2025
MARCH
NEW RENAISSANCE
INTERNATIONAL SCIENTIFIC AND PRACTICAL CONFERENCE
VOLUME 2
|
ISSUE 3
488
BÁHAR MÁWSIMINDE JÚZ BERETUǴIŃ KEWILSIZ JAǴDAYLAR
R. Reimov
Shomanay rayonı AJB Phám QB aǵa inspektori kapitan.
https://doi.org/10.5281/zenodo.15120963
Anotatsiya.
Bul maqalada báhar máwsiminde júz beretuǵıń kewilsiz jaǵdaylar, ayrıqsha
jaǵdaylar haqqında sóz etilgen.
Gilt sózler:
máwsim, ayrıqsha jaǵdaylar, órt qáwipsizligi, elektr liniyaları.
НЕОЖИДАННЫЕ СОБЫТИЯ, ПРОИСХОДЯЩИЕ В СЕЗОН МУССОНОВ
Аннотация.
В статье рассматриваются неожиданные события и чрезвычайные
ситуации, произошедшие в весенний сезон.
Ключевые слова:
сезон, чрезвычайные ситуации, пожарная безопасность, линии
электропередач.
UNEXPECTED EVENTS THAT OCCUR DURING THE SPRING SEASON
Abstract
. This article discusses unexpected events and emergencies that occur during the
spring season.
Keywords:
season, emergencies, fire safety, power lines.
Mine házir báhar máwsimi ótip atır. Xár bir nárse shóp-sharlar kúnniń ıssısınan quwrap
sal ǵana ushqınnıń ozinen janıp ketiwi itimallıǵı bar.
Sonlıqtan da bul kúnleri órt qawipsizligin támiyinlew máselesi eń bir juwapkerli hám
ahmiyetli talaplardan bolıp esaplanadı.
Ásirese mal qoralarda, tamarqa jerlerde jıynalıp qalǵan quwraq samtıq ot-shóplerdi óz
waqtında tiyisli orınlarǵa shıǵarıp taslaw, yaǵnıy olardı alıs orınlarǵa qáwipsiz shıǵarıp taslaw,
elektr liniyalarınıń astılarına salınǵan mal qora yaki mal shóbi pishen gudilerin basqa orınlarǵa
kóshiriw, taslandı zatlardı joq etiw, balalardıń shırpı menen oynawına jol qoymaw kerek.
Házirgi kúnde Ayrıqsha jaǵdaylar bólimi xızmetkerleri tárepinen puqaralarımızdıń turaq
jayların órt qáwipsizligi boyınsha kózden ótkergenimizde eń kóp ushrasatuǵın kemshiliklerden
biri bul turaq jayına jaqın etip qurılǵan nan jabıw tandırları bolıp tabıladı.
Biz sonı ayrıqsha atap ótiwimiz kerek. Geypara puqaralar jaylarına 2, 3 metr aralıqta tandır
salıp, órtke itibarsız bolmaqta.
Úylerde ornatılǵan qazanxanalardıń morılarınıń sırtqa shıǵıp turǵan jerindegi atirapların
házirgi kúnlerden baslap-aq órt payda etpeytuǵın jaǵdayǵa keltiriw kerek.
2025
MARCH
NEW RENAISSANCE
INTERNATIONAL SCIENTIFIC AND PRACTICAL CONFERENCE
VOLUME 2
|
ISSUE 3
489
Kúndelikli turmıs tájirybelerimizden kórip júrgenimizdey, bir úydegi bir ǵana adamnıń
itibarsızlıǵınan, juwapkersizliginen júz bergen órt jaǵdayı tek ǵana sol úyge ǵana emes, al
atiraptaǵı qońsılardıń uylerin de qamtıp ketiwi itimal.
Sonlıqtan hár bir puqara órt qawipsizligi talaplarına ámel etip, óziniń hár bir is-háreketine
qatań abaylı bolıwı, xalqımız ushın «Tilsiz jaw» esaplanǵan bul kewilsiz jaǵdaydı boldırmawǵa
kúsh salıp, xáreket etiwleri kerek.
Xalıqtıń biyqaterligin, jaqsı kewil-keypiyatın saqlawda bul ahmiyetli iske hár bir puqara,
hár bir mekeme hám karxana basshısı ayrıqsha juwapkershilik penen qarap is tutıwı tiyis.
Mekemelerde, shólkemlerde, úylerde elektr hám gaz úskenelerinen durıs paydalanıwdı
umıtpań!
Sonıń menen birge úyden shıǵıp keterden aldın úylerde gaz hám elektr úskenelerin
qarawsız qaldırmań, onı jas balalarǵa isenip tapsırıp ketpeń, kishkene balalardın elektr, televizor
hám basqa da úskenelerdi nadurıs isletiwine, yaki olarǵa qol tiygiziwine jol qoymań.
Mine usınday tartip-qadelerge óz waqtında ámel etip, itibarda qarap barsaq hár birimiz
ózimizdiń shańaraǵımızdı kewilsiz jaǵdaylardan asraǵan bolamız.
Shańaraqlarıńızǵa amanlıq, órt hám basqada kewilsiz jaǵdaylardan aman bolıń aziz
puqaralar!
