www.sci-p.uz
III SON. 2025
695
O‘ZBEKISTON TURIZM BRENDI RIVOJLANISHIGA TO‘SQINLIK QILUVCHI OMILLAR
Qodirov Mirzoxid
Termiz davlat universiteti
ORCID: 0009-0003-7312-8734
Annotatsiya.
Mazkur maqolada O‘zbekistonning turizm brendini shakllantirish va
rivojlantirish yo‘lidagi asosiy to‘sqinlik qiluvchi omillar tahlil qilinadi. Marketing nuqtai
nazaridan qaralganda, turizm brendi nafaqat tashqi imijni, balki mamlakatning iqtisodiy,
ijtimoiy va madaniy taraqqiyotini ifodalovchi muhim vositadir. Biroq, brend strategiyasining
to‘laqonli amalga oshirilishiga to‘sqinlik qilayotgan bir qator tizimli muammolar mavjud. Ushbu
maqolada aynan ana shunday omillar tahlil qilinib, ularni bartaraf etish b
o‘yicha takliflar
beriladi.
Kalit so‘zlar:
turizm brendi, marketing strategiyasi, O‘zbekiston, xizmat sifati, infratuzilma,
raqamli marketing, brend imiji, turizm sohasi.
ФАКТОРЫ, ПРЕПЯТСТВУЮЩИЕ РАЗВИТИЮ ТУРИСТИЧЕСКОГО БРЕНДА
УЗБЕКИСТАНА
Кадыров Мирзохид
Термезский государственный университет
Аннотация
.
В данной статье рассматриваются ключевые препятствия на пути
формирования и развития туристического бренда Узбекистана. С точки зрения
маркетинга, туристический бренд представляет собой важный инструмент,
отражающий не только внешний имидж, но и экономическое, социальное и культурное
развитие страны. Однако в реализации полноценной бренд
-
стратегии существуют
системные проблемы, которые требуют решения.
Ключевые слова:
туристический бренд, маркетинг, Узбекистан, качество
обслуживания, инфраструктура, цифровой маркетинг, имидж бренда, туризм.
FACTORS HINDERING THE DEVELOPMENT OF UZBEKISTAN’S TOURISM BRAND
Qodirov Mirzohid
Termiz State University
Abstract.
This article explores the main factors that hinder the formation and development
of Uzbekistan’s tourism brand. From a marketing perspective, a tourism brand is not only a means
of creating a positive external image but also a reflection of the country’s econom
ic, social, and
cultural development. However, several systemic challenges stand in the way of fully implementing
a cohesive brand strategy.
Keywords:
tourism brand, marketing strategy, Uzbekistan, service quality, infrastructure,
digital marketing, brand image, tourism development.
UOʻK:
336
695-701
www.sci-p.uz
III SON. 2025
696
Kirish.
Globallashuv jarayonining tezlashishi natijasida milliy turizm brendini shakllantirish
masalasi har bir davlatning xalqaro maydondagi raqobatbardoshligini ta’minlovchi muhim
omilga aylanib bormoqda. Ayniqsa, madaniy merosga boy, geografik jihatdan qulay hududda
joylashgan O‘zbekiston uchun bu jarayon strategik ahamiyat kasb etadi. Turizm brendi
mamlakatning ijobiy imijini yaratish, xorijiy investitsiyalar va turistlar oqimini oshirish,
shuningdek, ich
ki iqtisodiy faollikni rag‘batlantirish vositasi sifatida qaraladi. Biroq, brend
shakllanishiga xalaqit beruvchi omillar mavjudligi ushbu sohaning kompleks rivojiga salbiy
ta’sir ko‘rsatmoqda. Shu bois, mavjud muammolarni aniqlash va ularni tizimli tarzda
tahlil
qilish turizm marketingi strategiyalarining zamonaviy talablarga mos holda
takomillashtirilishini ta’minlaydi. Mazkur maqolada O‘zbekiston turizm brendi rivojlanishiga
to‘sqinlik qilayotgan asosiy omillar chuqur tahlil qilinib, ularga qarshi samaral
i choralarni
ishlab chiqish yo‘llari ko‘rib chiqiladi. Tadqiqot, shuningdek, brend menejmentining zamonaviy
yondashuvlari asosida amaliy tavsiyalar berishga qaratilgan.
Zamonaviy brend konsepsiyasi marketing strategiyasining markaziy elementi sifatida
nafaqat mahsulot va xizmatlarni ilgari surish, balki mamlakat imijini shakllantirishda ham hal
qiluvchi rol o‘ynaydi. Xususan, turizm brendi orqali mamlakatning tarixiy
-madaniy merosi,
mental qadriyatlari va tabiiy resurslari global maydonga olib chiqiladi. Saidovning
ta’kidlashicha, O‘zbekistonning milliy turizm brendi hali ham shakllanish bosqichida bo‘lib,
mavjud yondashuvlar ko‘proq deklarativ xarakter kasb etmoqda.
Xalqaro tajriba shuni ko‘rsatadiki, muvaffaqiyatli turizm brendi yaratuvchi davlatlar
(masalan, Ispaniya, Turkiya, Tailand) brend menejmentini faqat tashqi reklama bilan
cheklamay, balki ichki islohotlar, infratuzilma va xizmatlar sifatini oshirish bilan
u
yg‘unlashtirganlar. Anholtning
(2007)
konseptual yondashuvi bo‘yicha, davlat brendi bu
“Jahon jamoatchiligi ongida mamlakat haqida shakllangan umumiy taassurotlar yig‘indisidir”.
O‘zbekiston holatida esa bu tasavvurlar ba’zan tarixiy ekzotizm, ba’zan esa n
oaniq stereotiplar
orqali shakllanmoqda.
Shuningdek, To‘rayev
(2020)
O‘zbekistonda turizm brendini yaratishda sektorlararo
integratsiyaning sustligi, marketing strategiyalarining zamonaviy talabga javob bermasligi kabi
omillarni asosiy to‘siq sifatida ko‘rsatadi. Shu jihatdan qaraganda, brend yaratish faqat logotip
yoki shior tanlash bilan cheklanmasligi, balki institutsional, iqtisodiy va madaniy omillar tizimi
bilan uyg‘unlashgan ko‘p bosqichli jarayon ekanligi ayon bo‘ladi.
Mazkur tadqiqotda aynan mana shu tizimli yondashuv asosida O‘zbekiston turizm brendi
rivojlanishiga to‘sqinlik qilayotgan omillarni aniqlashga va ularni bartaraf etish yo‘nalishlari
ilmiy-nazariy asosda tahlil qilishga harakat qilamiz.
Adabiyotlar sharhi.
Turizm brendini shakllantirish va rivojlantirish masalasi bugungi kunda global ilmiy
hamjamiyat e’tiborida bo‘lgan dolzarb mavzulardan biridir. Ushbu yo‘nalishda olib borilgan
ilmiy izlanishlar brendning milliy identitet, iqtisodiy rivojlanish va xalqaro
k
ommunikatsiyadagi o‘rnini ko‘rsatib bergan. Quyida ushbu mavzuga oid asosiy manbalar
tahlilini amalga oshirishga harakat qilamiz.
Anholt (2007)
tomonidan ishlab chiqilgan “competitive identity” konsepsiyasi davlat
brendini shakllantirishda marketing vositalarining yagona emasligini, balki bu jarayon ko‘p
qatlamli siyosiy, iqtisodiy va madaniy omillarga tayanishini asoslaydi. Anholt fikriga ko‘ra,
turizm brendi samarali bo‘lishi uchun mamlakat ichidagi institutsional islohotlar bilan uyg‘un
ravishda olib borilishi zarur. O‘zbekiston holatida bu yondashuv turizm siyosatida faqat tashqi
tashviqotga emas, balki ichki tizimlar islohiga ham
urg‘u berish zaruratini ko‘rsatadi.
Kotler (1993)
hammuallifligidagi “Marketing Places: Attracting Investment, Industry, and
Tourism to Cities, States and Nations” asarida hududlar va mamlakatlar brendi marketingi
konseptual jihatdan izchil tahlil qilinadi. Mualliflar joy brendini yaratishda “pozitsiyalash” va
www.sci-p.uz
III SON. 2025
697
“raqobat afzalligi” strategiyalariga e’tibor qaratadi. O‘zbekiston turizm brendi uchun bu
metodologiya raqobatchi davlatlar
–
Qozog‘iston, Ozarbayjon yoki Gruziya bilan solishtirish
orqali o‘ziga xos ustunliklarni aniqlash zarurligini ko‘rsatadi.
To‘rayevning
(2020)
“O‘zbekiston turizm infratuzilmasini rivojlantirish muammolari”
monografiyasida O‘zbekistonda turizm infratuzilmasi rivojiga to‘sqinlik qilayotgan asosiy
omillar
–
transport, axborot, xizmatlar sifati
–
atroflicha yoritiladi. Muallif turizm brendi faqat
t
ashqi identifikator emas, balki real xizmat va infratuzilma bilan bog‘liq ekani, brend va sifat
ko‘rsatkichi o‘rtasida bevosita bog‘liqlik mavjudligini asoslaydi. Bu esa davlat siyosatida
turizmni texnologik modernizatsiyalash muhimligin
i ta’kidlaydi.
Hadson va Ritchi (2009)
Kanada misolida milliy brend yaratishda “emotsional
assotsiatsiyalar” va “yodda qoluvchi tajribalar”ni shakllantirishning ahamiyatini ochib beradi.
Ularning yondashuvi turizm brendini faqat logotip emas, balki sayyohning hissiy tajribasi bilan
bog‘lash lozimligini ta’kidlaydi. O‘zbekiston sharoitida bu yondashuv orqali madaniy festivallar,
urf-
odatlar va mehmondo‘stlikka asoslangan brend kontentlarini kuchaytirish mumkin.
Yusupova (2021)
tomonidan olib borilgan tahlil O‘zbekistonda raqamli marketing
infratuzilmasi yetarli darajada rivojlanmagani, ijtimoiy tarmoqlarda tizimli brend
kommunikatsiyasi mavjud emasligini ko‘rsatadi. Muallif aynan raqamli
platformalarda vizual
va verbal kontent yordamida brend identitetini shakllantirish imkoniyatlariga e’tibor qaratadi.
Bu esa zamonaviy brend strategiyalarining innovatsion omillarga tayanishi zarurligini
anglatadi.
Tadqiqot metodologiyasi.
Tadqiqotning samarasini yanada oshirishda kontent-
tahlil, ekspert so‘rovi, Komparativ
tahlil, SWOT tahlil, veb-analitika vositalari orqali monitoring kabi usullardan keng foydalanildi.
Tahlil va natijalar muhokamasi.
O‘zbekiston turizm brendi shakllanishi murakkab, ko‘p omilli tizim sifatida namoyon
bo‘lib, bu jarayon ichki va tashqi muhitda mavjud bo‘lgan turli to‘siqlarning barham topishini
talab etadi. O‘tkazilgan tahlillar shuni ko‘rsatadiki, mamlakat brendining global bozordagi
pozitsiyasi hali ham noaniq konturlar bilan ifodalanmoqda, bu esa strategik yondashuvlarning
chuqur qayta ko‘rib chiqilishini taqozo etadi.
Institutsional muvofiqlashtirishdagi nomuvofiqliklar muhim to‘sqinlik sifatida qayd
etiladi. To‘rayevning
(2020)
ta’kidlashicha, turizm sohasini boshqaruvchi tashkilotlar o‘rtasida
funksional vakolatlar aniq ajratilmagan bo‘lib, bu turizm brendining yagona kontseptsiyada
rivojlanishiga to‘sqinlik qilmoqda. Bu holat marketing siyosatini fragmentatsiyalashga olib
kela
di va potensial sayyoh ongida aniq imidj shakllanishiga salbiy ta’sir ko‘rsatadi.
Xalqaro tajribalar bilan solishtirganda, raqamli brend menejmenti vositalarining yetarli
darajada joriy etilmagani kuzatiladi. Masalan, Hudson va Ritchie (2009) tomonidan olib
borilgan tadqiqotlarda Kanada brendining muvaffaqiyati aynan “raqamli hissiy aloqa” va
“interaktiv platformalarning tizimli ishlatilishi” bilan bog‘liq ekani qayd etiladi. O‘zbekistonda
esa turizmga oid rasmiy veb-saytlar va ijtimoiy tarmoq sahifalari kontentining yagona uslubda
olib borilmasligi, uzviy yangilanmasligi brendning doimiy identitetini shakllantirishga
to‘sqinlik qilmoqda.
Ichki kommunikatsiya va milliy brendni jamiyat ongida mustahkamlashdagi
yetishmovchiliklar ham aniqlangan. Kotlerning (2013) joy marketingiga doir konseptual
modeliga ko‘ra, muvaffaqiyatli brend avvalo ichki auditoriya —
fuqarolar va mahalliy
tadbirkorlik subyektlari tomonidan tan olinishi lozim. O‘zbekiston tajribasida esa turizm brendi
bo‘yicha keng ommaga yo‘naltirilgan tushu
ntirish kampaniyalari sust olib borilmoqda. Bu esa
milliy brendning barqaror asosda shakllanishiga va ichki turizmning o‘sishiga salbiy ta’sir
ko‘rsatmoqda.
www.sci-p.uz
III SON. 2025
698
Madaniy kontekst va tarixiy identitetga tayanuvchi brend g‘oyalari yetarlicha
chuqurlashtirilmagan. Anholtning (2007)
fikricha, har bir davlat brendi o‘zining tarixiy
-
madaniy xususiyatlarini global darajadagi universal qadriyatlar bilan uyg‘unlashtira olganida
kuchli bo‘ladi. O‘zbekiston boy sivilizatsiyaviy merosga ega bo‘lsa
-da, bu meros asosida
shakllangan vizual va semantik brend komponentlari yetarlicha tizimli emas. Mavjud
logotiplar, shiorlar va reklama kontentlari esa xalqaro auditoriyaga yetarli darajada emotsional
ta’sir ko‘rsata olmayapti.
Turizm xizmatlari sifati va infratuzilmaning nomuvofiqligi ham brend rivojiga bevosita
ta’sir ko‘rsatuvchi omil sifatida maydonga chiqadi. Yusupova
(2021) tomonidan olib borilgan
tahlilda ta’kidlanishicha, brend obro‘sining shakllanishida TripAdvisor, Booking.com onlayn
reyting tizimlari hal qiluvchi rol o‘ynaydi. Ammo O‘zbekiston mehmonxonalarida xizmat sifati,
til muammolari, ekologik tozalik va transport qulayligi masalalarida sayyohlarning salbiy
mulohazalari baribir ko‘pchilikni tashkil etmoqda. Bu esa
brend imijiga putur yetkazuvchi omil
sifatida doimiy monitoring talab etadi. O‘zbekiston turizm brendi shakllanishiga to‘sqinlik
qilayotgan omillar biryoqlama emas, balki tizimli muammolar majmuasidir. Ular nafaqat tashqi
imij, balki ichki boshqaruv, xizmatlar sifati, raqamli kommunikatsiya va madaniy kapitaldan
foydalanish darajasi bilan chambarchas bog‘liq. Shu bois, brendni rivojlantirish bo‘yicha
strategiyalar multidisiplinar yondashuvga asoslanmog‘i lozim.
Tadqiqot davomida aniqlanishicha, O‘zbekistonning turizm brendini xalqaro darajada
muvaffaqiyatli shakllantirishda infratuzilmaviy nomutanosiblik eng asosiy strukturaviy
to‘siqlardan biridir. Xususan, mehmonxona, aeroport, transport va sanitariya xizmatlar
idagi
mintaqaviy tafovutlar brendning yagonaligiga putur yetkazmoqda. UNWTO (2018)
ma’lumotlariga ko‘ra, muvaffaqiyatli turizm brendi nafaqat vizual identitet, balki xizmatlar
sifati va barqarorlik darajasi bilan aniqlanadi. O‘zbekistonda bu borada shaharl
araro
rivojlanish darajasidagi tafovutlar
–
masalan, Samarqand va Buxoroga nisbatan
Qoraqalpog‘iston yoki Surxondaryodagi xizmatlar sifati pastligi –
brend doirasida notekis
taassurotlar shakllanishiga olib kelmoqda.
Shuningdek, mavjud turizm brendi strategiyalarining yetarlicha empirik tahlil asosida
shakllanmaganligi ham muhim omil sifatida qayd etiladi. Pike va Ryan tomonidan ilgari surilgan
fikrlarga ko‘ra, brend strategiyasi samarali bo‘lishi uchun sayyohlar xatti
-harakatini
o‘rganishga asoslanishi, ularning afzalliklari, xavotirlari va qaror qabul qilish mexanizmlari
puxta tahlil qilinishi lozim. Afsuski, O‘zbekistonda bu borada amaliy tadqiqotlar soni
cheklangan bo‘lib, sayyohlar fikrlari asosida shakllangan bren
d kontseptsiyasi deyarli mavjud
emas.
Bundan tashqari, turistik brend vizual identiteti (logotip, shior, dizayn va grafik obrazlar)
masalasida ham bir xillik va tizimlilik yetishmasligi aniqlanmoqda. 2019-
yilda O‘zbekiston
Respublikasi Turizmni rivojlantirish davlat qo‘mitasi tomonidan taqdim
etilgan "Uzbekistan
–
the Pearl of the Orient" brendi o‘z davrida muayyan e’tiborni qozongan bo‘lsa
-da, u xalqaro
brend standartlariga nisbatan yetarlicha testdan o‘tkazilmagan. Xalqaro brendshunoslar,
jumladan, Kapferer ta’kidlaganidek, milliy brendlar uzoq muddatli va hissiy bog‘lanishga
yo‘naltirilgan bo‘lishi lozim. Bu esa doimiy takrorlanadigan vizual komponentlar, uzviy hikoya
va doimiy marketing strategiyalarini talab etadi. Tahlillarda, shuningdek, brendda ekologik va
barqarorlik omillarining inkorporatsiya qilinmaganligi holati ham jiddiy kamchilik sifatida
e’tirof etildi. Zamonaviy sayyohlar ekologik toza, barqarorlikka asoslangan, mas’uliyatli turizm
xizmatlarini afzal ko‘radilar
(Beken va Hay, 2007)
. O‘zbekistonda bu boradagi eko
-turizm
yo‘nalish
lari hanuzgacha maxsus brend strategiyasiga ega emas. Bu esa yashil iqtisodiyot va
barqaror rivojlanish kontekstida O‘zbekistonning xalqaro turizm bozorida o‘ziga xos
pozitsiyasini shakllantirishiga to‘sqinlik qilmoqda.
Yuqoridagilarni umumlashtirar ekanmiz, quyidagi jadval ma’lumotlarini kiritishni ma’qul
deb topdik.
www.sci-p.uz
III SON. 2025
699
1-jadval.
O‘zbekiston turizm brendi rivojiga to‘sqinlik qilayotgan asosiy omillar
(empirik guruhlashtirish asosida)
№
To‘sqinlik qiluvchi omillar
Tavsif
1
Infratuzilmaviy nomutanosiblik
Hududlar bo‘yicha transport, mehmonxona, servis
sifati o‘rtasidagi farqlar
2 Vizual brend elementlarining tizimsizligi
Logotip, shior, dizaynlar muvofiqligining yo‘qligi
3
Raqamli marketing vositalarining
cheklangan qo‘llanilishi
SEO, SMM, mobil ilovalar va onlayn platformalardagi
past faollik
4
Brend strategiyasining empirik asosga ega
emasligi
Sayyohlar fikri, statistik tahlil asosida
shakllanmaganligi
5
Ekologik va barqaror turizmga yetarli
e’tibor berilmasligi
Eko-brend va yashil marketing yetishmasligi
2-jadval.
O‘zbekiston va ba’zi rivojlangan turistik mamlakatlarda brend
strategiyalarining
qiyosiy tahlili
3-jadval.
O‘zbekiston turizm brend strategiyasining kuchli va zaif tomonlari
(SWOT-tahlil asosida)
Toifa
Tavsif
Kuchli tomonlar
Boy tarixiy-
madaniy meros, Ipak yo‘li merosining markazida joylashganlik
Zaif tomonlar
Marketing resurslarining cheklanganligi, infratuzilmaning notekis rivojlanishi
Imkoniyatlar
Eko-turizm va gastronomik turizmga xalqaro talabning ortishi
Tahdidlar
Mintaqaviy raqobat kuchayishi, siyosiy-iqtisodiy beqarorlik xavflari
O
‘
zbekiston turizm brendi rivojiga to
‘
sqinlik qilayotgan omillar ko
‘
p darajali va tizimli
tusga ega bo
‘
lib, ularni bartaraf etish uchun ko
‘
p sektorli, strategik integratsiyani talab qiladi.
Brend strategiyasi empirik ma’lumotlarga asoslanmagan, raqamli marketing
vositalari bilan
to‘liq uyg‘unlashmagan va ichki kommunikatsiyaga yetarlicha yo‘naltirilmagan. Mavjud brend
tashabbuslari barqarorlik, madaniy identitet va mintaqaviy inklyuzivlik tamoyillarini
Ko‘rsatkichlar
O‘zbekiston
Turkiya
Gruziya
Yaponiya
Yagona brend
konsepsiyasi
mavjudligi
Qisman
mavjud
To‘liq mavjud
To‘liq mavjud
To‘liq mavjud
Raqamli marketing
darajasi
Past
Yuqori
O‘rta
Yuqori
Brendda madaniy
identitet aks ettirilishi
Fragmentar Integratsiyalashgan Integratsiyalashgan Integratsiyalashgan
Eko-brend strategiyasi
Dastlabki
bosqichda
Faol joriy etilgan Bosqichma-bosqich
To‘liq joriy etilgan
Sayyohlar tajribasiga
tayanish
Past
Yuqori
O‘rta
Yuqori
www.sci-p.uz
III SON. 2025
700
yetarlicha o‘z ichiga olmayapti. O‘zbekistonning noyob tarixiy
-madaniy boyligi global
darajadagi hissiy va ijtimoiy kommunikatsiya elementlariga aylantirilmagan, bu esa brendni
xalqaro bozorda tanitish imkoniyatlarini cheklab qo‘ymoqda. Shunday qilib, bren
d shakllanish
jarayonida identitet, sifatlilik, raqamli yondashuv, barqarorlik va kommunikatsion muvofiqlik
–
asosiy ustuvor yo‘nalishlar sifatida belgilanishi zarur.
Xulosa va takliflar.
O‘zbekistonning turizm sohasini barqaror rivojlantirish va xalqaro miqyosda
raqobatbardosh brendga aylantirish yo‘lida
amalga oshirilayotgan islohotlar muayyan ijobiy
natijalarni bergan bo‘lsa
-da, hanuzgacha qator tizimli muammolar mavjudligicha qolmoqda.
Ushbu tadqiqotda mamlakat turizm brendi shakllanishiga to‘sqinlik qilayotgan asosiy omillar
kompleks yondashuv asosida tahlil qilindi. Ular orasida, eng avvalo, infratuzilmaviy
nomutanosiblik, marketing strategiyasining empirik asosga ega emasligi, raqamli vositalardan
foydalanishdagi sustkashlik va ekologik barqarorlik tamoyillarining brend siyosatiga
integratsiyalanmaganligi ajralib turadi.
Tahlillar shuni ko‘rsatmoqdaki, bugungi kunda O‘zbekiston turizm brendining
kontseptual yondashuvi fragmentar va sust koordinatsiyalashgan holatda mavjud bo‘lib, u
xalqaro tajribalar
–
xususan, Turkiya, Yaponiya, Gruziya kabi davlatlarning brend qurishdagi
strategik yutuqlari bilan qiyoslaganda ancha orqada qolmoqda. Brendni muvaffaqiyatli
shakllantirish uchun esa faqatgina vizual identitet emas, balki chuqur madaniy, iqtisodiy va
kommunikatsion yondashuv talab etiladi.
Shuningdek, tadqiqot davomida aniqlanganidek, O‘zbekistonning turizm brendi ko‘proq
davlat tashabbusi asosida shakllanayotgan bo‘lib, unda xususiy sektor ishtirokining sustligi,
xorijiy sayyohlar ehtiyojlarini hisobga olgan holda ijtimoiy-psixologik tahlillarning kamligi ham
brend samaradorligini cheklab qo‘ymoqda.
Mazkur xulosadan turizm brendini qayta ko‘rib chiqish va uni kompleks tarzda
takomillashtirish zarurati kelib chiqadi. Bunda raqamli marketing vositalarini faol joriy qilish,
sayyohlar tajribasi asosida asosli pozitsionlashtirish, ekologik va madaniy qadriyatlarni
integratsiyalash va xususiy sektor bilan davlat o‘rtasidagi hamkorlikni mustahkamlash asosiy
strategik yo‘nalishlar sifatida belgilanmog‘i lozim.
Adabiyotlar /
Литература
/References:
Anholt S. (2007) Competitive Identity: The New Brand Management for Nations, Cities and
Regions.
—
New York: Palgrave Macmillan.
—
134 p.
—
P. 23, 30.
Becken S., Hay J. (2007) Tourism and Climate Change: Risks and Opportunities.
—
Clevedon:
Channel View Publications. 299 p.
Hudson S., Ritchie J. R. B. (2009) Branding a memorable destination experience: The case of
'Canada' // International Journal of Tourism Research. Vol. 11, №2. —
P. 217
–
228.
—
P. 224.
Kotler P., Haider D. H., Rein, I. (1993) Marketing Places: Attracting Investment, Industry, and
Tourism to Cities, States and Nations.
—
New York: The Free Press.
—
421 p.
—
P. 116.
Kotler, P., Bowen J. T., Makens, J. C. (2013) Marketing for Hospitality and Tourism. 6th ed.
Pearson. 850 p.
OECD. (2022) Tourism Trends and Policies 2022.
—
Paris: OECD Publishing.
—
292 p.
—
DOI: https://doi.org/10.1787/20767773
Pashkus, V. Yu., Pashkus N. A. (2015) Branding in the sphere of tourism: international
experience and Russian practice // Journal of Marketing in Russia and Abroad. №3. С
. 52
–
65.
Richards G., Wilson J. (2006) Developing Creativity in Tourist Experiences: A Solution to the
Serial Reproduction of Culture? // Tourism Management. Vol. 27, Issue 6. P. 1209
–
1223.
To‘rayev G‘. (2020) O‘zbekiston turizm
infratuzilmasini rivojlantirish muammolari.
—
Toshkent: Iqtisodiyot nashriyoti, 164 b. B. 38.
www.sci-p.uz
III SON. 2025
701
UNWTO. (2018) Tourism and Branding: Challenges for the Future.
—
Madrid: World
Tourism Organization,
—
112 p.
Walker J. R. (2016) Introduction to Hospitality / J. R. Walker.
—
7th ed.
—
Pearson
Education.
—
500 p.
Yusupova N. (2021) Raqamli marketing vositalarining turizmda qo‘llanilishi // “Turizmni
rivojlantirish muammolari” ilmiy
-amaliy jurnal.
№2. —
B. 45
–
51.
Азимов Б. С. (2022) Ўзбекистон туризм салоҳияти ва брендлаштириш муаммолари
// Туризмда инновациялар журнали. №1. Б. 33–
42.
Ермаков В. В. (2021) Стратегии формирования туристического бренда территории
// Маркетинг и маркетинговые исследования. №4. С. 29–
35.
Мусаева Д. Т. (2022) Туризм маркетинги: назария ва амалиёт. IQTISOD
-MOLIYA.
312б.
