“Иқтисодиёт ва инновацион технологиялар” илмий электрон журнали. № 3, май-июнь, 2015 йил
1
www.iqtisodiyot.uz
И.И. Алимов,
и.ф.н. ТДИУ
ДАВЛАТ БЮДЖЕТИ ТАҚЧИЛЛИГИНИ МОЛИЯЛАШТИРИШНИНГ
ХОРИЖ ТАЖРИБАСИ
В данной статье расскрывается сущность дефицита государственного
бюджета и рассматриваются методы его финансирования, этапы развития.
В статье с использованием метода сравнительного анализа дана авторская
оценка современного состояния сокрашения дефицита государственного
бюджета страны.
This article reveals the essence of the state budget deficit and its methods of its
financing and the stages of development are being considered. This article, using the
method of comparative analysis was given the author’s (assessment) evolution of the
current state of reducing the state budget deficit of country.
Калитли сўзлар:
давлат, қонун, вазифалар, бюджет, бюджет тизими,
даромадлар, солиқлар, хусусийлаштириш, харажатлар, тақчиллик, профицит.
Давлат зиммасига юклатилган сиёсий, иқтисодий ва ижтимоий
вазифаларни тўлиқ, ўз муддатларида ҳамда ижобий ҳал этиши учун керакли
молиявий асос талаб этилади. Ушбу молиявий асоснинг марказий бўғинини
давлат бюджети ташкил этади. Давлат молиясини соғломлаштириш, унинг
даромадлари ва харажатларининг мутаносиблигини таъминлаш мамлака-
тимизда амалга оширилаётган бюджет-солиқ тизимидаги ислоҳотларнинг
ҳозирги босқичида янада муҳим аҳамият касб этмоқда. Ҳозирги даврда давлат
бюджети тақчиллиги муаммоси нафақат иқтисодчи олимларнинг, балки
дунёдаги қашшоқ ёки ривожланаётган мамлакатлар билан бир қаторда
иқтисодиёти тараққий топган мамлакатлар ҳукуматларининг ҳам асосий
диққат-эътиборига тушган умумиқтисодий ҳолат ҳисобланади. Айниқса, ушбу
муаммо ҳамон давом этаётган жаҳон молиявий-иқтисодий инқирозининг
оқибатларини бартараф этишда жиддий тус олмоқда. Ушбу ҳолатга ўз диққат-
эътиборини қаратган Ўзбекистон Республикаси Президенти И.А. Каримов
қуйидагиларни алоҳида таъкидлади: «Инқироз йилларида кўплаб давлатлар ўз
иқтисодиётига, айниқса, молия-банк соҳасини сақлаб қолиш мақсадида айнан
шу соҳага улкан маблағларни йўналтиришга мажбур бўлди. Бу, ўз навбатида,
бир қатор давлатларда, аввало, ривожланган мамлакатларда катта миқдордаги
давлат бюджети тақчиллиги ва давлат қарзларини келтириб чиқарди, молиявий
номутаносибликнинг юзага чиқишига сабаб бўлди[1]».
Ҳар бир алоҳида олинган мамлакатда давлат бюджетини бошқаришда
бюджет тақчиллиги ва уни бошқариш масаласи муҳим аҳамият касб этади.
Мамлакатда давлат бюджетининг тақчиллиги давлат олдига қўйилган
вазифаларни муваффақиятли бажаришга ўзининг салбий таъсирини кўрсатади.
Таъкидлаш лозимки, иқтисодиёти тараққий топган мамлакатларда давлат
бюджети тақчиллиги ҳар доим ҳам салбий ҳолатни билдирмайди.
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
2
www.iqtisodiyot.uz
Ж.М. Кейнснинг энг асосий ғояси шундан иборатки, давлат харажатларини
ошириш ва ушбу маблағлар етмаган тақдирда “қарзлар ёрдамида
молиялаштиришни” таклиф этди. Унинг ғоясининг давомчилари ушбу
назарияни
“тақчиллик
асосида
молиялаштириш”
деб
номладилар.
Ж.М. Кейнснинг фикрича, давлатнинг жорий харажатларини қарзлар ҳисобига
ҳам молиялаштириш “истеъмолга мойилликни” оширади ва бунинг натижасида
“инвестицияларга мойиллик” ҳам ортади. “Иккинчиси – ишлаб чиқаришни ва
тадбиркорлик фаолиятини рағбатлантиришга таркибий қайта ташкил
қилишларни амалга оширишга кўмаклашишга, иқтисодиётда номутаносиб-
ликларга барҳам беришга асосланган ёндашув. Бунда бир меъёрда қатъий
молиявий ва пул-кредит сиёсати ўтказилади, товар билан қоплашнинг иложи
бўлмаган ортиқча талабларини чеклаш бўйича тадбирлар билан узвий боғлаб
олиб борилади”
[
2
]
. Шуни алоҳида таъкидлаш лозимки, Ж.М. Кейнсгача давлат
бюджети даромадлари ва харажатларининг мутаносиблик мажбурийлиги ҳамда
бюджет тақчиллигини фақат салбий ҳолат сифатида ёндашув мавжуд эди.
Ж.М.Кейнс ушбу дунёқарашларга чек қўйди. Унинг фикрича, ссуда капиталлар
бозорида Марказий банк ёрдамида “самарали талаб”га эришиш мумкин ва шу
асосда, давлат бюджети тақчиллиги миллий иқтисодиётни тартибга солиб
турувчи воситаларидан бирига айланади.
Юқоридаги назариядан фарқли равишда, монетаристларнинг фикрича,
пул-кредит сиёсати ялпи ички махсулот миқдорини ўзгартиришнинг ғоятда
қудратли воситасидир. Бюджетдаги тақчилликни ўзига мақбул даражада сақлаб
туриш учун давлат ўз харажатларини келиб тушаётган даромадларига мувофиқ
ҳолга келтириш мақсадида уларни давлат фойдасига жиловлаб турадиган
сиёсатни мунтазам равишда олиб борилади. Монетаризм тарафдорлари
бюджет-солиқ сиёсатини амалга ошириш хеч қандай ижобий самара бермайди,
деб ҳисоблашади. Монетаристларнинг фикрича, иқтисодиётни ривожланти-
ришда энг асосий аҳамиятни муомаладаги пул миқдорининг ўзгаришидадир,
бинобарин давлат бюджетидан макроиқтисодиётни барқарорлаштириш учун
фойдаланмаслик керак.
Юқорида таъкидлаб ўтганимиздек, жаҳон амалиётида давлат бюджети
тақчиллиги мамлакат миллий иқтисодиётига жиддий хавф туғдирадими ёки
бунинг акси-тақчиллик иқтисодиётни ривожлантиришда фойдалими, деган
савол ҳозирда ҳам дунёнинг етакчи иқтисодчи олимлари ўртасидаги муҳим
масала ҳисобланади.
Европа Иттифоқига аъзо ва иқтисодиёти ривожланган мамлакатлар
ўзларининг ривожланиш босқичларида давлат ташқи қарзи ва давлат бюджети
тақчиллиги ўзига хос тажрибага эгадирлар. Айнан, евроҳудуд мамлакатларида
Маастрихт шартномасида Европа Иттифоқига аъзо мамлакатлар – учун
“евроҳудуд”да иштирок этишлари учун 1993 йил 2 майдан бошлаб қуйидаги
қатъий мезонлар ўрнатилган:
-
давлат бюджети тақчиллиги ялпи ички маҳсулотга нисбатан 3,0
фоиздан ортмаслиги лозим. Агарда белгиланган ушбу норматив бузилса, уни
бузган давлатга нисбатан иқтисодий санкциялар қўлланилади;
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
3
www.iqtisodiyot.uz
-
давлат ташқи қарзи миқдори ялпи ички маҳсулотга нисбатан 60,0
фоиздан ортмаслиги лозим (ёки ушбу кўрсаткичга барқарор яқинлашиб бориш
мумкин[3].
Мамлакатимизда давлат бюджети тақчиллиги муаммосини ўрганиш
билан бирга, иқтисодий тараққий топган ва ривожланаётган мамлакатларнинг
давлат бюджети тақчиллиги юзага чиқиш сабабларини таҳлил этиш ва уларда
бюджет тақчиллигини қисқартириш бўйича амалга ошираётган чора-
тадбирларни ўрганиш, бизга, ушбу соҳада келажакда йўл қўйилиши мумкин
хатоларнинг олдини олиш имкониятини яратади.
Халқаро амалиётда етакчи иқтисодчи олимлар ўртасида бюджет
тақчиллигини молиялаштиришнинг усуллари тўғрисида турли қарашлар
мавжуд. И.А. Погосовнинг фикрича, “давлат бюджети тақчиллигини
молиялаштиришнинг асосан икки усули мавжуд[3]:
биринчидан, давлат қарзлари ҳисобидан молиялаштириш. Давлат
қарзлари ўз вақтида ички манбалар, бунда давлат бюджетини тақчиллиги
фақатгина мамлакат ичидаги манбалар ҳисобига молиялаштирилади ва ташқи
манбалар, бунда давлат бюджетининг тақчиллиги мамлакат ҳукумати
томонидан
хорижий
мамлакатлар
ҳукуматларидан,
халқаро
молия
институтларидан ҳамда, дунёдаги йирик тижорат банкларидан олинадиган
давлат қарзлари ҳисобига молиялаштирилади;
иккинчидан, муомалага янги пулларни эмиссия қилиши ҳисобига”.
Бунда давлат бюджети тақчиллигининг асосий тамойилларини, унинг
ривожланиш
анъаналарини,
уни
тартибга
солиш
усулларини
ва
молиялаштиришнинг
асосий
манбаларини
ўрганган
У. Бурхановнинг
фикрича(4) “бюджет тақчиллигини молиялаштириш иккита йирик гуруҳга
ажратилади: эмиссияли ва қарзли молиялаштириш. Бюджет тақчиллигини
молиялаштиришнинг бу икки усули билан бирга, яна бир ноинфляцион усул –
давлат
активларини
сотиш
орқали
тақчилликнинг
маълум
қисми
молиялаштирилади. Бюджет тақчиллигини молиялаштиришнинг ҳар қайси
ҳолатини иқтисодиётга таъсири бир хил бўлмайди, шунинг учун,
молиялаштириш манбаларини таҳлил этиш талаб этилади. Агар тақчилликни
молиялаштириш манбаларини янада аниқлаштиридиган бўлсак, юқоридаги
икки гуруҳнинг бирига тегишли бўладиган қуйидаги анъанавий манбалар
мавжудлигини кўриш мумкин:
1.
Марказий банкдан қарз олиш ёки тақчилликни эмиссияли
молиялаштириш (пулли молиялаштириш).
2.
Тижорат банкларидан қарз олиш (қарзли молиялаштириш).
3.
Маблағларни мамлакат ичкарисидаги банк бўлмаган соҳалардан қарз
олиш (қарзли молиялаштириш).
4.
Валюта захираларини ишлатилиши, ёки ташқи давлатлардан қарз олиш
(қарзли молиялаштириш).
5.
Давлат мулкини сотиш ва бошқа ноинфляцион манбалар”.
Бюджет тақчиллигини қисқартиришда, мамлакат ҳукумати юқорида
таъкидлаб ўтилган усулларнинг биридан ёки бир нечтасидан фойдаланиши
мумкин. Бюджет тақчиллигини қисқартиришда фойдаланиладиган усулларнинг
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
4
www.iqtisodiyot.uz
ҳар бирини иқтисодий табиати турлича, шу сабабли, улар мамлакатдаги
молиявий ҳолатга турлича, айрим ҳолатларда бир-бирига тескари таъсир
кўрсатиши мумкин. Бюджет тақчиллигини қисқартиришда мамлакат ҳукумати
томонидан нотўғри олиб борилган сиёсат мавжуд тақчилликни ортишига ва
бунинг натижасида иқтисодий аҳволнинг мушкуллашувига ҳамда аҳоли
ўртасидаги норозиликларга олиб келиши мумкин. Давлат бюджети
тақчиллигини молиялаштириш манбаларидан қатъи назар, уни тартибга
солишнинг қуйидаги бешта турини ажратиб кўрсатишимиз мумкин:
1.
Давлат бюджети тақчиллигини молиялаштириш учун мамлакат
марказий банкидан кредитлар олиш, яъни муомалага қўшимча пул эмиссиясини
амалга ошириш.
2.
Давлат бюджети харажатларининг ҳажмини қисқартириш.
3.
Давлат бюджети даромадларини кўпайтириш, яъни амалиётга янги
солиқ турларини киритиш ёки амалдаги солиқ ставкаларини ошириш.
4.
Давлат мулкини маҳаллий ва хорижий сармоядорларга сотиш.
5.
Мамлакат аҳолисидан, маҳаллий хўжалик юритувчи субъектлардан,
хорижий мамлакатлар ҳукуматидан, халқаро молия ташкилотларидан ва йирик
хорижий тижорат банкларидан қарз олиш.
Давлат бюджети тақчиллигини молиялаштиришнинг энг осон, лекин
жуда қалтис усули бўлиб мамлакат Марказий банкидан қарз олиш ҳисобланади.
Таъкидлаш лозимки, мамлакат Марказий банкдан кредит олиш ўз моҳиятига
асосан муомалага қўшимча пул эмиссиясини амалга ошириш ҳисобланади.
Ушбу усул қўлланилганда, мамлакатда давлат бюджети тақчиллиги расман
молиялаштиришга эришилади, лекин ушбу усулнинг айрим салбий томонлари
мавжуд. Мамлакат Марказий банкидан хаддан ташқари кўп кредитлар олиш
натижасида мамлакатда шиддатли ёки жиловланмаган инфляция юзага чиқиши
мумкин. Бунинг натижасида, мамлакатда ижтимоий-иқтисодий аҳвол
кескинлашиб кетади. Халқаро амалиётда кўплаб ривожланаётган, шу жумладан
Мустақил Давлатлар Ҳамдўстлигига аъзо мамлакатларда давлат бюджети
тақчиллигини молиялаштиришда яқингача ушбу усулдан кенг фойдаланганлар.
Ўзбекистон Республикасида ҳам давлат бюджети тақчиллигини қисқартиришда
2003
йилгача
Марказий
банк
кредитларидан
фойдаланилган[4].
Мамлакатимизда кучга кирган янги Бюджет кодексининг 151-моддасига асосан,
Ўзбекистон Республикаси Марказий банкининг кредитларини Давлат бюджети
тақчиллигини қоплаш манбаси сифатида жалб қилишга йўл қўйилмайди[5].
Ушбу моддага асосан, республикамизда давлат бюджети тақчиллигини
молиялаштиришда Марказий банк кредитидан фойдаланиш қонунан
таъқиқланган.
Давлат бюджети тақчиллигини қисқартиришда бюджет харажатларини
камайтириш усулидан фойдаланишда мамлакат ҳукумати томонидан жуда
нозик ва қатъий сиёсат олиб бориш талаб этилади. Иқтисодиёти бозор
муносабатларига ўтаётган мамлакатларда давлат бюджети томонидан
ижтимоий-маданий
тадбирларга
йўналтириладиган
харажатларини
қисқартириш мамлакат аҳолиси ўртасида норозиликни юзага чиқариши
мумкин. Ушбу йўналишни олиб боришда, асосан, ижтимоий харажатларнинг
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
5
www.iqtisodiyot.uz
мақсадлилигини ошириш, бошқарув ва мудофаа харажатларини қисқартириш
ҳисобига давлат бюджети тақчиллигини қисқартиришга эришиш мумкин. Ушбу
усулдан, АҚШ Президенти Р. Рейган (1980-1988 йиллар) меҳнаткашлар ва
ишсизларга тўланган нафақаларни қисқартирган ҳамда иш ҳақини
камайтиришни амалга оширган. Бунинг натижасида АҚШда камбағал
фуқаролар сони 1979 йилдаги 26,1 млн. кишидан 1982 йилни 55,3 млн. кишига
етди. Ушбу ҳолатни монетаризм ғоясининг асосчиси Мильтон Фридмен
ижобий баҳолаган, чунки унинг фикрича, ижтимоий харажатларни
қисқартириш
натижасида
АҚШда
давлат
бюджети
тақчиллигини
қисқартиришга эришилган. Ишсизларга бериладиган ижтимоий нафақаларни
қисқартириш натижасида ишсизлар ишлашга мажбур бўлганлар ва АҚШда
1984 йилдан бошлаб, ишсизлар сони қисқаришига эришилган[6]. Мазкур
ҳолатни биз ҳозирда Европа Иттифоқига аъзо давлатларнинг бюджет сиёсатида
кўришимиз мумкин. Евроҳудуднинг 16 давлати молия вазирларининг
музокараларидан сўнг Грецияга уч йил муддатга 110 млрд.евро миқдорида
ёрдам пакети ажратиладиган бўлди. Албатта, Европа Иттифоқи томонидан
Грецияга кўрсатиладиган ёрдам оддий кредитдан бошқа нарса эмас. Аммо
ажратиладиган кредитнинг фоиз ставкаси бозордаги мавжуд ставкадан пастроқ
бўлади (қарийб 5 фоиз атрофида). Грецияга ажратиладиган ёрдам пакетида
Евроҳудуднинг улуши 80 млрд. еврони ташкил этиб, ёрдамнинг қолган қисми
(30 млрд. евро) ХВФ раҳбари ушбу қарорни Евроҳудудни қутқариш чораси
эканлигини эътироф этди. Бунга жавобан Греция ҳукуматидан меҳнат ва пенсия
қонунчилигини эркинлаштириш талаб этилмоқда. Ушбу йўналишда бюджет
ташкилотларидаги ишчи ходимлар сонини қисқартириш, ишлаётган
ходимларнинг иш ҳақларини “музлатиб қўйиш” каби чора-тадбирлар амалга
оширилмоқда. Чунки ушбу чоралар яқин икки йил мобайнида бюджет
дефицитини 20 млрд. еврога қисқартириш имконини бериши кутилмоқда.
Мамлакатимизда пухта ўйланган бюджет-солиқ сиёсатини, шу жумладан,
аҳолини ижтимоий ҳимоя қилишни амалга оширишда жойларда маҳалла
фуқаролар йиғинларидан кенг фойдаланишни изчил олиб бориш туфайли
кейинги йилларда давлат бюджети маблағларидан манзилли ва мақсадли
фойдаланишни кучайтириш масалаларига алоҳида эътибор берилмоқда.
Мамлакатимизда давлат бюджети харажатлари таркибида ижтимоий-
маданий тадбирлар харажатлари асосий улушни эгаллаб келмоқда. “Таълим-
тарбия ва тиббиёт муассасаларини янада ривожлантириш, уларнинг моддий-
техник базасини мустаҳкамлаш ва бугунги кун талаблари асосида жиҳозлаш
даражасини ошириш, ижтимоий инфратузилма объектларини жадал
ривожлантириш, аҳолини сифатли ичимлик суви ва замонавий санитария
тозалаш тизимлари билан таъминлаш биз учун устувор йўналиш ҳисобланади.
Ушбу мақсадлар учун давлат бюджети жами харажатларининг қарийб 60 фоизи
йўналтирилади. Бу ўтган йилга нисбатан 4 триллион 100 миллион сўм ёки 22,5
фоиз кўп демакдир. Жумладан, таълим ва илм-фан соҳасини ривожлантиришга
34,3 фоиз, соғлиқни сақлаш тизимига 14,2 фоиз маблағ сарфланади”[7]. Биз
қуйидаги диаграммада Ўзбекистон Республикаси давлат бюджети харажатлари
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
6
www.iqtisodiyot.uz
таркибида ижтимоий-маданий тадбирларга йўналтирилган харажатларнинг
улушини келтирамиз.
1-диаграмма
Ўзбекистон Республикаси Давлат бюджети харажатлари таркибида
ижтимоий-маданий тадбирлар харажатларининг улуши динамикаси
(
фоизларда)
Манба: Ўзбекистон Республикаси Молия вазирлиги маълумотлари асосида
тайёрланди.
Юқоридаги диаграмма маълумотлари таҳлили шуни кўрсатадики,
республикамизда давлат бюджети харажатлари таркибида ижтимоий-маданий
тадбирлар харажатларини қисқартириш эмас, балки уларни мунтазам ортиб
боришига эришилмоқда.
Давлат бюджети тақчиллигини қисқартириш усулларидан яна бири,
бюджет даромадларини кўпайтириш ҳисобланади. Давлат бюджети
тақчиллигини қисқартиришда ушбу усулдан фойдаланадиган мамлакат
ҳукумати, асосан, қуйидаги йўналишлардан фойдаланиши мумкин:
1.
Амалиётга янги солиқларни киритиш, яъни солиқлар турини
кўпайтириши.
2.
Мамлакатда амал қилаётган солиқларнинг фоиз ставкаларини
кўтариши.
3.
Амал қилаётган солиқлар бўйича солиқ тўловчиларга берилган
имтиёзларни чеклаши ёки умуман бекор қилиши.
Давлат бюджети тақчиллигини қисқартиришда мамлакат ҳукумати
томонидан фақатгина ушбу усулдан фойдаланилганда иқтисодиётда “Леффер
самараси” юзага чиқади. А. Леффер фикрича, солиқ ставкаларининг асоссиз
равишда ошириб юбориш натижасида маълум муддат давомида давлат
бюджетига даромадларнинг ортиши кузатилади. Лекин солиқ ставкаси
52
53
54
55
56
57
58
59
60
2009 йил
2010 йил
2011 йил
2012 йил
2013 йил
2014 йил
54,8
58,5
58
58,9
59,3
59,8
Н
аз
ван
ие
о
си
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
7
www.iqtisodiyot.uz
чегарадан ортиб кетса солиқ тўловчиларнинг “солиқлардан қочиши” юзага
чиқади. Ушбу ҳолат эса, давлат бюджетига тўловларнинг камайишига олиб
келади[8]. Шуни алоҳида таъкидлаш лозимки, ҳозирда Европа Иттифоқига аъзо
мамлакатларда давлат бюджети тақчиллигини қисқартириш мақсадида айрим
солиқ турлари ставкаларини (асосан қўшилган қиймат солиғи ва акциз солиғи)
ошириш ҳамда бой фуқаролар учун қўшимча даромад солиғини амалиётга
киритиш амалиёти олиб борилмоқда. Францияда фуқаролардан олинадиган
даромад солиғининг энг юқори ставкаси 75 фоизга кўтарилди. Шунингдек,
айрим евроҳудуддаги давлатларда қўшилган қиймат солиғи ставкаси
оширилди. Яна бир мисол, Японияда давлат бюджети тақчиллигини
қисқартириш мақсадида 2013 йилдан бошлаб савдодан олинадиган солиқ
ставкаси 5 фоиздан 8 фоизгача кўтарилган.
Давлат бюджети тақчиллигини қисқартиришда ўтган асрнинг 70-
йилларидан бошлаб, давлат мулкини хусусийлаштиришдан олинган
маблағлардан фойдаланиш амалиётга киритилган. “АҚШ, Буюк Британия,
Германия ва бошқа иқтисодиёти ривожланган мамлакатларда кенг миқёсда
“реприватизация”, яъни давлат мулкини сотиш ва давлат мулкчилигига
асосланган корхоналарни акциядорлик жамиятига айлантириш амалга
оширилди. АҚШ Президенти Р. Рейган ва Буюк Британия бош вазири
М. Тетчер давлат мулкини хусусийлаштириш ва улар асосида акциядорлик
жамиятлари ҳамда хусусий корхоналарни ташкил этишга жуда катта эътибор
қаратганлар. Халқаро амалиётда улар олиб борган ушбу иқтисодий сиёсат
“рейганомика” ва “тетчеризм” деб аталади[6]. Ушбу сиёсат натижасида давлат
мулкчилигидаги корхоналарнинг хусусийлаштириш асосида ташкил этилган
хусусий корхоналар рақобатбардош эканлиги ва уларда янги инвестицияларни
молиялаштиришни амалга оширишга қодирмаслигини исбот қилдилар. Энг
асосийси, хусусийлаштиришдан келган жуда катта миқдордаги маблағлар
давлат бюджети тақчиллигини қисқартиришга сарфланди. Ҳозирги вақтда
Греция ҳукумати давлат бюджети тақчиллигини қисқартириш мақсадида жуда
кўп
давлат
мулкчилигидаги
корхоналарни
маҳаллий
ва
хорижий
сармоядорларга сотишни амалиётга киритмоқда.
Давлат бюджети тақчиллигини қисқартириш усулларидан бири мамлакат
ҳукумати томонидан, аҳолидан, миллий хўжалик юритувчи субъектлардан,
хорижий давлатлар ҳукуматларидан, халқаро молия ташкилотларидан ва йирик
тижорат банкларидан қарз олиш ҳисобланади. Таъкидлаш лозимки, давлат
бюджети тақчиллигини қисқартиришнинг ушбу усули энг нозик, шунинг билан
бир вақтда замонавий усул ҳисобланади. Ушбу усулдан фойдаланадиган
мамлакат ҳукумати ўз номидан давлат қимматли қоғозларини чиқариш орқали
миллий ва хорижий валютадаги маблағларни жалб этади. Европа Иттифоқига
аъзо мамлакатлардан Греция, Португалия, Испания ва Италияда марказий
ҳукумат томонидан давлат бюджети тақчиллигини қисқартириш мақсадида
муомалага давлат облигацияларини чиқариш ва уларни хорижий сармоядорлар
ўртасида жойлаштириш ишлари фаол олиб борилмоқда. Мамлакатимизда кучга
кирган янги бюджет кодексининг 152-моддасига асосан Давлат томонидан
маблағ жалб қилиш ички ва хориждан маблағ жалб қилиш кўзда тутилган.
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
8
www.iqtisodiyot.uz
Ушбу кодексда давлат бюджети тақчиллигини қисқартириш учун жалб
этиладиган маблағ турларига алоҳида эътибор берилган. Янги кодекснинг 153-
моддасига асосан Давлат томонидан маблағ жалб қилиш турлари белгилаб
қўйилган. Улардан бири, Ўзбекистон Республикаси номидан чиқарилган давлат
қимматли қоғозлари бўйича қарз мажбуриятлари ҳисобланади. Шуни алоҳида
таъкидлаш лозимки, кейинги вақтларда мамлакатимизда давлат бюджети
тақчиллигини молиялаштиришда асосан маҳаллий сармоядорлар учун давлат
қимматли қоғозлари муомалага чиқмоқда.
Мамлакатимизда пухта ўйланган бюджет-солиқ сиёсатини изчил олиб
бориш туфайли кейинги йилларда давлат бюджети кўзда тутилган тақчиллик
ўрнига профицит билан ижро этиб келинмоқда. “Ўтган йили солиқ юки 20,5
фоиздан 20 фоизга, даромад солиғи ставкаси эса 9 фоиздан 8 фоизга
камайтирилган бўлса-да, давлат бюджети ялпи ички маҳсулотга нисбатан 0,2
фоиз профицит билан бажарилди”[7]. Лекин эришилган ютуқларга қарамай
мамлакатимизда 2015 йил учун қабул қилинган давлат бюджетида ялпи ички
махсулотга нисбатан 1,0 фоиз тақчиллик кўзда тутилган. Биз қуйидаги
жадвалда Ўзбекистон Республикаси Давлат бюджетининг 2007-2014
йиллардаги ижро даражасини кўришимиз мумкин.
1-жадвал
Ўзбекстон Республикаси Давлат бюджетининг ижроси
(ЯИМга нисбатан фоизларда)
№ йиллар
кўрсаткичлар
2007 2008 2009 2010 2011 2012 2013 2014
1
2
3
4
5
6
7
8
9
10
1
Бюджет тақчиллиги
-
-
-
-
-
-
-
-
2
Бюджет профицити
1.1
1.5
0.2
0.3
0.4
0.4
0.3
0.2
Манба: Ўзбекистон Республикаси Молия вазирлиги маьлумотлари асосида
муаллиф томонидан тайёрланди.
Мамлакатимизда кейинги йилларда маҳаллий бюджетларни субвенциядан
чиқариш бўйича аниқ чора-тадбирлар амалга оширилмоқда. Уларга мисол
қилиб айрим шаҳар ва туман бюджетларини бирлаштириш, жойларда янги
корхоналарни бунёд этиш ва бошқаларни келтириш мумкин. Фикримизча,
маҳаллий бюджетларни субвенциядан чиқариш мақсадида жойлардаги банкрот
корхоналарни тижорат банклари балансига бериш ишларини жадал давом
эттириш лозим. Бунинг натижасида банкрот корхоналар ўз фаолиятларини
тиклаш натижасида қўшимча ишчи ўринларини яратиш билан бир қаторда,
маҳаллий бюджетларга қўшимча даромадлар беришига ишончимиз комил.
Юқоридагилардан хулоса қилиш мумкинки, бозор иқтисодиёти
шароитида давлат бюджети даромадлари ва харажатлари ўртасидаги
мутаносибликни сақлашда давлат томонидан олиб борилаётган иқтисодий-
ижтимоий сиёсат жуда муҳим ўрин эгаллайди ва бевосита таъсир кўрсатади.
“Иқтисодиёт ва инновацион технологиялар” илмий электрон журнали. № 3, май-июнь, 2015 йил
9
www.iqtisodiyot.uz
Шунинг учун ҳам, давлат бюджети тақчиллигини бошқаришни тўғри йўлга
қўйиш, унга таъсир этувчи омилларни ўрганиш тараққиётнинг энг муҳим
омили бўлиб хизмат қилади. Ушбу ҳолат эса, мамлакатнинг жаҳон
ҳамжамиятидаги нуфузи ошишига, дунё мамлакатларининг Ўзбекистонга
нисбатан ишончи ортиб боришига олиб келади.
Фойдаланилган адабиётлар рўйхати
1.
Каримов И.А. Барча режа ва дастурларимиз Ватанимиз тараққиётини
юксалтириш, халқимиз фаровонлигини оширишга хизмат қилади. Т.:
Ўзбекистон, 2011. Б - 4
2.
Каримов И.А. Ўзбекистон иқтисодий ислоҳотларни чуқурлаштириш
йўлида. –Т.: Ўзбекистон, 1995.
3.
Финансы, денежное обращение и кредит. Учебник. /Под ред. д.э.н.
академика В.К. Сенчагова. –М.: Проспект, 2007.
4.
Жумаев Н., Бурханов У. Молиянинг долзарб муаммолари. –Т.: Янги аср
авлоди, 2003. 211б.
5.
Ўзбекистон Республикасининг Бюджет кодекси. –Т.: Адолат, 2014.
6.
Финансы капитализма. Учебное пособие. /Под ред. проф. Б.Г.
Болдырева. –М.: Финансы и статистика, 1990. 248.
7.
Каримов И.А. 2015 йилда иқтисодиётимизда туб таркибий
ўзгаришларни
амалга
ошириш,
модернизация
ва
диверсификация
жараёнларини изчил давом эттириш ҳисобидан хусусий мулк ва хусусий
тадбиркорликка кенг йўл очиб бериш – устувор вазифамиздир. //Халқ сўзи,
17.01.2015.
8.
Современная экономика. Многоуровное учебное пособие. /Под ред.
проф. О.Ю. Мамедова. – Ростов-на Дону, 1998. 668с.
