"Xalqaro ilmiy pediatriya jurnali" elektron ilmiy-amaliy tibbiyot jurnali oʻzbekistonlik va xorijiy olimlarning bolalar kasalliklarini tashxislash, davolash va oldini olishning ilgʻor usullarini ishlab chiqishga va innovatsion tibbiy texnologiyalarni rivojlantirishga qaratilgan ilmiy izlanishlar natijalarini aks ettiruvchi doimiy koʻrib chiqiladigan elektron nashr hisoblanadi..
Nashrish maqsadi: O‘zbekiston tibbiyoti, xususan, pediatriya fanining ilmiy yutuqlarini Respublikamiz hududida va, undan tashqarida ham targ‘ib qilish. "Xalqaro ilmiy pediatriya jurnali" elektron ilmiy-amaliy tibbiyot jurnalida ilmiy va amaliy mazmundagi original maqolalar, sharhlar, ma’ruzalar, klinik kuzatishlar, axborot materiallari chop etiladi.
"Xalqaro ilmiy pediatriya jurnali" jurnalida chop etilgan ilmiy maqolalarning nomi va mazmuni pediatriyaning barcha yo'nalishlari mutaxassisliklari guruhiga mos kelishi kerak. Nashr qilish uchun Markaziy Osiyo, xususan, Oʻzbekiston Respublikasi hududlari biogeokimyoviy xususiyatlari bilan bogʻliq mintaqa ekopatologiyasi masalalarini aks ettiruvchi ilmiy-amaliy xarakterdagi maqolalarga ustuvor ahamiyat beriladi.
Jurnalning asosiy maqsadlari: Pediatriya sohasidagi ilmiy-amaliy yutuqlar va bilimlarni umumlashtirish, turli ixtisoslikdagi amaliy shifokorlarning malakasini oshirish, ilmiy jamoatchilik e’tiborini O‘zbekiston pediatriya fanining eng dolzarb yo‘nalishlariga qaratish. O‘zbekistonlik mualliflar – pediatriya olimlarining xalqaro ilmiy hamjamiyatga integratsiyalashuvi, ularning ilmiy ishlarining xalqaro ma’lumotlar bazalarida indeksatsiyasini oshirish va yuqori sifatli ilmiy ishlarni xalqaro ilmiy hamjamiyatda tarqatish.