikalari qo‘llanilgan. Tez tibbiy yordam va ixtisoslashgan
kardiologiya markazlari o‘rtasidagi telemetriya hamkorligi klinik amaliyotda
hayotiy ahamiyatga ega mexanizm sifatida o‘zini oqladi.
Adabiyotlar:
1. Yuldashev O.Yu., Mirzakarimova G.Z. Ostre koronarnye sindromy i
sovremennye podxody k diagnostike i lecheniyu // Kardiologiya. – 2022. – Vol.
62. – No. 5. – P. 45–51.
2. Toirov S.S., Saidova M.U. Rol telemeditsiny v sisteme neotlojnoy medicinskoy
pomoshchi // Tibbiyotda innovatsiyalar. – 2023. – No. 3(17). – P. 21–26.
3. Karimov D.R., Rasulov A.K. Effektivnost primeneniya EKG-telemetrii u bolnyx
s infarktom miokarda // Meditsina va Amaliyot. – 2023. – No. 2(10). – P. 11–15.
4. WHO. Cardiovascular diseases (CVDs). Fact sheet. [Online] Available at:
https://www.who.int/news-room/fact-sheets/detail/cardiovascular-diseases-
(cvds) [Accessed: 10-Jul-2025].
5. Mirsaidov R.A., Usmanova L.K. Vliyanie rannei diagnostiki na isxod u bolnyx s
OMI // Rossijskij kardiologicheskij zhurnal. – 2021. – No. 4(136). – P. 34–39.
