S H A R Q M A S H ’ A L I
84
ПРЕЗИДЕНТ МУРОЖААТНОМАСИДА ЁШЛАРГА
ЗАМОНАВИЙ ТАЪЛИМ-ТАРБИЯ БЕРИШ ВА УЛАРНИ
КАМОЛ ТОПТИРИШНИНГ СТРАТЕГИК ВАЗИФАЛАРИ
НАЗИРОВ МУХТОР
Ўқитувчи,
ТДШИ
Аннотация.
Мазкур мақолада Ўзбекистон Республикаси Президентининг Олий Мажлисга
2018 йилдаги Мурожаатномасида илгари сурилган таклиф ва ташаббуслар, концептуал ғоялар
асосида ижтимоий ривожланишнинг ҳозирги давридаги устувор йўналишлари таҳлил қилинган.
2017–2021 йилларда Ўзбекистон Республикасини ривожлантиришнинг бешта устувор йўнали-
ши бўйича Ҳаракатлар стратегияси юртимиз аҳолисининг ҳаётий эхтиёжларини ва қонуний
манфаатларини таъминлаш ҳамда муносиб бўлган фаровон ҳаёт асосларини мустаҳкамлаш учун
стратегик заминларни такомиллаштиришга хизмат қилаётгани қайд этилади.
Шу муносабат билан мақолада Ўзбекистон Республикаси Президенти Шавкат Мирзиёев
томонидан Олий Мажлисга 2018 йил 28 декабрда тақдим этилган Мурожаатномада 2019 йилга
“Фаол инвестициялар ва ижтимоий ривожланиш йили” деб ном берилгани мамлакатимизда “Халқ
билан мулоқот ва инсон манфаатлари”, “Фаол тадбиркорлик, инновацион ғоялар ва технология-
ларни қўллаб-қувватлаш” йилларининг мантиқий давоми бўлгани таъкидланади. Бу эса, ислоҳотлар
стратегиясининг учинчи босқичида ижтимоий ривожланиш соҳаси давлат сиёсатининг устувор
йўналиши сифатида аҳамияти янада ортиб бораётганидан далолатдир. Муаллиф фикрича,
инвестициялар жалб этиш ҳисобига мамлакатимиз иқтисодий салоҳиятининг юксалаши ўз-ўзидан
ижтимоий соҳалар ривожланишига туртки беради.
Мақолада ижтимоий соҳани ривожлантириш масаласига асосий эътибор қаратилган. Муаллиф
томонидан “ижтимоий ривожланиш” тушунчасининг моҳияти очиб берилган. “Ижтимоий ри-
вожланиш” жамиятда янги ижтимоий муносабатлар, институтлар, меъёрлар ва қадриятлар
юзага келишига олиб келувчи ўзгаришлар деб қайд этилган. Шу жиҳатдан ижтимоий ривож-
ланишнинг ўзига хос белгилари, мезонлари кўрсатиб берилган.
Мақолада Президент Мурожаатномасида белгилаб берилган ижтимоий соҳани янада ривож-
лантиришнинг 2019 йилдаги асосий вазифаларига изоҳ берилган. Жумладан, илм-фан, замонавий
ва узлуксиз таълим тизимини янада такомиллаштириш, ёшларни давлат томонидан ижтимоий
қўллаб-қувватлашни янада кучайтириш, миллий ғояни ривожлантириш масалаларига доир
илгари сурилган ташаббуслар ва концептуал ғояларга шарҳ берилган.
Мақолада “инсон капиталига сармоя” тушунчаси кенг ёритилган. Мақолада қайд этилишича,
инсон капиталига ажратиладиган сармояларга соғлиқни сақлаш, умумий ва махсус таълим олишга
кетадиган харажатлар, иш билан таъминлаш, касбий тайёргарлик, болаларни вояга етказиш ва
бошқалар билан боғлиқ сарф-харажатлар киради. Бундай сармояларнинг самараси ҳар жабҳада
жамият тараққиётининг суръатларида акс этади.
Мақолада мамлакатимиз ижтимоий ривожланишида ёшларга замонавий таълим-тарбия
бериш ва уларни ижтимоий қўллаб-қувватлаш масаласи нақадар долзарб аҳамиятга эгалиги кўр-
сатиб берилган. Мамлакатимизда таълим-тарбия соҳасининг бевосита инсон камолотига янада
хизмат қилишини таъминлаш йўлида қўйилган муҳим амалий қадамлар таҳлил қилинган.
Таянч сўз ва иборалар:
ижтимоий ривожланиш, мурожаатнома, замонавий таълим, ёшларга
оид давлат сиёсати, инновацион тафаккур, миллий ғояга содиқлик, инсон капиталига сармоя, кучли
ижтимоий ҳимоя.
Аннотация.
В данной статье проанализированы приоритетные направления социального раз-
вития на современном этапе на основе предложений, инициатив и концептуальных идей, выдви-
нутых в Послании Президента Республики Узбекистан Олий Мажлису в 2018 году.
S H A R Q M A S H ’ A L I
85
В статье отмечается, что Стратегия действий по пяти приоритетным направлениям раз-
вития Республики Узбекистан в 2017–2021 годах способствует совершенствованию стратеги-
ческих основ для обеспечения жизненных потребностей и законных интересов населения страны и
укрепления основ достойной и комфортной жизни.
В связи с этим, как отмечается в статье, Послание Президента Республики Узбекистан
Шавката Мирзиёева Олий Мажлису, адресованное 28 декабря 2018 года, и то, что 2019 год был
провозглашен «Годом активных инвестиций и социального развития» стал логическим продолже-
нием годов «Диалога с народом и интересов человека», «Поддержки активного предприни-
мательства, инновационных идей и технологий» в стране.
Это свидетельствует о том, что на третьем этапе стратегии реформ значение обществен-
ного развития как приоритета государственной политики возрастает. По мнению автора,
повышение экономического потенциала страны за счет привлечения инвестиций неизбежно
приведет к развитию социальных сфер.
В статье основное внимание уделяется вопросу развития социальной сферы. Автором раск-
рывается сущность понятия «социальное развитие». Как отмечается, «социальное развитие» –
это изменение, способствующие появлению новых социальных отношений, институтов, норм и
ценностей в обществе. В этой связи показаны особенности и критерии социального развития.
В статье излагаются основные задачи дальнейшего развития социальной сферы в 2019 году,
определенные в президентском Послании. В частности, были даны комментарии инициативам и
концептуальным идеям по дальнейшему совершенствованию науки, современному и непрерывному
образованию, дальнейшему усилению государственной социальной поддержки молодежи, развитию
национальной идеи.
В статье широко описывается понятие «инвестиции в человеческий капитал». Отмечается,
что инвестиции в человеческий капитал включают расходы на здравоохранение, общее и специаль-
ное образование, занятость, профессиональную подготовку, воспитание детей и другие. Эффек-
тивность таких инвестиций отражается на темпах развития общества во всех сферах.
В статье показано насколько вопросы современного образования и воспитания молодежи и её
социальной поддержки важны для социального развития страны. Были проанализированы важные
практические шаги, предпринятые на пути обеспечения того, чтобы сфера образования и
воспитания непосредственно служила дальнейшему человеческому совершенствованию.
Опорные слова и выражения:
социальное развитие, послание, современное образование,
государственная молодежная политика, инновационное мышление, приверженность национальной
идее, инвестиции в человеческий капитал, сильная социальная защита.
Abstract.
This article analyzes the priority directions of social development at the present stage based
on proposals, initiatives and conceptual ideas put forward in the Address of the President of the Republic of
Uzbekistan to the Oliy Majlis in 2018.
As noted in the article, the Strategy of Action on the five priority directions of development of the Republic of
Uzbekistan in 2017–2021 contributes to the improvement of the strategic framework to ensure the vital needs
and legitimate interests of the population and strengthen the foundations of a decent and comfortable life.
In this regard, as noted in the article, the Address of the President of the Republic of Uzbekistan
Shavkat Mirziyoyev to Oliy Majlis on December 28, 2018, and the fact that 2019 was proclaimed the “Year
of Active Investments and Social Development” became the logical continuation of the years of “Dialogue
with the people and human interests”, “Support for active entrepreneurship, innovative ideas and
technologies” in the country.
It indicates that in the third stage of the reform strategy, the importance of social development as a
priority of state policy increases. According to the author, increasing the economic potential of the country
by attracting investment will inevitably lead to the development of social spheres.
The article focuses on the development of the social sphere. The author reveals the essence of the
concept of “social development”. As noted, “social development” is a change that contributes to the
emergence of new social relations, institutions, norms and values in society. In this regard, features and
criteria of social development are shown.
S H A R Q M A S H ’ A L I
86
The article outlines the main tasks for the further development of the social sphere in 2019, as defined
in the Presidential Address. In particular, comments were given to initiatives and conceptual ideas for
further improvement of science, modern and continuing education, further strengthening of state social
support for young people, and the development of a national idea.
The article widely describes the concept of “investment in human capital” and the article notes that
investments in human capital include expenditures on health care, general and special education,
employment, vocational training, raising children and others. The effectiveness of such investments is
reflected in the pace of development of society in all areas.
The article shows how the issues of modern education and upbringing of young people and their social
support are important in the social development of the country. The article analyzes important practical
steps taken to ensure that the sphere of education and training directly serves further human improvement.
Keywords and expressions:
social development, address, modern education, state youth policy,
innovative thinking, commitment to the national idea, human capital investment, strong social protection.
Кириш.
Истиқлол йилларида Ўзбекистон-
да демократик ислоҳотлар ҳеч қачон ортга
қайтмайдиган тенденцияга айланди. Мамлака-
тимизда суверен тараққиётнинг стратегик
йўналиши сифатида ҳуқуқий демократик
давлат ва адолатли жамиятни барпо этиш,
унинг сиёсий, институционал, ижтимоий-иқ-
тисодий, маънавий-маърифий асосларини мус-
таҳкамлаш ва халқимиз учун энг муносиб
бўлган эркин ва фаровон ҳаёт тарзини
шакллантиришга устувор аҳамият берилмоқда.
Жамият ҳаётининг барча соҳаларида кенг
кўламли ислоҳотлар амалга оширилаётган
ҳозирги даврда мамлакатимизда демократик
қадриятларни жамият ҳаётига ҳар томонлама
чуқур сингдириш, унда фуқаролик кўникма-
ларини мустаҳкам қарор топтириш учун кенг
имкониятлар очилмоқда, аҳолининг кенг
қатламларида фаол фуқаролик позициясини
шакллантириш, ижтимоий-сиёсий жараён-
ларга дахлдорлик ҳиссини кучайтириш каби
масалаларнинг долзарблиги ортиб бормоқда.
2017–2021 йилларда Ўзбекистон Республи-
касини ривожлантиришнинг бешта устувор
йўналиши бўйича Ҳаракатлар стратегияси
асосида юртимиз аҳолисининг ҳаётий эҳтиёж
ва манфаатларини таъминлаш ҳамда фаровон
ҳаёт асосларини мустаҳкамлаш учун муҳим
бўлган навбатдаги стратегик заминлар вужудга
келтирилмоқда.
Зеро, 2017 йилда Ўзбекистон Республикаси
Президенти Ш. М. Мирзиёев Олий Мажлисга
илк тарихий мурожаатномасида таъкидлага-
нидек: “Халқимиз эртага эмас, узоқ келажакда
эмас, айнан бугун ўз ҳаётида ижобий ўзгариш-
ларни кўришни истайди. Бизнинг меҳнаткаш, оқ-
кўнгил, бағрикенг халқимиз бунга тўла ҳақлидир”
1
.
Дарҳақиқат, юртимизда ҳар бир инсон
ҳаётдан рози бўлиб яшашига эришиш –
ҳозирда давлат сиёсатининг бош мақсадига
айланмоқда. Айнан мамлакатимиз кўп мил-
латли халқимизнинг бунёдкорлик салоҳия-
тига таяниб, юртимиз ёшларининг ёруғ
келажагини кўзлаб, юксак марралар сари
одимлаб бормоқда.
Сўнгги икки йил давомида Ҳаракатлар стра-
тегиясидан кўзда тутилган мақсад ва вазифа-
ларни 2017 йил –
“Халқ билан мулоқот ва
инсон манфаатлари йили”
, 2018 йил –
“Фаол
тадбиркорлик, инновацион ғоялар ва техноло-
гияларни қўллаб-қувватлаш йили”
давлат
дастурлари доирасида босқичма-босқич рўёбга
чиқариш учун давлатимиз ва жамиятимизнинг
бор куч ва имкониятлари сафарбар этилди.
Мамлакатимизда одамларни рози қилиш,
уларнинг турмуш даражаси ва сифатини янада
оширишни
таъминлаш
каби
ижтимоий
масалалар ҳар йили ишлаб чиқилаётган давлат
дастурларида алоҳида ўрин тутмоқда
2
.
1
O‘zbekiston
Respublikasi
Prezidenti
Shavkat
Mirziyoyevning Oliy Majlisga Murojaatnomasi. [Address
of the President of the Republic of Uzbekistan Shavkat
Mirziyoyev to the Oliy Majlis]. (In Uzbek.) – T.:
O‘zbekiston, 2018. – B. 10.
2
O‘zbekiston Respublikasi Prezidentining “O‘zbekiston
Respublikasini yanada rivojlantirish bo‘yicha Harakatlar
S H A R Q M A S H ’ A L I
87
Ижтимоий ривожланиш – давлат сиёса-
тининг устувор йўналиши.
Сўнгги йилларда
мамлакатимизда тараққиёт суръатлари ҳамда
иқтисодий салоҳиятининг ошиб бориши ўз-
ўзидан ижтимоий соҳа ривожига бевосита
таъсир кўрсатмоқда. Шу муносабат билан
Ўзбекистон
Республикаси
Президенти
Ш.М.Мирзиёевнинг Олий Мажлисга 2018 йил
28 декабрдаги Мурожаатномасида 2019 йил –
“Фаол инвестициялар ва ижтимоий ривож-
ланиш йили”
деб эълон қилинди.
Таъкидлаш жоизки, ижтимоий ривожланиш
демократик давлатлар ички сиёсатида марказий
ўринга эга йўналишлар сирасига киради. Наза-
рий жиҳатдан ижтимоий ривожланиш деганда,
жамиятда янги ижтимоий муносабатлар, инсти-
тутлар, меъёрлар ва қадриятлар юзага келишига
олиб келувчи ўзгаришлар тушунилади.
Ижтимоий ривожланишнинг ўзига хос бел-
гилари унинг қатъийлиги, йўналтирилганлиги
ва ўз қонуниятларига эгалигидадир
1
.
Ижтимоий ривожланишнинг муҳим мезони
аҳоли фаровонлиги даражаси ҳамда жамият
ҳаётининг иқтисодий ва ижтимоий соҳаларини
акс эттирувчи кўрсаткичлар ҳисобланади.
Ҳозирги даврда жамият ривожланиши ва
унинг барқарорлиги, асосан, давлат томонидан
амалга оширилаётган ижтимоий сиёсатга боғ-
strategiyasi to‘g‘risida”gi Farmoni [Decree of the President
of the Republic of Uzbekistan “On the Strategy of Action on
the Further Development of the Republic of Uzbekistan”].
(In Uzbek.) // “Xalq so‘zi” gazetasi. 2017 yil 8 fevral. №28
(6722); “O‘zbekiston Respublikasi Prezidentining “2017-
2021 yillarda O‘zbekiston Respublikasini rivojlantirishning
beshta ustuvor yo‘nalishi bo‘yicha Harakatlar strategiyasini
«Faol tadbirkorlik, innovasion g‘oyalar va texnologiyalarni
qo‘llab-quvvatlash yili»da amalga oshirishga oid davlat
Dasturi to‘g‘risida”gi Farmoni. 2018 yil 22 yanvar. [“On the
State Program for the Implementation of the Strategy of
Actions on five priority directions of development of the
Republic of Uzbekistan in 2017-2021 in the “Year of
supporting active entrepreneurship, innovative ideas and
technologies”] (In Uzbek.) // O‘zbekiston Respublikasi qonun
hujjatlari ma’lumotlari milliy bazasi – Lex.Uz. Available at:
http://lex.uz/docs/3516847 (accessed 17.01.2019)
1
Qarang: Sotsialnoe razvitie. [Social development]. (In
Russ.) Available at: http://www.grandars.ru/college/
sociologiya/socialnoe-razvitie.html (accessed 17.01.2019)
лиқ бўлади. Фаол ислоҳотлар даврида иқтисо-
диётда бозор механизмларини такомиллаш-
тириш билан боғлиқ кескин ўзгаришлар юз
берадики, уларнинг таъсири ижтимоий соҳага
жуда тез кириб боради.
Шу нуқтаи назардан, аҳоли учун муносиб
турмуш даражасини таъминлаш, аҳолига тақ-
дим этилаётган неъматлар (товарлар, ишлар,
хизматлар) миқдори ва сифатини ошириш
давлат аҳамиятига молик масала ҳисобланади.
Маълумки, мамлакатимизни янада тараққий
эттириш бўйича Ҳаракатлар стратегиясининг
тўртинчи йўналиши “Ижтимоий соҳани ривож-
лантириш” этиб белгиланган. Ўзбекистонда
олиб борилаётган давлат сиёсатининг ғоят
муҳим йўналиши бўлган ижтимоий соҳадаги
ислоҳотлар қуйидагиларни назарда тутади:
–
аҳоли бандлиги ва реал даромадларини
ошириш;
–
аҳолини ижтимоий ҳимоя қилиш ва соғ-
лиқни сақлаш тизимини такомиллаш-
тириш, хотин-қизларнинг ижтимоий-сиё-
сий фаоллигини ошириш;
–
арзон уй-жойлар барпо этиш бўйича
мақсадли дастурларни амалга ошириш,
аҳолининг ҳаёт шароитлари яхшиланиши-
ни таъминловчи йўл-транспорт, муҳандис-
лик-коммуникация ва ижтимоий инфрату-
зилмани ривожлантириш ва модернизация
қилиш;
–
таълим ва фан соҳасини ривожлантириш;
–
ёшларга оид давлат сиёсатини такомил-
лаштириш
2
.
Мурожаатномада
давлатимиз
раҳбари
Ш. М. Мирзиёев Ўзбекистонни ривожланти-
ришнинг энг муҳим устувор вазифалари тўғри-
сида тўхталар экан, мамлакатимиз тараққиёти
ва халқимиз фаровонлиги, биринчи навбатда,
ижтимоий соҳадаги ислоҳотлар самараси билан
чамбарчас боғлиқ эканлигини таъкидлади.
2
O‘zbekiston Respublikasi Prezidentining “O‘zbekiston
Respublikasini yanada rivojlantirish bo‘yicha Harakatlar
strategiyasi to‘g‘risida”gi Farmoni [Decree of the
President of the Republic of Uzbekistan “On the Strategy
of Action on the Further Development of the Republic of
Uzbekistan”]. (In Uzbek.) // “Xalq so‘zi” gazetasi. 2017
yil 8 fevral. №28 (6722).
S H A R Q M A S H ’ A L I
88
Шу муносабат билан, 2019 йилда ижтимоий
соҳани янада ривожлантиришнинг қуйидаги
асосий вазифалари белгилаб берилди:
–
аҳоли ўртасида ишсизликни камайтириш,
одамлар ва оилаларнинг даромадини ошириш;
–
пенсия ва нафақаларни тайинлаш ва
тўлаш тартибини қайта кўриб чиқиш,
пенсия тизимини тубдан ислоҳ қилиш;
–
илм-фан, замонавий ва узлуксиз таълим
тизимини янада такомиллаштириш;
–
тиббий хизматлар сифатини яхшилаш ва
кўламини кенгайтириш;
–
хотин-қизлар ва ёшларни давлат томони-
дан ижтимоий қўллаб-қувватлашни янада
кучайтириш;
–
аҳоли турмуш шароитини яхшилаш, уни
муносиб турар жой билан таъминлаш,
халқ фаровонлигини ошириш;
–
жамиятда соғлом турмуш тарзини қарор
топтириш, жисмоний тарбия ва спортни
янада оммалаштириш;
–
туризмни ривожлантириш, соҳага инвес-
тициялар жалб этиш, кадрлар салоҳия-
тини ошириш;
–
миллий ғояни ривожлантириш
1
.
Таълим тизимини янада такомиллаш-
тириш йўлида қўйилган амалий қадамлар.
Кенг қамровли ижтимоий ривожланиш соҳа-
лари тизимида ёшларга замонавий таълим-
тарбия бериш ва уларни ижтимоий қўллаб-
қувватлаш масаласи нақадар ўткирлиги ва
долзарблиги билан алоҳида аҳамиятга эга.
Зеро, тарихдан маълумки, ҳар бир даврда
айнан маърифат жамият фаровонлигига ва
мамлакат тараққиётига туртки берган.
Шу сабабли эндиликда доно халқимизнинг
“Бешикдан то қабргача илм изла” деган нақ-
лини амалий ҳаёт фаолиятимизга кўчириш,
мамлакатимизда таълимнинг узлуксизлиги
принципини амалда рўёбга чиқариш масаласи
давлат сиёсати даражасига кўтарилмоқда.
1
O‘zbekiston
Respublikasi
Prezidenti
Shavkat
Mirziyoyevning Oliy Majlisga Murojaatnomasi. [Address of
the President of the Republic of Uzbekistan Shavkat
Mirziyoyev to the Oliy Majlis]. (In Uzbek.) // “Xalq so‘zi”
gazetasi. 2018 yil 29 dekabr. №271-272 (7229-7230)
Сўнгги икки йилда таълим тизимини замо-
навий демократик давлатлар даражасига олиб
чиқиш, ёшларнинг тараққиётнинг етакчи кучи
сифатида жамиятимиздаги ўрнини янада оши-
риш бўйича кенг кўламли чора-тадбирлар
амалга оширилмоқда.
Мамлакатимизда баркамол авлод тарбия-
сининг энг бошланғич бўғини бўлмиш мак-
табгача таълим тизимига кучли эътибор
қаратилмоқда. 2017 йилда бу соҳа Халқ таъ-
лими вазирлиги тизимидан ажратилиб, ало-
ҳида Мактабгача таълим вазирлиги ташкил
этилгани шундан далолат беради
2
.
Бу борада давлат сиёсатининг асосий вази-
фаси этиб яқин йилларда юртимизнинг барча
ҳудудларида янги боғчалар қуриш, таълим-
тарбия сифати ва даражасини янги босқичга
кўтариш, боғча ёшидаги болаларни таълим
билан юз фоиз қамраб олиш белгиланмоқда.
Умумтаълим соҳасида янги таълим муас-
сасаларини қуриш, мавжудларини таъмир-
лашга алоҳида эътибор қаратилмоқда. Бир-
гина 2017 йилда мамлакатимизда 12 та
умумтаълим мактаби янгидан барпо этилди,
320 таси реконструкция қилинди, 152 та
мактаб капитал таъмирланди.
Шунингдек, юртимизда 11 йиллик уму-
мий ўрта таълим қайта тикланди. Муҳаммад
Хоразмий ва Мирзо Улуғбек номларидаги
аниқ фанлар чуқур ўқитиладиган иннова-
цион мактаблар ташкил этилди.
Олий таълим тизимини янада такомил-
лаштириш ижтимоий соҳадаги ислоҳотлар-
нинг муҳим йўналишига айланди. Хусусан,
2017–2021 йилларда олий таълим тизимини
комплекс ривожлантириш дастури қабул қи-
линди. Олий таълим муассасаларига қабул
2
O‘zbekiston Respublikasi Prezidentining “Maktabgacha
ta’lim tizimi boshqaruvini tubdan takomillashtirish chora-
tadbirlari to‘g‘risida”gi Farmoni. 2017 yil 30 sentabr
[Decree of the President of the Republic of Uzbekistan
"On measures for the fundamental improvement of the
system of management of pre-school education"] (In
Uzbek.) // O‘zbekiston Respublikasi qonun hujjatlari
ma’lumotlari milliy bazasi – Lex.Uz. Available at:
http://lex.uz/ (accessed 17.01.2019)
S H A R Q M A S H ’ A L I
89
қилишнинг шаффоф механизмлари жорий
этилди ва квоталар жиддий равишда оширилди.
Олий таълим тизимида янги, замонавий
таълим муассасалари, жумладан, нуфузли
хорижий университетларнинг филиаллари
ташкил этилмоқда. Янги ташкил этилган
институт ва филиаллар ҳисобидан юртимиз-
даги олий таълим муассасалари сони 81 тага,
ҳудудлардаги филиаллар 15 тага, хорижий
университетлар филиаллари 7 тага етди.
Олий таълим муассасаларида сиртқи ва
кечки бўлимлар очилди.
Давлатимиз раҳбари Ш. М. Мирзиёев
таъкидлаганидек, “Буларнинг барчасидан
биз ягона бир мақсадни кўзда тутмоқдамиз.
Яъни, Ўзбекистон илм-фан, интеллектуал
салоҳият соҳасида, замонавий кадрлар, юк-
сак технологиялар борасида дунё миқёсида
рақобатбардош бўлиши шарт”
1
.
Инсон капиталига сармоялар – мамла-
кат рақобатбардошлигини ошириш воси-
таси сифатида.
Мурожаатномада инсон
капиталига, яъни шахс камолотга етадиган
асосий даврдаги таълим-тарбияга (3 ёшдан
22 ёшгача бўлган даврдаги таълимга) сармоя
сарфлаш масаласига алоҳида урғу берилди.
Маълумки, инсон капитали назарияси
асосчилари деб Т. Шульц ва Г. Беккер тан
олинади. Уларнинг асарларида илк бор ин-
сонга, унинг салоҳиятига, билим ва соғлиғи-
га ажратилган маблағлар аслида харажатлар
эмас, балки истиқболга йўналтирилган капи-
тал жойлаштиришдир, деб эътироф этилади
2
.
1
O‘zbekiston
Respublikasi
Prezidenti
Shavkat
Mirziyoyevning Oliy Majlisga Murojaatnomasi. [Address
of the President of the Republic of Uzbekistan Shavkat
Mirziyoyev to the Oliy Majlis]. (In Uzbek.) – T.:
O‘zbekiston, 2018. – B. 12.
2
Qarang: Schultz T. Investment in Human Capital: The Role
of Education and Research. – N.Y., 1971; Schultz T. Human
Capital, family planning and their effects on population
growth // American Economic Review, Papers and
Proceedings. – 1994. –May; Becker G.S. Human Capital: A
Theoretical and Empirical Analysis with Special Reference
to Education, 2
nd
Ed. – N.Y., 1975; Becker G., Tomes N.
Human Capital: rise and fall of families // Journal of Labor
Economics. -1986. –V.4. –No.1.
Иқтисодчи олимлар фикрича, инсон ка-
питали – бу инсон эга бўлган билим, кўникма
ва қобилиятлар йиғиндисигина эмас, балки у:
биринчидан,
тўпланган билим, малака ва
қобилиятлар захираси ҳисобланади;
иккинчидан,
бу шундай захираки, у ёки
бошқа бир муҳитда инсон томонидан ижти-
моий қайта ишлашга сарфланади ва меҳнат
унумдорлиги ҳамда ишлаб-чиқаришнинг
ўсишига имкон беради;
учинчидан,
тўпланган билим, кўникма ва
қобилиятлар захирасининг мақсадга муво-
фиқ ишлатилиши фаолиятнинг юқори унум-
дорлигида ишчи даромадининг ўсишига
олиб келади;
тўртинчидан,
даромаднинг ошиши инсон-
ни рағбатлантиради ва қизиқтиради ҳамда
янги билим ва кўникмалар захирасини тўплаб,
келажакда унумли қўллашга сабаб бўлади
3
.
Замонавий талқинда инсон капитали де-
ганда, иқтисодий қийматга эга бўлган инсон-
нинг билимлари, кўникмалари, қобилият ва
рағбатлари захираси тушунилади. Ушбу
капитал нафақат инсонга, балки жамиятга
ҳам истиқболдаги даромад ва фойдалар
манбаи бўлиб хизмат қилади.
Дунё амалиётига қараганда, инсон капи-
талига ажратиладиган сармояларга, асосан,
соғлиқни сақлаш, умумий ва махсус таълим
олишга кетадиган харажатлар, иш билан
таъминлаш, касбий тайёргарлик, болаларни
вояга етказиш ва бошқалар билан боғлиқ
сарф-харажатлар киради.
Бундай сармояларнинг иқтисодий самара-
си жамият учун миллий иқтисодиётнинг
рақобатбардошлиги таъминланишида ва ял-
пи ички маҳсулотнинг ўсишида акс этади
4
.
Инсон капитали ўз ҳолича амалга оши-
рилмайди, балки давлатга бир неча баробар
3
Rustamova
D.J.
Inson
kapitaliga
sarflangan
investisiyalar samaradorligini oshirish yo‘llari [Ways to
increase the effectiveness of investing in human capital]
(In Uzbek.) // Iqtisod va moliya / Ekonomika i finansi. -
2015. - №1. - B. 73-74.
4
Investisii v chelovecheskiy kapital. [Human capital
investment].
(In
Russ.)
Available
at:
www.dic.academic.ru (accessed 17.01.2019)
S H A R Q M A S H ’ A L I
90
фойда билан қайтади. Масалан, АҚШнинг
Мичиган штатида ишлаб чиқилган мактаб-
гача таълим дастурининг самарадорлиги шу-
ни кўрсатганки, ҳар бир сарфланган доллар
учун жамиятга 7 доллардан 12 долларгача
қайтган
1
.
Ривожланган давлатлар тажрибаси шуни
кўрсатадики, айнан 22 ёшгача ҳар томонлама
камол топган, юксак билим ва салоҳиятга эга
бўлиб шаклланган ёшлар жамият тараққиётига
қўшган ҳиссаси билан ушбу сармояни жа-
миятга 15–17 баробар фойда билан қайтаради.
Мурожаатномада қайд этилганидек, Ўз-
бекистонда эса бу кўрсаткич атиги 4
баробарни ташкил этади.
Бинобарин, Президентимиз Ш. М. Мирзиёев
таъкидлаганидек, “Биронта ўқувчи ёки талаба
узрсиз ўқишга келмай қўйса, таълим маскани
ҳам, оила ҳам, маҳалла, ҳокимият идоралари ҳам
бу тўғрида бонг уриши, сергак тортиши, буни
фавқулодда бир ҳол деб баҳолаши керак.
Ана шундай назорат тизими самарали ва
ўзаро боғлиқликда ишлайдиган бўлса, албат-
та биз вазиятни қўлга олиб, уни ижобий
томонга ўзгартира оламиз”
2
.
Президент Мурожаатномасида таълим-
тарбия соҳасини бевосита инсон камолотига
янада хизмат қилишини таъминлаш йўлидаги
муҳим амалий қадам сифатида болаларни
мактабгача таълим билан қамраб олиш даража-
сини 34 фоиздан 2019 йилда 44 фоизга етказиш,
замонавий умумий ўрта таълим тизимини
ташкил этиш, давлат-хусусий шериклик тамо-
йиллари асосида хусусий мактаблар ва боғча-
лар ташкил этиш, олий таълим тизимида таҳсил
олиш учун тенг имконият яратишга қаратилган
ишларни янада кучайтиришга асосий эътибор
қаратилмоқда.
1
Chelovecheskiy kapital: kak ubedit pravitelstva investirovat
v lyudey. 12.07.2018. [Human capital: how to convince
governments to invest in people] (In Russ.) Available at:
https://kun.uz/ru/10990834 (accessed 12.07.2018.)
2
Mirziyoyev Sh.M. Milliy taraqqiyot yo‘limizni qat’iyat
bilan davom ettirib, yangi bosqichga ko‘taramiz. 1-jild.
[Resolutely continuing the path of national development,
we will take it to a new level.] (In Uzbek.) – T.:
O‘zbekiston, 2018. – B. 481.
Жумладан, сўнгги икки йилда олий ва
ўрта махсус таълим муассасалари битирув-
чиларини олий таълим билан қамраб олиш
даражаси 9–10 фоиздан 15 фоизгача оши-
ришга эришилди (ривожланган давлатларда
бу кўрсаткич 60–70 фоизни ташкил этади).
Шу муносабат билан, Президент Муро-
жаатномасида 2019 йилда мамлакатимизда би-
тирувчиларни олий таълим билан қамраб олиш
даражасини 20 фоизга етказиш ва келгуси
йилларда ошириб бориш вазифаси қўйилди
3
.
Зотан, олий маълумотли, юксак малакага
эга ёшлар сони ортиши жамият ривожланиш
суръатларига сезиларли таъсир кўрсатади.
Шунингдек, давлатимиз раҳбарининг дасту-
рий маърузасида олий таълим соҳасининг ри-
вожланишига туртки берувчи қуйидаги принци-
пиал янги ғоя ва ташаббуслар илгари сурилди:
–
олий ўқув юртлари ҳамда нодавлат
таълим масканлари салоҳиятини ошириш
орқали улар ўртасида юқори малакали
кадрлар тайёрлаш бўйича рақобат муҳи-
тини кучайтириш;
–
ёшларга бир вақтнинг ўзида бир нечта
олий ўқув юртига ҳужжат топшириш им-
кониятини бериш;
–
олий таълим муассасаларига реал имко-
ниятлардан келиб чиққан ҳолда, қабул
квоталарини мустақил белгилаш тизими-
ни жорий этиш;
–
бакалавриат йўналишида таҳсил олаётган
талабаларга хорижда ўқишни давом этти-
риш имкониятларини янада кенгайтиш.
Ёшларга оид давлат сиёсатини амалга
ошириш механизмлари.
Мурожаатномада
мамлакатимиз аҳолисининг ярмидан ортиғи-
ни ташкил этадиган ёшлар билан ишлаш
масаласи энг асосий вазифалар қаторида
қайд этилди. Бу бежиз эмас.
Таъкидлаш жоизки, тараққиёт ғояси ва
истиқболларини белгилаб олмаган, маънавий
3
O‘zbekiston
Respublikasi
Prezidenti
Shavkat
Mirziyoyevning Oliy Majlisga Murojaatnomasi. [Address of
the President of the Republic of Uzbekistan Shavkat
Mirziyoyev to the Oliy Majlis]. (In Uzbek.) // “Xalq so‘zi”
gazetasi. 2018 yil 29 dekabr. №271-272 (7229-7230)
S H A R Q M A S H ’ A L I
91
асослардан маҳрум бўлган, асосийси, ўзи-
нинг ёш фуқаролари кўнгилига йўл топа олма-
ган давлат ва жамият фаровон истиқболни
тасаввур қилиши қийин. Давлатнинг ёшларга
бўлган муносабати жамият тараққиёти даража-
си, унинг очиқлиги, олдинга интилаётган-
лигининг кўрсаткичларидан биридир.
Шунинг учун, давлатнинг жамиятни бир-
лаштириш ва фуқаролик ташаббусларини қўл-
лаб-қувватлашга қаратилган сиёсатида ёшлар
масаласи алоҳида аҳамият касб этади. Айнан
ёшлар ислоҳотлар чуқурлашаётган даврда
турли тўсиқларни енгиб ўтишга қодир, мам-
лакатнинг юксалиш сари одимларига куч
бағишлай оладиган аҳоли қатламидир.
Айнан ёшлар фуқаролик жамиятининг
энг фаол қисмидир. Масалан, ёшлар турли
соҳаларда инновацион лойиҳалар ва техно-
логияларни жорий қилишга кўпроқ мослаш-
ган бўлади, улар жамиятга янги ғоялар ва
билимларни ташийди ҳамда уларда ўз
ҳаётини қуришга интилиш кучли бўлади
1
.
Шу жиҳатдан қараганда, Ўзбекистон ёш-
лари бугунги ва эртанги кун эгалари сифа-
тида мамлакатимизда фаровон ҳаёт асосла-
рини барпо этишда бош стратегик ресурс
ҳисобланади. Мамлакатимизнинг демокра-
тик янгиланишлар йўлидан одимлаши ва
тараққиёт суръатлари кўп жиҳатдан ёшлар-
нинг жамият ижтимоий-сиёсий ҳаётидаги
ҳолати ва фаоллигига боғлиқ бўлади.
Миллий ўзликни сақлаган, дунёдаги тенг-
дошлари орасида ўз билими ва салоҳияти
билан эркин беллаша оладиган, мустақил фик-
ри, онгли фуқаролик позициясига эга авлодни
тарбиялаш Ўзбекистон учун нақадар долзарб
эканлиги қуйидаги омилларда кўринади:
Биринчидан,
Ўзбекистон улкан ёшлар по-
тенциалига эга мамлакатдир;
Иккинчидан,
ёшлар миллий қадриятларни
келгуси авлодларга етказувчи, ворисийлик
анъанасини давом эттирадиган қатламдир;
1
Kozina Ye.S. Razvitie innovasionnogo potensiala v ramkax
molodejnoy politiki. Sbornik statey. [Development of
innovative capacity in the framework of youth policy]. (In
Russ.) - M.: Direkt-Media, 2013. – S. 29.
Учинчидан,
ёшлар мамлакатимизда олиб
борилаётган демократик ислоҳотларнинг да-
вомийлигини таъминлайдиган кучдир;
Тўртинчидан,
ёшлар табиатан тақлидга,
эргашишга мойил, онги тўлиқ шаклланиб
улгурмаган ўзига хос демографик гуруҳдир.
Тез ўзгараётган ҳозирги дунё ёшлар тар-
биясига салбий таъсир этувчи кескинлик ва
таҳликали шароитларни тобора кўпроқ хосил
қилмоқда. Бу эса давлат ва жамиятдан ёшлар
тарбиясига янгича ёндашувни тақозо қилмоқда.
Президентимиз Ш. М. Мирзиёев таъкид-
лаганидек, “...ёшларимиз билан кўпроқ гап-
лашиш, уларнинг қалбига қулоқ солиш, дар-
дини билиш, муаммоларини ечиш учун
амалий кўмак беришимиз керак. Бу борада
уюшмаган ёшлар билан ишлашга алоҳида
эътибор қаратишимиз зарур”
2
.
2016 йил 14 сентябрда қабул қилинган
“Ёшларга оид давлат сиёсати тўғрисида”ги
Ўзбекистон Республикаси Қонуни ушбу
соҳанинг асосий йўналишлари бўлган ижти-
моий, иқтисодий, ҳуқуқий ва ташкилий чора-
тадбирларни аниқ белгилаб беради.
Қонунда белгилаб берилишича, Ўзбекис-
тонда ёшларга оид давлат сиёсати “ёшларни
ижтимоий жиҳатдан шакллантириш ва улар-
нинг интеллектуал, ижодий ва бошқа йўна-
лишдаги салоҳиятини камол топтириш учун
шарт-шароитлар яратишни” назарда тутади
3
.
Бу жараёнларда мамлакатимиз ёшларини бу-
нёдкор ғоялар атрофида бирлаштирган Ўзбекис-
тон ёшлар иттифоқи муҳим ўринга эга бўлмоқда.
Ўзбекистон ёшлар иттифоқи жисмонан
соғлом, маънан етук ва интеллектуал ривож-
ланган, мустақил фикрлайдиган ёш авлодни
2
Mirziyoyev Sh.M. Qonun ustuvorligi va inson
manfaatlarini ta’minlash – yurt taraqqiyoti va xalq
farovonligining garovi. [Rule of law and ensuring the
interests of the people - the basis of the development of
the country and the welfare of the people]. (In Uzbek.) –
T.: O‘zbekiston, 2017. – B. 23.
3
“Yoshlarga oid davlat siyosati to‘g‘risida”gi O‘zbekiston
Respublikasining Qonuni. 2016 yil 14 sentabr. [The Law of
the Republic of Uzbekistan “On State Youth Policy”] (In
Uzbek.) // O‘zbekiston Respublikasi qonun hujjatlari
ma’lumotlari milliy bazasi – Lex.Uz. Available at:
http://lex.uz/ (accessed 17.01.2019)
S H A R Q M A S H ’ A L I
92
шакллантириш, ёшларни ташқи таҳдидлар ва
“оммавий маданият”нинг зарарли таъсиридан
муҳофаза қилиш, ёшларнинг ҳуқуқ ва қонуний
манфаатларини ҳимоя қилишга ҳар томонлама
кўмаклашиш ва шарт-шароитларни яратиш
мақсадида жисмоний шахслар томонидан
иттифоқ ташкилий-ҳуқуқий шаклида тузилган,
Ўзбекистон ёшларини бирлаштирувчи нодав-
лат нотижорат ташкилотидир
1
.
Иттифоқнинг асосий мақсади ёшларни
мамлакатда амалга оширилаётган демократик,
сиёсий ва иқтисодий ислоҳотларни янада
чуқурлаштириш, жамиятда тинчлик ва ҳамжи-
ҳатликни мустаҳкамлаш, Ўзбекистонни жа-
ҳоннинг ривожланган мамлакатлари қаторига
кириши жараёнларига жалб қилиш ҳамда ёш
авлоднинг ҳуқуқлари, эркинликлари ва қону-
ний манфаатларини самарали ҳимоя қилишни
таъминлаш, йигит-қизларнинг маънавий ва
касбий савиясини юксалтириш, уларнинг
интеллектуал ва ижодий салоҳиятини рўёбга
чиқаришга кўмаклашишдан иборат.
2017 йилдан буён Ўзбекистон ёшлар итти-
фоқи ташкил этилган кун – 30 июнь санаси
мамлакатимизда “Ёшлар куни” сифатида кенг
нишонланмоқда.
Ўзбекистон Республикаси Президентининг
2018 йил 27 июндаги фармони билан тасдиқланган
“Ёшлар – келажагимиз” давлат дастури мамлака-
тимиз ёшларининг бор салоҳиятини рўёбга чиқа-
риш, жамиятимизга самарали ижтимоийлашувини
таъминлаш йўлидаги навбатдаги қадам бўлди.
Давлат дастури ёшларнинг бизнес ташаб-
буслари, стартаплари, ғоялари ва лойиҳаларини
рўёбга чиқаришга кўмаклашиш ва қўллаб-
қувватлаш, банд бўлмаган ёшларни меҳнат
бозорида талаб юқори бўлган мутахассисликлар
ва бизнес юритиш кўникмаларига ўқитиш,
шунингдек, умуман ёшларнинг ижтимоий-
иқтисодий фаоллигини ошириш орқали улар-
нинг бандлигини таъминлашга қаратилган
2
.
1
O‘zbekiston yoshlar ittifoqi. [Union of Youth of Uzbekistan]
(In
Uzbek.)
Available
at:
http://yoshlarittifoqi.uz/uz/
menu/maqsad-va-vazifalar (accessed 12.01.2019)
2
O‘zbekiston Respublikasi Prezidentining “Yoshlar –
kelajagimiz” Davlat dasturi to‘g‘risida”gi Farmoni. 2018
yil 27 iyun [The decree of the President of the Republic of
Давлат дастуридаги тадбирларни молия-
лаштириш учун Ўзбекистон ёшлар иттифоқи
ҳузурида “Ёшлар – келажагимиз” жамғармаси
ташкил этилди. Жамғарма маблағларидан қу-
йидагиларни амалга ошириш учун фой-
даланилади:
–
ёшларнинг бизнес ташаббуслари, стартап-
лари, ғоялари ва лойиҳаларини амалга
ошириш учун тижорат банклари орқали
йиллик 7 фоиз ставка билан имтиёзли
кредит ва мол-мулкни лизингга бериш;
–
Давлат дастури доирасида олинадиган
кредитлар бўйича кредит ҳажмининг 50
фоизидан кўп бўлмаган миқдорда кафил-
ликлар бериш;
–
Давлат дастури доирасида амалга ошири-
ладиган тадбиркорлик лойиҳаларида улар
қийматининг 50 фоизидан кўп бўлмаган миқ-
дорда иштирок этиш, кейинчалик Жамғарма
улушини 5 йил давомида реализация қилиш;
–
тегишли кўникмаларга эга банд бўлмаган
ёшлар яшайдиган уй хўжаликлари учун 20
тагача парранда ва қуён боласи, 5 та майда
ва 2 та йирик қорамол сотиб олиш, улар-
нинг қийматини келишилган муддатларда
қайтарган ҳолда уларни боқиш ва кейин-
чалик реализация қилишда кўмаклашиш;
–
ёшларнинг қайта тайёрланиши ва малака
оширишини ташкил этиш, меҳнат бозорида
талаб юқори бўлган касбларга ўқитиш,
шунингдек,
уларга
бизнес
юритиш
кўникмаларини сингдириш.
Давлат дастури доирасида 2018 йил 1 июл-
дан ҳудудларда давлат-хусусий шериклик
шартларида “Ёш тадбиркорлар” коворкинг-
марказлари, “Ёшлар меҳнат гузари” ком-
плекслари
қурилиши бошланди.
Uzbekistan “On the state program “Yoshlar –
kelajagimiz”] (In Uzbek.) // O‘zbekiston Respublikasi
qonun hujjatlari ma’lumotlari milliy bazasi – Lex.Uz.
Available at: http://lex.uz/ (accessed 17.01.2019)
“Yoshlar mehnat guzari” majmuasi
– savdo-maishiy va
kichik ishlab chiqarish maydonlarini tashkil etish uchun
mehnat kuchi haddan ziyod bo‘lgan tumanlarda barpo
etilgan binolar majmuasi.
“Yosh tadbirkorlar” kovorking
markazi
– yosh tadbirkorlarga imtiyozli shartlarda binolar,
S H A R Q M A S H ’ A L I
93
Президент Мурожаатномасида “Ёшлар –
келажагимиз” жамғармаси фаолиятини янада
кенгайтириш мақсадида 2019 йилда жамғарма
учун 2 триллион сўмдан зиёд маблағ ажра-
тилиши ва шу орқали 50 мингдан ортиқ янги
иш ўрни яратилиши вазифаси қўйилди
1
.
Глобаллашув шароитида жамиятимиз та-
раққиётида нисбатан янги имкониятлар би-
лан бир қаторда ноанъанавий таҳдидлар
юзага келмоқдаки, ҳозирги даврда миллий
маънавият, миллий ғоя тарғиботини замона-
миз талаблари даражасида янада такомил-
лаштиришга кучли эҳтиёж сезилмоқда.
Бу жараёнда ёшлар масаласи мамлака-
тимизда бугун ва келажак боғлиқлигини таъ-
минловчи, миллий ўзига хосликни сақлаб қо-
лувчи муҳим омил сифатида намоён бўлмоқда.
Президентимиз томонидан давлат-хусусий
шериклик асосида янги маданият ва истироҳат
боғларини ташкил этиш, уларни ёш авлод
орасида соғлом турмуш тарғиботига ҳамда
китобхонлик маданиятини юксалтиришга хиз-
мат қиладиган замонавий ёшлар масканларига
айлантириш таклифи илгари сурилди.
Юртимизда миллий ғоясиз, миллий
ўзликни англамасдан туриб, ватанпарвар-
ликсиз ҳеч қандай ислоҳотларни амалга
ошириш мумкин эмаслиги таъкидланди
2
.
Давлатимиз раҳбари ёшлар онгига буюк
аллома ва адибларимизнинг бебаҳо мероси,
енгилмас саркарда ва арбобларимизнинг жа-
ofis texnikasi va sarflash materiallarini ijaraga berish, ularni
internet bilan ta’minlash, shuningdek, yoshlarning biznes
tashabbuslari, startaplari, g‘oyalari va loyihalarini amalga
oshirishga boshqacha ko‘mak berish, jumladan, biznes
rejalar ishlab chiqish, maslahat, yuridik, buxgalteriya va
boshqa xizmat turlarini ko‘rsatish, forumlar, master-klasslar
va seminarlar tashkil etish uchun ixtisoslashgan markaz.
1
O‘zbekiston
Respublikasi
Prezidenti
Shavkat
Mirziyoyevning Oliy Majlisga Murojaatnomasi. [Address of
the President of the Republic of Uzbekistan Shavkat
Mirziyoyev to the Oliy Majlis]. (In Uzbek.) // “Xalq so‘zi”
gazetasi. 2018 yil 29 dekabr. №271-272 (7229-7230)
2
Murojaatnoma: mamlakat rivojidagi istiqbolli vazifalar.
29.12.2018. [Address: perspective tasks in the development
of the country] (In Uzbek.) Available at: http://uza.uz/
oz/politics/murozhaatnoma-mamlakat-rivozhidagi-isti-bolli-
vazifalar-29-12-2018 (accessed 29.12.2018)
соратини сингдириш, уларда миллий ғурур
ва ифтихор туйғуларини кучайтириш маса-
ласига алоҳида эътибор қаратиб, “Ўзбекис-
тон тарихи” телеканалини ташкил этиш
ташаббуси билан чиқди.
Зеро, тарихий хотирасиз келажакни та-
саввур этиш мушкулдир. Холисона тарих
асосига қурилган миллий ғоя мамлакати-
мизда кенг қамровли ислоҳотлар учун чексиз
куч-қудрат манбаи бўлиб хизмат қилади.
Хулоса.
Умуман олганда, демократик та-
раққиётнинг энг муҳим ва долзарб масала-
лари бўйича давлат раҳбарининг миллий
парламентга оммавий мурожаати жорий
йилнинг асосий якунларига ҳамда келгуси
йилда ижтимоий-иқтисодий ривожланиши-
нинг устувор вазифаларига бағишланади.
Президентимизнинг Олий Мажлисга Муро-
жаатномасида кўтарилган масалалар, илгари
сурилган таклиф ва ташаббуслар Ўзбекис-
тоннинг эртасини белгилаб берувчи ғоя-
лардан иборат бўлди.
2018 йилдаги Мурожаатноманинг асосий
ғояси мамлакатимизда изчил иқтисодий ис-
лоҳотлар ижтимоий ривожланишнинг тар-
кибий қисми сифатида қаралаётганлигидадир.
Бу эса ҳозирда интеллектуал жиҳатдан
етук ва ижодий салоҳиятли ҳамда замонавий
билим ва кўникмаларга эга бўлган, мамлака-
тимизнинг муносиб келажаги учун жавоб-
гарликни ўз зиммасига ола биладиган ёш-
ларни тарбия қилиш механизмларини янада
такомиллаштирилишини назарда тутади.
Мамлакатимизда ёшлар ўз салоҳият ва
интилишларини рўёбга чиқаришлари учун
яратилаётган барча шарт-шароитлар келгу-
сида уларни баркамол қилиб тарбиялаш,
рақобатбардош кадрлар сифатида шакллани-
ши, ўз инновацион ғоялар ва ташаббуслари
орқали юрт равнақи ва Ватан тинчлигига ўз
ҳиссасини қўшишига хизмат қилади.
