СБОРНИК ТЕЗИСОВ
5
ОИВ ИНФЕКЦИЯСИНИНГ ТАБИИИЙ КЕЧИШИДА КОМОРБИДЛИК ИНДЕКСИ
Урунова Д.М
1,2
., Ахмеджанова З.И
3
., Юлдашев К.Х
2
'
Республика ихтисослаштирилган эпидемиология, микробиология, юқумли ва паразитар
касалликлар илмий амалий тиббиёт маркази
2
Тиббиёт ходимларининг касбий малакасини ривожлантириш маркази
3
Иммунология ва инсон геномикаси инстиути ФАЗ
ОИВ инфекцияли беморларда коморбидли патологиянинг асосий сабаби одам иммун
танқислиги вирусидир. Коморбид холатлар беморлар хаёт сифатини ёмонлаштириб, ўлим
хавфини оширувчи бир вақтнинг ўзида икки ёки ундан ортиқ касалликларнинг бирга кечишидир.
ОИВ инфекцияли беморларда коморбид холатлар ва коморбидлик индексини бахолаш ОИВ
инфекцияси кечишини бахолашда ва башорат қилишда катта ахамиятга эга.
Тадқиқотнинг мақсади: Ўзбекистонда ОИВ инфекцияли беморларда коморбидлик
холатларини бахолаш.
Материал ва усуллар: Республика ОИТСга қарши курашиш марказида диспансер назоратда
турувчи 779 нафар 18 ёшдан ошган ОИВ инфекцияли беморларда коморбидлик индекси
антиретровирусли терапиядан олдин аниқланди. Беморларнинг ёш гурухлари тахлил қилинди,
беморлар ёшининг коморбидлик индексига таъсири ўрганилди, СД4 лимфоцитлар микдорининг
антиретровиусли терапия (АРТ) дан олдинги микдори тахлил қилинди. Коморбидлик индекси
узок вақт назоратда турувчи беморларда ўлим хавфини башоратлаш учун фойдаланиладиган
Charlson индекси ёрдамида аниқланди. Коморбидлик индекси маълум бир касалликлар учун
баллар йиғиндисидан иборат бўлиб, инсон хаётининг 40 ёшидан сўнг хар бир декадасига1 балл
кўшилади.
Тадқиқот натижалари беморларнинг 82% (641) да юқори коморбидлик индексини
таъминловчи коморбид касалликлар борлиги аникланди, бу коморбид холатлар кайд этилмаган
беморлардан 17.7% (138) ишончли даражада кўп эди (P<0.05). Беморлар ёши катталашиб борган
сари коморбидлик индекси ошиб борганлиги кайд этилди (60 ёшдан ошган беморларнинг 85%да
коморбидлик индекси 6 ва ундан ортик бўлди. 40 ёшдан кичик беморларнинг 59.2% коморбидлик
индекси хаётининг салбий окибатларига олиб келувчи 6 ва ундан ортик баллни ташкил этди.
Коморбидлик индексининг ўртача киймати 60 ёшдан ошган беморларда 9,1+0,003 баллни, 40
ёшдан кичик беморларда эса 6,0 ± 0,004 баллни ташкил этди.ОИВ инфекциясининг клиник даври
тахлил килинганида 88.8% беморлар ихтисослаштирилган тиббий ёрдамга ва давога мухтож ОИВ
инфекциясининг кўйи даврларида эканлиги кайд этилди. Факат 11.2% беморлар ОИВ
инфекциясининг эрта даврларида аниқланди. Беморларнинг CD4 лимфоцитларининг ўртача
кўрсаткичи 212.9+5.8 хужайра/мклни ташкил этди. Беморларнинг 52% (404) да CD4
лимфоцитларининг микдори 1 мкл конда 200 хужайрадан кам бўлиб, CD4 хужайраларининг
микдори 201 дан 349 гача бўлган беморларнинг микдоридан 31% (349) ишонарли даражада кўп
бўлди (P <0,001). Чукур иммуносупрессия холатидаги беморларнинг 79% (320) да CD4
лимфоцитларининг микдори 1 мклда конда 100 хужайрадан кам бўлиб оғир оппортунистик
касалликлар билан ассоциацияланган эди.
Хулоса. Коморбидлик индексини бахолаш ОИВ инфекцияси кечишининг прогностик
критерийларидан бири бўлиб, коморбидлик холатларининг эрта коррекциясини такозо этади.
Беморларнинг ОИВ инфекциясининг кўйи даврларида аникланиши ОИВ инфекциясининг эрта
даврларида диагностикани оптималлаштириш зарурлиги кўрсатади.
Адабиётлар рўйхати:
1.
Djalalova, N., and D. Atamuxamedova. "EPIDEMIOLOGICAL FEATURES OF THE COURSE
OF
ACUTE
INTESTINAL
INFECTIONS
CAUSED
BY
ESCHERICHIA
IN
CHILDREN." Science and innovation 3.D3 (2024): 86-92.
2.
Касымов, И., М. Шаджалилова, and Е. Осипова. "Изучение особенностей развития
эпидемического процесса бруцеллезной инфекции среди детей и подростков." Современные
аспекты инфекционных заболеваний 1.1 (2023): 22-23.
