Жамият ва инновациялар –
Общество и инновации –
Society and innovations
Journal home page:
https://inscience.uz/index.php/socinov/index
Some issues of further liberalization of licensing and permitting
procedures for certain types of activities
Erkin NARBUTAEV
1
, Goyibjon ETTIBAEV
2
Academy of MIA of the Republic of Uzbekistan
University of Public Safety of the Republic of Uzbekistan
ARTICLE INFO
ABSTRACT
Article history:
Received July 2021
Received in revised form
20 July 2021
Accepted 15 August 2021
Available online
15 September 2021
At The article are described law-enforcement and permission
bodies of licensing, it’s the law-enforcement bodies of legal
category and given invitations which deal with thoughts and
improving results of learning practice of scientist.
2181-1415/© 2021 in Science LLC.
This is an open access article under the Attribution 4.0 International
(CC BY 4.0) license (https://creativecommons.org/licenses/by/4.0/deed.ru)
Keywords:
license,
authority of law,
organs of licensing,
client of licensing,
shape,
order,
style,
activity of licensing.
Фаолиятни айрим турларини лицензиялаш ва рухсат бериш
тартиботларини янада либераллаштиришнинг айрим
масалалари
АННОТАЦИЯ
Калит сўзлар:
лицензия,
маъмурий ҳуқуқ,
лицензияловчи органлар,
лицензия талабгорлари,
шакл,
усул,
тартиб,
таомил, лицензиялаш
фаолияти.
Мақолада лицензиялаш ва рухсат бериш тартибот-
ларини янада либераллаштиришнинг назарий ҳуқуқий
асослари таҳлил қилинган, олимларнинг фикрлари ва
амалиётни ўрганиш натижалари асосида уни такомил-
лаштиришга қаратилган таклиф ва тавсиялар берилган.
1
PhD, acting associate professor, Department of Administrative Law, Academy of MIA of the Republic of Uzbekistan,
Tashkent, Uzbekistan.
2
lecturer, Department of Special Tactical Training and combat application, University of public safety of the Republic
of Uzbekistan, Tashkent, Uzbekistan.
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
386
Некоторые
вопросы
дальнейшей
либерализации
лицензионно-разрешительных процедур для отдельных
видов деятельности
АННОТАЦИЯ
Ключевые слова:
лицензия,
административное право,
лицензирующие органы,
соискатели лицензий,
форма,
метод,
порядок,
способ,
лицензионная
деятельность.
В статье проанализированы теоретические правовые
основы
дальнейшей
либерализации
лицензионно-
разрешительных
процедур,
даны
предложения
и
рекомендации, направленные на ее совершенствование, на
основе мнений ученых и результатов изучения практики.
Мамлакатимизда мустақиллик йилларида иқтисодиётда маъмурий-буйруқ-
бозликка асосланган бошқарув тизимидан мутлақо воз кечилиб, бозор ислоҳотлари
босқичма-босқич амалга оширилгани ислоҳотлар макроиқтисодий барқарорликни,
иқтисодиётнинг юқори суръатлар билан ўсишини, инфляцияни прогноз кўрсаткич-
лари даражасида сақлаб қолишни таъминлади ҳамда кичик бизнес ва хусусий
тадбиркорлик, фермерлик ҳаракатини ривожлантириш учун кенг имкониятлар ва
қулай шароитлар яратилишига хизмат қилди.
Айни вақтда мамлакатимиз босиб ўтган тараққиёт йўлининг чуқур таҳлили,
бугунги кунда халқаро миқёсда юз бераётган воқеалар ривожининг шиддатли
таъсири, глобаллашув шароитида рақобат тобора кучайиб бораётгани
давлатимизни янада барқарор ва жадал суръатлар билан ривожлантириш учун
мутлақо янгича ёндашув ҳамда тамойилларни ишлаб чиқиш ва рўёбга чиқаришни
тақозо этмоқда.
Шу мақсадда барча соҳаларда бўлгани каби лицензиялаш ва рухсат бериш
тартиботларини янада либераллаштириш кун тартибидаги долзарб масалалардан
бири бўлиб қолмоқда. Хусусан, 2017–2021 йилларда Ўзбекистон Республикасини
ривожлантириш бўйича Ҳаракатлар стратегиясининг устувор йўналишлари ҳамда
у асосида қабул қилинган Ўзбекистон Республикасида Маъмурий ислоҳотлар
концепциясида [1] ҳам лицензиялаш ва рухсат бериш тартиботларини либераллаш-
тириш юзасидан аниқ чора-тадбирлар белгиланди. Хусусан, Маъмурий ислоҳотлар
концепциясида айни вақтда давлат назоратининг ортиқча маъмурий чораларини
(лицензиялаш ва рухсат бериш тартиб-таомиллари), шу жумладан, уларни муқобил
тартибга солиш турларига (жавобгарликни мажбурий суғурталаш, мувофиқликни
декларациялаш ва бошқалар) алмаштириш орқали қисқартириш назарда тутилди.
Шу ўринда лицензиялаш ва
ва рухсат бериш тартиботларининг моҳияти
ҳақидаги фикрларимизни ойдинлаштириб олишимиз даркор. Адабиётларда лицен-
зиялаш ва рухсат бериш тартиботлари давлат томонидан иқтисодиётни
ҳуқуқий
тартибга солиш усули ёки воситаси сифатида эътироф этилади [2]. Умуман олганда,
мамлакатимизда ҳам ҳамдўстлик мамлакатларида ҳам лицензиялаш ва рухсат
бериш тартиботларини либераллаштириш бугунги кун талаблари нуқтаи назари-
дан ўрганилмаган.
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
387
Рухсат бериш ва лицензия бир-бирига яқин, аммо айнан бир нарса эмас [3].
Т.А. Черякованинг таъкидлашича, концедация (лот.
Concedo
– рухсат бериш, йўл
очиш) ва лицензиялашни ажратиш мезони бўлиб қуйидагиларга хизмат қилади:
даъвогар бўлиб чиқаётган шахслар; рухсат берувчи субъектнинг ҳуқуқий ҳолати;
унинг хоҳиш билдиришини объективлаштириш усули; аризачига тақдим
этилаётган қонуний ҳуқуқлиликнинг характери ва ҳажми; амал қилиш муддати [4].
Бироқ муаллифнинг ушбу фикри рухсат бериш ва лицензиялаш тиртиботларни
фақат ташқи томондан механик равишда фарқлаш имконини беради ҳамда ушбу
тартиботларнинг бири биридан фарқланишининг концептуал жиҳатларини ойдин-
лаштирмайди.
Мамлакатимиз миллий қонунчилигида эса лицензиялаш ва рухсат бериш
тартиботлари алоҳида-алоҳида қонунлар билан белгиланган бўлса-да уларнинг
жорий этилиши сабаблари бир хил асос билан белгиланган. Буни қуйидаги
жадвалда кўриш мумкин:
№
Рухсат бериш тартиб-таомиллари
тақозо этувчи омиллар
(«
Тадбиркорлик фаолияти соҳаси-
даги рухсат бериш тартиб-таомиллари
тўғрисида
»ги Қонуннинг 4-моддаси)
Лицензиялашни
тақозо этувчи омиллар
(«Фаолиятнинг айрим турларини лицен-
зиялаш тўғрисида»ги Қонуннинг 7-моддаси)
1.
Бажарилиши ёки амалга ошири-
лиши тадбиркорлик субъектларининг
ҳуқуқларига ва қонуний манфаат-
ларига,
фуқароларнинг
ҳаёти
ва
соғлиғига, жамоат хавфсизлигига зиён
ҳамда атроф-муҳитга зарар еткази-
лишига сабаб бўлиши мумкин бўлган
ҳаракатлар ёки фаолиятлар
Амалга оширилиши фуқароларнинг
ҳуқуқлари ва қонуний манфаатларига,
соғлиғига, жамоат хавфсизлигига зарар
етказиши мумкин бўлган фаолият турлари
2.
Тартибга солиниши рухсат бериш
тартиб-таомилларидан ташқари бошқа
усуллар билан амалга оширилиши мум-
кин бўлмайдиган ҳаракатлари ёки
фаолиятлар
Тартибга солиб турилиши лицензия-
лашдан ташқари усуллар билан амалга
оширилиши мумкин бўлмаган фаолият
турлари
Рухсат бериш ва лицензиялаш тартиботлари ўртасидаги фарқни, уларнинг
ўзига хос хусусиятларини белгилаб берувчи назарий қоидалар (тезислар) ва
ҳуқуқий асосларнинг мавжуд эмаслиги ҳам ушбу тартиботларни тўғри ва оқилона
белгилашга ўз салбий таъсирини кўрсатмоқда.
Умуман олганда, 2000 йил 25 майда қабул қилинган Ўзбекистон
Республикасининг “Фаолиятнинг айрим турларини лицензиялаш тўғрисида”ги
қонуни бугунги кун талабларига тўлиқ жавоб бера олмайди. Чунки мазкур қонун
нормалари мамлакатимизда бозор муносабатларини чуқурлаштириш ва либерал-
лаштириш билан боғлиқ ислоҳотлар фонидаги муносабатлардан ортда қолмоқда ва
айтиш мумкинки, баъзи ўринларда ушбу ислоҳотлар самарадорлигига тўсқинлик
қилмоқда.
Хусусан, қонуннинг 4-моддасида лицензиялаш соҳасини давлат томонидан
тартибга солишни Ўзбекистон Республикаси Вазирлар Маҳкамаси ҳамда лицензия-
ловчи органлар амалга ошириши назарда тутилган, аммо ушбу қонуннинг
7-моддасига биноан, амалга оширилиши учун лицензия талаб қилинадиган
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
388
фаолият турлари қонунлар билан белгиланиши назарда тутилган бўлиб, бугунги
кунда бундай фаолият турлари Ўзбекистон Республикаси Олий Мажлисининг
2001 йил 12 майдаги 222–II-сон “Амалга оширилиши учун лицензиялар талаб
қилинадиган фаолият турларининг рўйхати тўғрисида”ги қарорига асосан
белгиланади. Бундан кўриниб турибдики, лицензиялаш соҳасининг давлат
томонидан тартибга солинишида Вазирлар Маҳкамаси ва лицензияловчи
органлардан ташқари Олий Мажлис ҳам иштирок этмоқда. Зеро, лицензиялаш
муносабатларини тартибга солиш моҳиятан ижроия ҳокимият органларининг
фукнционал вазифаси ҳисобланади. Шунингдек, амалга оширилиши учун
лицензиялар талаб қилинадиган фаолият турларининг Олий Мажлис қарори билан
белгиланиши бу борадаги фаолиятни либераллаштиришга ҳам салбий таъсир
этади. Чунки лицензия талаб этиладиган тегишли фаолият турини бекор қилиш
учун Ўзбекистон Республикасининг қонунини қабул қилиш талаб этилади. Қонунни
қабул қилиш эса ўзига хос бир қатор босқичлардан иборат бўлиб, муайян вақтни ва
тартиботларни талаб қилади.
Бизнинг фикримизча, амалга оширилиши учун лицензиялар талаб қилинадиган
фаолият турларини белгилаш Вазирлар Маҳкамасининг ваколатига ўтказилиши
керак. Бунда,
биринчидан,
юқорида таъкидлаганимиздек лицензиялаш тартибот-
ларини амалга ошириш ижро этувчи ҳокимият ваколатлари ихтиёрида бўлади;
иккинчидан,
лицензиялаш тартиботлари янада либераллашади ва унинг келгусида
ҳам либераллашиши учун имкониятлар даражаси оширилади. Шу ўринда айтиб ўтиш
лозимки, тадбиркорлик фаолияти соҳасидаги рухсат бериш тартиб-таомилларининг
рўйхати [5] ҳамда фаолиятнинг айрим турларини лицензияловчи органлар ҳам
Вазирлар Маҳкамасининг қарори билан белгиланган [6].
Қонуннинг 8-моддасида фаолиятнинг лицензияланадиган айрим турлари
жисмоний шахслар томонидан амалга оширилиши тақиқланиши белгиланган, аммо
қандай ҳолларда ёки қайси лицензия турларини олиш жисмоний шахсларга
нисбатан ман этилиши мезонлари мавжуд эмас. Умуман олганда, бугунги кунда
амалга ошириш учун лицензия талаб қиладиган фаолият турларининг кўпчилик
қисми билан жисмоний шахслар шуғулланиши мумкин эмас.
Лицензиялаш ва рухсат бериш тартиботларини жорий этишнинг концептуал
асосларида “ортиқча хавфсираш”нинг амалий ифодасини кўриш мумкин. “Ортиқча
хавфсираш” тегишли фаолиятни одатдаги тартибда эркин амалга ошириш ўзга-
ларнинг ҳуқуқ ва манфаатларига зарар етказиши мумкин деган хулоса асосида
келиб чиқади. Бунда лицензия ёки рухсат бериш тартиботлари жорий этилиши
назарда тутилаётган фаолиятнинг хўжалик хусусиятлари ташқи муҳитга хавф
туғдиришининг реал ҳолати эмас, балки эҳтимолий ҳолатлар кўпроқ инобатга
олинган.
Бизнингча, лицензия ва рухсат беришдаги юридик ва жисмоний шахслар
ўртасидаги чеклов оқилона ҳамда адолатли бўлиши зарур. Акс ҳолда мазкур ҳолат
яширин иқтисодий фаолиятнинг вужудга келишига сабаб бўлади.
Лицензиялаш ва рухсат бериш тартиботларини жорий этишга бўлган
муносабатларда “ортиқча хавфсираш”дан ҳоли бўлиши, бунда лицензия ёки рухсат
бериш тартиботлари жорий этиладиган тегишли фаолиятнинг хўжалик хусусият-
лари ортидан келиб чиқадиган хавфнинг аниқ шарт-шароитларини илмий нуқтаи
назардан тадқиқ этиш, лицензиялаш ва рухсат бериш тартиботлари реал ҳаётдан
узилмаган бўлиши лозим.
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
389
Шу билан бирга лицензия воситаси билан тартибга солишдан фақат бундан
бошқа воситалар «иш бермайдиган» ўринларда фойдаланиш даркор. Масалан,
бугунги кунда енгил автомобиллларда пассажир ташиш фаолиятини лицензиядан
бошқа ва ундан енгилроқ ҳамда самаралироқ воситалар билан ҳам тартибга солиш
мумкин.
Лицензиялаш ва рухсат бериш тартиботларини жорий этишнинг яна бир
сабаби тегишли фаолиятни мақсадли тартибга солиш ҳисобланади. Бунда тегишли
фаолиятни тартибга солишнинг лицензиялаш ва рухсат бериш тартиботларидан
ўзга методлар билан тартибга солиш мумкин эмаслиги назарда тутилади.
Тартибга солиб турилиши лицензиялаш ёки рухсат бериш тартиботларидан
ташқари бошқа усуллар билан амалга оширилиши мумкин бўлмаган фаолият
турлари деганда, нимани тушуниш мумкин? Қайси фаолият турларини хусусий-
ҳуқуқий усуллар билан ва қайси фаолият турларини маъмурий-ҳуқуқий (лицензия-
лаш ва рухсат бериш) усуллари билан тартибга солиш мумкин?
Қонунда лицензиянинг ва рухсат этиш хусусиятига эга бўлган ҳужжатнинг
амал қилишини тўхтатиб туриш, бекор қилиш ва тугатишнинг асослари белгилаб
қўйилган, аммо ушбу таъсир чораларининг ҳуқуқий тушунчаси очиб берилмаган.
Қолаверса, уларни қўллаш асослари ҳам аниқ белгиланмаган. Натижада ҳуқуқни
қўллаш амалиётида юқоридаги таъсир чораларини қўллашда англашилмов-
чиликлар юзага келмоқда.
Шу сабабли лицензиянинг ва рухсат этиш хусусиятига эга бўлган ҳужжатнинг
амал қилишини тўхтатиб туриш, бекор қилиш ва тугатиш тушунчалари ҳамда
уларни қўллаш асосларини аниқ белгилаб қўйиш лозим [7].
Шунингдек, лицензия ва рухсат бериш тартиботларини жорий этиш асослари
ҳам юридик жиҳатдан аниқ белгиланмаган. Хусусан, “Фаолиятнинг айрим тур-
ларини лицензиялаш тўғрисида”ги Қонуннинг 7-моддасида амалга ошириш учун
лицензия талаб қилинадиган фаолият турлари сифатида биринчидан, амалга
оширилиши фуқароларнинг ҳуқуқлари ва манфаатларига, соғлиғига, жамоат
хавфсизлигига зарар етказиши мумкин бўлган, иккинчидан, тартибга солиб
турилиши лицензиялашдан ташқари усуллар билан амалга оширилиши мумкин
бўлмаган фаолият турлари назарда тутилган.
Хўш,
амалга оширилиши фуқароларнинг ҳуқуқлари ва қонуний манфаат-
ларига, соғлиғига, жамоат хавфсизлигига зарар етказиши мумкин бўлган фаолият
турлари
деганда, айнан қайси фаолият турларини тушуниш мумкин? Ёки
лицензия-
лашдан бошқа усуллар билан тартибга солиб турилиши мумкин бўлмаган фаолият
турлари
деганда-чи? Худди шундай амалга оширилиши (ёки бажарилиши) учун
рухсат этиш тартиботлари жорий этиладиган фаолият турлари ҳам юридик
жиҳатдан ойдинлаштирилмаган.
Бизнингча, амалга оширилиши учун лицензия ва рухсат бериш тартиботлари
жорий этиладиган фаолият турлари ҳукумат қарори асосида янада ойдинлаш-
тирилиши лозим. Бунда лицензия ва рухсат бериш тартиботларини жорий этиш-
нинг аниқ мезонлари ҳамда талаблари баён этилмоғи зарур.
Шунингдек, бугунги кунда лицензия ва рухсат бериш тартиботларини
қуйидаги йўналишлар бўйича янада либераллаштириш имкониятлари мавжуд:
биринчидан
, лицензия ва рухсат бериш соҳасидаги муддатлар бўйича, бунда
лицензиянинг бир қатор турларини доимий муддатга ва яна бир қатор турларини
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
390
эса амалдаги муддатидан янада кўпроқ муддатга узайтириш имкониятларини
кўриб чиқиш лозим, шунингдек, лицензия ва рухсат этиш хусусиятига эга ҳужжатни
бериш тўғрисидаги аризани кўриб чиқиш муддатларини янада қисқартириш зарур.
Бу борада Е. Каньязовнинг қуйидаги фикрлари эътиборли. Унингча: “Тадбир-
корлик фаолияти соҳасидаги қонунчиликни янада либераллаштириш бўйича
амалга оширилаётган ишларнинг мақсади нафақат рухсатнома ва лицензиялар
сонини қисқартириш, балки рухсат бериш – таомилларидан ўтиш тартибини
комплекс қайта кўриб чиқиш ва соддалаштириш, хусусан тақдим этиладиган
ҳужжатларни кўриб чиқиш муддатларини қисқартириш, рухсат этиш хусусиятига
эга ҳужжатларнинг амал қилиш муддатини узайтириш, тўланадиган йиғим
миқдорини камайтиришдан иборатлигига эътибор қаратиш лозим” [8];
иккинчидан
, лицензия ва рухсат бериш соҳасидаги шартлар ва талаблар
бўйича, бунда лицензия ва рухсат беришга доир талабларни лицензия ва рухсат
бериш тартиботларини жорий этиш мақсадларига реал даражада яқинлаштириш
зарур;
учинчидан
, лицензия ва рухсат этиш хусусиятига эга ҳужжатларни олиш учун
тақдим этиладиган зарур ҳужжатлар бўйича, бунда лицензия ва рухсат беришга оид
ҳужжатларини олиш учун моҳиятан зарур бўлмаган, идоравий манфаатларни
ёқловчи ҳужжатларни тегишли рўйхатлардан чиқариб ташлаш керак;
тўртинчидан
, лицензия ва рухсат этиш хусусиятига эга ҳужжатларни
беришни рад этиш асослари бўйича, “Фаолиятнинг айрим турларини лицензиялаш
тўғрисида”ги қонуннинг 17-моддасида лицензия даъвогарининг ҳужжатларни
лозим тарзда расмийлаштирмай тақдим этиши, лицензия даъвогари тақдим этган
ҳужжатларда нотўғри ёки бузиб кўрсатилган маълумотларнинг мавжудлиги
лицензия беришни рад этиш учун асос сифатида келтирилган. “Тадбиркорлик
фаолияти соҳасидаги рухсат бериш тартиб-таомиллари тўғрисида”ги қонуннинг
20-моддасида ҳам рухсат этиш хусусиятига эга ҳужжатни беришни рад этиш
асослари сифатида зарур бўлган ҳужжатларнинг тўлиқ бўлмаган ҳажмда тақдим
этилганлиги ва тақдим этилган ҳужжатларда нотўғри ёки бузиб кўрсатилган
маълумотларнинг мавжудлиги назарда тутилган, аммо ушбу қонуннинг мазкур
моддасида бундай камчиликлар бартараф этилганда рухсат этиш хусусиятига эга
ҳужжатни бериш тўғрисидаги ариза қайта кўриб чиқилиши белгиланган. Бизнинг
фикримизча, ушбу қоидани лицензияни бериш тартиботларига ҳам жорий этиш
мақсадга мувофиқ. Зеро, тегиши ҳужжатларнинг етарли даражада эмаслиги,
тегишли ҳужжатларда маълумотларнинг нотўғрилиги ёки бузиб кўрсатил-
ганлигини бартараф этиш имкони мавжуд. Бунинг учун лицензия даъвогарига вақт
ва имконият бериш лозим;
бешинчидан
, лицензия ва рухсат этиш хусусиятига эга ҳужжатнинг амал
қилишини тўхтатиб туриш ёки тугатиш, шунингдек, уни бекор қилиш асослари
бўйича, мазкур асослар бугунги кун талабларида келиб чиқиб, янада либерал-
лаштирилиши зарур;
олтинчидан
, назорат қилиш бўйича, бугунги кунда лицензия ҳамда рухсат
беришга доир талаблар ва шартлар устидан назорат қилиш амалиёти, асосан, ушбу
соҳаларда ҳуқуқбузарликлар ва қонун бузилиши ҳолатларини аниқлаш учунгина
ўтказилади.
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
391
Бизнинг фикримизча, бу борада назоратни амалга оширишда, биринчи галда,
лицензиялаш ва рухсат бериш соҳасидаги ҳуқуқбузарликларнинг олдини олишга
алоҳида эътибор бериш мақсадга мувофиқ. Амалдаги қонун ҳужжатларида
лицензиялаш ва рухсат бериш соҳасидаги ҳуқуқбузарликларнинг олдини олиш
бўйича ҳеч қандай нормалар мавжуд эмас.
Шундай қилиб, мамлакатимизда Ҳаракатлар стратегияси асосида иқтисо-
диётни либераллаштиришнинг муҳим йўналишларидан бири –
лицензиялаш ва
рухсат бериш тартиботларини янада либераллаштириш бугунги куннинг долзарб
масалаларидан бири ҳисобланиб:
биринчидан,
бозор муносабат-ларини янада кенг
жорий этишга;
иккинчидан,
яширин иқтисодиётнинг олдини олишга;
учинчидан,
маъмурий-иқтисодий муносабатлар тизимидаги коррупцион омилларни туга-
тишга;
тўртинчидан,
лицензиялаш ва рухсат бериш соҳасидаги бюрократик
тўсиқлар ҳамда ортиқча маъмурий тартибтаомилларни бартараф этишга хизмат
қилади.
ФОЙДАЛАНИЛГАН АДАБИЁТЛАР:
1.
Ўзбекистон
Республикасида
Маъмурий
ислоҳотлар
концепцияси
Ўзбекистон Республикаси Президентининг 2017 йил 8 сентябрдаги ПФ-5185-сонли
Фармони билан тасдиқланган.
2.
Троценко О.С.
Проблемы
лицензирования
предпринимательской
деятельности (гражданско-правовой аспект): Автореф. дис. ... д-ра юрид. наук. –
Екатеринбург, 2005. – С. 5., Каньязов Е. Тадбиркорлик фаолиятида рухсат бериш
тартиб-тамоилларини соддалаштириш // Тадбиркорлик фаолиятини ривожлан-
тириш ва хусусий мулкни ҳимоя қилиш тизимини янада такомиллаштиришнинг
назарий ва амалий масалалари: Республика илмий-амалий конференция
материаллари тўплами. – Т., 2017. – Б. 5. (446 б.)., Алексеев С.В. Административно-
правовое регулирование предпринимательской деятельности: Автореф. дис. ... д-ра
юрид. наук. – Москва, 2005. – С. 33. (52 с.), Дробязко В.С. Административно-правовой
статус индивидуального предпринимателя: Автореф. дис. ... канд. юрид. наук. –
Саратов, 2006. – С. 16. (25 с.)., Багдандов А.Б. Административно-правовой механизм
лицензирования в Российской Федерации: Автореф. дис. ... д-ра юрид. наук. – Москва,
2008. – С. 34. (48 с.)., Юрьева Ю.С. Лицензирование как форма деятельности органов
исполнительной власти: Автореф. дис. ... канд. юрид. наук. – Саратов, 2008. – 23 с.,
Троценко О.С. Проблемы лицензирования предпринимательской деятельности
(гражданско-правовой аспект): Автореф. дис. ... д-ра юрид. наук. – Екатеринбург.,
2005. – С. 4–5. (32 с.)., Агапова М.А. Институт лицензирования в административном
праве: Автореф. дис. ... канд. юрид. наук. – Москва, 2006. – С. 4–5. (28 с.)., Субанова Н.В.
Теоретические и прикладные основы прокурорского надзора за исполнением
законов о разрешительной системе: Автореф. дис. ... д-ра наук. – Москва, 2014. – 22-
23 С. (63 с.)., http://lex.uz: “Фаолиятнинг айрим турларини лицензиялаш
тўғрисида”ги қонуннинг 7-моддаси, “Тадбиркорлик фаолияти соҳасидаги рухсат
бериш тартиб-таомиллари тўғрисида”ги қонунининг 4-моддаси.
3.
Губин Е.П.
Правовые
проблемы
государственного
регулирования
рыночной экономики и предпринимательства: Автореф. дис. … д-ра юрид. наук. –
Москва, 2005. – С. 14. (47 с.)
4.
Червякова Т.А. институт лицензирования как элемент разрешительной
системы: Автореф. дис. … канд юрид. наук. – Минск, 2010. – С. 13. (23 с).
Жамият ва инновациялар – Общество и инновации – Society and innovations
Special Issue – 8 (2021) / ISSN 2181-1415
392
5.
http://lex.uz: Ўзбекистон Республикаси Вазирлар Маҳкамасининг 2013 йил
15 августдаги 225-сонли “Тадбиркорлик фаолияти соҳасидаги рухсат бериш
тартиб-таомиллари тўғрисида”ги Ўзбекистон Республикаси қонунини амалга
ошириш чора-тадбирлари ҳақида”ги Қарори.
6.
http://lex.uz: Ўзбекистон Республикаси Вазирлар Маҳкамасининг 2002 йил
28 июндаги 236-сонли “Фаолиятнинг айрим турларини лицензиялаш тўғрисида”ги
Ўзбекистон Республикаси қонунини амалга ошириш чора-тадбирлари ҳақида”ги
Қарори.
7.
Гурин А.И.
Государственный
контроль
как
форма
осуществления
исполнительной власти: Автореф. дис. ... канд. юрид. наук. – Москва, 2005. – С. 7. (21 с.)
8.
Каньязов Е. Тадбиркорлик фаолиятида рухсат бериш тартиб-тамоил-
ларини соддалаштириш // Тадбиркорлик фаолиятини ривожлантириш ва хусусий
мулкни ҳимоя қилиш тизимини янада такомиллаштиришнинг назарий ва амалий
масалалари: Республика илмий-амалий конференция материаллари тўплами. – Т.,
2017. – Б. 9. (446 б.)
