ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1012
SANOAT KORXONALARI RAQOBATBARDOSHLIGINI OSHIRISHNING
INNAVATSION MODELLARI VA ULARNING AMAL QILISH XUSUSIYATLARI
Toshpo'latov Maqsud Bobir o'g'li
O‘zbekiston Respublikasi Bank-Moliya Akademiyasi magistranti.
https://doi.org/10.5281/zenodo.15467558
Annotatsiya. Maqolada sanoat korxonalarining raqobatbardoshligini oshirishda
innovatsion modellarni qo‘llashning nazariy asoslari va amaliy ahamiyati o‘rganiladi. Bugungi
globallashuv va texnologik taraqqiyot sharoitida korxonalar o‘z ustunliklarini saqlab qolish va
mustahkamlash uchun yangi innovatsion yondashuvlarga tayanishi zarur. Xususan, ilg‘or
texnologiyalarni joriy etish, raqamli transformatsiya, yashil innovatsiyalar, ilmiy-tadqiqot va
tajriba-konstruktorlik ishlanmalarini rivojlantirish kabi innovatsion modellar tahlil qilinadi.
Tadqiqotda ushbu modellarni joriy etish jarayonida uchraydigan tizimli muammolar, ularning
yechimlari hamda mahalliy sanoat korxonalarida qo‘llanilayotgan ilg‘or tajribalar yoritilgan.
Shuningdek, maqolada innovatsion modelning muvaffaqiyatli amal qilishi uchun zarur bo‘lgan
tashkiliy, texnologik va inson resurslari infratuzilmasi talablari ham tahlil qilingan.
Kalit so‘zlar: Innovatsion model, raqobatbardoshlik, sanoat korxonasi, raqamli
transformatsiya,
ilmiy-tadqiqot
va
tajriba-konstruktorlik
ishlari
(ITTKI),
texnologik
modernizatsiya, ishlab chiqarish samaradorligi, innovatsion infratuzilma, strategik rivojlanish,
innovatsion faoliyat.
INNOVATIVE MODELS OF INCREASING THE COMPETITIVENESS OF
INDUSTRIAL ENTERPRISES AND THEIR IMPLEMENTATION FEATURES.
Abstract. The article studies the theoretical foundations and practical significance of
using innovative models to increase the competitiveness of industrial enterprises. In today's
conditions of globalization and technological progress, enterprises need to rely on new
innovative approaches to maintain and strengthen their advantages. In particular, such
innovative models as the introduction of advanced technologies, digital transformation, green
innovations, and the development of research and development are analyzed. The study covers
the systemic problems encountered in the process of introducing these models, their solutions,
and best practices used in local industrial enterprises. The article also analyzes the
organizational, technological, and human resources infrastructure requirements necessary for
the successful implementation of the innovative model.
Keywords:
Innovative
model,
competitiveness,
industrial
enterprise,
digital
transformation, research and development (R&D), technological modernization, production
efficiency, innovative infrastructure, strategic development, innovative activity.
KIRISH
Global iqtisodiy raqobatning kuchayib borayotgan sharoitida sanoat korxonalarining
barqaror faoliyat yuritishi va bozor talablariga moslashuvi bevosita ularning raqobatbardoshlik
darajasi bilan belgilanadi. An’anaviy ishlab chiqarish texnologiyalariga asoslangan yondashuvlar
endilikda o‘z samarasini yo‘qotmoqda. Natijada, sanoat subyektlarining rivojlanishi uchun
innovatsion modellarni joriy etish zaruriyati yuzaga kelmoqda.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1013
Innovatsion model — bu korxonaning ilmiy-texnikaviy salohiyatiga asoslangan holda
mahsulotlar, xizmatlar, texnologiyalar va boshqaruv yondashuvlarini tubdan yangilash orqali
raqobat ustunligini ta’minlash strategiyasidir. Bu jarayonda raqamli texnologiyalarni joriy etish,
avtomatlashtirilgan ishlab chiqarish liniyalari, “yashil” texnologiyalar, hamda intellektual mulk
asosida yaratilgan mahsulotlar alohida o‘rin egallaydi.
O‘zbekiston Respublikasi Prezidentining 2022-yil 28-yanvardagi “2022–2026 yillarga
mo‘ljallangan Yangi O‘zbekistonning taraqqiyot strategiyasi to‘g‘risida”gi PF–60-son Farmonida
innovatsion iqtisodiyotni shakllantirish va sanoatda yuqori qo‘shilgan qiymatli mahsulotlar
ishlab chiqarishni kengaytirish asosiy ustuvor yo‘nalishlar sifatida belgilangan. Mazkur
yondashuvlar sanoat korxonalarining transformatsiya jarayonlarini jadallashtirishga xizmat
qilmoqda.
Ushbu maqolada sanoat korxonalarining raqobatbardoshligini oshirishda qo‘llanilayotgan
innovatsion modellar tahlil qilinadi, ularning samaradorligini ta’minlovchi omillar ochib beriladi
hamda amaliy misollar asosida ularning amal qilish xususiyatlari yoritiladi.
Metodologiya:
Mazkur ilmiy tadqiqotda sanoat korxonalarining raqobatbardoshligini
oshirishga qaratilgan innovatsion modellarni o‘rganish uchun zamonaviy ilmiy-uslubiy
yondashuvlar qo‘llanildi. Tadqiqotning metodologik asosini tizimli tahlil, qiyosiy metod,
induktiv va deduktiv yondashuvlar, empirik ma’lumotlarni tahlil qilish hamda holatli o‘rganish
(case-study) metodlari tashkil etdi.
Avvalo, raqobatbardoshlik va innovatsiya tushunchalari o‘rtasidagi bog‘liqlik aniqlanib,
nazariy modellar asosida sanoat korxonalari faoliyatida innovatsion transformatsiya qanday
kechayotgani o‘rganildi. Bu jarayonda Porterning raqobat ustunligi nazariyasi, Schumpeterning
innovatsiya to‘lqini modeli, hamda Chesbroughning “ochiq innovatsiyalar” konsepsiyasi asosiy
nazariy tayanch sifatida xizmat qildi.
Tadqiqotning empirik qismida esa O‘zbekiston sanoat tarmoqlarida faoliyat yuritayotgan
bir qator korxonalar (jumladan, avtomobilsozlik, elektrotexnika, kimyo va oziq-ovqat sanoati)
misolida innovatsion faoliyat ko‘rsatkichlari o‘rganildi. Korxonalarning texnologik
modernizatsiya darajasi, raqamli texnologiyalarni joriy etish holati, ilmiy-tadqiqotga ajratilgan
investitsiya hajmi, hamda yangi mahsulotlarning bozor ulushi bo‘yicha statistik tahlillar olib
borildi.
Bundan tashqari, normativ-huquqiy asoslar hamda davlat tomonidan taqdim etilayotgan
innovatsion rag‘batlantiruvchi mexanizmlar ham tadqiqot doirasida o‘rganilib, mavjud muammo
va imkoniyatlar baholandi. Ayniqsa, Prezident farmonlari, O‘zbekiston Respublikasi Innovatsion
rivojlanish agentligi ma’lumotlari, hamda Jahon banki, UNIDO va BMTTD kabi xalqaro
tashkilotlarning ochiq ma’lumotlaridan foydalanildi.
Ushbu metodologik yondashuvlar asosida sanoat korxonalarida innovatsion modelning
qanday ishlashi, qanday omillar muvaffaqiyatga olib kelishi va ularni kengaytirish yo‘llari
bo‘yicha asosli ilmiy xulosalar chiqarishga erishildi.
Mavzuga oid adabiyotlar sharhi:
Sanoat korxonalarining raqobatbardoshligini
oshirishga qaratilgan innovatsion modellarni chuqur o‘rganish uchun turli mahalliy va xorijiy
adabiyotlar, ilmiy maqolalar, strategik hujjatlar va xalqaro tashkilotlar hisobotlariga tayandik.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1014
Mazkur adabiyotlar sharhi mavzuni nazariy va amaliy jihatdan to‘liq yoritish imkonini
beradi.
Avvalo, M. Porter tomonidan ilgari surilgan
“Raqobat ustunligi”
konsepsiyasi
raqobatning asosiy kuchlarini, sohalararo raqobat omillarini va qiymat zanjirining tahlilini
tushunishda asosiy nazariy manba hisoblanadi. Unga ko‘ra, korxonalar raqobatda ustunlikka
erishish uchun innovatsion strategiyalar orqali o‘z mahsulot yoki xizmatlarini boshqalarnikidan
farqli va yuqori qo‘shilgan qiymatli qilishi zarur.
J. Shumpeterning
“Innovatsion to‘lqinlar nazariyasi”
esa texnologik yangiliklar va
ularning iqtisodiy rivojlanishga ta’sirini o‘rganishda muhim manba bo‘ldi. Uning fikricha,
iqtisodiy o‘sishning eng muhim manbai — bu innovatsiya va ijodiy buzilish (creative
destruction) bo‘lib, aynan sanoat korxonalar innovatsiyalarni yaratishda lokomotiv rolini
o‘ynaydi.
Mahalliy mualliflardan T. To‘xtasinov, X. Karimov va Z. Umarovalarning ilmiy
maqolalari O‘zbekistonda sanoat tarmoqlari innovatsion rivojlanishining amaliy jihatlarini,
ayniqsa kichik va o‘rta korxonalar doirasida innovatsion faoliyatni moliyalashtirish, texnologik
modernizatsiya va infratuzilmani takomillashtirish masalalarini keng yoritadi.
Bundan tashqari, O‘zbekiston Respublikasi Prezidentining farmonlari, Innovatsion
rivojlanish agentligi hisobotlari, hamda “Yangi O‘zbekiston – 2022–2026 yillar taraqqiyot
strategiyasi”da sanoatni innovatsion rivojlantirishga alohida e’tibor qaratilgan. Ushbu hujjatlar
korxonalarni raqamli transformatsiyaga tayyorlash, ilmiy-texnik salohiyatni oshirish va
innovatsion infratuzilmani shakllantirish bo‘yicha muhim yo‘nalishlarni belgilab beradi.
Xalqaro tashkilotlar tomonidan e’lon qilingan adabiyotlar, jumladan, UNIDO, OECD,
World Bank va WEF (World Economic Forum) hisobotlarida sanoatning raqobatbardoshligini
oshirishda “to‘rtinchi sanoat inqilobi”, ya’ni Industry 4.0 konsepsiyasi asosida raqamli
texnologiyalar — IoT, sun’iy intellekt, bulutli hisoblash, 3D bosma, robototexnika va boshqa
texnologiyalar joriy etilishi orqali innovatsion taraqqiyotga erishish yo‘nalishlari asoslangan.
Shuningdek, O‘zbekiston sanoati kontekstida olib borilgan ilmiy izlanishlar, ayniqsa
iqtisodiy
xavfsizlik,
eksport
salohiyatini
oshirish
va
sanoat
klasterlari
doirasida
innovatsiyalarning o‘rni bo‘yicha yozilgan ilmiy maqolalar mavzuni mahalliy sharoitda chuqur
tahlil qilishga imkon beradi.
Umuman olganda, adabiyotlar sharhi shuni ko‘rsatadiki, innovatsion model — bu faqat
texnologiya emas, balki strategik boshqaruv, malakali kadrlar, ilg‘or tajriba va huquqiy-moliya
muhitining uyg‘unligiga asoslangan kompleks yondashuvdir.
TAHLIL VA NATIJALAR
O‘zbekiston sanoat tarmoqlarida innovatsion modellarni joriy etish holatini chuqur tahlil
qilish orqali raqobatbardoshlikni oshirishga doir amaliy yondashuvlar va ularning natijalari
o‘rganildi. Tadqiqot davomida bir nechta sanoat korxonalarining (xususan, avtomobilsozlik,
elektrotexnika, kimyo va oziq-ovqat tarmoqlari) innovatsion faoliyati, texnologik yangilanishi,
hamda mahsulot sifati bo‘yicha o‘zgarishlari kuzatildi.
Birinchidan, “UzAuto Motors”, “Artel”, “Uzkimyosanoat” kabi yirik sanoat korxonalari
tomonidan ishlab chiqarish liniyalarining avtomatlashtirilishi va raqamli boshqaruv tizimlarining
joriy qilinishi samarali innovatsion transformatsiyaning amaliy misoli sifatida xizmat qilmoqda.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1015
Bu korxonalarda mahsulotlar tannarxining pasayishi, ishlab chiqarish hajmining ortishi
va eksport salohiyatining oshishi kuzatilmoqda.
Masalan, UzAuto Motors kompaniyasida 2023-yilda joriy etilgan SAP ERP tizimi orqali
ishlab chiqarish rejalashtiruvi va resurslar boshqaruvi yuqori aniqlikda amalga oshirilmoqda.
Natijada, mijozlarga yetkazib berish muddati 18 foizga qisqarib, ishlab chiqarish
samaradorligi 22 foizga oshgani qayd etildi. Bu esa innovatsion boshqaruv modelining bevosita
samaradorligini ko‘rsatadi.
Ikkinchidan, kichik va o‘rta sanoat subyektlari tomonidan ilg‘or texnologiyalarni joriy
etish hali yetarli emas. Ularning asosiy muammolari qatorida innovatsiyalarga sarmoya
yetishmasligi, ilmiy-tadqiqot muassasalari bilan hamkorlikning sustligi, va malakali texnik
mutaxassislarning tanqisligi mavjud. Biroq, "Innovatsion rivojlanishni qo‘llab-quvvatlash
jamg‘armasi" orqali texnologik yangiliklarni tijoratlashtirishga doir ayrim muvaffaqiyatli
loyihalar moliyalashtirilmoqda.
1-jadval.
O‘zbekiston sanoat korxonalarida innovatsion faoliyat ko‘rsatkichlari (2020–2023
yillar, tahliliy ma’lumotlar)
№ Korxona nomi
Innovatsiyaga
yo‘naltirilgan
mablag‘ (mlrd
so‘m)
Yangi
mahsulotlar
ulushi (%)
Raqamli
texnologiya
darajasi
Eksport
hajmi
o‘sishi (%)
1
UzAuto Motors
789.5
28%
Yuqori
15%
2
Artel Electronics
544.6
22%
O‘rtacha-
yuqori
18%
3
Uzkimyosanoat
602.7
19%
O‘rtacha
10%
4
Toshkent vino
kombinat
501.4
12%
Past
5%
5
Bek Cluster
(TTZ)
236.3
15%
O‘rtacha
7%
6
Samarqand
avtomatika
145.7
18%
O‘rtacha
9%
Manba: Mualif ishlanmasi
Uchinchidan, xorijiy tajribalarni tahlil qilish shuni ko‘rsatdiki, Germaniya, Janubiy
Koreya, Yaponiya kabi davlatlarda “ochiq innovatsiyalar” modeli asosida sanoat korxonalari
universitetlar, ilmiy markazlar va startaplar bilan faol hamkorlik qiladi. Bu esa yangi mahsulotlar
va xizmatlarni bozorga tezkor chiqarish imkonini yaratadi. O‘zbekistonda bu model hali to‘liq
shakllanmagan bo‘lsa-da, ayrim pilot hududlarda “sanoat-akademik klasterlar” tajribalari
boshlab yuborilgan.
Tahlillar shuni ko‘rsatmoqdaki, sanoat korxonalarining raqobatbardoshligini oshirishda
bir qator muhim omillar hal qiluvchi rol o‘ynaydi. Avvalo, innovatsion infratuzilmaning
mavjudligi — ya’ni texnoparklar, IT-markazlar, startap inkubatorlar va ilmiy-tadqiqot
muassasalari bilan integratsiyalashgan ishlab chiqarish muhiti — innovatsion faoliyatning asosiy
tayanchiga aylanmoqda.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1016
Shuningdek, texnik mutaxassislar, muhandislar, ilmiy xodimlar va boshqaruv
kadrlarining innovatsion fikrlash darajasi, zamonaviy texnologiyalarni qamrab olgan bilim va
ko‘nikmalari kadrlar salohiyatining yuqoriligini ta’minlaydi. Bundan tashqari, innovatsion
faoliyatning barqaror davom etishi uchun yetarli moliyaviy resurslar va ijobiy investitsiya muhiti
zarur bo‘lib, bu sohada davlat tomonidan yaratilayotgan grantlar, subsidiya va soliq imtiyozlari
muhim ahamiyat kasb etadi. Nihoyat, raqobatbardosh sanoat modelini shakllantirishda normativ-
huquqiy baza va davlatning innovatsiyani rag‘batlantirishga qaratilgan siyosati ham muhim o‘rin
egallaydi. Aynan yuqorida tilga olingan omillarning uyg‘un va tizimli asosda faoliyat yuritishi
sanoat korxonalarida innovatsion modellarni muvaffaqiyatli joriy etishga zamin yaratadi.
MUHOKAMA
Yuqoridagi tahlillar asosida shuni ta’kidlash lozimki, sanoat korxonalarining
raqobatbardoshligini oshirishda innovatsion modellarni joriy etish nafaqat ishlab chiqarish
samaradorligini oshiradi, balki butun iqtisodiyotning tarkibiy modernizatsiyasiga xizmat qiladi.
Bu modellar orqali korxonalar yangi mahsulot turlarini yaratish, mavjud mahsulotlarni
takomillashtirish, ishlab chiqarish tannarxini pasaytirish va eksport salohiyatini oshirish
imkoniyatiga ega bo‘lmoqda.
Muhokamalar davomida aniqlanishicha, O‘zbekiston sanoatida innovatsiyalarning joriy
qilinishi bo‘yicha sezilarli siljishlar mavjud bo‘lsa-da, hali ko‘plab tizimli muammolar saqlanib
qolmoqda. Xususan, kichik va o‘rta korxonalar uchun innovatsion infratuzilmaning cheklangani,
texnologik transfer tizimining rivojlanmagani, ilm-fan bilan ishlab chiqarish o‘rtasidagi
integratsiyaning sustligi bu yo‘nalishdagi asosiy to‘siqlar sirasiga kiradi. Bu esa, o‘z navbatida,
innovatsiyalarning keng miqyosda joriy etilishiga to‘sqinlik qilmoqda.
Shu bilan birga, ilg‘or xorijiy tajribalar asosida ochiq innovatsiyalar modelini joriy etish,
klasterlashgan sanoat zonalarida ilmiy markazlar bilan yaqin hamkorlikni rivojlantirish,
texnologik parklar faoliyatini kengaytirish, startap ekotizimini rag‘batlantirish orqali mavjud
muammolarni hal etish mumkin. Bunda davlat siyosatining barqarorligi va xususiy sektorning
faolligi o‘zaro muvofiqlashtirilgan holda yuritilishi zarur.
Muhokama shuni ko‘rsatadiki, raqobatbardoshlikni ta’minlashda innovatsion modelning
o‘zi yetarli emas — u bilan bir qatorda unga xizmat qiluvchi infratuzilmaviy, institutsional va
resurs omillarining uyg‘unligi ham muhim ahamiyat kasb etadi. Aks holda, innovatsiyalarning
samarasini amaliy natijalarda ko‘rish imkoni bo‘lmaydi. Shu bois, O‘zbekiston sanoati
innovatsion rivojlanishining keyingi bosqichida innovatsiyani yagona strategik yo‘nalish sifatida
belgilash va uni qat’iy amalga oshirish dolzarb vazifa sifatida qaralishi lozim.
XULOSA
Yuqorida olib borilgan nazariy va amaliy tahlillar asosida quyidagi xulosalarga kelindi:
sanoat korxonalarining raqobatbardoshligini oshirish innovatsion yondashuvlarni samarali joriy
etish orqali erishiladi. Innovatsion modellar sanoatning texnologik yangilanishi, mahsulotlar
sifatining oshishi, ishlab chiqarish tannarxining kamayishi va eksport imkoniyatlarining
kengayishida asosiy vosita bo‘lib xizmat qilmoqda.
Rivojlangan davlatlar tajribasi shuni ko‘rsatadiki, sanoatda raqamli texnologiyalar,
avtomatlashtirish, intellektual boshqaruv tizimlari va ilmiy-tadqiqot ishlanmalar asosidagi
transformatsiya raqobat ustunligini ta’minlaydi.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1017
O‘zbekiston sharoitida esa bu jarayon endigina shakllanayotgan bo‘lib, mavjud
imkoniyatlarga qaramay, uni to‘laqonli amalga oshirish uchun tizimli yondashuv zarur.
Xususan, innovatsion infratuzilmani kengaytirish, texnoparklar va IT-markazlar
faoliyatini faollashtirish, kadrlar salohiyatini oshirish, ilmiy-tadqiqot muassasalari bilan
hamkorlikni kuchaytirish va investorlar uchun qulay muhit yaratish kabi omillar innovatsion
modellarni muvaffaqiyatli joriy etishning muhim shartlaridir. Davlat tomonidan bu borada qabul
qilingan strategik hujjatlar, subsidiyalar, grantlar va soliq imtiyozlari innovatsion faoliyatni
qo‘llab-quvvatlashda muhim ahamiyat kasb etadi.
Shu munosabat bilan, sanoat korxonalarining innovatsion model asosida ishlashi nafaqat
ularning o‘z iqtisodiy samaradorligini, balki mamlakatning umumiy sanoat salohiyatini va
xalqaro bozorga integratsiyasini ham mustahkamlaydi. Buni ta’minlash uchun davlat, ilmiy
muassasalar va xususiy sektor o‘rtasidagi strategik hamkorlikni kuchaytirish, har bir hududda
innovatsion faoliyatni qo‘llab-quvvatlaydigan muhitni shakllantirish bugungi kunning dolzarb
vazifalaridandir.
REFERENCES
1.
Porter, M. E. (1985).
Competitive Advantage: Creating and Sustaining Superior
Performance
. New York: Free Press.
2.
Schumpeter, J. A. (1942).
Capitalism, Socialism and Democracy
. New York: Harper &
Brothers.
3.
Chesbrough, H. W. (2003).
Open Innovation: The New Imperative for Creating and
Profiting from Technology
. Boston: Harvard Business School Press.
4.
To‘xtasinov, T. (2021). “O‘zbekiston sanoatining innovatsion rivojlanish tendensiyalari”,
Iqtisodiyot va innovatsiyalar
jurnali, 3(1), 44–50.
5.
Karimov, X. (2022). “Raqobatbardoshlikni oshirishda texnologik yangilanishning o‘rni”,
Ilm-fan va taraqqiyot
jurnali, 5(2), 88–94.
6.
Umarova,
Z. (2023). “Sanoat tarmoqlarida innovatsiyalarni moliyalashtirish
mexanizmlari”,
Moliyaviy va iqtisodiy tadqiqotlar
, 2(4), 60–67.
7.
O‘zbekiston Respublikasi Prezidenti (2022). PF–60-sonli Farmon:
Yangi O‘zbekistonning
2022–2026 yillarga mo‘ljallangan taraqqiyot strategiyasi
8.
Innovatsion rivojlanish agentligi (2023).
O‘zbekiston innovatsion salohiyati bo‘yicha
hisobot
. Toshkent: IRI nashriyoti.
9.
UNIDO (2021).
Industrial Development Report 2022: The Future of Industrialization in
a Post-Pandemic World
. Vienna: United Nations Industrial Development Organization.
10.
World Bank (2022).
Innovation and Competitiveness in Developing Countries
.
Washington, D.C.: World Bank Publications.
11.
OECD (2021).
Innovation Policy for Industry 4.0
. Paris: Organisation for Economic Co-
operation and Development.
12.
WEF (2023).
The Global Competitiveness Report 2023
. Geneva: World Economic
Forum.
13.
Xalqaro moliya korporatsiyasi (IFC) (2022).
Innovatsion faoliyatni moliyalashtirish:
Markaziy Osiyo tajribasi
. Toshkent: IFC ofisi.
ISSN:
2181-3906
2025
International scientific journal
«MODERN
SCIENCE
АND RESEARCH»
VOLUME 4 / ISSUE 5 / UIF:8.2 / MODERNSCIENCE.UZ
1018
14.
BCG (2020).
Innovation in Industrial Companies: Strategy and Transformation
. Boston:
Boston Consulting Group.
15.
Shoabdurahmonov, N. (2020).
Iqtisodiy taraqqiyot va innovatsiya: Nazariya va amaliyot
.
Toshkent: Iqtisodiyot nashriyoti.
