Артериал гипертонияда сурункали юрак етишмовчилигини эрта диагностикасида bnp миқдорининг аҳамияти

Артериал гипертония фонида келиб чиқадиган сурункали юрак етишмовчилиги ривожланишида В типли натрийуретик пептид (НУП) миқдори 80 нафар беморда ўрганилиб чикилди. Шулардан 32(40%) нафар беморда артериал гипертония фонида сурункали юрак етишмовчилигининг яққол клиник белгилари бор беморлар гуруҳида натрийуретик пептид миқдори нормал кўрсаткичлардан юқорилиги аникланди. Қолган 48(60%) нафар беморда эса, яъни артериал гипертония фонида сурункали юрак етишмовчилигининг клиник ва инструментал белгилари бўлмаган беморлар гуруҳининг 37(77,1%) нафарида қон плазиасида BNP миқдори нормал кўрсаткичлардан (200 пг/мл ) пастлиги аниқланди. 11(22,9%) нафарида эса BNP миқдори 220+ 10,1 пг/мл (нормал кўрсаткичлардан юқорилиги) аниқланди. Яъни айнан мана шу беморлар гуруҳида сурункали юрак етишмовчилигининг клиник ва инструментал белгилари бўлмаслигига қарамасдан, уларда ушбу асоратнинг ривожланганлигини аниқлашимиз мумкин. Демак BNP миқдорини беморлар қон плазмасида аниқлаш сурункали юрак етишмовчилигининг эрта босқичларида ташхислаш имконини беради