www.e-itt.uz
I SON. 2025
345
YASHIL IQTISODIYOTNING MOHIYATI VA UNING ASOSIY XUSUSIYATLARI
Yusupova Orzugul Ravshanbek qizi
Toshkent t
oʻqimachilik va yengil sanoat
instituti
ORCID: 0009-0005-2753-9676
Annotatsiya.
Ushbu maqolada yashil iqtisodiyotning asosiy xususiyatlari, rivojlanish
omillari va istiqbollari tahlil qilingan. Yashil
iqtisodiyotga oʻtishning global tendensiyalari, uning
atrof-
muhit va iqtisodiy barqarorlikka taʼsiri koʻrib chiqilgan. Oʻzbekistonda yashil iqtisodiyotni
rivojlantirish boʻyicha amalga oshirilayotgan chora
-
tadbirlar va istiqbolli yoʻnalishlarga alohida
eʼt
ibor qaratilgan. Tahlil natijalari asosida yashil iqtisodiyotni rivojlantirishning ustuvor
yoʻnalishlari va tavsiyalar ishlab chiqilgan.
Kalit soʻzlar:
yashil iqtisodiyot, barqaror rivojlanish, qayta tiklanuvchi energiya, resurs
samaradorligi, ekologik innovatsiyalar, yashil kelishuv.
ПРИРОДА ЗEЛEНОЙ ЭКОНОМИКИ И ЕE ОСНОВНИE ХАРАКТEРИСТИКИ
Юсупова Орзугул Равшанбек кизи
Ташкентский институт текстилной и легкой промишленности
Аннотация
.
В
данной
статье
анализируются
основные
характеристики,
факторы
развития
и
перспективы
зеленой экономики. Рассмотрены глобальные
тенденции перехода к зеленой экономике, ее влияние на экологическую
и экономическую
стабильность. Особое внимание уделено мерам и перспективным направлениям
развития зеленой экономики в Узбекистане. По результатам анализа сформулированы
приоритеты и рекомендации по развитию зеленой экономики
.
Ключевые
слова:
зеленая
экономика,
устойчивое
развитие,
возобновляемые
источники
энергии,
ресурсоэффективность, экологические инновации, зеленая сделка.
NATURE OF GREEN ECONOMY AND ITS MAIN CHARACTERISTICS
Yusupova Orzugul Ravshanbek kizi
Tashkent Textile and Light Industry Institute
Abstract.
This article analyzes the main features, development factors and prospects of the
green economy. Global trends in the transition to a green economy, its impact on the environment
and economic stability have been considered. Particular attention is paid to the measures and
promising directions implemented in Uzbekistan for the development of the green economy.
Based on the results of the analysis, priorities and recommendations for the development of the
green economy have been developed.
Keywords:
green economy, sustainable development, renewable energy, resource
efficiency, environmental innovation, green deal.
UOʻK:
332.12
345-351
www.e-itt.uz
I SON. 2025
346
Kirish.
Ye
r yuzida insoniyat paydo boʻlibdiki, oʻzining yashashi, faoliyat koʻrsatishi
uchun zaruriy
boʻlgan
barcha boyliklarni tabiatdan oladi va shuning uchun ham insonlar
tabiatni eʼzozlab
«ona tabiat» deyish odat tusiga kirgan.
Lekin, vaqtlar oʻtishi bilan insonlar tabiatdan nooqilona
foydalana boshladi. Insoniyatning tabiatga koʻrsatadigan taʼsiri orqali tabiiy boyliklardan
rejasiz foydalanishi oqibatlari XIX asrning ikkinchi yarmiga kelib salbiy natija koʻrsata
boshladi
va tabiat inson koʻmagiga muhtoj boʻlib qoldi. Insonning tabiatdan foydalanish
faoliyati XX asr boshlariga qadar mahalliy va keyinroq esa mintaqaviy xususiyatga ega boʻlgan
boʻlsa, bugungi kunda u
butun kurrai zaminni qamrab olib globallikni kasb etmoqda.
Tabiatdan foydalanishdagi mavjud kamchiliklar ustida fikr yuritadigan boʻlsak unga, eng
avvalo, tabiatni oʻzlashtirishdagi ommaviy ishlarda ham, ilmiy tadqiqotlarda ham bir
tomonlama yondashilayotganini koʻra
miz. Tabiatdan foydalanish va uni muhofaza qilish
murakkab muammo boʻlib, uning hozirgi bosqichi ekologik ongni oshirish va insonning
tabiatga boʻlgan salbiy taʼsirini kamaytirish nuqtai nazaridan kelib chiqadigan boʻlsak, tabiiy
ilmiy nazariyasini ishlab chiqishni taqozo etadi.
XXI asrga kelib tabiat bilan bogʻliq ekologik muammolarni dunyo miqyosida birgalikda hal
qilish tobora ommalashmoqda. Bu tabiatga nisbatan umumbashariy qarashning shakllanishiga
bevosita yordam beradi.
Hozirgi kunda BMTning mavjud 14 ta ixtisoslashgan tashkilotlaridan 6 tasi atrof-muhit
muhofazasiga aloqador masalalar bilan alohida shugʻullanib kelmoqda
«Barqaror rivojlanish
konsepsiyasi» ham shu maqsadlarga xizmat qiladi. Barqaror rivojlanish maqsadlari BMT
tomonidan 2012 yilda ishlab chiqilgan va taklif etilgan dastur
boʻlib, ushbu dastur
insonlarning farovon turmush tarzini yaratishga xizmat qiluvchi iqtisodiy, ijtimoiy, ekologik
koʻrsatkichlarni oʻz ichiga oladi.
2015 yil 25-27 sentyabr kunlari davlat va hukumat rahbarlari
ishtirokida boʻlib oʻtgan Sammitda aynan Barqaror rivojlanish masalasi kun tartibiga qoʻyildi
va yaqin 15 yilga moʻljallangan tadbirlar rejasi eʼlon qilindi. Mazkur maqsadlar BMTga aʼzo
barcha davlatlar tomonidan 2015-2030 yillarda amalga oshirilishi kun tartibiga kiritilgan
boʻlib, unda dunyo ma
mlakatlarining etakchilari dunyoning barcha nuqtalarida barcha global
muammolarga batamom barham berishga vaʼda qilishi kutiladi
(
Q
aror,
2019
)
.
Oʻzbekistonning strategik maqsadi ham ekologik barqarorlikni taʼminlash, iqtisodiy
oʻsishning resurslar tejamkorligiga asoslangan “yashil” iqtisodiy
rivojovlanish
modeliga oʻtish.
Mamlakatimizda ham ekologik muammolarni hal qilish va barqaror iqtisodiy oʻsishni
taʼminlash borasida muhim qadamlar tashlanmoqda. Bugungi kunda inson faoliyatining
tabiatga boʻlgan taʼsiri va global iqlim oʻzgarishlari barcha davlatlarning iqtisodiyot ti
zimlarini
yashillik nuqtai nazaridan qayta koʻrib chiqishini talab qilmoqda.
Hozirda barqaror rivojlanishning asosi sifatida «yashil iqtisodiyot» qaralmoqda va uni
rivojlantiruvchi kuch «yashil» texnologiyalarga kiritilayotgan investisiyalar hisoblanadi. Ushbu
texnologiyalar energiya va resurslarning tejamkorligi, uglerod chiqindilarini kamaytirishni,
muqobil energiya manbalaridan foydalanishni, organik qishloq xoʻjaligi mahsulotlarini
etishtirishni, chiqindilarni qayta ishlashni, umuman olganda iqtisodiyotning tabiat va atrof-
muhitga zarar keltirmasdan rivojlantirishiga hamda insoniyatning ekologik xavfsizligini
taʼminlashiga xizmat qiladi.
Adabiyotlar sharhi.
XX asr oxirlariga kelib, 1983 yilda Atrof-
muhit va rivojlanish boʻyicha Butunjahon
komissiyasi tashkil etildi. Tashkil etilgan komissiya jamoasi uch yil davomida dunyodagi
iqtisodiy, ijtimoiy-
madaniy va ekologik omillarning oʻzaro taʼsiri va aloqadorligi m
asalalarini
oʻrgandi. Mazkur jarayon “barqaror rivojlanish” (
sustainable development) tushunchasini
keng ommalashtirishga xizmat qildi.
«Yashil» iqtisodiyotning rivojlanish bosqichiga nazar tashlaydigan boʻlsak, «yashil»
iqtisod
–
bu XX asr oxirida yuzaga kelgan iqtisodiy yoʻnalish boʻlib, u iqtisodiy faoliyatning
www.e-itt.uz
I SON. 2025
347
atrof-
muhitga salbiy taʼsirini kamaytirish zarurligini nazarda tutadi. “Yashil” iqtisodiyot
konsepsiyasi iqtisod fanining ekologiya, tabiatdan foydalanish va atrof-muhit iqtisodiyoti kabi
sohalari bilan integrasiyalashgan holda
“yashil iqtisodiyot” tushunchasi paydo boʻla boshladi.
“Yashil” iqtisodiyotning mazmun va mohiyatini Buyuk Britaniyalik iqtisodchi olimlar
D.Pirs va E.Barbierlar
oʻzlarining ““Yashil” iqtisodiyot uchun reja (
Blueprint for a Green
Economy
)” nomli asarida birinchilardan ochib berilgan
(Тол, 2009)
.
“Yashil iqtisodiyot” tushunchasiga koʻplab olimlar, tadqiqotchilar oʻz taʼriflarini bayon
etishgan, nisbatan toʻliq taʼrif UNEP tomonidan taklif etilgan boʻlib, “yashil iqtisodiyot” –
bu
“insonlar farovonligi va ijtimoiy tengligining yaxshilanishi, ekologi
k risklar va ekologik
taqchillikni sezilarli darajada kamaytirish”ga olib keluvchi iqtisodiyotdir
(
Штайнер, Айрис, и
др:
(
2011
)
.
Richard Tol
(
2009
)
ekologik iqtisodchi olim, u yashil soliqlar va ekologiyaga asoslangan
tariflarni joriy qilish konsepsiyalarini rivojlantirgan. U resurslardan samarali foydalanish,
chiqindilarini kamaytirish va ekologik zararni cheklash uchun fiskal instrumentlardan, yaʼni
ekologik soliqlardan foydalanishni tavsiya qilgan.
XXI asr boshida BMTning «Global yashil yangi kurs» konsepsiyasi atrof -muhit dasturi
(2009 yil) taklif etildi (
Доклад, ЮНЕП, 2009
)
.
Vahobov va Xajibakievlar
(
2020
)
““Yashil” iqtisodiyotga oʻtishda Oʻzbekiston
energiyadan foydalanish
samaradorligiga erishish, “yashil” energetikaga oʻtish, er usti
transportlarini elektrlashtirish, chiqindilarni oqilona boshqarish, ichimlik suvi taʼminotini
yaxshilash, SO2 uglerod gaz chiqindilarni yumshatish, iqlim oʻzgarishiga moslashish va
bioxilma-xi
llikni saqlab qolish” kabi masalalarga katta eʼtibor qaratish kerakligini
taʼkidlaydilar.
Tadqiqot metodologiyasi.
Ushbu tadqiqot ishlarini amalga oshirishda ilmiy tadqiqot metodologiyasida keng
qoʻllaniladigan
usullardan foydalanildi. Yashil iqtisodiyot xususiyatlari va rivojlanish omillarini
oʻrganishda
umumiylikdan individuallikka va aksincha tartibda deduksion yoki induksion
usullardan foydalanish samara bersa, abstrakt-mantiqiy fikrlash usuli esa jarayonni tizimli
tahlil qilishda ahamiyatlidir. Ilmiy tahlil jarayonida ana shu ilmiy tadqiqot usullaridan, xususan,
kuzatish, umumlashtirish, guruhlash, taqqoslash, tahlil qilishda esa sintez va tahlil usullarini
keng foydalanildi.
Tahlil va natijalar muhokamasi.
Iqtisodiyotning shunday yoʻnalishi borki, energiya va resursni tejashga, atmosferaga
uglerod chiqarishni kamaytirishga, sof energiyadan foydalanuvchi transportga, energiyaning
muqobil manbaalariga
, organik qishloq xoʻjaligiga asoslanadi, bu ham boʻlsa “yashil”
iqtisodiyotdir.
“Yashil” iqtisodiyot –
bu kelajak iqtisodiyoti boʻlib, XXI asr iqtisodiy
taraqqiyotining
harakatga keltiruvchi kuchi boʻlishi kerak. Bizga maʼlumki, iqtisodiy oʻsishning anʼanaviy
modeli mavjud lekin “yashil” iqtisodiyot–
bu umumjahon strategiyasi hisoblanadi, u nafaqat
alohida milliy iqtisodiyotlarning, balki global iqtisodiyotining barqarorligini belgilab beradi.
Birlashgan Millatlar Tashkiloti (Atrof-muxit
boʻyicha dastur –
United Nations
Environmental Programm
–
UNEP-YuNEP; Osiyo va Tinch okeani uchun iqtisodiy va ijtimoiy
komissiya
–
ESKATO va hokazolar), Global “yashil” oʻ
sish instituti (Global Green Growth
Institute
–
GGGI) kabi xalqaro tashkilotlar va koʻplab boshqa tashkilotlar “Yashil” oʻsish
strategiyasini va taktik dasturlarni amalga oshirishda barcha davlatlarning faol ishtirok etishini
targʻib qilib kelmoqda.
UNEP tashkiloti tomonidan “yashil iqtisodiyot”ni iqtisodiyotning bir yoʻnalishi deb
taʼriflaydiki, unda u uzoq muddatli istiqbolda insonlar farovonligini yaxshilaydi, ijtimoiy
www.e-itt.uz
I SON. 2025
348
tengsizlikni kamaytiradi va boʻlgʻusi avlodlar uchun ekologik
havflar hamda taqchillikni jiddiy
ravishda kamaytiradi.
1-rasm.
“Yashil” iqtisodiyotning oʻziga xos xususiyatlari
Manba:
muallif tomonidan shakllantirildi.
Resurslardan oqilona foydalanish
Innovasion texnologiyalardan foydalanish orqali chiqindi
chiqishini kamaytirish, sirkulyar iqtisodiyotga oʻtish.
Energiyadan foydalanish samaradorligini oshirish
Energiya tejamkor texnologiyalar va qayta tiklanuvchi
energiya manbalaridan keng foydalanishni.
“Yashil” texnologiyalarni joriy etish
Ekologiyaga salbiy ta'sir etkazmaydigan texnologiyalarga
koʻproq investisiya kiritish va rivojlantirish.
“Yashil” ish oʻrinlarini yaratishga alohida e'tibor
qaratish
"Yashil" texnologiyalardan foydalanuvchi tarmoqlarni
rivojlantirish orqali yangi ish oʻrinlari yaratish.
Ekologik yoʻnalishdagi investisiyalar hajmini oshirish
Ekologik yoʻnalishdagi loyihalarga investisiyalarni keng jalb
qilish va samaradorligini baholab borish.
Ekologiya boʻyicha ta'lim va ongni rivojlantirish
dastaklarini qoʻllash
Ekologiya sohasi boʻyicha aholi madaniyatini oshirish, ta'lim
berish, targʻibot va tushuntirish ishlarini jadallashtirish.
www.e-itt.uz
I SON. 2025
349
Shunga alohida eʼtibor qaratish kerakki, har bir mamlakat oʻzining iqtisodiy holati,
joylashgan makoni, tabiiy va mehnat resurslaridan foydalanish imkoniyatlaridan kelib chiqib,
oʻzining “yashil” iqtisodiyot dasturini yaratadi va amalga oshiradi. Sababi,
dunyo mamlakatlari
uchun namuna boʻladigan “yashil” iqtisodiyot modeli mavjud emas.
1-jadval
Xorij mamlakatlarida “yashil” iqtisodiyot modelini amalga oshirish
“Yashil” iqtisodiyot dasturi
Dasturni amalga oshirishdagi vazifalar
Yevropa Ittifoqi (EI)
Yashil kelishuvga erishish
EI iqlim oʻzgarishiga qarshi kurashishda barcha imkoniyatlaridan
foydalangan holda 2050 yilgacha "uglerod neytralligi"ga erishish
maqsadida "Yashil kelishuv" strategiyasini qabul qildi va taktik
vazifalarni amalga oshirish.
Sirkulyar(siklli)
iqtisodiyotni rivojlantirish
Sanoat korxonalarida resurslarni samarali boshqarish va chiqayotgan
chiqindilarni yuqori darajada qayta ishlash orqali tabiatga boʻlayotgan
salbiy taʼsirni kamaytirish dasturlaridan foydalanish.
Qayta tiklanuvchi energiya
manbaalarini
rivojlantirish
Qayta tiklanuvchi energiya manbaalari
boʻlgan quyosh, shamol va
gidroenergetika kabi qayta tiklanuvchi manbalarga katta eʼtibor
qaratish.
Janubiy Koreya
Yashil taraqqiyot milliy
strategiyasi
2009 yilda “yashil” iqtisodiyotga oʻtish uchun milliy strategiya ishlab
chiqilgan va ushbu strategiya energetika sohasidagi innovasiyalarga
asoslanish.
Qayta tiklanuvchi energiya
yoʻnalishidagi
texnoparklarni
rivojlantirish
Mamlakat ekologiyaga zarar etkazmaydigan “yashil” ishlab chiqarish
innovasion
texnologiyalarini rivojlantirishga koʻproq
investisiya
kiritish.
Xitoy
“Yashil” energetika
Mamlakat xududini
chuqur tahlil etgan holda togʻli va choʻl
xududlariga
quyosh panellarini, shamol yoʻlaklariga shamol energiyasi ishlab
chiqaruvchi qurilmalarni oʻrnatish.
“Yashil” texnologiyalar
Mamlakatda elektromobillardan koʻproq foydalanish, sanoat
korxonalarida elektr energiya kam sarf qiluvchi texnologiyalarni joriy
etish, qayta tiklanuvchi elektr energiya ishlab chiqaruvchi
infratuzilmalarga koʻproq
investisiyalarni jalb qilish.
Oʻzbekistonda ham “yashil” iqtisodiyotga oʻtish imkoniyatlari va asosi oʻziga
hos
boʻlib,
boshqa davlatlardan tabiiy resurslarga boyligi, yil davomida oʻrtacha 300
-320 quyoshli kun va
haroratning oʻrtacha miqdori +42
s
boʻlishi, kunning uzunligi 16 soatni tashkil etishi bilan
ajralib turadi. Oʻzbekistonning «Yashil» iqtisodiyot tizimiga oʻtish imkoniyati
etarlicha
manbaga ega boʻlganligi uchun mamlakatimiz “yashil” iqtisodiyotga oʻtishda oʻz milliy
strategiyasiga ega boʻlib, ushbu strategiya quyidagi yoʻnalishlarni oʻz ichiga oladi:
➢
ijtimoiy, iqtisodiy sohalarda muqobil energiya manbalaridan keng foydalanish;
➢
uy-joy-kommunal
xoʻjaliklarida energiya samaradorligini oshirish;
➢
qishloq xoʻjaligida organik mahsulotlarning ishlab chiqishini ommalashtirish
da xorij
tajribalaridan foydalanish;
➢
chiqindilardan mahsulot va biogaz ishlab chiqarishni yoʻlga qoʻyish
va sirkulyar
iqtisodiyotni rivojlantirish;
➢
aholining toza ichimlik suviga boʻlgan ehtiyojlarini qondirish
.
www.e-itt.uz
I SON. 2025
350
“Yashil iqtisodiyot” atrof muhitni, bioxilmaxillikni va ekotizim xizmatlarni saqlash,
“yashil” ish oʻrinlari tashkil etish imkoniyatini va qashshoqlik muammosi hal etilishini
taʼminlovchi barqaror taraqqiyot masalalarini qamrab oladi.
Yuqoridagi “yashil” iqtisodiyot strategiyalariga asoslanib, real sektor
korxonalariga yashil
iqtisodiyotga oʻtishda quyidagi tavsiyalarni berishimiz mumkin:
Birinchidan, korxona va tashkilotlar
“yashil”
iqtisodiyot
boʻyicha strategik dastur ishlab
chiqishi, ushbu dastur avvalo, atrof-muhitga zarar keltirmaydigan ishlab chiqarish usullarini,
qayta tiklanuvchi energiya manbalari va energiyani
tejashga qaratilgan strategik rejalarni oʻz
ichiga olishi zarur.
Ikkinchidan, korxonalar ishlab chiqarish jarayonida energiya tejamkorligiga intilishlari
lozim. Buning uchun energotexnologiyalar va energetik samaradorlikni oshirishga qaratilgan
qadamlar ishlab chiqilishi kerak.
Uchinchidan,
“yashil” iqtisodiyotga oʻtishda
innovasiyalar
katta rol oʻynaydi, ekologiyaga
zarar etkazmasdan yangi texnologiyalardan foydalanishga eʼtibor berishlari, yaʼni energiya
tejovchi va atrof-muhitga zararsiz texnologiyalarga investisiya kiritishlari lozim.
Toʻrtinchidan, tabiiy resurslardan samarali foydalanish va chiqindilarni qayta ishlashga
katta ahamiyat berish zarur. Qayta ishlangan materiallar va mahsulotlar ishlab chiqarishda
keng qoʻllanilishi kerak.
Beshinchidan, qayta tiklanuvchi energiya manbaalariga, masalan, quyosh energiyasidan
foydalanish, elektr energiyasini ishlab chiqarishda kam zarar keltiradigan texnologiyalarni
joriy etish kerak.
Oltinchidan, atrof-
muhitga eʼtibor berish bilan birga, ijtimoiy barqarorlikni ham
taʼminlashlari kerak. Yashil iqtisodiyotga oʻtish shunchaki ekologiyaga emas, balki ijtimoiy
yaxshilanishga ham xizmat qilishini taʼminlashi muhim.
Xulosa va takliflar.
“Yashil” iqtisodiyot —
bu iqtisodiy rivojlanishning bir
koʻrinishi boʻlib, u barqarorlik,
ekologiyani asrash, tabiiy resurslardan samarali foydalanish va ijtimoiy taraqqiyotga
yoʻnaltirilgan iqtisodiyotdir. Ushbu konsepsiya iqtisodiy oʻsishni taʼminlash, ekologik zararsiz
va barqaror rivojlanishga qaratilgan.
“Yashil” iqtisodiyotga oʻtish —
bu tabiiy resurslardan
oqilona foydalanish, chiqindilarni qayta ishlash va qayta tiklanuvchi energiya manbalarini
rivojlantirish orqali iqtisodiyotni barqarorlashtirishni anglatadi.
“Yashil” iqtisodiyotga oʻtish faqat ekologik jihatdan emas, balki iqtisodiy va ijtimoiy
jihatdan ham muhimdir. U resurslarni tejash, atrof-muhitni muhofaza qilish, yangi ish
oʻrinlarini yaratish va kelgusi avlodlarga qulay shart
-sharoitlar yaratishga qaratilgan muhim
qadam hisoblanadi. Shunga muvofiq, davlatlar va korxonalar ushbu yoʻnalishdagi
investisiyalar, qonunchilik va siyosatlarni yanada rivojlantirishga ahamiyat berishni talab
etadi.
“Yashil” iqtisodiyotga oʻtishda quyidagi qadamlarni tashlash maqsadga muvofiqdir:
➢
Qayta tiklanuvchi energiya manbalarini rivojlantirish-
mamlakatlar, shu jumladan,
Oʻzbekistonda quyosh, shamol va biomassa energiyasini ishlab chiqarish loyihalarini
rivojlantirish kerak. Bu nafaqat ekologik, balki iqtisodiy samaradorlikni ham oshiradi.
➢
“Yashil” iqtisodiyotga oʻtish uchun chiqindilarni qayta ishlash, resurslarni tejash va
ekologik xatarlarni kamaytirishga qaratilgan sirkulyar iqtisodiyot modellarini yaratish zarur.
Bu erda ishlab chiqarishda qayta ishlanadigan materiallardan foydalanish va chiqindilarni
qisqartirishga alohida eʼtibor qaratish muhim.
➢
“Yashil” iqtisodiyotga oʻtishda ekologik soliqlar, yashil tariflar va subsidiyalar
sistemasini oʻrnatish maqsadga muvofiq. Bu orqali korxonalar ekologik samaradorlikka
yoʻnaltirish, chiqindilarni kamaytirish va energiyani tejashga boʻlgan harakat tezlashad
i.
www.e-itt.uz
I SON. 2025
351
➢
“Yashil” iqtisodiyot sohasida yangi texnologiyalar ishlab chiqarish va ish oʻrinlarini
yaratish. Yangi ekologik texnologiyalarning rivojlanishi ishlab chiqarishda, energetika va
transportda ijobiy taʼsir koʻrsatadi.
➢
“Yashil” iqtisodiyotga oʻtishning global muammo ekanini hisobga olib, xalqaro
hamkorlik va texnologiyalar almashish juda muhim. Bu, ayniqsa, barqaror rivojlanish va
ekologiyani himoya qilishga yoʻnaltirilgan
investisiyalar
bilan qoʻllab
-
quvvatlanadi. “Yashil”
iqtisodiyotga oʻtish —
bu yangi iqtisodiy modellarni joriy qilish va tabiiy resurslardan samarali
foydalanish orqali barqaror rivojlanishga erishishning muhim qadami hisoblanadi.
Adabiyotlar / Literatura/Reference:
Qaror (2019) 2019-
2030 yillar davrida Oʻzbekiston Respublikasining “yashil” iqtisodiyotga
oʻtish strategiyasini
tasdiklash
toʻgʻrisida. Oʻzbekiston Respublikasi Prezidentining 2019 yil 4
oktyabrdagi PQ-4477-son qarori.//Lex.Uz.
Vaxobov A.V. va boshq. (2020)
“Yashil” iqtisodiyot. Darslik
.
–
T.,
–
295 b.
Доклад
,
ЮНЕП
,
(2009)
Глобальный
зеленый
новый
курс
.
www.unep.org/greeneconomy/portals/30/docs/GGNDpolicy-brief_Russian.pdf
Тол, Ричард С. Дж.
(2009)
. «Экономические последствия изменения климата».
Журнал экономических перспектив , 23 (2): 29–
51 . DOI: 10.1257/jep.23.2.29.
Штайнер А., Айрис Р., Бэсса С. И др: (2011) Навстречу «зелёной» экономике: пути к
устойчивому развитию и искоренению бедности / Штайнер А., Айрис Р., Бэсса С. И др:
ЮНЕП/Грид Арендаль, С. 17.
