Доктор ахборотномаси № 3—2019
103
УДК: 616.12-008.331.1-039.31-08
ЭРТА РИВОЖЛАНГАН АРТЕРИАЛ ГИПЕРТОНИЯНИНГ САБАБЛАРИ ВА КЕЧУВ
ХУСУСИЯТЛАРИ
Э. С. Тоиров, И. А. Шарафова, А. Э. Тоиров, Ш. К. Азизова
Самарқанд Давлат тиббиѐт институти, Самарқанд, Ўзбекистон
Ключевые слова:
ранняя артериальная гипертония, проеморбидный фон, экстравертный тип характера,
факторы риска, дисциркуляторная энцефалопатия.
Таянч сўзлар:
эрта ривожланган артериал гипертензия, преморбид фон, экстраверт характер, хавф омиллари,
дисциркулятор энцефалопатия.
Key words:
arterial hypertension, premorbid background, extrovert type of character, dyscirculatory encephalopathy.
Артериал гипертония (АГ) билан касалланган 95 бемор: 35-45 ѐшгача 24 бемор (биринчи гуруҳ), 45
ѐшгадан катта 71 бемор (иккинчи гуруҳ) текширувлардан ўтказилди. Ёш беморлар преморбид фонида ЮИК,
инсульт ва АГ мавжуд бўлиб, ушбу касалликлар ирсият бўйича ота томонидан берилади. Ананавий хавф
омиллари (зарарли одатлар, нотўғри овқатланиш ва овқат стереотиплари) билан биргаликда беморларнинг
эктраверт характери фенотипик хавф омили ҳисобланади. Ёш беморларда кун давомида систолик босимни
нисбатан ошуви, ЮУС тезлашуви касалликнинг асосий клиник белгиси, ортиқча тана вазни (12,5%), биринчи
(20,8%) ва иккинчи (16,7%) семизлик – кўп учровчи коморбид касаллиги, дисциркулятор энцефалопатия
(37,5%)– кўп учровчи асорати ҳисобланади.
ОСОБЕННОСТИ ФАКТОРОВ РИСКА И ТЕЧЕНИЯ РАННЕЙ АРТЕРИАЛЬНОЙ ГИПЕРТОНИИ
Э. С. Тоиров, И. А. Шарафова, А. Э. Тоиров, Ш. К. Азизова
Самаркандский Государственный медицинский институт, Самарканд, Узбекистан
Обследовано 95 больных артериальной гипертонией (АГ): 24 пациентов - в возрасте от 35 до 45 лет
(первая группа), 71 пациентов - в возрасте от 50 до 75 лет (вторая группа). Обнаружено, что преморбидный
фон молодых больных отягощен ИБС, инсультом и АГ. Очень часто наследственная передача осуществляется
по отцовской линии. Наряду традиционными (вредные привычки, погрешности в питании, пищевые
стереотипы), экстравертный тип характера является фенотипическим фактором риска. Преимущественное
повышение систолического давления и учащение ЧСС в дневное время являются характерными признаками,
избыточный вес (12,5%), ожирение первой (20,8%) и второй степени (16,7%) – частыми коморбидными
состояниями, дисциркуляторная энцефалопатия (37,5%) – самым частым осложнением АГ у молодых.
FEATURES OF RISK FACTORS AND COURSE OF EARLY ARTERIAL HYPERTENSION
E. S. Toirov, I. A. Sharafova, A. E. Toirov, Sh. K. Azizova
Samarkand state medical institute, Samarkand, Uzbekistan
95 patients with arterial hypertension (AH) were examined: 24 patients were in the age range of 35 to 45 years
(the first group), 71 patients were in the age range of 50 to 75 years (the second group). It was found that premorbid
background of young patients burdened with coronary artery disease, stroke and hypertension. Very often, hereditary
transmission is carried out through the paternal line. Along with the traditional (bad habits, dietary failures, food stere-
otypes), the extrovert type of character is also a phenotypic risk factor. The predominant increase in systolic pressure
and increased heart rate during the daytime are peculiar signs; overweight (12.5%), obesity of the first (20.8%) and
second degree (16.7%) are frequent comorbid conditions; and dyscirculatory encephalopathy (37, 5%) is the most fre-
quent complication of hypertension among young patients.
Артериал гипертония (АГ) аҳоли орасида энг кўп тарқалган сурункали ноинфекцион
касалликлардан бўлиб, 30% катта ѐшдаги аҳолида аниқланган [Ю.Н. Беленков, Р.Г. Оганов,
2008; Кэмм А.Д., Люшер Т.Ф., 2011]. АГ билан касалланган 5% бемор мувофиқ даволанади,
15% бемор - етарлича даволанмайди, 50% бемор – умуман даво муолажаларини қабул
қилмайди [Гадаев А.Г., ва б., 2007; Оганов Р.Г., Масленникова Г.Я., 2014].
Касалликнинг келиб чиқиши ва ривожланиши кўп омилли бўлиб, қон босимининг
ошуви ирсий, ички ва ташқи муҳитнинг салбий таъсирлари оқибатида келиб чиқади [Г.Н.
Бекбуалиева, 2007; М.Р.Елисеева, 2009; Н.А. Барбараш, Д.Ю. Кувшинов, 2016].
АГ учун имкон туғдириши мумкин бўлган ананавий хавф омиллари сифатида
тана вазнинг ошуви (ортиқча тана вазнли кишиларнинг 1/3 қисмида АГ қайд
қилинган), қандли диабет (қандли диабет билан касалланган 30-40% катта ѐшдаги
беморларда гипертензия учрайди), ош тузини меъеридан кўп (5 мг/сут) истеъмол қилиш
Э. С. Тоиров, И. А. Шарафова,...
Доктор ахборотномаси № 3—2019
104
ва гиподинамия тан олинган.
Ананавий хавф омиллари билан биргаликда касалликнинг ривожланишида ирсият
муҳим аҳамият касб этади [М.Р.Елисеева, 2009]. Яқин қариндошларда касалликнинг кўп
учраши, ирсий фонда гипертониянинг эрта ривожланиши, «оилавий» гипертониялар-
нинг мавжудлиги касалликнинг ривожланишида ирсиятнинг ролини исботлайди. Ирсий
преморбид фонда анънанавий хавф омилларининг таъсири янада кучаяди [Г.И. Нечаева
ва б., 2008; Клоу Ланфан, 2009; И.М. Давидович, 2013].
Генотипик (ирсий) омилларнинг таъсирини юзага чиқишида руҳий ҳиссиѐтларнинг
сурункали равишда кучайиши, стресс ҳолатлари, салбий ҳиссиѐтларнинг тез-тез
такрорланишлари ҳам муҳим ҳисобланади [Л.И. Бурячковская ва б., 2007; С.Н. Маренин, 2015].
Нерв-асабий омиллар ҳиссиѐтларга кўп берилувчан характердаги кишиларда кўп
кузатилади. Кучли табиий (ер қимирлашлари, сув тошқини, ѐнғинлар, кўчкилар),
иқтисодий-ижтимоий ва оилавий (кам таъминланганлик, ишсизлик, яқин кишилар
ўртасидаги келишмовчиликлар, яқинларини йўқотиш) нохушликларни касалликнинг
ривожланиши ва авж олишида муҳим омил бўлиши исботланган.
Ирсий ва нерв-эмоционал омилларнинг биргаликда учраши касалликнинг эрта
ривожланишида муҳим аҳамият касб этиши маълум бўлсада, АГ касаллиги билан
касалланган ѐш беморларда касалликнинг клиник, лаборатор ва инструментал
хусусиятлари, даволаш муолажаларининг самарадорлиги ўрганилмай қолмоқда.
Ишнинг мақсади.
Гипертония касаллиги 45 ѐшгача аниқланган беморларда
касалликнинг преморбид ирсий ҳолатини, ананавий хавф ва нерв-эмоционал омилларни
салмоғини, беморлар психологик типларини касалликнинг кечув хусусиятларига боғлиқ
ҳолда ўрганиш.
Тешириш материали ва усуллари.
Текширувларимиз Самарқанд давлат медицина
институти 1-клиникаси терапия бўлимида ва Самарқанд вилояти кардиологик диспансерида
олиб борилди. Текширувлардан гипертония касаллиги билан касалланган 35-75 ѐшлар
(ўртача 53,8±6,8 йил) оралиғида бўлган 95 нафар (38 аѐл, 40,0%, 57 эркак, 60,0%) бемор
ўтказилди. Текширув вақтида эркакларнинг ѐши 50,2±6,8 йил бўлиб, аѐллар ѐшидан
(59,2±5,2 йил) статистик ишончли кам бўлди (Р<0,05). Касаллик давомийлиги эркакларда -
6,1±0,5 йилни, аѐлларда эса - 9,3±0,8 йилни ташкил этди. Барча беморлар Республикамизда
қабул қилинган стандартлар асосида текширувлардан ўтказилди. Беморлар ѐшига кўра 2
гуруҳга бўлинди: биринчи гуруҳга 45 ѐшгача бўлган 24 бемор (4 нафар аѐл, 16,7%, 20 нафар
эркак, 83,3%), иккинчи гуруҳга 45 ѐшдан катта бўлган 71 бемор (34 нафар аѐл, 43,7%, 37
нафар эркак, 52,1%) киритилди.
Беморларнинг преморбид ирсий ҳолати клиник-генеалогик усулда аниқланди [Н.П.
Бочков, 2004]. Пробанд сифатида беморнинг ўзи қаралди. Биринчи қатордаги қариндошлар
сифатида беморнинг ота-онаси (136 нафар), иккинчи қатордаги қариндошлар сифатида
(сибслар) - опа, ака, ука ва сингиллар (289 нафар), учинчи қатордаги қариндошлар сифатида
– аммалари, ҳолалари, амакилари ва тоғолари қабул қилинди (320 нафар). Жами 745 нафар
қариндошларнинг соғлиқ ҳолати ўрганилди. Беморлар психологик типини аниқлаш Юнг
мезонлари бўйича олиб борилди. Юнг тавсиялари асосида барча беморлар 2 та: А тип –
эктраверт ва Б тип – интроверт психологик типларга бўлинди. Депрессия даражаси Бек
шкаласи (Beck Depression Inventory) бўйича аниқланди. Асаб бузилишлари ва депрессия
даражасини аниқлаш бўйича таклиф этилган ушбу шкала беморларни шикоятларини
ифодаланишига кўра 21 та категориядаги саволлардан иборат. Белгиларни ифодаланишига
кўра жавобларга 0 балдан 3 балл ажратилган. 0 балл – симптом йўқ. 3 балл – максимал
даражада. Саволнома бемор томонидан тўлдирилади. Баллар суммаси 0 балдан 63 баллгача
бўлади. Баҳолаш тўпланган балларига кўра: 0-9 –депрессия ва асаб бузилишлари йўқ; 10-15
– енгил депрессия (субдепрессия); 16-19 – ўрта депрессия; 20-29 – кучли депрессия (ўртача
оғир); 30-63 – оғир депрессия типида баҳоланди. Олинган натижалар вариацион статистика
усулида баҳоланди. Бунда ўртача арифметик миқдор, унинг ўртача квадрат ҳатоси
Оригинальная статья
Доктор ахборотномаси № 3—2019
105
моментлар усулида аниқланди. Олинган натижаларнинг ишончлилик мезони (t) и
ишончлилик даражаси (Р) таҳлилдан ўтказилди. Статистик текширувларда Р-IV
«Статистика-2012» программаларидан фойдаланилди.
Олинган натижалар.
Беморлар шикоятлари таҳлил этилганда АГ касаллиги учун хос
шикоятлар бош оғриши, бош айланиши, кўз олдини қоронғилашуви, уйқу бузилишлари
иккала гуруҳдаги беморларнинг барчаси учун характерли бўлди. Асаб бузилишларига хос
шикоятлар сержаҳллик, эмоционал лабиллик, доимий чарчаш ҳисси 45 ѐшгача бўлган
беморларда 58,3-83,3%, 45 ѐшдан катта беморларда эса 2 марта кам - 23,9-54,9% учради.
Беморлар ирсий анамнези таҳлилида бобо ва бувилари, ота ва оналари, амма, хола,
амаки ва тоғоларида АГ, ЮИК, инсультлар 37,9% беморда аниқланди, қариндошлар ичида
ўлим кўрсаткичи 13,2%, кардиоваскуляр касаллиги туфайли ўлим эса 6,6% бўлди.
Ирсиятида юрак-қон томир касалликлари бўлган беморлар биринчи гуруҳда 75,0%, иккинчи
гуруҳда эса 2,9 марта кам – 25,4% бўлди.
Патологик преморбид ҳолат билан биргаликда биринчи гуруҳдаги 75% беморда
зарарли одатлар – кўп миқдорда спиртли ичимликлар ичиш, сигарет, нос, чилим чекиш,
50% беморда овқат бузилишлари – туз, ѐғли овқатлар, кофе кўп, мева ва сабзавотларни эса
кам истеъмол қилиниши қайд этилди.
Беморларнинг психологик типлари таҳлил этилганда АГ билан касалланганлар
орасида А типга хос беморлар (65,3%) Б типга хос беморлардан (34,7%) 1,9 марта кўп
бўлди. Ёшга кўра таҳлил этилганда I гуруҳдаги беморлар орасида А типдаги беморлар
79,2%, Б типдаги беморлар 20,8% бўлса, II гуруҳдаги беморлар орасида А ва Б типдаги
беморлар - 60,6 ва 39,4% бўлди.
Анкета суровномаси натижаларида гипертония касаллигида 78,9% беморларда
депрессия аниқланиб, биринчи гуруҳда 37,5% ҳолатда (8,3% - енгил, 29,2% - ўрта), иккинчи
гуруҳда 79,8% ҳолатда (33,8% - енгил, 26,8% - ўрта, 32,4% - кучли) депрессия характерли
бўлди.
Касалликнинг клиник белгилари таҳлилида 45 ѐшгача бўлган беморларда диастолик
босимга нисбатан систолик босим ошди, систолик гипертония даражаси кундузи соат 13:00
дан 16:00 гача энг баланд бўлди ва бу вақтда беморларнинг юрак уришлари сони ошиб
ўртача 92,0±5,8 тани ташкил этди. Катта ѐшдаги беморларда эса систолик ва диастолик
босим деярли бир хил даражада кўтарилиб, гипертензия даражаси кечқурун соат 22:00 дан
24:00 гача энг баланд бўлди, юрак уришлари сони барча текширув даврларида бир хил
даражада ошди.
Биринчи гуруҳда артериал гипертониянинг коморбид касалликларидан: тана вазинини
ошуви 12,5%, биринчи даражадаги семизлик 20,8%, иккинчи даражадаги семизлик 16,7%;
йўлдош касалликларидан: ЮИК: зўриқиш стенокардияси II функционал синфи 25%,
асоратларидан: дисциркулятор энцефалопатия 37,5%, юрак аритмия ва блокадалари 12,5%,
сурункали юрак етишмовчилиги 8,3% беморда аниқланди.
Натижалар таҳлили.
Бизнинг текширувларимизга кўра ѐш кишиларда (45 ѐшгача)
артериал гипертония касаллиги эркакларда кўп учрайди. Касалликнинг клиникасида асаб
бузилишларига хос шикоятлар сержаҳллик, эмоционал лабиллик, доимий чарчаш ҳисси
асосий ўрин тутади. Касаллик ирсий фонда ривожланиб, беморлар преморбид фонида юрак
қон томир касалликлари юқори даражада туради. Перморбид фон билан бирга ҳар бир
беморда ортирилган хавф омиллари - зарарли одатлар (кўп миқдорда спиртли ичимликлар
ичиш, сигарет, нос, чилим чекиш), тўғри овқатланиш тамойилларининг бузилишлари (ош
тузи, ѐғли овқатлар, кофени кўп миқдорда, мева, сабзавот ва полиз маҳсулотларини кам
миқдорда истеъмол қилиш), ҳар икки нафар беморнинг бирида комробид ҳолатлар -тана
вазнини ошуви, биринчи ѐки иккинчи даражали семизлик аниқланади.
АГ билан касалланганлар ѐш беморлар А – экстраверт типда бўлади (79,2%). Улар
учун ташқи муҳитдан тез информация қабул қилиш, ташқи муҳитга таъсир этиш ѐки ташқи
муҳит ичида бўлиш, атрофдагиларга таъсир этиш, шовқин ва шов-шув чақиришни яхши
Э. С. Тоиров, И. А. Шарафова,...
Доктор ахборотномаси № 3—2019
106
кўриш, бошқаларни диққат марказида туриш, ўз сўзини ўтказишга харакат қилиш каби
характерологик белгилар ва доимий шошилиш, кўп овқат истеъмол қилиш ва спиртли
ичимликлар ичиш, чекишга мойиллик характерли бўлади. Шу билан бирга ушбу
контингентдаги 37,5% бемор доимий бўлмаган депрессив ҳолатга тушиб туради.
Дастлабки босқичларда АГ ривожланиши ва авж олишида симпато-адренал тизимнинг
фаоллашуви асосий ўрин тутади Е.В.Шляхто, А.О. Конради, 2003; А.О. Н.Н.Никитина ва б.,
2007; Г.И., М.Р. Елисеева ва б., 2009). Бизнинг кузатувимиздаги ѐш беморларда систолик
босимни кўпроқ даражада ошуви, гипертониянинг кундузги соатларда баланд бўлиши,
гипертония ва тахикардиянинг билан бирга кечиши ушбу маълумотларга мос келади.
Неврпатолог кўриги ва неврологик текширувларда ҳам ҳар учта бемордан биттасида
касалликнинг асорати сифатида дисциркулятор энцефалопатия аниқланиши ҳам симпато-
адренал тизимининг юқори даражада фаоллиги билан боғлиқ.
Хулоса.
Демак, эрта ѐшда ривожлаган АГ полиэтиологик бўлиб, аксарият ҳолатда
ирсий преморбид фонга эга. Гипертонияга наслий мойиллиги бўлган кишиларда зарарли
одатларнинг бўлиши, овқат стеротиплари ва овқатланиш тартибининг бузилишлари, тана
вазнини ошуви, семизлик каби фенотипик хавф омилларини қўшилиши касалликнинг
ривожланишида муҳим ўрин эгаллайди. Кун давомида жисмоний ва ақлий фаолликни
юқори бўлиши симпато-адренал тизимнинг кундузги фаоллигига боғлиқ бўлиб, характер
жиҳатдан экстравертлик бу тизим фаолиятини янада оширади. Бу эса ѐш беморларда
диастолик босимга нисбатан систолик босимнинг кўпроқ ошуви ва юрак уришларининг
сонини доимий тезлашувига сабаб бўлади. Ушбу ҳолат ўз навбатида ѐш беморларда эрта
ривожланган гипертонияга алоҳида эътибор қаратишни, унинг бирламчи профилактикасида
соғлом турмуш тарзи, тўғри овқатланиш, жисмоний фаоликни тартибга солиш каби
профилактик чора-тадбирлар ўтказишни талаб этади. Касалликни даволашда гипотензив
давони бетта-блокаторлар билан ўтказиш, эрта босқичлардан бошлаб даво муолажаларига
седатив препаратларни кўшиш даво самарадорлигини ошувига олиб келади (даво
натижаларини келгуси текширувларимизда келтирамиз).
Фойдаланилган адабиѐтлар:
1. Барбараш Н.А., Кувшинов Д.Ю. Курение и факторы риска сердечно-сосудистого риска. Комплексные
проблемы сердечно-сосудистых заболеваний. 2016. № 1. стр. 51-54.
2. Бекбуалиева Г.Н. Гендерные проблемы в репродуктивном здоровье мужчин и женщин, проживающих в
Приаралье. //Медицинский журнал Узбекистана. 2007. №6 стр 60-62.
3. Беленков Ю.Н., Оганов Р.Г. Кардиология. Национальное руководство //Москва. Гэотар-Медиа. 2008.
стр. 299-344.
4. Буреячковская Л.И., Полякова Е. О., Сумароков А.Б. Влияние депрессивных расстройств на развитие и
исход сердечно - сосудистых заболеваний. //Терапевтический архив. 2006. №1. стр 87-91.
5. Болезни сердца и сосудов. Руководство Европейского общества кардиологов. Под ред. А.Д. Кэмма, Т.Ф.
Люшера, П.В. Сердиуса. Москва. «ГЕОТАР-Медиа»; 2011.
6. Бочков Н.П. Клиническая генетика: 3-издание. ГЭОТАР-МЕД. Москва. 2004. 554 С.
7. Давидович И.М. Мужчины молодого возраста с гипертонической болезнью: состояние эректильной
функции, андрогенного статуса и эндотелийзависимой вазодилатации. //Противоречия современной
кардиологии: спорные и нерешенные вопросы: тезисы конференции. Самара, 2013. стр. 17-18.
8. Елисеева М.Р. Генетические детерминанты ремоделирования сердечно - сосудистой системы при эссен-
циальной артериальной гипертонии у узбеков. //Терапевтический архив. 2009. №1. стр. 64-69.
9. Клоу Ланфан. Артериальное давление: каковы наши успехи в его снижении? //Терапевтический архив.
2009. №5. стр. 47-50.
10. Маренин С.Н. Гипертоническая болезнь у мужчин молодого возраста: состояние эректильной функции
и влияние на нее антигипертензивной терапии. Автореферат дисс.. к.м.н. Хабаровск, 2015. 30 С.
11. Нечаева Г.И., Кореннова О.Ю., Булахова Е.Ю., Козырева В.А., Курочкина С.Д. Оптимизация лечения
артериальной гипертонии у лиц молодого возраста с отягощенным семейным анамнезом // РМЖ. 2008.
№5. стр. 293.
12. Оганов Р.Г., Масленникова Г.Я. Достижения и неудачи в профилактике сердечно-сосудистых заболева-
ний. Кардиоваскулярная терапия и профилактика. 2014. № 13 (1). стр. 4–7.
13. Шляхто Е.В., Конради А.О. Причины и последствия активации симпатической нервной системы при
артериальной гипертензии. Артериальная гипертензия. 2003. №9(3). стр.81-87.
Оригинальная статья
