Муҳаммадориф Сафоев, Азимжон Ашуров, Хабибулла Абдуллаев
Беморлар бурун бўшлиғининг функциоанал ҳолати метилен кўки вақти бўйича визуал индикатор (метилен кўки) дан фойдаланиб Пискунов методи бўйича баҳоланди. Бош миясида турли патологиялари ва жароҳатлари бор бўлган оғир ахволдаги 75 та бемор текширилди. Беморлар қуйидаги гуруҳларга ажратилди: 1-гуруҳ, оғир бош мия жароҳати мавжуд беморларлар; 2-гуруҳ, назогастрал зонд ўрнатилган ва бош мия жароҳати мавжуд беморлар; 3-гуруҳ, назотрахеал интубация қилинган оғир бош мия жароҳати мавжуд беморлар; 4-гуруҳ, оротрахеал интубация қилинган бош мия жароҳати мавжуд беморлар ва реанимация бўлимида даволанаётган бош мия жароҳати мавжуд бўлмаган бемордлардан иборат назорат гурухи. Биз юқорида келтирилган метод ёрдамида назотрахеал интубация қилинган ва назогастрал зонд ўрнатилган беморларда 4-5 кундан кейин назокомиал синусит хавфи юзага келишини аниқладик. Бу эса бизга бемор госпитализациясининг биринчи куниданоқ назокомиал синуситни олдини олиш тадбирларлини амалга ошириш заруратини туғдиради.
