Ta'lim innovatsiyasi va integratsiyasi
42-son_1-to’plam_Aprel -2025
ISSN: 3030-3621
94
BOLALARNI DAVLAT MAKTABGACHA TAʼLIM MUASSASALARIGA
QABUL QILISH TARTIBI
Bo‘ka tuman adliya bo’limi boshlig’i
Sh.Malikov
Bolalarni davlat maktabgacha ta’lim tashkilotlariga qabul qilish bo‘yicha davlat
xizmatlari ko‘rsatish Vazirlar Mahkamasining 2018-yil 28-martdagi 244-son
asosan tartibga solinadi. Bunda xizmatdan foydalanuvchi jismoniy shaxslar yani ota-
onalar, ularning oʻrnini bosuvchi shaxslar (farzandlikka oluvchilar, vasiylar va
homiylar), bolalarning yaqin qarindoshlari (bobosi, buvisi, voyaga yetgan akasi yoki
opasi) yoki uchinchi shaxslar yoʻllanmalar olish uchun davlat xizmatlari markazlariga
oʻzlari kelib murojaat qiladi yoki yagona interaktiv davlat xizmatlari portali
(my.gov.uz) da roʻyxatdan oʻtadi. Davlat xizmatidan kompleks tarzda foydalanish
uchun FHDY organiga tugʻilishni qayd etish bilan bir vaqtda murojaat qilishlari ham
mumkin.
Ariza beruvchi soʻrovnoma toʻldirilib, avtomatik ravishda maktabgacha taʼlimni
boshqarish axborot tizimiga yuboriladi va tegishli tashkilot va guruhda boʻsh oʻrin
boʻlganda – yoʻllanma shakllantiriladi, boʻsh oʻrin boʻlmaganda – soʻrovnoma
tegishlicha umumiy yoki imtiyozli roʻyxatga kiritiladi hamda xabarnoma
shakllantiriladi.
Bolalarning quyidagi kontingenti so‘rovnomalari imtiyozli ro‘yxatga
kiritiladi:
I va II guruh nogironligi bo‘lgan shaxslarning bolalari;
Ko‘p bolali oilalarning bolalari;
Yetim bolalar yoki ota-onasining qarovisiz qolgan bolalar;
“ayollar daftari”ga kiritilgan ijtimoiy himoyaga muhtoj yolg‘iz ayollarning
bolalari;
Kontrakt bo‘yicha harbiy xizmatchilarning va ichki ishlar organlari
xodimlarining bolalari;
Talabalar va pedagoglarning bolalari;
Akalari yoki opalari ushbu muassasaning tarbiyalanuvchilari jumlasidan
bo‘lgan bolalar;
Ko‘p tarmoqli ixtisoslashtirilgan maktabgacha tashkilotlardan umumiy turdagi
maktabgacha tashkilotlarga o‘tkazilayotgan sog‘aygan bolalar.
Bolalarni imtiyozli ro‘yxat bo‘yicha qabul qilish davlat-xususiy sheriklikka
asoslangan nodavlat maktabgacha ta’lim tashkilotlariga tatbiq etilmaydi. Ariza
beruvchi bolalarni tashkilotga qabul qilishni yoʻllanma shakllangandan soʻng 15 ish
Ta'lim innovatsiyasi va integratsiyasi
42-son_1-to’plam_Aprel -2025
ISSN: 3030-3621
95
kuni mobaynida rasmiylashtirmagan taqdirda, yoʻllanma haqiqiy emas deb
hisoblanadi.
Bolalarni davlat MTMga qabul qilish O‘zbekiston Respublikasi Maktabgacha
va maktab taʼlimi vazirligi tomonidan tasdiqlangan nizom va hujjatlarga muvofiq
amalga oshiriladi. Qabul jarayoni quyidagi bosqichlarni o‘z ichiga oladi:
Ariza berish va navbatga turish
Davlat maktabgacha taʼlim muassasalariga qabul elektron tizim orqali amalga
oshiriladi. Ota-onalar yoki vasiylar Davlat xizmatlari markazi yoki my.gov.uz portali
orqali farzandini ro‘yxatdan o‘tkazib, navbatga qo‘yishi mumkin.
Hujjatlarni topshirish
MTMga qabul qilish uchun quyidagi hujjatlar talab etiladi:
Bolaning tug‘ilganlik to‘g‘risidagi guvohnomasi (nusxasi);
Ota-ona (yoki qonuniy vakil) pasporti nusxasi;
Bolaning tibbiy maʼlumotnomasi (026/u shakli);
Imtiyozli toifaga mansub bo‘lsa, tegishli tasdiqlovchi hujjatlar.
Qabul qilish tartibi
Bolalar davlat bog‘chalariga odatda 3 yoshdan boshlab qabul qilinadi.
Navbatda turgan bolalar soni va bo‘sh joy mavjudligiga qarab, ularning bog‘chaga
qabul qilinishi amalga oshiriladi. Ayrim hollarda 2 yoshdan boshlab maxsus
guruhlarga qabul qilinishi mumkin.
Foydalanilgan adabiyotlar:
1. Vazirlar Mahkamasining 2018-yil 28-martdagi 244-son “Bolalarni davlat
maktabgacha ta’lim tashkilotlariga qabul qilish bo‘yicha davlat xizmatlari
ko‘rsatishning ma’muriy reglamentini tasdiqlash to‘g‘risida” qarori;
2. O‘zbekiston Respublikasi 23.09.2020 yildagi “Taʼlim to‘g‘risida”gi Qonuni;
3. O‘zbekiston Respublikasi Vazirlar Mahkamasining 19.07.2019 yildagi
“Maktabgacha taʼlim muassasalariga qabul qilish tartibi to‘g‘risida”gi Nizomi
