ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
34
2181-
3187
SAPAROV RUSTEM EREJEPOVICH ÓMIRI HÁM DÓRETIWSHILIGI
Xalniyazova Ra’no Quvonichboy qizi
O‘zbekiston mámleketlik
konservatoriyası Nókis fılialı
Ulıwma kásiplik hám socia
l gumanitar pánler kafedrası muzıkatanıw qániygeliginıń 2-kurs studenti
Ilimiy basshı: Kamalova Gulmayram.
Annotaciya:
Bul maqalada Qaraqalpaqstan Respublikasınıń pidayı kórkem óner
ǵayratkeri, áskeriy orkestr sázendesi hám watan súyiwshi insan - Saparov Rustem
Erejepovichtiń ómiri, dóretiwshiligi hám xızmet jolı sáwlelendiriledi. Rustemniń
balalıǵı, shańaraqlıq tárbiyası, oqıǵan orınları, muzıkaǵa bolǵan qızıǵıwshılıǵı,
sonday-aq, onıń Ózbekstan Qurallı Kúshleri quramındaǵı jumısı haqqında tolıq
maǵlıwmat beriledi. Maqala arqalı avtor Rustem Saparovtıń shaxsında tek ǵana
muzıkaǵa sadıq emes, al Watanǵa hám xalqına pidayı insan obrazın jaratıwǵa erisken.
Gilt sózler:
Watan, muzıka, ustaz, Konservatoriya, kórkem-óner, simfoniyalıq
orkestr, sazende, áskeriy.
Аннотация:
В данной статье освещается жизнь, творчество и служебная
деятельность
самоотверженного
артиста
Республики
Каракалпакстан,
музыканта военного оркестра и патриота Сапарова Рустема Ережеповича. Будет
предоставлена подробная информация о детстве Рустема, семейном воспитании,
местах обучения, страсти к музыке, а также о его деятельности в составе
Вооруженных Сил Узбекистана. С помощью статьи автор смог создать в лице
Рустема Сапарова образ не только преданного музыке, но и преданного Родине
и народу человека.
Ключевые слова:
Родина, музыка, учитель, консерватория, искусство,
симфонический оркестр, музыкант, военный.
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
35
2181-
3187
Annotation:
This article covers the life, work, and service of Saparov Rustem
Erejepovich, a dedicated artist of the Republic of Karakalpakstan, musician of a
military orchestra, and a patriot. Detailed information will be provided about Rustem's
childhood, family upbringing, places of education, passion for music, as well as his
activities as part of the Armed Forces of Uzbekistan. Through the article, the author
managed to create the image of Rustem Saparov not only as a devotee of music, but
also as a person devoted to the Motherland and his people.
Keywords:
Homeland, music, teacher, konservatory, art, symphony orchestra,
musician, military.
Saparov Rustem Erejepovich - óziniń turmısı, xızmet jumısı hám kórkem ónerge
sadıqlıǵı menen ajıralıp turatuǵın, úlgili shańaraq basshısı, pidayı muzıkant hám
watansúyiwshi insan. Ol 1980-jıl 9-mart kúni Qaraqalpaqstan Respublikasınıń
Shımbay rayonında jumısshılar shańaraǵında dúnyaǵa keldi. Milleti - qaraqalpaq.
Saparov Rustem ákesi - Saparov Erejep Saparovich, suw xojalıǵında islegen, hadal
hám miynetkesh insan edi. 1936-jıl 10-mayda Qaraqalpaqstan Respublikası Shımbay
qalasında jumısshılar shańaraǵında dúnyaǵa keldi. Shımbay qalasında jaylasqan Suw
xojalıǵında (vodxoz) Gidrotexnik lawazımında jumıs islep shańaraǵın jaqsı jasawı
ushın jan kúydirgen insan esaplanadi. Erejep Saparovich 2006-jıl qaytıs bolıp,
Shımbay qalası Iyshan áwliye qoyımshılıǵına jerlengen. Anası - Xalmuratova Nisangúl
Xalmuratovna, ilimiy izertlew institutında jumıs islegen, óz waqtında xalıq deputatı
bolıp ta xızmet etken hayal edi. Bul eki ullı júrek iyesi perzentlerine tek ǵana hadallıq,
adamgershilik hám miynetti emes, al xalıq ushın jasaw sezimin de sińdirgen.
Xalmuratova
Nisangúl
Xalmuratovna 1942-jıl 23-fevralda Qaraqalpaqstan
Respublikası Kegeyli rayonı Aqtóbe poselkasında isshiler shańaraǵında dúnyaǵa keldi.
Shımbayda qalasında jaylasqan ilim izertlew instituti nawxan qurt jetkizip beriw
bóliminde jumıs islegen, 1990-jıldan 1997-jıllar aralıǵında Shımbay qalası ilim
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
36
2181-
3187
izertlew instituti atınan saylanǵan deputatı boldı. 2024-jıl 20-dekabrde qaytıs bolıp
Shımbay qalası Iyshan awliye qoyımshılıǵına jerlengen.
Rustem úlken, baxıtlı, mehirge tolı shańaraqta ósti. Saparovlar shańaraǵıda
segiz perzent dúnyaga kelıp, kamal tapdi. Olardıń arasında: Almagúl (1961), Jaqsılıq
(1966) miynet dem alısında, Maxset ( 1968) - avtokran aydawshısı, Nókis qalasınıń
Qızılqum kóshesinde jasap, óz miyneti menen shańaraǵın támiyinlep kelmekte.
Saparov Amangeldi Erejepovich 1971-jıl Qaraqalpaqstan Respublikası Shımbay
qalasında tuwılǵan. Házirde Shırshıq qalasında ulıwma bilim beriw mektebinde
baslanǵısh áskeriy tayarlıqtan muǵállim bolıp isleydi, áskeriy pensioner áskeriy shın
(voinskoe zvanie) podpolkovnik. Tashkent wáláyatı Shırshıq qalasında jasaydı.
Saparova Biybigul Erejepovna (1973) nanbayshılıq penen shuǵıllanadı, Shımbaydaǵı
Nawayı kóshesinde jasaydı. Saparov Yusup Erejepovich (1973) - gidrotexnik, Baxıtlı
MPJda jumıs isleydi. Saparova Zlıyxa Erejepovna (1976) - Nókistegi tuwıw úyinde
miyirbiyke sıpatında xızmet etpekte. 1986-jılı Rustem Shımbaydaǵı 10-sanlı, Lenin
atındaǵı mektepke qádem qoydı. Shımbayda jaylasqan balalar muzıka mektebiniń
«bayan» áspabı boyınsha oqıwdı tamamlaydı. Onıń birinshi ustazları - Zerixan apa,
Allamuratov Jiemurat hám Zarlıq edi. Olar Rustemniń muzıkalıq talantına isenim
menen qaradı hám onı ilhamlandırıp bardı.
Dóretiwshilik ármanları onı 1998-jılı Nókiske jetekledi. Ol Japaq Shomuratov
atındaǵı Nókis mámleketlik kórkem óner bilim jurtına “tenor-saksofon” baǵdarı
boyınsha oqıwǵa qabıl etildi. Bul jerde ustazları Qılıshbay Qarlıyaev (saksofon),
Ashxen Bogdasarova (fortepiano), Guliya Kamalova (muzika teoriyası) sıyaqlı kórkem
óner gayratkerleri edi. 2002-jılı bilim jurtın tamamlap, dóretiwshilikke tayar, hár
tárepleme jetik bolǵan kórkem óner ǵayratkeri sıpatında ómirge jol aldı. 2004-jılı
Rustem Watanǵa xızmet etiw jolın tańladı. Nókis garnizonındaǵı áskeriy orkestrge
muzıkashı sıpatında qabıl etildi. Usı dáwirden baslap, onıń ómirinde muzıka hám
xızmet bir-biri menen únles halda dawam etti. Rustem orkestrde ápiwayı sazendelikten
baslap, úlken instruktor sazendelik dárejesine shekem jetti. Hár bir nama, hár bir
máresimdegi atqarıwı arqalı ol júreklerge Watan sezimin alıp kirdi. Ol 2018-jılı “kishi
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
37
2181-
3187
serjant” áskeriy ataǵına ie boldı. 15 jıllıq shártnama tiykarındaǵı xızmeti dawamında
Rustem jaslarǵa watansúyiwshilik, sadıqlıq, hadallıq haqqında tek ǵana sóz benen
emes, al jeke úlgi menen sabaq berdi. Sol sebepli ol bir neshe húrmet jarlıqları hám
minnetdarshılıqlar menen sıylıqlandı. 2020-jıl aprelde, óz qálewi boyınsha
shártnamanı juwmaqlap, rezervke shıqtı. Biraq bul turmıstaǵı belsendilik emes, al jańa
basqısh, jańa qádiriyatlarǵa qaray jol edi.
Hár bir ullı insannıń ómir jolında oǵan kúsh, ilham hám súenish bolatuǵın kimse
boladı. Rustem Saparov ómirinde bul insan - ómirlik joldası, sadıq yar, mehriyban ana
- Imbetova Nadira Baqbergenovna 2007-jılı turmıs quradı. Imbetova Nadira 1985-jıl
23-avgust kúni Qaraqalpaqstannıń Taqıyatas rayonında tuwılǵan. Balalıǵınan hadallıq
hám álpayımlıqtı júrekten sezinip ósti. Medicina tarawına bolǵan mehir onı Nókis
qalasındaǵı narkologiya dispanserine jetekledi. Ol jerde kóplegen insanlardıń
densawlıǵı jolında pidákerlik penen xızmet etpekte. Olardıń tórt perzenti bar: Daniyar
- 2010-jıl 3-fevralda Qaraqalpaqstan Respublikası Nókis qalasında dúnyaǵa keldi.
Nókis qalası 34-sanlı ulıwma bilim beriw mektebiniń rus tili klassında 8-klass
oqıwshısı. Házirde Nókis qalası Esshan baqsı atındaǵı balalar muzıka mektebinde
skripka áspabı boyınsha bilim alıp kelmekte. Tamara - 2012-jıl 1-fevralda
Qaraqalpaqstan Respublikası Nókis qalasında dúnyaǵa keldi. Nókis qalası 34-sanlı
ulıwma bilim beriw mektebiniń rus tili klassında 7-klass oqıwshısı. Házirde Nókis
qalası Esshan baqsı atındaǵı balalar muzıka mektebinde fortepiano áspabı boyınsha
bilim alıp kelmekte. Shaxsanem 2014-jıl 12-noyabrde Qaraqalpaqstan Respublikası
Nókis qalasında dúnyaǵa keldi. Nókis qalası 34-sanlı ulıwma bilim beriw mektebiniń
qaraqalpaq tili klassında 4-klass oqıwshısı. Házirde Nókis qalası Esshan baqsı atındaǵı
balalar muzıka mektebinde fortepiano, prima duwtar áspabı boyınsha bilim alıp
kelmekte. Allayar - eń kishkenesi, házirshe baqshada, biraq namalar dúnyasında ósip
atır.
Paydalanılǵan ádebiyatlar:
1.
Kamalova.G. Kompozitor Dariko Jańabaeva. – Nókis, Ilimpaz. 2023. – 109 bet
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
38
2181-
3187
2.ЛУЧШИЕ ИНТЕЛЛЕКТУАЛЬНЫЕ ИССЛЕДОВАНИЯ международный
научный электронный журнал. Ч.19 Т.5 2024 год .
3.Kamalova G. QÁLEMI ÓTKIR KOMPOZITOR (D. Djańabaeva dóretiwshilik jolı)
//Вестник музыки и искусства. – 2023. – Т. 1. – №. 2. – С. 37-39.
4. Kamalova. G., & Dauletbaeva , G. (2024). DUWTAR SAZ ÁSBABÍN
ZAMANAGÓYLESTIRIWDIŃ ÁHMIYETI. Вестник музыки и искусства, 1(4),
https://science.uzdknf.uz/index.php/science/article/view/231
5. Kamalova G. JAMIL CHARSHEMOVTÍŃ “POPURRI” SHÍǴARMASÍNÍŃ
ÓZGESHELIGI //Вестник музыки и искусства. – 2024. – Т. 1. – №. 4. – С. 52-57.
