ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
28
2181-
3187
“QANNAZAROV BAXIT BABANAZAROVICH ÓMIRI HÁM
DÓRETIWSHILIGI”
Xalniyazova Ra’no Quvonichboy qizi
O‘zbekiston mámleketlik konservatoriyası
Nókis fılialı Ulıwma kásiplik
hám social gumanitar pánler kafedrası muzıkatanıw qániygeliginıń 2-kurs
studenti
Ilimiy basshı: Kamalova Gulmayram.
Annotaciya:
Bul maqalada Ózbekstan Qurallı Kúshleri quramında uzaq jıllar
sadıqlıq penen xızmet etken, áskeriy orkestrdiń jumısı arqalı milliy ruwx hám kórkem
ónerdi úylestirgen kóp qırlı shaxs - Qannazarov Baxit Babanazarovichtiń ómiri,
kásiplik jolı hám mámleketlik sıylıqlar menen sıylıqlanǵan jumısı haqqında sóz boladı.
Avtordıń muzıkaǵa balalıqtan bolǵan qızıǵıwshılıǵı, áskeriy tarawda kórsetken
xızmetleri hám jas áwladtıń tárbiyasındaǵı úlesi sáwlelendirilgen. Sonday-aq, onıń
shańaraqlıq qádiriyatları, perzentleri hám olardıń jámiettegi ornı arqalı Qannazarovtıń
ibratlı ómiri tolıq ashıp beriledi. Maqala áskeriy xızmet, watansúyiwshilik hám kórkem
ónerge bolǵan sadıqlıqtıń únles tımsalın sáwlelendiredi.
Gilt sózler:
Áskeriy orkestr, watansúyiwshilik, Ózbekstan Qurallı Kúshleri,
pidayılıq, dirijyor, xalıq, mánawiyatı, kórkem óner.
Аннотация:
В данной статье рассказывается о жизни, карьере и
государственной награде Канназарова Бахита Бабаназаровича, многогранной
личности, который долгие годы верно служил в Вооруженных Силах
Узбекистана, гармонично сочетая национальный дух и искусство через
деятельность военного оркестра. Освещены детский интерес автора к музыке,
его заслуги в военной сфере и вклад в воспитание молодого поколения. Кроме
того, образцовая жизнь Канназарова полностью раскрывается через его
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
29
2181-
3187
семейные ценности, детей и их место в обществе. Статья отражает гармоничное
воплощение военной службы, патриотизма и преданности искусству.
Ключевые слова:
Военный оркестр, патриотизм, Вооруженные Силы
Узбекистана, самоотверженность, дирижер, народ, духовность, искусство.
Annotation: This article discusses the life, career path, and state awards of
Bakhyt Babanazarovich Qannazarov, a multifaceted individual who served faithfully
in the Armed Forces of Uzbekistan for many years, combining national spirit and art
through the work of a military orchestra. The author's childhood interest in music, his
service in the military sphere, and his contribution to the upbringing of the younger
generation are highlighted. Furthermore, through his family values, his children, and
their role in society, Qannazarov's exemplary life is fully revealed. The article reflects
a harmonious embodiment of military service, patriotism, and devotion to the arts.
Keywords:
Military orchestra, patriotism, Armed Forces of Uzbekistan,
dedication, conductor, people, spirituality, art.
Qannazarov Baxıt Babanazarovich - milliy maqtanısh, Watanǵa sadıqlıq, áskeriy
xızmet hám muzıkaǵa bolǵan muhabbattı birlestirgen jarqın insanlardan biri. Ol 1974-
jıl 29-noyabr kúni Qaraqalpaqstan Respublikasınıń Kegeyli rayonınıń, Xalqabad
qalasında jumısshı shańaraǵında dúnyaǵa kelgen. Ákesi - Qannazarov Babanazar
Qannazarovich 1937-jıl 10-martta Qaraqalpaqstan Respublikası Shımbay qalasında
temirshi usta shańaraǵında dúnyaǵa keledi. Milleti qaraqalpaq ruwı Jaǵaltay qıpshaq.
Maǵlıwmatı orta, qánigeligeligi qurılısshı. Xalqabad qalasında jaylasqan PMK-14
qurılısshılar mekemesinde RBU (remontno betona uzel) beton islep shıǵarıw bólimi
baslıǵı lawazımında jumıs islegen. 2009-jıl aprel ayında qaytıs bolıp, Xalqabad qalası
Shbiliy ata qoyımshılıǵına jerlengen. Anası - Abdimuratova Amangúl Abdimuratovna
1945-jıl 6-mayda Qaraqalpaqstan Respublikası Xalqabad qalasında isshiler
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
30
2181-
3187
shańaraǵında dúnyaǵa keldi. Milleti qaraqalpaq ruwı Baymaqlı qońırat. Maǵlıwmatı
orta. Usı waqıtqa shekem Xalqabad qalasında jaylasqan paxta tazalaw zavodında paxta
fondı jıynawshısı lawazımında jumıs islegen. Házirde húrmet dem alısında pensiyada
bolıp, Nókis qalasında jasaydı. Baxıttıń shańaraǵı úlken hám keńpeyil. Onıń jigit aǵası
Qannazarov Sayıpnazar Babanazarovich 1967-jılı Qaraqalpaqstan Respublikası
Kegeyli rayonında (Xalqabad) tuwılǵan. Maǵlıwmatı joqarı. Tashkent Arxitektura
institutın qurılısshı qániygeligin tamamlaǵan. Nókis qalası Elektrosetke qaraslı beton
islep shıǵarıw zavodı baslıǵı lawazımında jumıs islegen. Shanaraqlı 7 perzenti bar.
Hám de qarındasları Qannazarova Naǵıyma Babanazarovna 1969-jıl Qaraqalpaqstan
Respublikası Kegeyli rayonında (Xalqabad) tuwılǵan. Maǵlıwmatı orta-arnıwlı.
Házirgi waqıtta miynet dem alısında. Turmıs qurǵan eki perzenti bar. Qannazarova
Anipa Babanazarovna 1970-jılı Qaraqalpaqstan Respublikası Kegeyli rayonında
(Xalqabad) tuwılǵan. Maǵlıwmatı orta-arnıwlı. Házirgi waqıtta úy biykesi. Turmıs
qurǵan eki perzenti bar. Qannazarova Salima Babanazarovna 1973-jılı Qaraqalpaqstan
Respublikası Kegeyli rayonında (Xalqabad) tuwılǵan. Maǵlıwmatı orta-arnıwlı. 2022-
jılı qaytıs bolǵan Bir perzenti bar. Hám Qannazarova Nazira Babanazarovna 1978-jılı
Qaraqalpaqstan Respublikası Kegeyli rayonında (Xalqabad) tuwılǵan. Maǵlıwmatı
joqarı. Nókis mámleketlik pedagogika institutın baslawısh klass qánigeligin
tamamlaǵan. Házirgi waqıtta 19-sanlı orta bilim beriw mektebi oqıtıwshısı. Turmıs
qurǵan 3 perzenti bar. Olar da ata-anasınan alǵan tárbiya tiykarında jámiyette belsendi
hám bárkamal turmısta jasamaqta.
Baxıt Babanazarovich dáslepki bilim alıwı 1981-jılı baslanıp, Lomonosov
atındaǵı 8-sanlı ulıwma bilim beriw mektebinde baslanǵan. Jas Baxıt muzıkaǵa bolǵan
qızıǵıwshılıǵın da júdá erte kórsete basladı. 1986-jılı Xalqad balalar muzıka
mektebiniń "qashqar rubab" baǵdarın tabıslı tamamladı. Onıń dáslepki ustazı - Ziyuar
Seytova bolǵan. 1991-jılı Baxit Nókis qalasındaǵı Japaq Shamuratov atındaǵı
mámleketlik kórkem-óner bilim jurtına "truba" (dem alıw ásbapları) qánigeligi
boyınsha oqıwǵa qabıl etildi. Sol waqıttaǵı kórkem-óner bilim jurtı direktorı Maxset
aǵa Kamalov, dáslepki ustazları Yugay (klarnet), Xojakbar Bashirov (voltorna),
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
31
2181-
3187
Maxset Kópjúrsinov (alt saksafon), Viktor Maryuxin (trombon), Allamurat
Qoshımbetovtan (goboy) sabaqlar alıp baslaydı. 1992-jıl dekabr ayında Nókis qalası
qorǵanıw ministrligi tárepinen áskeriy xızmetke shaqırıladı. Áskeriy xızmetin 1994-jıl
may ayında tamamlap, usı jıldıń sentyabr ayınan baslap kórkem-óner bilim jurtında
oqıwdı jáne dawam ettiredi. Sol jılıdıń oktyabr ayınan baslap Arqa-batıs áskeriy okrugı
Nókis garnizonında áskeriy orkestr jámááti qatarına shártnama tiykarında xızmetke
qabıl qılınadı. Búl jerde ol orkestr jámáátinde sazende lawazımı menen baslaydı.
Shártnama tiykarında áskeriy xızmetin ótew menen birge kórkem-óner bilim jurtında
oqıwdı birge dawam ettiredi. Jıllar ótip alǵan bilim hám tájiriybelerine tiykar
lawazımları izbe-izlik penen kóterile baslaydı, dáslep muzıkant soń aǵa muzıkant
(starshiy muzıkant), soń aǵa instruktor muzıkant (starshiy instruktor muzıkant) keyin
áskeriy orkestr dirijeri lawazımına deyin kóteriledi. 1997-jılı bilim jurtın tabıslı
tamamlap, shártnama tiykarında áskeriy xızmetti dawam ettirdi.
Xızmet dawamında ol bir neshe márte áskeriy ataqlarǵa miyasar boldı. Sonıń
ishinde, 1996-jılı kishi serjant ataǵın algan bolsa, 2000-jılı serjant jáne bir qatar
ataqlarǵa iye boldı. Sonday-aq, Baxit Qannazarov Ózbekstan Qurallı Kúshleri
qatarındaǵı kóp jıllıq xızmetleri ushın bir qatar mámleketlik sıylıqlar menen
sıylıqlanǵan:
2012-jıl - Bıyıl Qannazarov Baxit Babanazarovich ushın jáne bir áhmietli
jetiskenlik boldı. Ózbekstan Respublikası Qurallı Kúshleriniń 20 jıllıǵı múnásibeti
menen ol "Ózbekstan Respublikası Qurallı Kúshlerine 20 jıl" kókirek belgisi menen
sıylıqlandı. Bul sıylıq onıń watanǵa sadıqlıǵı hám xızmetke sadıqlıǵınıń tán alınıwı
boldı.
2016-jılı - Mámleketimiz ǵárezsizlikke eriskenine 25 jıl tolǵan bayram aldında
ol jáne bir sıylıq - "Ózbekstan Respublikası ǵárezsizligine 25 jıl" kókirek belgisi menen
sıylıqlandı. Bul húrmet belgisi onıń tek ǵana áskeriy xızmet emes, al jaslar tárbiyasında
da múnásip qatnasqanın tastıyıqlaydı.
2017-jıl - Qurallı Kúshler dúzilgenine 25 jıl tolıwın belgilew procesinde ol
"Ózbekstan Respublikası Qurallı Kúshlerine 25 jıl" kókirek belgisi menen sıylıqlandı.
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
32
2181-
3187
Onıń óz qatarlasları arasında húrmetke erisken, juwapkershilikli, bilimli áskeriy
muzıkashı sıpatındaǵı jumısı jáne bir márte tán alındı.
2021-jıl - Mámleketimizde Qurallı Kúshlerdiń 30 jıllıǵın belgilew múnásibeti
menen ol "Ózbekstan Respublikası Qurallı Kúshlerine 30 jıl" kókirek belgisi menen
sıylıqlandı. Sol jılı Qorǵanıw ministrligi tárepinen oǵan "Qorǵanıw ministrligi
veteranı" kókirek belgisi de berildi. Bul onıń komandadaǵı abırayın, úlken tájiriybesin
hám sadıqlıǵın ayqın kórsetti.
2022-jıl - Watan xızmetindegi jetiskenlikleri hám óz wazıypasın hújdanlı orınlap
kiyatırǵanı ushın Ol Qorǵanıw ministrligi tárepinen II dárejeli "Úlgili xızmetleri ushın"
kókirek belgisi menen sıylıqlandı. Bul belgi juwapkershilikli xızmet jumısı ushın jáne
bir jol ashtı.
2023-jıl - Jas áwladtı watansúyiwshilik ruwxında tárbiyalawdaǵı belsene
qatnasıwı ushın ol "Jaslardı watansúyiwshilik ruwxında tárbiyalawdaǵı belsene
qatnasıwı ushın" kókirek belgisi menen sıylıqlandı. Onıń jumısı tek ǵana xızmet
tarawında emes, al jaslar arasında joqarı mánawiyat hám watan súyiwshilikti úgit-
násiyatlawda da dawam etpekte.
2019-jıl - Húrmetli xızmet jolınıń gezektegi basqıshı baslandı. Xızmet etiwdiń
belgilengen jasına jetkeni sebepli ol rezervke shıqtı. Biraq bul dem alısqa shıǵıw emes
edi - ol jáne jumısın jańa basqıshta dawam ettirdi. 2020-jıl avgusttan - Xojeli rayonlıq
qorǵanıw isleri bóliminde elektron maǵlıwmatlar bazasınıń baslıǵı sıpatında jumıs
basladı. Zamanagóy texnologiyalardan paydalanıp, jumısında nátiyjelilikke erisiwge
háreket etti. 2021-jıl oktyabrden - Qaraqalpaqstan Respublikası Qorǵanıw isleri
basqarması Veteranlar keńesi baslıǵınıń orınbasarı lawazımına tayınlandı. Bul
lawazımda da ol miynet súygishlik hám juwapkershilikti óziniń súrenine aylandırdı.
2022-jıl - "Úlgili xızmetleri ushın" II dárejeli belgisi;
2023-jıl - "Jaslardı watansúyiwshilik ruwxında tárbiyalawdaǵı belsendiligi
ushın" sıylıqlarǵa iye bolǵan. Bugungi kunge shekem Qaraqalpaqstan Respublikası
qorǵanıw isleri basqarması Veteranlar keńesi baslıǵınıń orınbasarı sıpatında miynet
jolın dawam ettirmekte.
ОБРАЗОВАНИЕ НАУКА И ИННОВАЦИОННЫЕ ИДЕИ В МИРЕ
https://scientific-jl.org/obr
Выпуск журнала №-71
Часть–8_ июня–2025
33
2181-
3187
Hár bir ullı insannıń ómir jolında oǵan kúsh, ilham hám súenish bolatuǵın kimse
boladı. Baxıt Qannazarov shańaraqlı bolıp 1998-jılı shańaraq qurǵan. Hayalı
Dosbanova Zulfu Maxsetbaevna 1979-jılı Shımbay qalasında tuwılǵan. Milleti
qaraqalpaq ruwı Qándekli qońırat. Maǵlıwmatı orta-arnıwlı. Házirde Nókis qalası
Arqa-batıs áskeriy okruginde jaylasqan JShJ “MIRAKER” kir juwıw kárxanası baslıǵı
lawazımında jumıs isleydi. Baxıt Qannazarov úsh qız perzentı bar. Qızı Babanazarova
Ayzada Baxıt qızı 1999-jıl 16-iyunda Qaraqalpaqstan Respublikası Xalqabad
qalasında dúnyaǵa keldi. Nókis qalası 44-sanlı ulıwma bilim beriw mektebiniń ózbek
tili klassın tamamlap, Qaraqalpaq mámleketlik universiteti ózbek tili filologiya
fakultetin grand tiykarında pitkerip, házirde Nókis qalası 27-sanlı ulıwma bilim beriw
mektebinde ózbek tili hám ádebiyatı páninen sabaq berip kelmekte. Turmıs qurǵan bir
qızdıń anası. Babanazarova Aygúl Baxıt qızı 2001-jıl 5-oktyabrda Qaraqalpaqstan
Respublikası Xalqabad qalasında dúnyaǵa keldi. Nókis qalası 36-sanlı ulıwma bilim
beriw mektebiniń qaraqalpaq tili klassın tamamlap, Qaraqalpaq medicina institutı
(Sanfak) sanitarno-epidemiologiya fakultetin grand tiykarında pitkerip, házirde
Ámiwdárya rayonı Mańǵıt qalasındaǵı sanitarno-epidemiologiya bolnicasında sanitar-
epidemiolog bolıp jumıs isleydi. Turmıs qurǵan bir qızdıń anası. Babanazarova
Dámetken Baxıt qızı 2005-jıl 18-iyulda Qaraqalpaqstan Respublikası Xalqabad
qalasında dúnyaǵa keldi. Nókis qalası 34-sanlı ulıwma bilim beriw mektebiniń rus tili
klassın tabıslı qızıl attestat hám altın medal menen tamamlap, Qaraqalpaq mámleketlik
universiteti shet tili filologiya fakultetine grand tiykarında oqıwǵa kirip, házirde usı
fakultettiń 2-kurs studenti.
