452
ТОШКЕНТ ВОҲАСИДАГИ ГИДРОЭНЕРГЕТИК СТАНЦИЯЛАР
ТАРИХИ
Саидбобоева Г.
т.ф.ф.д.(PhD),
Ўзбекистон Миллий университети
Саноат, ишлаб чиқариш ва ижтимоий соҳаларда энергетика, хусусан
электр энергиянинг ўрни аҳамиятли ҳисобланади. Ўзбекистондаги
гидроэлектр станция (ГЭС)лар ҳам бир асрдан зиёд тарихга эга.
1913 йилда Туркистон ўлкасидаги мавжуд электр станцияларининг 1/6
қисмидан кўпи Тошкент зиммасига тўғри келган. Туркистоннинг Сирдарё,
Чирчиқ ва бошқа дарёларининг ғоят кучли гидроэнергетик қуввати маълум
бўлса-да, бироқ улардан оқилона фойдаланилмаган. Ҳолбуки, 1909 йилдаёқ
И.И. Гейер “Путеводитель по Туркестанскому краю” асарида шундай ёзган:
“Тошкент воҳаси Чирчиқдан бошланувчи қадимги ва қудратли Бўзсув канали
билан суғорилади. Тўғон қуриш орқали каналдаги сув сатҳини кўтариш ва
40000 десятина бўш ётган ерни суғоришга хизмат қилдириш қийин эмас.
Бўзсув сувидан янги ерларни суғоришдан ташқари улкан электр двигатели
кучини ҳам пайдо қилиш мумкин. Тошкент ўзининг юз минг кишилик
аҳолиси билан ёқилғи қимматлигидан иссиқлик билан ишловчи заводлар
фаолияти ортишини талаб қилаётган бир пайтда электр энергияга ишончли
истеъмолчи саналади”
1; 57-58
.
Биргина 1914 йилда Туркистон энергетика хўжалигининг қуввати 20
минг от кучидан ортиқроқ бўлиб, мавжуд 51 та электр станциялардаги
умумий электр моторларининг сони 500 тадан ошмас эди.
1917 йилга келиб, ҳозирги Ўзбекистон ҳудудидаги электр
станцияларнинг умумий қуввати 3 минг кВт ни ташкил қилиб, уларда бир
йилда 3,3 млн кВт. соат электр энергия ишлаб чиқарилган
2; 58
.
Ўзбекистоннинг йирик саноат объектлари жойлашган Тошкент
воҳасида ҳам гидростанциялар фаолият кўрсатиб келади.
ХХ асрнинг 20-йилларида Чирчиқ-Мирзачўл иқтисодий райони учун
иккита асосий станцияларни қуриш кўзда тутилган: лойиҳалаштирилаётган
Чирчиқ канали Бўзсув ариғига суви қуйиладиган жойда, районнинг
шимолида эса дастлаб қуввати қарийб 30 минг кВт, кейинчалик эса кенгайиб,
тахминан 60-80 минг кВт гача ва Мирзачўл районининг шимолидаги қўриқ
ерлар ва жанубий қисми учун 18 минг кВт га тенг қувватли Бекобод
станцияси
3; 645
.
Электростанциялар 11 та, ишлаб чиқариш миқдори 38039
рубллик,механикдвигателлар 18 та, двигателларнинг қуввати 989 от кучига
эга бўлган
4; 217
.
Чирчиқ–Чотқол ҳавзасининг энергетик имкониятларини яхши билган
марказ
вакиллари
Ўрта
Осиё
республикаларида
пахтачиликни
ривожлантириш учун арзон сув энергияси воситасида синтетик азотли
ўғитларни ишлаб чиқаришни йўлга қўйиш ғоясини илгари суришган. У
453
Чирчиқдарёси ГЭС ларкаскадидан электрохимия мажмуасиваЧирчиқ
электрохимия комбинатинибарпоэтишнитаклифэтган
5; 17
.
Хусусан, Чирчиқ туманида қурилиш ишларига 10000, қишлоқ
хўжалигига 1000, оғир саноатга 95670, қолган истеъмолчилар (кичик
саноат)га 20000, шаҳарлар ва аҳоли пунктларига 66000, телеграф йўлларини
электрлаштиришга 26200 минг кВт соат электр энергия истеъмоли
мўлжалланган
4; 217
.
Туркистонни электрлаштириш умумий режасига доир изланишларда
ўз даври учун йирик ўнлаб гидроэнергетик иншоотларни бунёд этиш
режалаштирилган эдики, муаллифларига кўра улар ўлкани тиклаш,
иқтисодиёти ва маданиятининг ўсишига хизмат қиларди. Масалан, Чирчиқ–
Мирзачўл районини электрлаштириш учун бешта электростанция қуриш
белгиланган. Улардан дастлабки иккитаси – Бўзсув ГЭС Чирчиқ каналининг
Бўзсув ариғига қуйиладиган жойда қуввати 30 минг кВт, кейинчалик
кенгайиб, 60-80 мингкВтли; иккинчиси эса Мирзачўл районида Сирдарё
бўйидаги қуввати 18 минг кВт ли Бекобод станциясидир. Иккинчи навбатда
Аучиқўрғонидаги Хўжабақирғон дарёсида 8-12 минг кВт қувватга эга
Хўжабақирғон станциясини, яна Мирзачўлнинг Шимолий ва Марказий
каналларида умумий қуввати 20-30 минг кВт иккита электрстанциялари
қуриш режалаштирилган.
Чирчиқ-Бўзсув – сув-энергетика тракти – Чирчиқ дарёси ва Бўзсув
канали бўйлаб кетма-кет жойлашган ГЭСлар мажмуи. Трактнинг узунлиги
171,1 км. Трактда умумий ўрнатилган қуввати 1220,6 МВт га эга бўлган 19 та
ГЭС бор.
1926 йилда ишга туширилган Бўзсув ГЭС трактда биринчи бўлиб
қурилган. Трактнинг бошланиш қисмида (Чирчиқ дарёси ўзанида) кема-кет 3
та станция – Хўжакент ГЭС,Чорвоқ ГЭС, Ғазалкент ГЭС жойлашган.
Ғазалкент ГЭСидан қуйироқда, Чирчиқ дарёси сувини тартибга солиб
турувчи тўғоннинг ўнг томонидан Товоқсой ГЭС, Чирчиқ ГЭС ва Оққовоқ
ГЭСлари, Қибрай ГЭСнинг деривация каналлари бошланади. Кейинчалик
Оқ-қовоқ ГЭС-2 нинг сув ташлама каналидан бошланган Бўзсув ирригация
каналида кема-кет Қибрай, Қодирия, Салар, Бўзсув, Шайхонтоҳур, Бўрижар,
Оқтепа ГЭСлари ҳамда Қуйи Бўзсув ГЭСлари жойлашган. Трактнинг барпо
этилиши натижасида Чирчиқ дарёси суви ёрдамида электр энергияси ҳосил
қилиш билан бирга ирригация иншоотлари, йирик саноат марказлари,
шаҳарлар, аҳолини, саноат корхоналари ва экинзорларни сув билан
таъминлаш масалалари ҳам комплекс ҳал қилинган
6; 58-59
.
Иккинчи жаҳон уруши давридаги оғир шароитда яна бир ГЭС – Оқ-
қовоқ ГЭСни қуриш вазифаси қўйилади. ГЭС 8 ойда бунёд этилиб, 1943 йил
март ойида ишга туширилади. Мазкур ГЭС вилоятнинг Чирчиқ шаҳрида
жойлашган
6; 59
.
Қодирия ГЭС пойтахт вилоятининг Қибрай тумани Қодирия
маҳалласида жойлашган, Чирчиқ-Бўзсув сув-энергетика тракти қурилган
454
дастлабки электрстанциялардан бири бўлиб, 4 та ГЭСни бирлаштирган
Қодирия ГЭСлар каскади таркибига киради.
Қурилиш ишлари 1930 йил апрелида бошланиб, ГЭС 1933 йилда ишга
туширилади. ГЭСнинг умумий қуввати 13,2 МВт. Станцияда ҳар бирининг
қуввати 3,3 МВтдан иборат бўлган вертикал шаклда 4 та гидроагрегат
ўрнатилган. ГЭС гидроузели таркибига узунлиги 19 м, баландлиги 6 м,
умумий ҳажми секундига 100 м
3
сув ўтказишга мўлжалланган бш тўғон,
узунлиги 5049 м, секундига 65 м
3
сув тказишга мўлжалланган деривация
канали ҳамда босим станция иншооти киради.
1936 йил 17 ноябрда Чирчиқ ГЭСнинг асосига биринчи пойдевор
қўйилиб,и катта митинг уюштирилади. Митингда ўша пайтдаги
Ўзбекистоннинг уч сиёсий раҳбари – Ўзбекистон Коммунистик партияси
Марказқўми котиби Акмал Икромов, Халқ комиссарлари кенгаши раиси
Файзулла Хўжаев, Марказий Ижроия Қўмита раиси Йўлдош Охунбобоев
қатнашган
7; 50
.
Иккинчи жаҳон уруши йилларида Тошкент атрофини боғловчи 35 кВт
кучланишли ҳалқасимон ҳаво линияси қуриб битказилди, шимолий саноат
раёнини электр энергияси билан таъминлаш учун катта қувватли “Шимолий”
нимстанция қурилди
8; 14
.
Республика моддий-техник базасининг аста-секинлик билан ошиб
бориши ҳамда саноат марказларининг вужудга келиши ортидан ГЭсларга
бўлган эҳтиёж ҳам муттасил ошиб борди.
Адабиётлар:
1. Ташкент. Краткий справочник-путеводитель / Под общ. ред. Р.Г.
Гуламова. – Ташкент: Гос. изд-во УзССР, 1957.
2. Хонтўраев И., Саодуллаев А., Бекмурзаев А. Ўзбекистон
гидроэнергетикасининг ривожланиш тарихи // “Ўзбекгидроэнергетика”
журнали. 2020, №2.
3. План электрификации РСФСР (Доклад VIII съезду Советов
Государственной комиссии по электрификации России).Второе издание. –
М.: Гос. изд-во политической литературы, 1955.
4. Бузинова В.М. Электрификации Чирчикского и Голодностепского
районов // Труды Государственной Комиссии по электрификации России
ГОЭЛРО. Материалы по электрификации отдельных районов. – М.: «Наука»,
1964.
5. МатниязовМ. Электрификацияи её социальные последствия (на
материалах республик Средней Азии). – Ташкент: «Узбекистан», 1984.
6. Акрамжонов Ж., Усманов Р., Иркаев А. Қуйи Бўзсув ГЭСлар
каскади: кеча ва бугун // “Ўзбекгидроэнергетика” журнали. 2019, №2.
7. Уразов А. Чирчиқ ГЭСлар каскади // “Ўзбекгидроэнергетика”
журнали. 2019, №4.
8. Сафаров А.М., Ғойибов Т.Ш., Суллиев А.Х. Электр тармоқлари ва
тизимлари. – Тошкент, 2020.
