Салмонеллез хасталиги ичак инфекциялари ичида энг долзарб муаммолардан ҳисобланади. Айниқса, госпитал инфекция ҳолида хасталикни кечиши ёш болаларда кўпроқ кузатилмоқда. Салмонеллез хасталигининг ҳар хил клиник шаклда кечиши, асоратлар даражасининг ошиши, чўзилувчан шаклга ўтиши кўп жиҳатдан қўзғатувчининг микробиологик, генетик хусусиятларини ўзгаришига боғлиқ. Болаларда кечадиган салмонеллез хасталиги юқумли ичак качалликлари ичида муҳим ўринни эгаллаб келмоқда. Ушбу хасталик айниқса болалар ичида кўп учраши, оғир кечиши ва асоратлари кўплиги билан характерланади. Бунга асосий сабаб кундаликда ишлатиб келинаётган антибиотикларни кенг кўламда қўллаш натижасида полирезистент хусусиятга эга Салмонелла штаммлари пайдо бўлишидадир.