ENDOKRIN OFTALMOPATIYADA QIYOSIY MORFOMETRIK TAHLILLAR

Annotatsiya.  Endokrin  oftalmopatiya  (EOP)  qalqonsimon  bezning 
disfunksiyasi natijasida rivojlanadigan autoimmun kasallik bo‘lib, orbita yumshoq 
to‘qimalarining yallig‘lanishi va ekstraokulyar mushaklarning qalinlashishi bilan 
xarakterlanadi.  Kasallikning  patogenetik  asoslari  o‘rtasidagi  bog‘liqlikni 
o‘rganish, tashxis qo‘yishda va samarali davolash strategiyalarini ishlab chiqishda 
muhim  ahamiyatga  ega.  Zamonaviy  mahalliy  va  xorijiy  adabiyot  manbalarida 
EOPda  ko‘z  olmasi  qavatlari,  periorbital  yumshoq  to‘qimalarning  morfologik 
o‘ziga  xos  xususiyatlarini  kompleks  baholashga  qaratilgan  maʼlumotlar 
kamchilikni tashkil qiladi. OKT (optik kogerent tomografiya) va UTT (ultrtovush 
tekshiruvi)  texnologiyasidan  foydalanish  EOPning  o‘ziga  xos  xususiyatlarini 
baholashda,  kasallik  og‘irlik  darajasini  aniq  belgilashda  va  davolash  jarayonini 
samarali olib borishda katta ahamiyatga ega bo‘lishi mumkin.