17
ResearchBib IF - 11.01, ISSN: 3030-3753, Valume 2 Issue 2
AYOL O‘ZLIGINI UNUTMASLIGI VA UNUTTIRMASLIGI LOZIM
Irodaxon Xudoyberdiyeva Muzaffar qizi
Yosh psixolog.
https://doi.org/10.5281/zenodo.14792786
Assalomu alaykum. Ushbu maqolani yozar ekanman, hayolimdan o‘zimning to‘g‘ri
yashashimga bo‘lgan harakatlarim ko‘z oldimdan o‘tdi. Buni sizlarga bayon etishni lozim deb
bildim, sababi umr va vaqtni doimiy ravishda o‘z rivojlanishingizga sarflash bilan birga, oilangiz
va farzandlaringizni ham unutmasligingiz muhimdir. Chunki ular faqat bir marta bolalikni his
etadilar.
Biz 21-asrda, rivojlangan va teng huquqli jamiyatda yashamoqdamiz. Ayollar ham erkaklar
kabi turli sohalarda o‘sib, rivojlanmoqda. Bu rivojlanish har bir inson va kelajagimiz uchun juda
muhim. Lekin har qanday yutuqning o‘ziga yarasha qiyinchiliklari bo‘lishi tabiiydir. Bu
qiyinchiliklar bizni sinovdan o‘tkazadi, muammolarga duchor qiladi va natijada yangi imkoniyat
eshiklarini ochadi. Afsuski, insoniyat bu jarayonlarda yangi imkoniyatlarning kalitini har doim
ham anglay olmaydi.
Jamiyat turli e’tiqod va madaniyatdagi insonlardan tashkil topgan bo‘lsa-da, uni
birlashtiruvchi o‘zgarmas qadriyatlar mavjud. Bu qadriyatlarning asosiy ustunlari – erkak va
ayoldir.
Erkakni tariflaganda, uning yaratilishdan o‘ziga xos vazifalari borligini bilamiz. Erkak
hayotning kuchli va mas’uliyatli qismi bo‘lib, uning jasorati, qat’iyati va mas’uliyat hissi
jamiyatdagi o‘rnini belgilaydi. Erkakning asosiy vazifasi – har tomonlama mas’uliyatni his qilish
va uni ado etishdir.
Endi esa ayollik haqida. Haqiqiy ayollik – bu nafaqat tashqi go‘zallik, balki ichki
fazilatlarga ega bo‘lishdir. Ayol qalbidagi cheksiz mehr-muhabbat har doim baxt olib keladi. Sabr-
toqat esa hayotning qiyinchiliklariga bardosh berish, tafakkur qilish va oilani mustahkamlashga
yordam beradi. Noziklik va nafislik ayolning tabiiy xislatlari bo‘lib, oilaning ruhiy muhitini go‘zal
qiladi.
Ayol bu xislatlarni o‘zida namoyon etsa, u hayotning har bir lahzasini go‘zal qila oladi.
18
ResearchBib IF - 11.01, ISSN: 3030-3753, Valume 2 Issue 2
Ayol oilaning yuragi, bolalarining ustozidir. Uning mehrli tabassumi o‘zidan keyin yorqin
iz qoldiradi. Haqiqiy ayol – o‘z baxtini o‘zi yaratgan ayoldir.
Ayollar jamiyatda muhim o‘rin egallab kelmoqda. Ular yirik muvaffaqiyatlarga erishib,
jamiyatning har tomonlama rivojlanishiga hissa qo‘shmoqda. Biroq bu faoliyat ularning asl
vazifalarini unutishlariga sabab bo‘lmasligi kerak. Ayollarning eng oliy va yaratgandan berilgan
vazifasi – onalik va oiladagi mehrni asrashdir. Agar bu vazifa ikkinchi darajaga tushib qolsa,
kelajak avlod tarbiyasi va jamiyatning ma’naviy madaniyatida jiddiy muammolar paydo bo‘lishi
mumkin.
Hozirgi kunda ayrim ayollar erkaklarning vazifalarini o‘z bo‘yniga olishmoqda. Ular
moliyaviy mas’uliyat, oila boshqaruvi va qaror qabul qilish jarayonlarida erkaklar rolini egallab
bormoqda. Buning natijasida esa erkaklar o‘z vazifalarini bajarmaslik, mas’uliyatdan qochish yoki
faqat o‘z manfaatlarini o‘ylash holatiga tushib qolmoqda. Erkak o‘z erkakligini his qilmasa,
harakat qilmaydi, oilaviy boshqaruvni o‘z zimmasiga olmaydi va umri davomida o‘z o‘rnini topa
olmaydi.
Ayol oilaning yuragi, lekin boshqaruvchisi emas. Oila boshqaruvi erkak zimmasida
bo‘lishi kerak. Ayol erkakning mas’uliyatlarini o‘z bo‘yniga olishga majbur bo‘lsa, oiladagi
muvozanat buziladi. Ayol tabiatan nozik, his-tuyg‘ularga boy va ichki energiyasi bilan oila
muhitini yaxshilash qobiliyatiga ega. Ammo ichki noziklik o‘rniga erkaklarning qat’iyati, jasorati
va mas’uliyati bilan yashashga majbur bo‘lsa, u o‘z ayollik hislatlarini yo‘qotishi mumkin.
Shunday ekan, har bir ayol o‘zligini unutmasligi va unuttirmasligi lozim.
Bugungi kunda ko‘plab ayollarda tashqi go‘zallik ustunlik qilmoqda, ammo ichki ayollik
energiyasi va xarakteri sustlashib bormoqda. Ayolning ichki go‘zalligi nafaqat o‘z oilasi, balki
atrofdagilarga ham xursandchilik olib keladi. Shu sababli, ayol o‘z ichki energiyasini boyitib, asl
mohiyatida yashashi muhimdir. Ayol erkaklikka xos vazifalarni o‘z zimmasiga olmasligi, balki
erkakni ushbu mas’uliyatni his qilishga undashi oiladagi ahillikni, mehrni va ayolning ayolligini
saqlab qoladi.
Biroq shuni unutmaslik kerakki, tarbiyasiz va mas’uliyatsiz erkaklar ko‘pincha oilada
ayollarning noto‘g‘ri yondashuvi yoki erkaklik vazifasini to‘liq bajarishga imkon bermagan
holatlarda shakllanadi. Ba’zi ayollar faqat o‘z ishlariga yoki tashqi yutuqlarga e’tibor qaratib,
erkakni oila boshqaruvida chetda qoldiradilar. Bu esa erkakni mas’uliyatsizlikka yoki oilaviy
harakatdan qochishiga olib keladi.
Erkak mas’uliyatni bolaligidan oilaviy tarbiya va muhit orqali his qilishni o‘rganadi. Ayol
esa oilaning yuragi sifatida nafaqat farzandlarni, balki erkakni ham tarbiyalaydi.
Shu sababli ayollar oilada o‘z nozikligi va dono aqli bilan erkakni kuchli, mas’uliyatli
shaxsga aylantiruvchi onadir.
19
ResearchBib IF - 11.01, ISSN: 3030-3753, Valume 2 Issue 2
Ayol – bu ona, mehribon va oilaning ruhiy tayanchi. Erkak esa oilaning suyanchi,
boshqaruvchisi va ta’minotchisidir.Maqolam songida sizlar uchun dildagi so’zlarimi bayon
etaman.
Dildan so‘zlarim
Ayollar! Sizlar kelajak poydevorlarini yaratasiz. Sizning tarbiyangiz va mehringiz
jamiyatning kelajagini belgilaydi. O‘z xislatlaringizni saqlang, oilangizni xotirjamlik sari
yetaklang va jamiyatga baxtli hamda mas’uliyatli avlodni yetishtiring.
Muallif: Irodaxon Xudoyberdiyeva
