Жамият ва инновациялар –
Общество и инновации –
Society and innovations
Journal home page:
https://inscience.uz/index.php/socinov/index
Administrative and legal character of licensing and licensing
activities of internal affairs bodies
Erkin NARBUTAEV
1
Academy of MIA of the Republic of Uzbekistan
ARTICLE INFO
ABSTRACT
Article history:
Received June 2021
Received in revised form
20 June 2021
Accepted 25 July 2021
Available online
25 August 2021
The article gives suggestions and recommendations aimed at
improving it on the basis of the administrative and legal nature
of licensing, the permissive activity of the internal affairs bodies,
the opinions of scientists and the results of the study of practice.
2181-1415/© 2021 in Science LLC.
This is an open access article under the Attribution 4.0 International
(CC BY 4.0) license (https://creativecommons.org/licenses/by/4.0/deed.ru)
Keywords:
license,
authority of law,
organs of licensing,
client of licensing,
shape,
order,
style,
activity of licensing.
Лицензиялашнинг маъмурий-ҳуқуқий табиати ҳамда ички
ишлар органларининг руҳсат бериш фаолияти
АННОТАЦИЯ
Калит сўзлар:
лицензия,
маъмурий ҳуқуқ,
лицензияловчи органлар,
лицензия талабгорлари,
шакл,
усул,
тартиб,
таомил,
лицензиялаш фаолияти.
Мақолада лицензиялашнинг маъмурий-ҳуқуқий табиати,
ички ишлар органларининг рухсат берувчи фаолияти, олим-
ларнинг фикрлари ва амалиётни ўрганиш натижалари асосида
уни такомиллаштиришга қаратилган таклиф ва тавсиялар
берилган.
1
PhD, Acting Associate Professor, Department of Administrative Law, Academy of MIA of the Republic of Uzbekistan,
Tashkent, Uzbekistan.
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
41
Административно – правовой характер лицензирования и
лицензионная деятельность органов внутренних дел
АННОТАЦИЯ
Ключевые слова:
лицензия,
административное право,
лицензирующие органы,
соискатели лицензий,
форма,
метод,
порядок,
способ,
лицензионная
деятельность.
В статье даются предложения и рекомендации,
направленные на совершенствование разрешительной
деятельности органов внутренних дел, исходя из
административно-правового характера лицензирования,
мнения ученых и результатов изучения практики.
Давлат ҳуқуқни муҳофаза қилувчи органларнинг зиммасига жамоат тартиби
ва жамоат хавфсизлигини таъминлаш вазифаси юклатилади. Жамоат тартиби ва
жамоат хавфсизлигини таъминловчи органлар тизимида Ўзбекистон Республикаси
ички ишлар органларига, ўқ отар қуроллар ҳамда ўқ-дорилари, саноат учун
мўлжалланган портловчи материаллар шунингдек пиротехника буюмлари, гиёҳ-
вандлик воситалари, психотроп моддалар ва прекурсорларини муомалада бўлиши,
ёнғинга қарши автоматика воситаларни, қўриқлаш сигнализацияларини, ёнғиндан
дарак берувчи ва ёнғиндан сақловчи сигнализацияларни лойиҳалаштириш, монтаж
қилиш, созлаш, таъмирлаш ва уларга техник хизмат кўрсатиш соҳаларида
лицензиялаш ва рухсат этиш хусусиятига эга ҳужжатларни бериш фаолиятини
ташкил этиш ва амалга ошириш вазифалари юклатилган. Ички ишлар органлари
тизимида лицензия ва рухсат этиш хусусиятларга эга хужжатлар бериш
ваколатлари Ўзбекистон Республикаси Ички ишлар вазирлиги Патрул-пост
хизмати ва жамоат тартибини сақлаш Бош бошқармаси ва Ёнғин хавфсизлиги
Давлат хизмати зиммасига юклатилган.
Лицензиялаш замонавий миллий қонунчилигимизнинг фаол ривожлана-
ётган институтларининг бири ҳисобланиб кенг хажмдаги ижтимоий муносабат-
ларга нисбатан давлат сиёсатини олиб боришда қўл келади. Лийензиялаш
институтининг ривожланиши, бугунги кунда мамлакатимизда амалга ошири-
лаётган кенг кўламли маъмурий ислоҳотлар шароитида янада долзарб эканлиги-
дан далолат беради.
Лицензиялаш соҳасидаги ижтимоий муносабатларнинг кенг тарқалганлиги
сабабли, улар турли даражадаги, яъни Ўзбекистон Республикаси қонунлари, Олий
Мажлис қарорлари, Вазирлар Махкамасининг қарорлари, ички ишлар органлари
томонидан қабул қилинадиган идоравий норматив-ҳуқуқий хужжатлар билан
тартибга солинади.
Эътироф этиш жоизки, лицензиялаш тушунчаси иборалар қаторида ўзининг
мустахкам ўрнига эга бўлиши бозор муносабатларининг ривожланиши, тадбир-
корлик фаолиятининг янги турлари пайдо бўлиши билан шартланади. Лицензия-
лаш тизими ва лицензиялаш муносабатларини ҳуқуқий тартибга солиш масалалари
доимо илмий изланиш объекти бўлиб келмоқда.
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
42
И.А. Хамедовнинг фикрича, Ўзбекистон Республикасида амалга ошири-
лаётган маъмурий ислоҳотлар доирасида рухсат этувчи тартиб-таомилларни
(лицензиялаш, сертификатлаш, рўйхат олиш) соддалаштиришни назарда тутувчи
норматив-ҳуқуқий хужжатларни (қонун лойихаларини) тайёрлаш ишларини
фаоллаштириш лозим.
А.А. Лининг фикрича, лицензиялашнинг ҳуқуқий тартибга солиниши мавҳум-
ликдан аниқликка қараш принципига асосланади. Қонун лицензиялашнинг мавҳум
талабларни, шартларини ва тартибини белгиласа, қонуности ҳужжатлар унинг
қоидаларини фаолиятнинг ҳар хил турларини қўллаш тартибини аниқлаштиради.
Шундай қилиб, лицензиялаш жараёнида қонунларнинг ўрни қонуности ҳужжат-
ларга қараганда жиддий эмас.
Профессор Б.Э. Косимов ва профессор Х.Т. Адилкариевларнинг таҳрири
остидаги “Маъмурий ҳуқуқ” дарслигида, лицензиялаш серификатлаш, солиқ солиш,
рўйхатга олиш каби шакллар билан бир қаторда давлат бошқарувининг тартибга
солувчи функциясига киритилган.
Лицензиялашнинг маъмурий ҳуқуқий табиати ва уни ички ишлар
органларининг рухсат этувчи фаоляти билан ўзаро муносабатини аниқлаш учун
унинг қонунчилик орқали тартибга солувчи тизимидаги ўрнини аниқлаш лозим.
Унинг ўрни эса, мамлакатда жамоат тартибини сақлаш ва жамоат хавфсизлигини
таъминлаш билан бевосита боғлиқдир.
Шундай қилиб, лицензиялашнинг маъмурий-ҳуқуқий табиатининг белги-
ларига қуйидагиларни киритиш мумкин:
–
лицензиялаш муносабатларининг субъектлари томонидан риоя этилиши
керак бўлган зарурий талаб ва шартларнинг мавжудлиги;
–
лицензиялаш субъектларининг ўзаро муносабатларининг ихтиёрийлиги
(лицензияга талабгор ёки лицензиатларнинг ички ишлар органларига мурожаати);
–
лицензиялаш муносабатларининг императивлиги, лицензиялашни қонун
нормалари асосида амалга оширилиши;
–
лицензиялаш субъектлари доирасининг чекланганлиги (ички ишлар
органлари – лицензияга талабгор ёки лицензиат);
–
лицензиялаш муносабатлари субъектларининг ваколатлари, ҳуқуқ ва
мажбуриятларининг хажм жиҳатдан турли хиллиги.
Ўз навбатда, лицензиялаш ва рухсат этиш тушунчалари бўйича ягона
ёндошувлар мавжуд эмаслиги лицензиялаш тизимининг ҳуқуқий табиати, унинг
моҳияти, аҳамияти ва хусусиятлари тўғрисидаги масалани кўриб чиқиш зарурати-
ни вужудга келтирмоқда.
Лицензиялашнинг ҳуқуқий табиати борасида турли қарашлар билдирил-
моқда. Лицензиялаш тизимига фуқаролик ҳуқуқи нуқтаи назардан қаралганда, уни
юридик шахс ёки фуқаро – тадбиркорнинг ҳуқуқий лаёқатини вужудга келиши
муаммолари билан чамбарчас боғлиқлиги кўринади.
Таъкидлаш жоизки, ички ишлар органларининг лицензиялаш-рухсат этиш
фаолиятида “лицензия” ва “рухсат” тушунчалари асосий аҳамиятга эга. Қонун-
чиликда, ўз навбатида, “рухсат” иборасининг аниқ легал тушунчаси ўз ифодасини
топмаган, фақатгина “лицензия” тушучасини тартибга солишга ҳаракат қилинган.
Ушбу тушунчаларнинг моҳиятини тўлиқ тушуниб олиш учун, уларнинг келиб
чиқишини, мазмунан ўзаро фарқини ёки ўхшашлигини тушуниб олиш зарур.
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
43
Фикримизча, асосий бўлмиш – рухсат иборасини тушуниб олиш лозим. Ўзбек
тилининг изоҳли луғатида ушбу тушунчани, бирор ишни бажариш, қилиш, амалга
ошириш учун шу ишга таалуқли ёки жавобгар киши, орган, ташкилот ва ҳ.к.
томонидан берилган ижозат, розилик жавоби сифатида белгилайди [1]. Лицензия
деганда эса, амалдаги қонунларга кўра муайян фаолиятни амалга ошириш
(масалан, четга мол чиқариш ёки четдан мол олиб келиш) учун давлат органлари
томонидан бериладиган рухсат тушунилади. Шундай қилиб, кўриниб турибдики,
ушбу иккала тушунча бир бирига ўхшаш бўлиб, қонунчиликда назарда тутилган
муайян талабларга риоя этган холда қандайдир фаолият билан шуғулланиш
ҳуқуқини берувчи давлатнинг махсус рухсатини англатади. Хар иккала тушунча хам
рухсат берувчи битта режимнинг таркибий қисми ҳисобланади: хам юридик, хам
жисмоний шахс, муайян харакатларни амалга оширишга рухсат этиш тўғрисидаги
ариза билан тегишли органга мурожаат қилиб, уларни амалга оширига давлат
томонидан рухсат олади (масалан, фуқаровий ва хизмат қуролларини ҳамда улар
ўқ-дориларини олиш).
Лицензия ва рухсат тушунчалари турли манбааларда кўриб чиқилган:
энциклопедияларда, луғатларда, илмий ишларда: монографияларда, диссертация-
ларда, илмий мақолалардава тезисларда. Масалан, юридик энциклопедияда
лицензия (лот. – эркинлик, ҳуқуқ) – махсус ваколатли давлат органи амалдаги
қонун хужжатларига кўра лицензияланиши лозим бўлган фаолият тури билан
муайян муддат давомида шуғулланиш учун бериладиган рухсат [2] сифатида
белгиланган. Ўзбекистон юридик энциклопедиянинг муаллифларининг фикрича,
лицензия (лот. Licenzia харакатлар эркинлиги, ҳуқуқ) – лицензияловчи орган
томонидан лицензия талабгорларига ўрнатилган шартларга қатъий риоя этган
холда лицензияланадиган турдаги фаолиятни амалга оширишга бериладиган
рухсат (ҳуқуқ) [3]. “Рухсат” тушунчаси фақатгина “лицензия” тушунчаси билан
биргаликда, айнан давлат, ваколатли орган томонидан муайян фаолият юритиш
учун бериладиган махсус рухсат сифатида кўрилади. Норматив-ҳуқуқий хужжат-
ларда, кўпинча “рухсат” тушунчаси қавс ичида “лицензия” ва аксинча “лицензия”
деганда қавс ичида “рухсат” деб баравар ишлатилади. Норматив-ҳуқуқий
хужжатларда хар иккала тушунчага қўйиладиган асос ва талаблар, берилиш
механизми ва уларни тугатиш айнан бир хил. Шундай қилиб, қонун чиқарувчи ушбу
иккала тушунча ўзларининг мазмунига кўра ўхшаш эканлигини намоён этмоқда.
“Лицензия” ва “Рухсат” расмий хужжат бўлиб, шахснинг муайян масалаларда,
фаолият турида ваколатга эгалигини давлат томонидан тан олинишини
билдиради, рухсат ва лицензияда кўрсатилган мазкур фаолият турлари билан
шуғулланиш ҳуқуқини беради ҳамда ушбу хужжатларни амал қилиш шартларини
ва муддатларини белгилайди.
Таъкидлаш жоизки, бугунги кунда лицензиялаш қонунчилиги тизимида
Ўзбекистон Республикасининг 2000 йил 25 майдаги “Фаолиятнинг айрим турлари-
ни лицензиялаш тўғрисида” қонуни, Ўзбекистон Республикаси Олий Мажлисининг
2001 йил 12 майдаги “Амалга оширилиши учун лицензиялар талаб қилинадиган
фаолият турларининг рўйхати тўғрисида” қарорлари[4], Ўзбекистон Республикаси
вазирлар Махкамасининг 2002 йил 28 июндаги “Фаолиятнинг айрим турларини
лицензиялаш
тўғрисида”ги
Ўзбекистон
Республикаси
қонунини
амалга
ошириш чора-тадбирлари ҳақида”ги қарори [5] марказий ўрин эгалламоқда. Улар,
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
44
биринчидан, берилган “лицензия” тушунчаси лицензиялашнинг ҳуқуқий режими
учун ягона, бир шаклдаги базани ташкил этиб, иккинчидан, лицензияланиладиган
фаолият турларининг рўйхатини ўз ичига олади. Бинобарин, унга киритилган
фаолият турларига мувофиқ, ҳуқуқий режим барчалар учун лицензия қўллашнинг
бир хил ҳуқуқий мазмунга эга.
С.М. Селиманованинг фикрича, лицензия деганда, лицензияловчи орган
томонидан жисмоний ва юридик шахсларга уларнинг аризаларини кўриб чиқиш
натижалари бўйича бериладиган, муайян вақт давомида ёки муддатсиз тарзда
лицензиялаштириладиган фаолият турини амалга ошириш имконини берадиган
расмий хужжат [6] тушунилади. Шундай қилиб, А.А. Алексеев, рухсат этувчи
тизимининг маъмурий-ҳуқуқий институтини ўрганиш жараёнида рухсат этувчи
тизимининг субъектларини рухсат бериш соҳасида вужудга келадиган маъмурий-
ҳуқуқий муносабатларнинг субъектлари сифатида юридик таснифлаш лозим-
лигини асосланитириб, ушбу субъектларни индивидуал (якка) ва жамоат субъект-
лари сифатида таснифини келтирмоқда.
Бироқ, турли хил талабларга риоя қилишни талаб этувчи, масалан, фуқаровий
ва хизмат қуроллари ҳамда улар ўқ-дорилари, саноат учун мўлжалланган портловчи
материаллар, пиротехника буюмлари, гиёҳвандлик воситалари, психотроп
моддалар, прекурсорлар, алюмин кукунибилан муомала қилиш соҳасида фаолият
амалга ошириш учун махсус руҳсат талаб этувчи, лицензияловчи қаторига кирмай-
диган, ички ишлар органларининг идоравий норматив-ҳуқуқий хужжатлари билан
бошқача холат кузатилмоқда. Мазкур мисолда муайян турдаги фаолият билан
шуғулланиш учун бериладиган расмий рухсатнинг турлилиги – рухсатни ички
ишлар органлари томонидан берилиши яққол кўриниб турибди. Бу рухсатлар
тегишли фаолиятни амалга оширишнинг асоси бўлиб хизмат қилади.
Ички ишлар органларининг лицензияловчи-рухсат этувчи фаолиятининг энг
мухим ахамияти – унинг жамоат хавфсизлигини таъминлашга, қоидабузар-
ликларни аниқлашга, айрим турдаги фаолият билан шуғулланиш учун лицензияга
(рухсатга) эга бўлган шахслар томонидан ҳуқуқбузарликларни олдини олишга,
шунингдек, лицензия-рухсат этувчи тизим қоидаларини бузганларни жавобгар-
ликка тортишга йўналтирилганлигидадир.
Бундан ташқари, таъкидлаш жоизки, рухсат этувчи тизим – бу давлатнинг
махсус ҳолатига (хавфсизлик, жамоат тартиби ва ҳ.к.) эришишни талаб этувчи
турли соҳаларидаги мугносбатларни тартибга солишга кўмаклашувчи махсус
ҳуқуқий воситаларнинг мажмуасидир.
Ички ишлар органларининг лицензияловчи ва рухсат этувчи фаолиятини
ҳуқуқий тартибга солиш масалалари доимо илмий изланиш объекти бўлиб
келмоқда. “Лицензиялаш-рухсат этувчи фаолият” иборасининг мохияти ва
ахамияти юзасидан турли фикрлар билдирилмоқда. Жумладан, чет эл олими
В.И. Шалашовнинг фикрича, ички ишлар органларининг лицензияловчи-рухсат
этувчи фаолияти маъмурий фаолиятнинг бир турини ташкил этади.Бу ички ишлар
органларининг жисмоний ва юридик шахсларни лицензиялаш, улар томонидан
лицензияловчи-рухсат этувчи тизимнинг қоидаларига риоя этишларини назорат
қилиш, ушбу қоидаларни бузиш холатларини аниқлаш, олдини олиш, уларга чек
қўйиш ва айбдорларни юридик жавобгарликка тортиш бўйича комлекс
харакатлардир[7]. А.Б. Грохманнинг фикрича, лицензияловчи-рухсат этувчи иш
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
45
ички ишлар органлари хизматларининг бирлашган фаолияти жараёнида амалга
оширилади, унинг асосий шакли бўлиб субъектларни объектларга киришини
амалга оши риш, лицензиялар (рухсатлар)ни бериш [8]. А.В. Луговаянинг таъкид-
лашича, ички ишлар органларининг лицензияловчи фаолияти, лицензиялаш
тизимининг таркибий қисми бўлиб, унинг муайян фаолият тури (ишлар, хизматлар
кўрсатиш) билан шуғулланиш учун, муомаладан тўлиқ ёки қисман чиқарилган
нарса ва воситалардан фойдаланиш ҳуқуқини берувчи лицензия ва рухсат бериш,
шунингдек, лицензия қоидалари, талаблари ва шартларига риоя этиш устидан
назорат қилиш бўйича махсус ваколатга эга бўлган тузилмаларнинг қонуности,
ижроия-фармойиш берувчи фаолиятидир [9]. Ички ишлар органларининг
лицензияловчи-рухсат этувчи фаолиятида фуқароларнинг ҳуқуқ ва эркинлик-
ларини таъминлаш масалаларини тадқиқ қилган С.В. Казимиров, ўз навбатида,
ички ишлар органларининг лицензияловчи-рухсат этувчи фаолиятини фуқаролар-
нинг ҳуқуқлари ва қонуний манфаатларини, хавфсизликни таъминлаш ва жамоат
тартибини сақлашга қаратилган институтлардан бири сифатида ифодалайди[10].
Юқорида баён этилганлар лицензиялаш, рухсат этиш ва лицензияловчи-
рухсат этувчи фаолият тушунчаларининг нақадар кўп қиррали эканлигидан
далолат беради. Шундай қилиб, И.А. Хамедов, А.А. Ли, Э. Ходжиевларнинг,
лицензиялаш давлатнинг хўжалик юритувчи субъектларни фаолиятига таъсир
этиш воситаси [11], деган фикрларига қўшилганлар, шунингдек М.Джиянова ва
К. Бокиевалар, лицензиялаш кичик корхоналарнинг фаолиятини бошланишини
тартибга солувчи куч [12] деб хисоблайдилар, В.И. Шалашов, А.В. Луговская,
С.В. Казимиров, Г.В. Мельничук, О. Олейник, И.В. Ершова ва бошқалар лицензиялаш-
рухсат этувчи фаолиятни фуқаро ва юридик шахсларга муайян, асосан хўжалик
юритувчи фаолият тури билан шуғулланиш учун гувохнома бериш орқали хамда
ваколатли органлар томонидан назорат қилинувчи, ҳуқуқий тартиботни сақлаш ва
жамоат хавфсизлигини таъминлашнинг усули сифатида кўрадилар [13].
Ю.Н. Мильшиннинг, лицензиялаш давлат назоратининг бир тури, деган фикрига
қўшилмасликнинг иложи йўқ, Т.М. Иванова, Ю.А. Тихомировалар эса, лицензиялаш
тартиб-таомил ва ҳуқуқий режим хисобланади деб таъкидлашган [14].
Юртимиз ва хорижий олимларнинг фикр-мулоҳазаларини тахлил қилиш
натижасида, таъкидлаш жоизки,
ички ишлар органларининг лицензиялаш-рухсат
этувчи фаолияти,
бизнинг фикримизча,
жисмоний ва юридик шахсларнинг махсус
(рухсат) лицензия олиш, узайтириш, қайта расмийлаштириш, қайта рўйхатга олиш,
бекор қилиш тартибини белгилаш, шунингдек, улар томонидан лицензиялаш-
рухсат этувчи фаолият қоидаларига риоя этишни назоратини амалга ошириш,
лицензияатлар томонидан лицензиялаш ва рухсат этиш шартлари ва талабларини
бузиш холатларини аниқлаш, олдини олиш, уларга чек қўйиш ва қоидабузарликда
айбдор бўлганларни юридик жавобгарликка тортишдан иборат бўлган давлатнинг
ижтимоий муносабатларни тартибга солишнинг маъмурий-ҳуқуқий усулларнинг
мажмуасидир.
Рухсат этиш даганда, фуқароларнинг ҳуқуқ, қонуний манфаатлари ва соғлиги,
жамоат тартиби ва жамоат хавфсизлигига хавф туғдирувчи харакатларни амалга
ошириш учун, шунингдек, лицензиялаш-рухсат этувчи фаолиятда мунтазам
равишда назорат олиб бориш имконини берувчи ички ишлар органлари томонидан
бериладиган хужжат тушунилади.
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
46
Лицензия деганда, ички ишлар органлари томонидан жисмоний ва юридик
шахсларга фаолият юритишгарухсат берилганлигини билдирувчи, чекловчи
хусусиятга эга бўлган, ариза асосида бериладиган, лицензиялаш ва рухсат этиш
талаб ва шартларига риоя этиш мажбуриятини юкловчи ҳуқуқий хужжат
тушунилади.
ФОЙДАЛАНИЛГАН АДАБИЁТЛАР РЎЙХАТИ:
1.
Ўзбек тилининг изоҳли луғати / А. Мадвалиев таҳрири остида. – Т.,
“Ўзбекистон миллий энциклопедияси” Давлат илмий нашриёти. – Б. 399.
2.
Юридик
энциклопедия
/
Юридик
фанлар
доктори,
профессор
У. Таджихановнинг умумий тахририда. – Т.: “Шарқ”, 2001. – Б. 275.
3.
Ўзбекистон юридик энциклопедияси // Нашр учун масъул Р.А. Мухитдинов.
Т., 2010. – Б. 559.
4.
Ўзбекистон Республикаси Олий Мажлиснинг 2001 йил 12 майдаги “Амалга
оширилиши учун лицензиялар талаб қилинадиган фаолият турларининг рўйхати
тўғрисида»”ги қарори // Ўзбекистон Республикаси қонун ҳужжатлари тўплами,
2002 й., 2-сон, 14-модда; Ўзбекистон Республикаси Олий Мажлисининг Ахборот-
номаси, 2003 й., 1-сон, 8-модда; Ўзбекистон Республикаси қонун ҳужжатлари
тўплами, 2006 й., 14-сон, 110-модда; 2007 й., 29-30-сон, 295-модда, 37–38-сон,
377-модда; 2009 й., 37-сон, 403-модда; 2010 й., 37-сон, 313-модда, 38-сон, 329-модда,
51-сон, 481-модда; 2011 й., 52-сон, 555-модда; 2012 й., 15-сон, 163-модда, 2013 й.,
1-сон, 1-модда, 18-сон, 233-модда; 2014 й., 50-сон, 588-модда.
5.
Ўзбекистон Республикаси Вазирлар Махкамасининг “Фаолиятнинг айрим
турларини лицензиялаш тўғрисида”ги Ўзбекистон Республикаси қонунини амалга
ошириш чора-тадбирлари ҳақида”ги қарори // Ўзбекистон Республикаси қонун
ҳужжатлари тўплами, 2002 й., 11-12-сон, 97-модда; 2003 й., 14-сон, 114-модда;
2004 й., 9-сон, 105-модда; 2006 й., 20-21-сон, 181-модда, 22-сон, 195-модда, 36-сон,
362-модда; 2007 й., 7–8-сон, 68-модда, 33-34-сон, 344-модда, 44-сон, 446-модда,
46–47-сон, 471-модда; 2008 й., 40–41-сон, 412-модда; 2009 й., 52-сон, 568-модда;
2010 й., 42-43-сон, 363-модда; 2011 й., 7-8-сон, 65-модда, 19-сон, 189-модда,
20-21-сон, 202-модда; 2012 й., 12-сон, 130-модда, 44-сон, 507-модда; 2013 й., 23-сон,
302-модда, 25-сон, 324-модда, 34-сон, 458-модда, 37-сон, 485-модда; 2014 й., 31-сон,
380-модда; 2015 й., 26-сон, 338-модда; 2016 й., 18-сон, 195-модда, 27-сон, 326-модда;
2017 й., 14-сон, 228-модда, 15-сон, 257-модда, 19-сон, 345-модда, 20-сон, 364-модда,
33-сон, 857-модда.
6.
Селиманова С.М. Ўзбекистон Республикасида лицензиялаштириш тизими-
ни такомиллаштиришнинг маъмурий-ҳуқуқий жиҳатлари. Докторлик диссертация-
си автореферати. – Тошкент, 2016. – Б. 25.
7.
Шалашов В.И.
Лицензионно-разрешительная
деятельность
органов
внутренних дел (милиции). Автореф. дис… канд. юрид.наук. – Москва, 1997. – С. 27.
8.
Гормах А.Б. Правовые и организационные основы деятельности милиции
общественной безопасности по осуществлению лицензионно-разрешительной
работы. Автореф.дис…канд. юрид.наук. – Москва, 1998. – С. 23.
9.
Луговская А.В. Лицензионная деятельность милиции. Автореф. дис… канд.
юрид.наук. – Омск, 2000. – С. 24.
Жамият ва инновациялар – Общество и инновации – Society and innovations
Issue – 2 № 3 (2021) / ISSN 2181-1415
47
10.
Казимиров С.В. Обеспечение прав и свободграждан в лицензионно-
разрешительной деятельности органов внутренних дел. Автореф. дис…канд.
юрид.наук. – Москва, 2001. – С. 24.
11.
Хамедов И.А.
О
концепции
совершенствования
государственного
управления в Республике Узбекистан в рамках административной реформы. //
Материалы международного симпозиума 29-30 сентября 2007 г. Т., – С. 113.; 247.
Ли А.А. Административные процедуры: состояние и перспективы развития
законодательства в Республике Узбекистан. // Материалы международного
симпозиума 29-30 сентября 2007 г. – Т., 2008. – С. 172.; Hojiyev E. Ma’muriy huquq.
Darslik. – T., 2006. – В. 46.
12.
Jiyanov M., Boqiboev K. Ma’muriy huquq. Darslik. – Namangan. 2009. – В. 34.
13.
Мельничук Г.В.
Лицензирование
как
форма
государственного
регулирования предпринимательской деятельности в России и США. Автореф.дис.
… канд.юрид. наук. – М., 2007. – С. 34; Олейник О. Лицензирование отдельных видов
деятельности в российском праве // Закон. 2000. – № 1. – С. 20–24.; Ершова И.В.,
Иванова Т.М. Предпринимательское право: Учебное пособие. – М., 1999. – С. 36.
14.
Мильшин Ю.Н.
Лицензирование
как
административно-правовой
институт. Автореф. дис. канд. юрид. наук: – Саратов, 2001. – С. 20.; Иванова Т.М.
Предпринимательское право: Учебное пособие. – М., 1999. – С. 36.; Тихомиров Ю.А.
Курс административного права и процесса. – М., 2010. – С. 768.
