ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1074
OTANING BEBAHO MEROSI
Abduraxmonov Abdulxodiy Abdulatif o‘g‘li
Osiyo Xalqaro universiteti, Tarix va filologiya kafedrasi o‘qituvchisi.
https://doi.org/10.5281/zenodo.10694394
Annotatsiya.
Bu maqolada
tarbiya haqida gap yuritilgan. Xozirgi kunda farzandlarni
tarbiyasi bilan shug‘ullanishlik juda ham muhimdir. Aynan ota-onalar bunga jiddiy ahamiyat
berishliklari kerak bo’ladi. Toki farzandlarini kelajakda jamiyatda yaxshi iz qoldirishlari uchun.
Kalit so’zlar:
Ota-ona, farzand, tarbiya, ahloq, ta’lim, telefon.
FATHER'S INVALUABLE LEGACY
Abstract.
This article is about education. Nowadays, it is very important to deal with the
education of children. It is the parents who should pay serious attention to this. So that their
children leave a good mark in society in the future.
Key words:
Parents, children, education, morals, education, phone.
БЕСЦЕННОЕ НАСЛЕДИЕ ОТЦА
Аннотация.
Эта статья об образовании. В наше время очень важно заниматься
образованием детей. Именно родителям следует обратить на это серьезное внимание.
Чтобы их дети в будущем оставили хороший след в обществе.
Ключевые слова:
Родители, дети, образование, нравственность, воспитание,
телефон.
Bugungi kunda ota onadan farzandlar tarbiyasiga yanada e’tiborliroq bo‘lishga zamonning
o‘zi undamoqda. Chunki bugun kechadan shiddatliroq odimlamoqda.
Hazrati Ali roziyallohu anhu: “Farzandlaringizga o‘zingiz yashagan oldingi zamonga
moslab emas, o‘z zamonlariga mos ilm beringlar. Chunki ular sizlarning zamonlaringizda
yashamaydilar, balki o‘z zamonlarida yashaydilar”, deganlar.
Shu bois tarbiya masalasiga o‘ta jiddiy yondoshish kerak. Hazrat Navoiy bobomiz:
“Balog‘at ostonasida turgan avlodingizga siz kabi ishonchli bir do‘st topilmas. Ularga eng
yaqin do‘st siz bo‘ling”, deb maslahat berganlar. Ayrim ota-onalarning hayot hikmatlarini unutib,
farzandlarining oz holiga tashlab qo‘yishlari oqibatida esa necha-necha adashgan yoshlar
noto‘g‘ri yo‘llarga kirib, yosh umrlari hazon bo‘lmoqda. Shuning uchun ham Abdulla Avloniy:
“Bugungi o‘g‘ri, firibgar va xulqi yomon kimsalar kecha tarbiyasiga e'tibor berilmagan
bolalardir”, degan edilar. Tarbiya faqat uyni ichidagina emas jamoat joylarida ham davomiy
bo‘sagina foydalidir.
Yoshlarning ichkilikbozlik, giyohvandlik dardlariga mubtalo bo‘lishi, qimmatli vaqtlarini
behuda sovurib, ahloqsiz, ko‘ngilochar maskanlarda tentirab yurishlari milliy va diniy
qadiryatlarimizga ziddir. Aslida farzandlar ota-ona, ustoz-murabbiylar g‘amho‘rligida va
ko‘magida ilm olib, hunar o‘rganishlari, Vatanimizga foyda keltiradigan inson bo‘lib yetishishlari
shartdir.
Bu vazifalarni ajdodlarimiz juda yaxshi his etganlar va farzand tabiyasiga mas’uliyat bilan
qaraganlar. Zahriddin Muhammad Bobur bobomiz farzandlarining ta'lim tarbiyasi haqida har doim
o‘ylab, mulohaza bilan ish yuritganlar, ularni o‘qish va o‘rganishga da’vat qilganlar.
ISSN:
2181-3906
2024
International scientific journal
«MODERN SCIENCE АND RESEARCH»
VOLUME 3 / ISSUE 2 / UIF:8.2 / MODERNSCIENCE.UZ
1075
U hatto farzandlariga qaysi kitob zarurligini bilib, o‘zi tallab olib berar, ularning imlosi,
inshodagi xatolarini tekshirar, bexato, sodda ravon va yozishni o‘rgatganliklari taxsinga
sazovordir.
Darhaqiqat, biron ota-ona yo‘q-ki, bolasini kelajagini, kamolini baxtu-kamolini
o‘ylamaydigan. Ammo bugungi kunda vaziyat juda nozik, birgina bola qo‘lidagi telfonga
beparvolik, bola ongini juda tez zaharlovchi, bemehr bo‘lib ulg‘ayishiga sabab bo‘ladi.
Farzandingizni telfondan internetdan oqilona, yaxshilik yo‘llarida foydalanishiga
yo‘naltirmog‘ingiz, joiz bo‘lsa, o‘zingiz ham bu ishda namuna bo‘lmog‘ingiz lozimdir.
Rasululloh sollallohu alayhi vasallam: “Kishining farzandiga chiroyli odob berishi har kuni
miskinlarga yarimta non sadaqa qilganidan afzaldir”, deganlar (Imom Termiziy rivoyati).
Baxtli farzandlar ota-onasidan chiroyli tarbiya ko‘rganlardir, chunki farzandlarga otadan
qoladigan eng bebaxo meros bu go‘zal tarbiyadir hamda uning hayoti davomida asqotadigan
ma'naviy tirgagidir.
Paygʻambarimiz sollallohu alayhi vasallam: “Ota o‘z farzandiga chiroyli tarbiyadan
yaxshiroq meros qoldirolmaydi”, degan da'vatlarini yodimizdan chiqarmaylik.
REFERENCES
1.
Muhammad ibn Ismoil al-Buxoriy. “Sahihi Buxoriy”. Karachi: “Maktabatul bushro”
nashriyoti 2017 y.
2.
Muhammad Sodiq Muhammad Yusuf. “Oltin silsila”. Toshkent: “Hilol nashriyoti” 2013 y.
3.
Abu Iso at-Termiziy. “Sunani Termiziy”. Baytur: “Muassasatur risalatun nashirun” 2019 y.
4.
Abdulla Avloniy. “Turkiy gulston yohud axloq”. Toshkent: “O’zbekiston milliy
ensiklopediyasi” Davlat ilmiy nashriyoti 2004 y.
