Oliy ta’lim tizimida ingliz tilini o‘qitishda innovatsion texnologiyalardan foydalanib o‘qitish metodikasi

Mazkur maqolada oliy ta’lim tizimida ingliz tilini o‘qitishda innovatsion texnologiyalardan foydalanishning dolzarbligi yoritiladi. Global integratsiya, raqamli ta’lim vositalarining kengayishi va chet tilini egallashning yangi metodologik yondashuvlari kontekstida raqamli platformalar, mobil ilovalar, sun’iy intellekt vositalari va virtual muhitlar asosida dars jarayonlarini tashkil etishning samarador jihatlari tahlil qilinadi. Shuningdek, ushbu texnologiyalarning talabalar “yumshoq ko‘nikmalar”ini shakllantirishdagi o‘rni asoslab beriladi. Ilmiy adabiyotlar tahlili va zamonaviy pedagogik amaliyotlar natijasida innovatsion texnologiyalar til o‘rganishning individual, multimodal va faoliyatga yo‘naltirilgan shakllarini yaratishda muhim omil bo‘lib xizmat qilishi isbotlanadi.