История и культура центральной Азии

О журнале

Ҳурматли Ўктам Махмасобирович Мавлонов, Мирзо Улуғбек номидаги Ўзбекистон Миллий университети жамоаси Сизни муборак 60 ёшингиз билан самимий табриклайди. Сизга мустаҳкам соғлиқ, куч-ғайрат ва оилавий бахт-саодат тилаймиз.

Биз сизни Марказий Осиё ва унинг “юраги” бўлган Ўзбекистонда тарих ва археология фанини ривожлантиришда, давлатчилик ва бошқарув тарихини янги асосларда ёритишда ўз ўрнига эга бўлган тарихчи олим сифатида биламиз ва қадрлаймиз. Марказий Осиёнинг қадимги йўллари, хусусан, Буюк ипак йўли бўйлаб олиб борилган кенг кўламли сиёсий, иқтисодий ва маданий алоқалар, карвон йўллари инфратўзилмалари ва хизмат кўрсатиш соҳалари тарихини ёритишга қўшган ҳиссангиз халқаро миқёсда эътироф этилганини яна бир бор маъмнуният билан қайд этамиз. Бутун куч-ғайратини, билим ва тажрибасини Ватан равнақи ва илму фан ривожи учун сарфлаб, буюк Устозлар илмий мактабини ривожлантириб келаётган сиздек етук олим сафимизда борлиги қувонарли ҳолдир.

Илмий-педогогик фаолиятингизни ТошДУ ўқитувчиси сифатида бошлаб, бугунги кунда Ўзбекистон Миллий университети Тарих факультети археология кафедрасида профессор  лавозимида самарали педогогик фаолият олиб бориб, ёш авлодни тарихий меросга ҳурмат ва ватанпарварлик руҳида тарбиялашга қўшаётган ҳиссангиз таҳсинга лойиқ. Сизнинг илмий раҳбарлигингизда тайёрланган магистр ва PhD тарихчи олимларнинг кенг қамровли илмий мавзулари сизнинг педогогик тафаккурингиз самарасидир.      

Сиз томонингиздан тайёрланган дарслик ва ўқув қўлланмалар, монография ва рисолалар, илмий мақолалар мамлакатимиз илм-фани ривожига, рақобатбардош тарихчи кадрлар тайёрлаш сиёсатини амалга оширишда муҳим ўрин тутиб келмоқда.

Сиз бағрикенг, илмга чанқоқ ёшларни тўғри йўлга бошлайдиган мураббий сифатида танилган инсонсиз. Биз сизга узоқ ва барокатли умр тилаймиз. Оилангиз, фарзандларингиз, Устозу шогирдларингиз ва бизнинг бахтимизга доимо соғ-омон бўлинг!