T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
274
ISSN:3030-3613
B.ERNAZAROV PROZASÍNÍŃ TEMATIKALÍQ HÁM
IDEYALÍQ BAǴDARÍ
Orazbaeva Periza Kongratbaevna
Qaraqalpaq mámleketlik
Universiteti magistrantı
Аннотация:
Актуальное состояние обучения учащихся определяется не
только спецификой лицея. Но и современными требованиями к обучению
учащихся, что предполагает пересмотр методов обучения и воспитания.
Повышение уровня знаний предполагает соответствующую организацию не
только внеаудиторных, но и внеаудиторных занятий. С этой целью мы первым
долгом определили цель и задачи занятия, содержание материала и сделали
анализ специальной литературы.
Abstract:
The current state of student learning is determined not only by the
specifics of the lyceum. But also with modern requirements for teaching students,
which involves a review of teaching and upbringing methods. Increasing the level of
knowledge requires the appropriate organization of not only classroom, but also
extracurricular activities. To this end, we first determined the purpose and objectives
of the lesson, the content of the material, and made an analysis of the specialized
literature.
Kalit so`zlar:
adabiyot, proza, metod, janrlar, publicistika.
Ключевые слова:
литература, проза, метод, жанры, публицистика.
Key words:
literature, prose, method, genres, publicistic.
Kórkem shıǵarma haqqında dáslepki uǵım forma menen mazmunnıń birligin
saqlawdan baslansa, onıń birinshi basqıshı tema menen ideyadan baslanadı. Rasul
Ǵamzatov tema haqqında bılay jazadı: «Tema degen uyqılaǵan balıq sıyaqlı ómirdiń
betinde qalqıp júrmeydi. Sebebi temanıń ózi tereńde, aǵıs arasında, naǵız tuńǵıyıq
iyrimlerdiń ishinde, tóńkerilgen tolqın hám sarqıramalar astında boladı». Demek,
aktual temanı tabıwdıń ózi ańsat emes. Tema – shıǵarma arnap jazǵan máselesi.
Shıǵarmada sóz etiletuǵın waqıya – teması, al ideyası jazıwshınıń sóz etilgen temaǵa,
waqıyaǵa bergen bahası, shıǵarmada sóz etilgen waqıyalardı qalay ashıp beriwi, qalay
jırlanıwı, waqıyaǵa, turmıs haqıyqatlıǵın ashıwǵa jazıwshınıń qatnası. Ideya –
shıǵarmada avtor tárepinen aytılatuǵın tiykarǵı oy, pikir, sóz etilgen waqıya boyınsha
berilgen oylardıń jıyıntıǵı. İdeya bir shıǵarmadaǵı birneshe álwan temalardıń hám
ideyalardıń basın bir jerge jámlep, biriktirip, bir salaǵa qosa alatuǵın avtor oyınıń
negizgi túyini. Jazıwshı súwretlep atırǵan syujet arqalı, adamlar arqalı óziniń sırtqı
dúnyaǵa, jámietke, turmısqa bolǵan kóz-qarasın bildiredi. Yaǵnıy shıǵarmanı mazmun
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
275
ISSN:3030-3613
menen tolıqtıradı. Hár qanday jaqsı ideya kórkem forma menen beriledi. B.Ernazarov
prozasına tematikalıq hám ideyalıq
baǵdarda
tallaw arqalı ondaǵı ózgesheliklerdi
anıqlawǵa boladı.
Ǵárezsizlik alǵanǵa shekem kórkem sóz ustalarımız, sonıń ishinde
jazıwshılarımız belgili bir sheklengen temalar átirapında qálem terbetip kelgenligi sır
emes. Bunda tiykarınan kommunistlik ideologiyanıń tásiri basım boldı. Máselen, 1920-
30-jıllardaǵı qıyan-kesti tariyxıy waqıyalar, jámáátlestiriw hám sovetlestiriwge
baylanıslı keńes húkimetiniń júrgizgen siyasatı haqqında haqıyqatlıqtı, ol haqqında
shınlıqtı jazıw múmkin bolmadı. Al eger bul temaǵa arnalǵan dóretpeler jazılsa da,
olar siyasiy qáliplerdiń sheńberinen shıǵıp kete almadı. Bunıń tásiri jazıwshılarımızdıń
bir-birine qarama-qarsı klasslardıń gúresine shennen tıs itibar beriwlerinde,
iyshanlarımızǵa – burınǵı zıyalılarımız bolǵan ruwhaniylardıń kelbetine qara
boyawlardı ayawsız jaǵıwında, jasalma konflikt jasawǵa umtılıwshılıqta, sovet
húkimeti wákilleriniń obrazın shennen tıs ideallastırıp súwretlewlerinde kórindi.
Jazıwshılar ǵarezsizlikke eriskennen soń dóretiwshilik sheberligi menen usı jámiettiń
bir aǵzası sıpatında ózleriniń aktivligin kórsetip kelmekte. Ádebiyatta, mádeniyatta bir
qatar jańalanıwlar júz berdi. Bir qatar jańa shıǵarmalar zaman talabınan kelip shıǵıp
jazıldı. Avtorlar kitapqumarlardıń estetikalıq talǵamın bayıtıwǵa turarlıq dóretpelerdi
jarıqqa shıǵarmaqta. Ásirese, keyingi jıllarda epikanıń bul kishi janrı boyınsha
formalıq, stillik, janrlıq izlenislerdiń kúsheyiwi, olardaǵı lirizmniń artıwı, ıqshamlılıq
hám tujırımlılıqtı saqlay otırıp, salmaqlı ideyanı beriwdiń múmkinshiliklerinen
paydalanıwı, sonday-aq, bul epikalıq janrlarǵa da publitsistikalıq sıpattıń sińdirilip
jiberilip, jańasha bir izlenislerge tiykar salınıp atırǵanlıǵı dıqqatqa ılayıq.
Qaraqalpaq prozası janrlıq sheńberi keń hám kóp túrlilikke ie boldı. Mısalı,
zamanımızdıń qaharmanı tuwralı povest hám burınnan bar dástúrli povest bunıń
gúwası. Bunnan basqa povest janrı xat- povest, povest -monolog, hújjetli povest,
detektiv povest, kúndelik dápter yamasa qoyın dápterinen betler bolıp túrleniwi
múmkin. Usı kóz qarastan B.Ernazarov prozasında kózge taslanatuǵın nárse bul adam
ómirindegi morallıq etikalıq máseleler hám jámietlik-sociallıq hádiyselerdiń ideya-
tematikalıq jobada kóteriliwi bolıp esaplanadı. Jazıwshı kóbirek usı tematikalıq
baǵdardı bas dıqqat orınǵa qoyıp, házirgi zaman prozasınıń mazmunında sáwlelendirip
atırǵanlıǵı bayqaladı. Kórkem shıgarmanı tallawda onıń syujeti, kompozitsiyası,
qaharman obrazınıń jasalıw usıllarına qaray bahalaymız. Sol sıyaqlı qaharman
obrazınıń ashılıwında monolog hám dialogtıń ornı úlken. Jazıwshı B.Ernazarov
prozasında dialog hám monolog ónimli isletilgen. Onıń «Tań atqanda» povesti
ǵárezsizlik dáwirdegi jazılǵan qunlı dóretpelerdiń biri. Povestte dáwir shınlıǵı,
basshılardıń eldi basqarıw usılları, xalıqtıń jasaw jaǵdayları, ayırım tarawlarda
ushırasıp atırǵan kemshilikler bayanlanǵan. Bul dóretpede Sapar Nazarov, Perdebay
Jumanov, Ábdimurat obrazları arqalı shıǵarmanıń syujeti ashilıp baradı. Dóretpede
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
276
ISSN:3030-3613
hárq’ylı temalar berilip bir syujetke biriktirilgen. Povesttiń syujetin ashıp beriwde kóp
usıllardı paydalanılǵan. Dóretpedegi waqıyalar qızıqlı waqıyalarǵa qurılǵan. Máselen,
povesttiń kirisiwinde bir velosiped penen rayon kóshelerin gezip kiyatırǵan Sapardıń
aldınan bir hádiyse júz berdi. Kóshedegi bir jayda jaqtılıq kózge taslanadı. Sırtta hám
ishki bólmelerde de jaqtılıq kórinip tur. Biymezgil qanday adam shıraq jaǵıp júrgen
adam kóriner edi. Jaman qıyal pútkil denesin jawlap aldı. Usı jerde Sapardıń is-háreketi
bayanlanadı: «İesiz úyge urı túspedi me eken. Ya gazden… áy, yaǵa» dedi oyınan ózi
qashıp dep ózindegi adamgershilik sezimlerdi bayanlap bere alǵan. Sonday-aq usı
dóretpede waqiyanıń rajawlanıwına bala menen Sapardıń óz-ara sóylesiwi tásirli
berilgen.
- Ne qılıp turǵan balasań? - dedi Sapar qasına barıp:
- Skorıy kútip turman, - dedi bala azmaz seskenip
- Amanlıq pa?
- Apam awırıp qaldı.
- Jaqtı shıǵıp turǵan úy seniń úyiń be?
- Awa
- Úyińde basqa adam joqpa?
- Yaq-dep dep bala ayaǵı menen jer sızdı.
- Kóp waqıt boldı ma?
- Nege?
Sorawǵa soraw menen juwap berdi.
- Tez járdemdi kútkenińe? - dedi Sapar.
- Awa, qayta, qayta qońıraw etip atırman. «Házir baradı degenine de biraz waqıt
boldı. «Nege qayta-qayta qońıraw ete bereseń. Baradı ǵoy dep baqırıp tasladı.
Bul óz-ara sóylesiwde Sapar Nazarovtıń ishki ruwxıy halatı, ondaǵı
adamgershilik qásietleri kórine baslaydı. Sebebi ápiwayı shańaraqtıń perzenti menen
sóylesiwi, onıń ishki halatlarına túsiniwi, hákimniń ózi de tez járdemge qońıraw etiwi,
olardıń durıs juwap bermewi, onıń velosiped penen júriwi kishipeyilliktiń kórinisi
esaplanadı. Aqırı basshı adam xalıq keleshegin, ǵamın oylawı kerek. Jazıwshı hákim
obrazın jasawda demokratiyalıq principlerdi basshılıqqa alǵanı kórinedi. Búgingi jasap
atırǵan ǵárezsizlik dáwirdiń kelbeti dóretpede óz sáwleleniwin tapqanı seziledi.
Sonday-aq ayırım jumıs orınlarında unamsız is-háreketler, adamlar arasındaǵı turpayı
qarım qatnaslar ushırasadı. Máselen, mına sáwbetlesiwden kóremiz: ”- Qashan
baradıı. Ketti me? - Baradı dedik ǵoy. Baradı. Janıń shıǵa bermesin! - Biytap qısılıp
atır. Siz baradı ǵoydan baqa júeli iske ótpey atırsız. Janımız shıqpay ne qıladı. Bul jaqta
biytap hal ústinde. - Awırıw tek sizikiniń bir ózi emes, úlgere almay atırmız. - Qansha
náwbetshi mashın bar? - Seniń ne jumısıń bar. Siz vrachıńızdı kútiń. - Men rayon
hákimi Sapar Nazarovpan. Tolqın kóshesine ele vrach jibermedińiz be? - Hákim
bolmaqtan ákem bolsań da kúteseń. Mashina jetpese ushamız ba? Ózi bir mashina…»
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
277
ISSN:3030-3613
Bul waqiyada hákim menen tez járdem soraǵan balanıń sóylesiwi tásirli kórsetilgen.
Jazıwshı hákim obrazındaǵı talapshańlıqtı, xalıq ǵamın oylawı qusaǵan máselelerdi
ashıp bergen. Biraq tez járdemge telefon etiwi, náwbetshi vrachtıń qopal juwabı
oqıwshılardı biraz táshwishlendiredi. Rayon hákimi Nazarovtıń xalıq aralap júriwi bir
jaǵınan unamlı qásietlerden esaplawǵa boladı. Máselen, asxanalardı kóriw maqsetinde
«Awıldıń bir shetindegi asxananıń tusınan ótip baratırǵan Sapar Nazarov ash bolǵanın
sezdi. «Asxana» degen jazıw ishteydi qozǵap jiberdi ǵoy dep Perdebay Jubatovqa. –
Awıldıń asxanasınan dám tatıp keteyin. Dayımdı kóremen hám tayımdı úyretemen
degendey eki báne bir sıltaw, asxananıń jaǵdayın kóreyik, awqatlanayın.
Qasındaǵılarǵa usınıs maqul bolǵan menen hákimniń awıl shetindegi asxanadan
awqatlanǵanın kewline sıydıra almadı. Awqatlanıp otırıwı, Perdebay Jubatovtıń ayta
jaǵı jutqınshaǵında qalıwı, xalqımız qanday jerde, qalay awqatlanıp atır. Bunı da
kóreyik. Hesh ersi jeri joq». Degen waqıyalarda kórinip turǵanday hákim usı arqalı
awıl asxanasınıń tazalıǵın, tártibin, xızmet etiwin kórip shıqtı. Jazıwshı bul sóylesiw
arqalı ishki tártiptiń tómenligin, asxananıń tazalıǵınıń talapqa juwap bermeytuǵının
hakimniń sóylesiwi arqalı durıs ashıp kórsete bilgen. Jáne de bul pikirdi rawajlandırıp,
olar awqatlanıp bolǵannan keyin esaplasıwǵa kelgende xojayın kelinshek «pul
almayman dep turıp aldı» dep jazıwshı táripleydi. Hákim oǵan «terminalıń bar shıǵar».
Pul almasań plastik kartadan-aq
almay
mız,- dedi Sapar Nazarov bir jaǵı házil, bir jaǵı
shınnan jarısıp, qáne, qay jerde tur. Ózlerimiz-aq tólep kete beremiz. - Terminal joq
edi, -dedi qısınǵan kelinshek. –Ele bizlerge jetispey atır. degen sóylesiwler arqalı
jámiette ushırasıp atırǵan kemshilikler kórsetilip berilgen.
Jasap atırǵan ómirimizde ushırasıp atırǵan eń áhmietli wazıypalardıń biri bul
pitkeriwshilerdi jumıs penen támiyinlew bolıp esaplanadı. Bul haqqında jazıwshı
pitkeriwshilerdiń bántligin támiyinlewde de kóz boyawshılıqqa jol qoyılǵanlıǵın, úsh
tárepleme dúzilgen shártnamanıń kópshiligi kózabaǵa dúzilgenligin ashıp kórsetedi.
Shártnama dúzilgen orınlarda islep atırǵan balanı taba almaysań degen pikirlerdi
jazıwshı kóp bayanlaǵan. Sonday-aq jazıwshı dialoglar arqalı jámietlik ómirde júz
berip atırǵan kemshiliklerdi atap ótedi. Bul rayon hákim hám kolledj direktorı
arasındaǵı sóylesiwde anıq kórinedi. “Aldındaǵı jılı bir topar oqıwshılardıń jeke
isbilermenlik penen shuǵıllanıwǵa inta bildirip, kreditke qara mal alıp baǵıp
atırǵanınan xabarım bar. Onda da siz aralaspaǵanda bank basshısı kredit bermegen
bolar edi. O
lar da jemxor attay bolıp qalǵan
. Keshe eki oqıwshını kórdim hákimge
kirdik. Bankten kredit alıp beretuǵın boldı - dep quwanısıp júripti. Awa, eki bala kelip
edi. Solar álle qashan jobalastırılıw kerek edi. Hár biri menen sóylesiw júrgizbegenimiz
biziń de kemshiligimiz. Biraq kesh bolsa da óz ornın tabıwǵa imkaniyat tuwılǵanı jaqsı
boldı.
- Sońǵı jıllardǵı úsh tárepleme islengen shártnamanıń orınlanıw barısı boyınsha
maǵluwmat tayarlań. Bul máseleni kolledj jámááti aldında kórip shıǵamız.” Usı
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
278
ISSN:3030-3613
dialogta kolledj pitkeriwshilerin jumıs penen támiyinlew boyınsha bir qansha
mashqalalardıń barlıǵı kórinedi. Jáne de ústinen arza túsken mektep direktorı Dosımov
kirip kelgende hákim xattı kórip atır edi. Olardıń arasındaǵı sáwbetlesiwdi kóp ǵana
oqıw orınlarındaǵı kemshilikler ushırasıp atırǵanlıǵı aytıldı. Bunda birinshiden,
jumısta ushırasatuǵın arzagóylerdiń durıs pa ya qáte me? Olardıń is-háreketi kórinse,
ekinshiden tálim-tárbiya orayında jiberilip atırǵan kemshiliklerdiń beti ashıldı.
Máselen, Jámáát penen til tabısıp islew sonshama qıyın ba! Jumıs baslaǵanına
kóp waqıt balmay-aq jámáátti ózine qarsı qoyıp alǵansań-dedi sorawlı názer menen. -
Keshiresiz Sapar Nazarov. Eki, úsh arzagóydi pútkil jámáát pe qaydan bileseń.
- Kimlerdiń jazatuǵının bilemen. Kóp bolıw ushın ayırım erkine kúshi jetpeytuǵınlardı
úgitlep qosqan bolıwı múmkin. Jeme-jemege kelgende olar da gápten tayıp
turatuǵınlıǵı belgili… - Kóz ashılıq qılıp atırsız ǵoy… Bul dialogta jas direktordıń
kúyip-janıp islese de, ústinen ayırım qızǵanshaqlar tárepinen arza kelip túsiwi kimdi
bolsa da oylandıradı. Jazıwshı bul psixologiyalıq halattı sheberlik penen jazǵanlıǵı
kórinip tur. Hákim jas jigittiń kúyinip sóylegenine kúlkisi kelip, ózin zorǵa uslawı,
Dosımov obrazındaǵı haqıyqatlıq belgileri, jan kúerlik penen jumıs islewi,
múmkinshiligi bolǵanınsha ádil bolıwǵa háreket etiwi tásirli súwretlengen. Onıń sózi
arqalı sol mektep jámáátiniń arasında jaǵımpaz, eki júzli insanlardıń bir bolıwı, sol
arqalı abıray arttırıwshı basshılardıń is-háreketi, olar óz balaların shaxmat jarısına, pán
olimpiadasına, gá gúreske qosa ma, al talantlı balalar sırtta qalıp qoyıwı aytıp ótiledi.
Solay etip hákim direktordıń ayırım máselelerine qosılǵısı kelgenligi seziledi.
Dóretpeniń baslı qaharmanı hákim obrazı ádewir jetiliskeni kórinedi. Onıń
aralaspaǵan jeri joq. Jumıs babı menen gá oqıw orınlarındaǵı kemshiliklerdi kóriwi, gá
medicinalıq tarawdaǵı ushırasıp atırǵan kóp kemshiliklerdi kóriwi bulardıń barlıǵı
shıǵarmada isenimli súwretlegen. Soǵan qaramastan adamlar menen ushırasqandaǵı
waqıyalap ádewir sátli shıqqanlıǵı kórinedi. Máselen, «Baǵanadan beri hádiyseni
hákimniń qasında kórip kiyatırǵan aq saqallar keńesiniń baslıǵı Perdebay Jumatov:
- Ara-tura onday-onday bolıp turadı, -dedi.
- Bolıp turadısı nesi dep tańlandı hákim.
- Áne, miliciya da keldi ajıratıp jiberedi. Ya shara kóredi. Nızamlı sheshe berer.
Oǵan itibar bermey-aq qoyıń, Sapar Nazarovich. - İtibar bermeytuǵın nárse me sol.
Masqarashılıǵın aytsań. Hayallar kóshede julısadı degen sumlıq ǵoy, masqarashılıq.
Adamlarǵa ne bolǵan. Ne qusap baratır… » bul dialogta hákim menen Perdebay
Jumatovtıń sóylegen sózleri ádewir turmıs haqıyqatlıǵına jaqın keledi. Solay etip,
B.Ernazarov prozasınıń tematikası hám ideyası bir syujetlik baǵdardaǵı waqıyalarǵa
qurılǵanı kórinedi. Bul jazıwshinıń sheberligi.
PAYDALANÍLǴAN ÁDEBIYATLAR
1.
Ерназаров Б. Таң атқанда. (Повестлер). Нөкис, «Қаракалпақстан». 2015
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
279
ISSN:3030-3613
2.
Юсупов К.А. «Шырашылар» романының көркем психологизми. «Әмиўдәрья»
журналы, Нөкис, 2006. 6-саны, 112-115.
3.
Юсупов К.А. Ишки монолог ҳәм шеберлик. «Әмиўдәрья» журналы, Нөкис
2008. 1-саны, 113-116 бб.
4.
Юсупов К.А. Қарақалпақ прозасында миллий психологияның сәўлелениўи.
/«Түркий филологияның әҳмийетли мәселелери» атамасындағы халықаралық
илимий-теориялық
конференция
материаллар
топламы.
Нөкис,
«Қарақалпақстан», 2021, 113-118-бб.
5.
Юсупов К.А. Ш.Сейтов прозасын таллаў усыллары. (Методикалық қолланба).
– Нөкис, «Miraziz Nukus», 2017. – 4 б.т. – 64 бет.
6.
Yusupov K.A., Yusupov I.K. Qaraqalpaq ádebiyatın oqıtıwda innovaciyalıq-
pedagogikalıq texnologiyalar. Oqıw qollanba. – Tashkent: METODIST
NASHRIYOTI, 2023. – 120 b
6.
Юсупов К.А. Академиялық лицейлерде қарақалпақ әдебиятын сабақтан тыс
жумыслар арқалы үйрениўдиң илимий методикалық мәселелери.
(Методикалық қолланба). – Нөкис, «Miraziz Nukus», 2018. – 5 б.т. – 80 б.
7.
Юсупов К.А. Qaraqalpaq ádebiyatın oqıtıw metodikası.
Sabaqlıq. – Tashkent:
Sano-standart, 2018. – 21 б.т. – 336 б.
8.
Юсупов К.А. Академиялық лицейлерде қарақалпақ әдебиятын оқытыў
методикасы. Монография. – Нөкис: Qaraqalpaqstan, 2019. – 7 б.т. – 112 б.
9.
Юсупов К.А. Академик лицейларда қорақалпоқ адабиётини ўқитиш
методикаси
(педагогика
фанлари
доктори
(DSc)
диссертацияси
автореферати). – Нөкис, «Miraziz Nukus», 2021. – 4 б.т – 66 бет.
10.
Юсупов К.А. Kórkem shıǵarmalardıń mazmunıń úyreniw metodikası.
Oqıw
qollanba. – Tashkent: Yosh avlod matbaa, 2021. – 23,75 б.т. – 380 б.
11.
Юсупов К.А. Qánigelik hám pedagogikalıq ámeliyat.
Oqıw qollanba.– Nókis:
Ilimpaz, 2021. – 3.75 б.т. – 60 б.
12.
Yuspov KA Arnawlı pánlerdi oqıtıw metodikası. sabaqlıq. – Tashkent:
INNOVATSIYA-ZIYO, 2022. – 19 б.т. – 304 б.
13.
Qaraqalpaq ádebiyatın oqıtıw texnologiyaları. Oqıw qollanba. – Tashkent:
INNOVATSIYA-ZIYO, 2022. – 9.3 б.т. – 144 б.
14.
Konis A. Yusupov. Studying Forms of Teaching Karakalpak Poetry at Academic
Lyceums. Eastern European Scientific Journal. Germany. Ausgabe, 3-2018. 72-75.
15.
Konis A. Yusupov. Studying Karakalpak Poetry in Academic Lyceums by Various
Methods in Class. Eastern European Scientific Journal. (ISSN 2199-7977).
Germany. 1-2019. 83-85.
16.
Yusupov К.А. Scientific and theoretical foundations of teaching Karakalpak
literature at academic lyceums // Journal of Critical Reviews. (ISSN 2394-5125). –
T A D Q I Q O T L A R
jahon ilmiy – metodik jurnali
https://scientific-jl.com
63-son_5-to’plam_Iyun-2025
280
ISSN:3030-3613
Vol 7, Issue 7, 2020. – №1. – P.P. 349-354 (
https://www. scopus.сom /sourceid
/
21100920227.).
17.
Yusupov К.А. Akademik litseylarda qoraqalpoq adabiyoti // Til va adabiyot ta’limi.
– Тошкент, 2020. – №6. – Б. 40-41 (13.00.00. №8).
18.
Yusupov К.А. Methods of teaching literary material at academic lyceums according
to the program // Academicia. An International Multidisciplinary Research Journal
(India). (ISSN: 2249-7137). – Vol. 10 Issue 5, 2020. – P.P. 1628-1634 (Impact
Factor: SJIF 2020= 7,13).
