БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
70
Комилжон КАДИРОВ,
Ражаббой ИСРАИЛОВ,
Обиджон КАДИРОВ,
Мамасоли АЛЛАЕВ
Андижон Давлат тиббиёт институти
ИММУНТАНҚИСЛИГИ ФОНИДА РИВОЖЛАНГАН ВИРУСЛИ АТИПИК
ПНЕВМОНИЯ ПАТОМОРФОЛОГИЯСИ
For citation:
K. Kadyrov, R. Israilov, O. Kadirov, M. Allaev
PATHOMORPHOLOGY OF VIRAL
ATYPICAL PNEUMONIA DEVELOPING ON THE BACKGROUND OF IMMUNE
DEFICIENCY Journal of Biomedicine and Practice. 2021, vol. 6, issue 3, pp.70-76
http://dx.doi.org/10.26739/2181-9300-2021-3-10
АННОТАЦИЯ
Ушбу илмий мақолада иммунтанқислиги бор болалар организмида ривожланадиган
вирусли атипик пневмониянинг патоморфологик ўзига хос ўзгаришлари келтирилган. ЎзР
ССВ РПАМда аутопсия текширувчидан 2020 йил апрел-ноябр ойлари давомида ўтказилган
жами 36 та атипик пневмония касалликларида ўпка тўқимаси гистологик жиҳатдан ўрганилди.
Морфологик текширув натижалари кўрсатдики, ўпка тўқимасида дастлаб кучли
дисциркулятор ва геморрагик ўзгаришлар, кейин ўпка эпителийсининг патоморфологик
ўзгариши, агар жараён узоқ вақт давом этса ўпкада пролифератив яллиғланиш ривожланиши,
яъни бронхлар, қон томирлар атрофи ва оралиқ тўқимада фибробластларнинг
пролиферацияланиши аниқланади.
Калит сўзлар
: иммунтанқислиги, пневмония, вирус, атипик, ўпка, морфология,
гистология, патоморфология.
Комилжон КАДЫРОВ,
Раджаббой ИСРАИЛОВ,
Обиджон КАДЫРОВ,
Мамасоли АЛЛАЕВ
Андижанский государственный медицинский институт
ПАТОМОРФОЛОГИЯ ВИРУСНОЙ АТИПИЧНОЙ ПНЕВМОНИИ,
РАЗВИВАЮЩЕЙСЯ НА ФОНЕ ИММУННОДЕФИЦИТА
АННОТАЦИЯ
В данной научной статье представлены патоморфологические специфические
изменения вирусной атипичной пневмонии, развивающиеся у детей с иммунодефицитом.
Гистологическое исследование легочной ткани у 36 больных атипичной пневмонией,
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
71
проведенное аутопсией в апреле-ноябре 2020 года в РПАЦ РУз. Результаты морфологического
исследования показали, что сначала отмечается сильные дициркуляторные и геморрагические
изменения легочной ткани, затем патоморфологические изменения легочного эпителия, если
процесс продолжается длительное время, развитие пролиферативного воспаления в легких. А
также разрастание фибробластов в бронхах, кровеносные сосуды и интерстициальная ткань.
Ключевые слова:
иммунодефицит, пневмония, вирус, атипичное, легкое, морфология,
гистология, патоморфолгия.
Komiljon KADIROV,
Rajabboy ISRAILOV,
Obidjon KADIROV,
Mamasoli ALLAEV
Andijan State Medical Institute
PATHOMORPHOLOGY OF VIRAL ATYPICAL PNEUMONIA DEVELOPING ON
THE BACKGROUND OF IMMUNE DEFICIENCY
ANNOTATION
This scientific article presents the pathomorphological specific changes in viral atypical
pneumonia that develop in children with immunodeficiency. Histological examination of lung tissue
in 36 patients with atypical pneumonia, carried out by autopsy in April-November 2020 at ROAC
RUz. The results of the morphological study showed that, first, there are strong dicirculatory and
hemorrhagic changes in the lung tissue, then pathomorphological changes in the pulmonary
epithelium, if the process continues for a long time, the development of proliferative inflammation in
the lungs. The proliferation of fibroblasts in the bronchi, blood vessels and interstitial tissue.
Key words:
immunodeficiency, pneumonia, virus, atypical, lung, morphology, histology,
pathomorphology.
Муаммонинг долзарблиги.
Атипик пневмония ататмаси биринчи бўлиб 1930 йили
киритилган, лекин хозирги кунга келиб пневмониянинг типик ёки атипиклигини
қўзғатувчисининг турига қараб ажратилади. Атипик пневмония асосан вируслар, замбруғлар,
паразитлар томонидан қўзғатилади ва кўпинча организмда иммун танқислиги мавжудлигида
ривожланади. Охирги пайтларда атипик пневмония асосан вирус этиологияли бўлиб,
респиратор синцитиал вирус, грипп вируслари, аденовирус, цитомегаловирус, оғир ўткир
респиратор синдром қўзғатувчи SARSCOVID-19 вируси томонидан қўзғатилиши
тасдиқланмоқда [1,2,3]. Атипик пневмония кўпинча ёшларда нафас йўлларининг шамоллаш
касаллиги кўринишида бошланади ва қуруқ йўтал, мушакларда оғриқ, умумий ҳолсислик,
бурун оқиши, кучсиз харорат кўтарилиши, қон таҳлилида лейкоцитлар миқдорининг меёрлиги
кузатилади. 2002 йил ноябр ойида Хитой давлатида SARSCOVID-19 билан қўзғатилган ўткир
ўпка етишмаслигига тезликда айланган атипик вирусли пневмония аниқланган. 2 ой давомида
бу касалликнинг 29та давлатга тарқалганлиги ва 8098таҳолат аниқланганлиги, улардан 774
таси ўлим билан тугаганлиги кузатилган. Ўлганлар орасида аксарияти 50 ёшдан ошганлар
ташкил қилган[4,5].. Бу касалликнинг яширин даври 2дан 10 кунчани ташкил қилган, 10-14
кун давомида кучли харорат берган ва клиник жиҳатдан 4 давр орқали ривожланган: I –
гриппга ўхшаш инфекция 2-3 кун давом этган; II – иммун танқислиги даври 3-4 кун; III –
атипик пневмония даври дистресс синдром ва нафас етишмаслиги билан давом этган; IV –
терминал даври шок ривожланиши билан давом этган. Эпидемия пайти леталность 9,6%
ташкил қилган ва аксарият ҳолларда қандли диабет, гепатит ва юрак касалликлари бор
пациентлар нобуд бўлган[6,7,8].. Ушбу атипик пневмония касаллигининг патологик
анатомияси тўлиқ ўрганилмаганлигича қолмоқда.
Тадқиқот мақсади
– вирусли атипик пневмонияда ўпкада ривожланадиган
патоморфологик ўзгаришларни ўрганиш.
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
72
Материал ва усуллар
. Мақсадга эриши учун ЎзР ССВ Республика патологик анатомия
марказида аутопсия текширувчидан 2016-2020 йиллар давомида ўтказилган жами 36 та атипик
пневмония касалликларида ўпка тўқимаси гистологик жиҳатдан ўрганилди. Булардан 21таси
эркаклар, 15 таси аёллар бўлиб, ёш жиҳатдан 34-62 ёшлиларни ташкил қилди. Ўпка
тўқимасидан олинган бўлаклар 10 фоизли нейтрал формалинда 48 соат давомида қотирилиб,
спиртлар ва хлороформда суви қочирилди ва парафинга қуйилди. Парафин ғишчаларидан
тайёрланган гистологик кесмалар гематоксилин-эозинда бўялди ва Лейка русмли бинокуляр
микроскопда кўрилиб, керакли соҳалари расмга туширилди.
Тадқиқот натижалари ва муҳокамаси.
Атипик пневмониядан ўлганлар ўпка
тўқимасини микроскоп остида ўрганилганда қуйидаги ўзига хос патоморфологик ўзгаришлар
кузатилди. Вируслар таъсирида дастлаб ўпка қон томирларида дисциркуляция ривожланиб,
артерияларнинг торайганлиги, веналарнинг кенгайганлиги ва қон билан тўлганлиги
аниқланди. Бу турдаги дисциркуляция оқибатида ўпка альвеоляр тўқимасида бетартиб ҳолда
жойлашган дистелектаз ва ателектаз ўчоқлари пайдо бўлиши топилди. Айрим ҳолларда
веналар ва микроциркуляр томирлар бўшлиғида фибринли ва лейкоцитар тромблар пайдо
бўлиши кузатилди (1-расм). Натижада ўпка тўқимасида ишемия ва гипоксия ривожланишидан
альвеолалар оралиғи тўқимаси кучли шишга учраганлиги ва деформацияланганлиги
аниқланди.
Вақт ўтиши билан ўпка тўқимасидаги дисциркулятор ўзгаришлар яна ҳам авж олиб,
қон томирлар ёрилади, ўпка тўқимасига, жумладан альвеолалар оралиғи тўқимасига ва
альвеолалар бўшлиғига массив ҳолда қон қуйилади. Альвеолалар бўшлиғига қуйилган қон уни
кенгайтириб, ҳар хил катталикдаги каверноз бўшлиқлар пайдо қилади ва уларнинг бўшлиғида
асосан эритроцитлар, лейкоцитлар ва фибрин оқсили билан тўлади (2-расм). Бошқа каверноз
ҳолда кенгайган альвеолалар бўшлиғида фибрин оқсили ва толали тўрлар пайдо бўлади. Бунда
альвеолалар оралиғи тўқимаси деформацияланиб, зичлашиб, яллиғланиш инфильтрати ва
эритроцитлар билан тўлиқ ҳолда шимилганлиги кузатилади.
Микроскопнинг катта объективида ўрганилганда, ўпка тўқимасининг шиш,
плазморрагия ва яллиғланиш ҳисобига зичлашгани кузатилади. Натижада ўпканинг
альвеолалардан ташкил топганлигини аниқлаш қийин. Ундаги ҳужайралар таркибида вирус
таъсирида йириклашиб, гигантлашган, ядроси ҳам гипертрофияланиб, гиперхромазиялашган,
аслида кўчиб тушган альвеолоцитлиги тасдиқланган ҳужайралар (3-расм) пайдо бўлганлиги
аниқланади. Яллиғланиш инфильтрати асосан вирусли инфекцияни тасдиқловчи лимфоид
ҳужайралардан иборатлиги курилади. Инфильтрат таркибида фаоллашган лимфобласт ва
йирик лимфоцитлар кўплиги, лекин улар орасида кичик ва апааптозга учраган лимфоцитлар
ҳам мавжудлиги кузатилади. Инфильтрат таркибидаги макрофаглар аксарият ҳолларда
лимфоцитлар билан симбиоз ҳолатдалиги ва айримлари цитоплазмасига апаптозланган
лимфоцитлар фагоцитланганлиги аниқланади. Бутун тўқима деярлик барча соҳаларида плазма
оқсиллари шимилишидан эозинофилли модда билан қопланган. Бу модда асосан гомоген
тузилишга эга бўлган соҳаларига бой, лекин айрим жойларида яна ҳам тўқроқ бўялган оқсил
томчилари ва толали тузилишга эга бўлган гиалинли мембраналар пайдо қилганлиги куза
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
73
тилади.
1-расм. Ўпка веналарида фибринли ва
лейкоцитар тромблар пайдо бўлган. Бўёқ:
Г-Э. Х: 10х10.
2-расм. Вирусли атипик пневмонияда ўпка
бўқимасининг
деструкцияси,
каверноз
бўшлиқлар ва қон қуйилишлар пайдо
бўлиши. Бўёқ: Г-Э. Х: 10х10.
3-расм. Вирусли атипик пневмонияда ўпка
тўқимасининг зич ҳолда гигантлашган
альвеолоцит, ҳар хил фаолликдаги лимфо-
цитлар, макрофаглар билан инфильтрация-
ланиши. Бўёқ: Г-Э. Х: 10х40.
4-расм. Вирусли атипик пневмонияда
ўпкада каверноз бўшлиқлар ва гиалинли
мембраналар пайдо бўлиши. Бўёқ: Г-Э. Х:
10х10.
Вирусли атипик пневмониянинг яна бир ҳолатида ўпка тўқимаси кучли деформацияга
ва деструкцияга учраб, ҳар хил ккатталик ва шаклдаги йирик-йирик каверноз бўшлиқлар
пайдо қилганлиги кузатилади. Бу бўшлиқларнинг пайдо бўлиши альвеоляр тўқиманинг
зичлашиб, хавосизланиши оқибатида, респиратор бронхиолалар ва унга туташган альвеолалар
хаво таъсирида кескин кенгайиб, каверноз бўшлиқларга айланганлиги кузатилади. Каверноз
бўшлиқларнинг тўқимага туташган юзаси эозинофилли фибрин оқсили ва гиалинли
мембраналар билан қопланган (4-расм). Бўшлиқлар оралиғидаги ўпка тўқимаси яллиғланиш
инфильтрати, қон қуйилишлар ва фибрин оқсиллари мавжудлигидан зичлашган ва
хавосизланган.Микроскопнинг катта объективида ўрганилганда шу ҳолат аниқландики,
каверноз бўшлиқлар ичида, яъни деворига туташган ҳолда анча қалин, гомоген-толали
ҳолдаги, эозин билан тўқ бўялган фибрин оқсили ва гиалинли мембраналар кўринишидаги
модда жойлашганлиги аниқланади (5-расм). Каверноз бўшлиқ атрофидаги альвеоляр
тўқиманинг бир жойи қалинлашган, бошқа соҳалари юпқа ва деструкцияга учраган. Унда
тарқоқ ҳолда яллиғланиш инфильтрати борлиги аниқланади. Яллиғланиш инфильтрати
ҳужайралари таркибида лимфоцитлар кўпчиликни ташкил қилади, лекин кам бўлсада
нейтрофил лейкоцитлар ва макрофаглар борлиги тасдиқланади.Вирусли атипик пневмония
узоқ вақт давом этганда ўпка альвеоляр тўқимасида пролифератив яллиғланиш жараёни устун
турганлиги кузатилади. Бунда ҳужайралар пролиферацияланиши нафақат вирусли
инфекцияга қарши яллиғланишнинг лимфоид ҳужайраларида, балки маҳаллий альвеолалар
девори оралиқ бириктирувчи тўқима ҳужайралари ҳам пролиферацияга учраганлиги
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
74
аниқланади. Натижада яллиғланиш инфильтрати таркиби ҳар хил лимфо-гистиоцитар
ҳужайралардан ташкил топади. Гистиоцитар ҳужайралардан қон томир девори эндотелийси
ва перицити, оралиқ тўқима ҳужайраларидан фиброцит ва фибробластлар кучли
пролиферацияланиб, кўпайганлиги, уларнинг орасида ҳар хил даражада фаоллашган
лимфоцитлар жойлашганлиги кузатилади (6-расм).
5-расм.
Каверноз
бўшлиқ
деворига
туташган
ҳолда
гиалинли
мембраналарнинг пайдо бўлиши. Бўёқ: Г-
Э. Х: 10х40.
6-расм. Вирусли атипик пневмонияда ўпка
тўқимасида
лимфо-гистиоцитар
ҳужайралар
инфильтратининг
устун
туриши. Бўёқ: Г-Э. Х: 10х40.
7-расм. Узоқ вақт давом этган вирусли
атипик
пневмония.
Ўпка
бронхлар,
томирлари атрофи ва альвеолалар оралиқ
тўқимасида
фибробластлар
кўпайиб,
тутам-тутам тузилмаларни пайдо қилган.
Бўёқ: Г-Э. Х: 10х10.
8-расм. Вирусли атипик пневмонияда ўпка
қон
томирлари
девори
фибробластларининг
пролиферацияси.
Бўёқ: Г-Э. Х: 10х40.
SARS-CoV-2 вируси билан қўзғатилган атипик пневмонияда ўпка тўқимасида
ривожланадиган патоморфологик ўзгаришларнинг яна бир ўзига хослиги, бу ўпка тўқимаси
таркибидаги бириктирувчи тўқима ҳужайраларининг пролиферацияланиб кўпайиши
ҳисобланади. Бунинг сабаби вируснинг S оқсили таъсирида фаоллашганАСЕ2 фермент
фибробластларни пролиферацияга учратади[1,5,8].. Ушбу микрофотографияда кўринганидек
ўпка тўқимасининг деярлик барча соҳаларида, яъни бронхлар, томирлар атрофи ва
альвеолалар оралиқ тўқимасида фибробластлар кўпайиб, тутам-тутам тузилмаларни пайдо
қилган (7-расм). Бронхлар ва томирлар атрофида фақат фибробластлар тутами пайдо бўлган
бўлса, альвеоллар оралиқ тўқимасида лимфоид ҳужайралар билан биргаликда пролифератив
инфильтратлар айланган.
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
75
Алоҳида фибробластли инфильтратларни микроскопнинг катта объективида
ўрганилганда, маълум бўлдики инфильтратнинг марказида ёш, гиперхром тузилишга эга
бўлган фибробластлар ўрин эгаллаган. Инфильтратнинг чет қисмларида эса сийрак
жойлашган, нисбатан етилган, шакли чўзинчоқ, орасида толали тузилмалар пайдо қилган
фиброцитлар жойлашган. Четки қисмнинг айрим жойларида лимфоид ҳужайрали
инфильтрация пайдо бўлаётганлиги кузатилади.
Периваскуляр соҳада пайдо бўлган фибробластли инфильтратнинг ўзига хослиги
шундан иборатки, томир девори тўқима тузилмалари билан зич ҳолда аралашиб, бирикиб
кетганлиги кузатилади. Бунда томир эндотелийсининг ҳам ядро, ҳам цитоплазмаси
йириклашиб гиперхромазия ҳолатдалиги тасдиқланади. Базал мембранаси фибриноид бўкиш
ва фибриноид некрозга учраб кескин қалинлашганлиги аниқланади. Инфильтрат таркиби
асосан фибробластлардан иборатлиги, уларнинг орасида лимфоид ҳужайралар, плазмоцитлар
ва хатто эозинофиллар ўрин эгаллаганлиги кузатилади (8-расм). Инфильтратнинг марказий,
яъни томир деворига туташган қисмида лимфоид ҳужайралар кам, чет қисмида кўп ва атроф
тўқимага тарқалганлиги аниқланади.
Коронавирус
таъсирида
ўпка
тўқимасида
ривожланган
фибробластлар
пролиферацияланиши аслида сурункали яллиғланишга хос бўлган морфологик ўзгариш
бўлиб, унинг оқибатида бириктирувчи тўқима ўсиб кўпаяди. Қуйидаги микрофографияда
ўпканинг альвеоляр тўқимаси кўрсатилган, унда коронавирус таъсирида пролиферацияга
учраган
фибробластлар
такомилашиб,
дифференциаллашиб,
етилган,
яъни
яхши
такомиллашган фиброцитларга айланганлиги, ўзидан толали тузилмалар ишлаб чиқарганлиги
кузатилади. Натижада ўпканинг альвеолалар оралиғи тўқимаси қалинлашиб, зичлашиб,
фиброз тўқимага айланганлиги тасдиқланади. Бу жараённи фиброзланган интерстициал
альвеолит касаллиги дейилади.
Хулосалар
Иммунтанқислиги бор организмларда вирусли пневмония аксарият ҳолларда клиник-
морфологик жиҳатдан атипик кўринишда ривожланади. Вирусли атипик пневмония дастлаб
ўпкада кучли дисциркуляция ва қон қуйилишлар билан бошланади, кейин ўпка эпителийси
дистрофия ва деструкцияга учраб, кўчиб тушади ва вирус таъсири қон томир ва оралиқ
тўқимага тарқалади. Коронавирусли атипик пневмония ўткир касаллик бўлган билан,
касалликнинг
охирги
даврида
ўпка
тўқимасида
патоморфологик
жиҳатдан
фибробластларнинг кўпайиши билан давом этадиган пролифератив яллиғланиш ва унинг
оқибатида интерстициал фибропластик альвеолит ривожланиши кузатилади.
Адабиётлар рўйхати
1.
Зайратьянц О. В., Черняев.А. Л., Чучалин А. Г., Полянко Н. И., Келли Е. И., Рогов К. А.,
Ми-халева Л. М., Трусов А. Е., Самсонова М. В., Поминальная В. М. Патоморфология
легких при тяжелой форме гриппа A(H1N1) // Анестезиология и реаниматология. – 2010. –
№ 3. – С. 25–29
2.
Цинзерлинг В. А., Вашукова М. А., Васильева М. В., Исаков А. Н., Луговская Н. А., Нарке-
вич Т. А., Суханова Ю. В., Семенова Н. Ю., Гусев Д. А. Вопросы патоморфогенеза новой
коронавирусной инфекции (COVID-19) // Журнал инфектологии. – Том 12, № 2 – 2020. –С.
5-11. DOI: 10.22625/2072-6732-2020-12-2-5-11.
3.
Черняев А. Л., Зайратьянц О. В., Полянко Н. И., Келли Е. И., Рогов К. А., Михалева Л. М.,
Чар-торижская Н. Н., Трусов А. Е., Самсонова М. В., Чучалин А. Г. Патологическая
анатомия гриппа A/H1N1 // Архив патологии. – 2010. – № 3. – С. 3–7.
4.
Черняев А. Л., Зайратьянц О. В., Келли Е. И. и соавт. Патологическая анатомия гриппа
A/H1N1 // Архив патологии. – 2010. – № 3 (Том 72). – С. 3–6.
5.
Чучалин А. Г., Черняев А. Л., Зайратьянц О. В., Келли Е. И., Рогов К. А., Михалева Л. М.,
Трусов А. Е., Самсонова М. В., Чарторижская Н. Н. Патологическая анатомия лег-ких при
гриппе A(H1N1), по данным аутопсий // Пульмонология. – 2010. – № 1. – С. 5–11
БИОМЕДИЦИНА ВА АМАЛИЁТ ЖУРНАЛИ
|
ЖУРНАЛ БИОМЕДИЦИНЫ И ПРАКТИКИ
|
JOURNAL OF BIOMEDICINE AND PRACTICE
№3 | 2021
76
6.
Barton L.M. COVID-19 Autopsies, Oklahoma, USA / L.M. Barton, E.J. Duval, E. Stroberg, S.
Ghosh, S. Mukhopadhyay // Am. J. Clin. Pathol. – 2020; XX:1-9 https://doi org/10.1093/
AJCP/AQAA062
7.
Chen XB, Du SH, Lu JC et al. Retrospective Analysis of 61 Cases of Children Died of Viral
Pneumonia. Fa Yi Xue Za Zhi. 2020 Mar 25;36(2). doi: 10.12116/j.issn.1004-5619.2020.02.002.
[Epub ahead of print] English, Chinese.
8.
Chuan Qin, Luoqi Zhou, Ziwei Hu, et al. Dysregulation of Immune Response in Patients With
Coronavirus 2019 (COVID-19) in Wuhan, China Clinical Infectious Diseases, ciaa248, Published:
12 March 2020
