52
Alfraganus University
¹ PhD, Ijtimoiy fanlar kafedrasi v.b.dotsenti,. Alfraganus universiteti, Toshkent, O’zbekiston. Pochta: m.abdullayeva @mail.ru ORCID: - 0009-
0007-72-14-0060
ОЗНОКОМЛЕНИЕ УЧАЩИХСЯ МЛАДШЕГО ШКОЛЬНОГО
ВОЗРАСТА С СОЦИАЛЬНЫМИ НОРМАМИ РЕЧИ
INTRODUCING SOCIAL NORMS ON THE TALKS
OF SMALL SCHOOL AGE ANNOTATION
Maryambibi Djumaniyazovna ABDULLAYEVA
¹
KICHIK MAKTAB YOSHIDAGI
O’QUVCHILARNI SO’ZLASHISHGA
DOIR IJTIMOIY ME’YORLAR BILAN
TANISHTIRISH
Annotatsiya
So’zlashish jarayonida ikki yoki undan ortiq kishilarning bir-birlariga, nisbatan munosabatlarini bildirish muhim
ahamiyat kasb etib, jamoatchilik tomonidan tan olingan me’yorlarga amal qilish har bir shaxs zimmasidagi burch
sanaladi. Ushbu maqolada kichik maktab yoshidagi o’quvchilarni so’zlashish jarayonida amal qilishlari kerak bo’lgan
ijtimoiy me’yorlar xususida so’z кетади.
УДК: 372.22: 372.31
53
Alfraganus University
Kirish.
Yangi O’zbekiston jamiyatini barpo etish ijtimoiy-
lashuv jarayonlari bilan bog’liq ravishda kechmoqda
va bu maktab o’quvchilari, shu jumladan, boshlang’ich
ta’lim yoshidagi bolalarni ijtimoiy-huquqiy me’yorlar
bilan yaqindan tanishtirish, ularga qat’iy amal qilish
ko’nikmalarini shakllantirishni taqozo qilmoqda.
Zero, “yosh avlod ongiga huquq va burch, halollik va
poklik tushunchalarini hamda odob-axloq normalarini
chuqur singdirib borish, ularga Konstitutsiyaning
muhim jihatlarini bolaligidan boshlab o’rgatish, aholi
o’rtasida huquqiy madaniyatni shakllantirish bo’yicha
huquqiy-ma’rifiy tadbirlarni xalqimiz tarixi, dini,
milliy qadriyatlarini o’rgatish bilan uyg’un holda
tashkil qilishga jiddiy e’tibor qaratilmoqda. Bosh-
lang’ich ta’limda o’quvchilarning ijtimoiy-huquqiy
me’yorlarga amal qilish ko’nikmalarini shakllantirish,
shuningdek, o’quvchilarda shaxs sifatida o’z-o’zini
rivojlantirish va umummadaniy kompetentsiyalarini
qaror toptirish muammoning ilmiy jamoatchilik tomo-
nidan chuqur o’rganilishi lozimligini ko’rsatmoqda.
Zamonaviy ta’limning ahamiyati o’quvchilarda faol
ijtimoiylashuv ko’nikmalarini shakllantirish bilan bel-
gilanadi. Boshlang’ich sinf o’quvchilarining ijtimoiy
munosabatlar jarayonining faol ishtirokchilari bo’lish-
lariga erishishda ular tomonidan ijtimoiy-huquqiy
me’yorlarning muvaffaqiyatli o’zlashtirilishi o’ziga
xos ahamiyat kasb etadi. Ma’lumki, kishilar o’rtasidagi
o’zaro aloqa muayyan ijtimoiy-huquqiy me’yorlar
asosida tashkil etiladi. Shaxs hayoti bevosita jamiyat-
da, unda istiqomat qiladigan kishilar orasida kecha-
di[2]. Shaxs ta’lim olish jarayonida ijtimoiy-madaniy
muhit bilan bevosita o’zaro ta’sirlashadi va u shaxs-
ning intellektual kamolotga erishuvini ta’minlaydi.
Globallashuv sharoitida boshqa sohalar qatori
uzluksiz ta’lim mazmuni ham tubdan yangilandi.
O’zgarayotgan jamiyat, global axborotlashuv jarayoni-
ning mazmun-mohiyati, shaxs kamolotini ta’minlash
borasida yuzaga kelgan ijtimoiy zaruriyat masalalarini
yangilanayotgan ta’lim mazmunida aks ettirish bu-
gungi kunning eng dolzarb masalalaridan hisoblanadi.
Kishilar o’rtasidagi o’zaro ijtimoiy munosabatlar
muayyan ijtimoiy-huquqiy me’yorlar asosida yo’lga
qo’yiladi. Ijtimoiy-huquqiy me’yorlar asosida tartibga
solinadigan munosabatlar ishtirokchilarning mada-
niyatlilik darajasini ham ifodalashga xizmat qiladi.
Oila, maktabgacha tarbiya va umumiy o’rta ta’lim
muassasalarida bolalarni ijtimoiy munosabatlarga
tayyorlash, ijtimoiy-huquqiy me’yorlar bilan ta-
nishtirish, ularga qat’iy rioya qilish ko’nikmalarini
shakllantirish mazkur sub’ektlar ta’lim va tarbiya bo-
rasidagi funktsiyalarining muhim tarkibiy qismlaridir.
Boshlang’ich sinf o’quvchilarining ijtimoiy muno-
sabatlar jarayonining faol ishtirokchilari bo’lishlariga
erishishda ular tomonidan ijtimoiy-huquqiy me’yor-
larning muvaffaqiyatli o’zlashtirilishi o’ziga xos
ahamiyat kasb etadi. Shaxs hayoti bevosita jamiyatda,
unda istiqomat qiladigan kishilar orasida kechadi.
Jamiyat a’zolari o’rtasidagi shaxslararo aloqalar-
ning samarali kechishi bevosita shaxsning ijtimoiy
munosabatlar mazmuniga bog’liq. Ijtimoiy munosa-
batlar mazmuni esa, o’z navbatida, ijtimoiy-huquqiy
me’yorlarning aniqlangani, jamiyat tomonidan qay
darajada tan olingani hamda amaliy faoliyatda ularga
rioya etilayotgani bilan belgilanadi[3].
Z.Freyd fikriga ko’ra, madaniyat o’zida boshqa
mavjudotlardan yuqori bo’lgan insoniyatga xos hayotiy
tajribalarni ifodalaydi. Insoniyat o’z tarixiy taraqqiyot-
ida ijtimoiy, iqtisodiy va madaniy sohalarda vorisiylik
tamoyiliga asoslangan ulkan hayotiy tajribaga ega
bo’ldi. To’plangan hayotiy tajribaning ajdodlar tomo-
nidan avlodlarga uzatilishida ularning xulq-atvorini
axloqiy jihatdan boshqarishga yo’naltirilgan ijtimoiy
me’yorlar ham o’ziga xos o’rin tutadi.
Mustaqil O’zbekistan Respublikasida shakllanayot-
gan milliy istiqlol g’oyalari fuqarolarni Respublika
Konstitutsiyasida ehtirof etilgan insonparvar, de-
mokratik, huquqiy davlat va huquqiy jamiyatni barpo
etishdek ezgu maqsad atrofida birlashtirishga xizmat
qiladi. Har bir fuqaroning ijtimoiy-siyosiy, huquqiy
faolligini yuzaga keltirish, huquqiy madaniyatini qaror
toptirish - fuqarolik (huquqiy) jamiyatning asosiy
talabi sanaladi.
Аннотация
В процессе разговора становится важным выражать отношение двух или более людей друг к другу, по
отношению друг к другу, при этом соблюдение общепризнанных норм считается обязанностью каждого
человека. В данной статье речь пойдет о социальных нормах, которым должны следовать учащиеся млад
-
шего школьного возраста в процессе речи.
Abstract
In the process of speaking, it is important to communicate the relationship of two or more people to each other, and
it is the duty of each person to follow the standards recognized by the public. This article discusses the social norms
that elementary school students should follow in the process of speaking.
Kalit so’zlar:
me’yor, ijtimoiy, muomala, madaniyat, ma’naviyat, muloqot.
Ключевые слова:
норма, социальное, обращение, культура, духовность, общение.
Keywords:
norm, social, conversion, culture, spirituality, communication.
54
Alfraganus University
Material va metod.
Nutq insonlargagina xos bo’lgan faoliyat turlaridan
biri hisoblanadi. Faoliyat turi sifatida aniq maqsadga
yo’naltirilgan nutq “kishilik taraqqiyoti tarixida yu-
zaga kelgan va o’zaro muomalani tashkil etish uchun
zarur so’zlashuv ko’nikmalarining rivojlanishi natija-
sida mustahkamlangan” (Bolьshaya psixologicheskaya
ensklopediya. – Moskva: Eksmo, 2007. – S. 396)[4].
Nutqning og’zaki va yozma shakllari mavjud bo’lib,
kishilar o’rtasidagi ijtimoiy munosabatlar jarayonida
asosan og’zaki nutqdan foydalaniladi. Insoniy fao-
liyatning ushbu turi “mavhum-mantiqiy fikrlash va
ongning shakllanishiga xizmat qiladi. Nutq negizida
kechadigan fikriy faoliyat jarayonida esa tasavvur-
ning shakllanishi ro’y beradi... Nutqining hissiy
imkoniyati tufayli inson u yoki bu voqea-hodisaga
o’z munosabatini bildiradi” Bolьshaya psixologi-
cheskaya ensklopediya. – Moskva: Eksmo, 2007. – S.
396)So’zlashish (suhbatlashish) jarayonida ikki yoki
undan ortiq kishilarning bir-birlariga, atrof-muhit-
ga, o’zlarini o’rab turgan ijtimoiy va moddiy borliqqa
nisbatan munosabatlarini bildirishda muhim ahamiyat
kasb etib, jamoatchilik tomonidan tan olingan me’yor
(qoida)larga amal qilish har bir shaxs zimmasidagi
burch sanaladi. Bu burchning to’la bajarilishi esa
shaxs tomonidan so’zlashuv me’yorlarining puxta
o’zlashtirilishini taqozo etadi. Shu bois oilada va
ta’lim muassasalarida bolalarni yoshlikdan so’zlashish
me’yorlari bilan tanishtirib borish muhim ijtimoiy-pe-
dagogik vazifalardan biridir.
Tayyorlov guruhidagi bolalarda yosh xususiyatlariga
ko’ra “nutq zarur darajada o’sgan bo’lib, aktiv (faol)
va passiv (sust) lug’ati ancha taraqqiy etganligi tu-
fayli, tarbiyachi tushuntirishlarining ma’nosini yaxshi
anglay oladi” (Pedagogika / Pedagogika institutlari
uchun darslik. Akad. S.R.Rajabovning umumiy tahriri
ostida. – Toshkent: “O’qituvchi”, 1981. – 50-bet).
Shu bois maktabgacha va kichik maktab yoshidagi
bolalarga so’zlashuv (muomala) me’yorlari to’g’risida
ma’lumotlarni berish orqali ularni atrofdagilar bilan
o’zaro muloqotni to’g’ri tashkil etish ko’nikma va
malakalarini shakllantirishga e’tibor qaratish bu yo’lda
pedagogik faoliyatni samarali olib borishda qiyinchilik
va murakkabliklarni yuzaga keltirmaydi[5].
Natija.
Maktabgacha ta’lim yo’nalishidagi tayyorlov guruhi
tarbiyalanuvchilari hamda kichik maktab yoshidagi
bolalarda so’zlashuv me’yorlariga amal qilish ko’nik-
ma hamda malakalarini shakllantirish quyidagi vazi-
falarni bajarish orqali ta’minlanadi:
1. Bolalarni “so’zlashish” hamda “muomala”,
shuningdek, “so’zlashish me’yorlari” (“muomala
me’yorlari”) kabi tushunchalar bilan tanishtirish.
2. Bolalarga so’zlashuv (muomala)ning, kishilar
o’rtasida o’zaro munosabatlarni tashkil etishdagi ij-
timoiy va shaxsiy ahamiyatini ko’rsatib berish.
3. Bolalarda so’zlashuv (muomala) me’yorlariga
amal qilmaslikning salbiy oqibatlaridan xabardor
qilish.
4. Bolalarni nutqiy murojaat turlari bilan yaqindan
tanishtirish.
5. Bolalar tomonidan so’zlashuv (muomala)
55
Alfraganus University
me’yorlari to’g’risidagi tushunchalarning yetarlicha
o’zlashtirilishi uchun sharoit yaratish.
6. Bolalarda ijtimoiy sub’ektlar (ota-onalar, oilaning
boshqa a’zolari, o’qituvchilar, sinfdoshlar, tengdosh-
lar, shuningdek, ularning atrofidagi boshqa kishilar)
bilan to’g’ri so’zlashish ko’nikmalarini shakllantirish.
Bolalarni “so’zlashish” hamda “muomala”, shu-
ningdek, “so’zlashish me’yorlari” (“muomala me’yor-
lari”) kabi tushunchalar bilan tanishtirishda ularni
quyidagi ma’lumotlar bilan tanishtirish maqsadga
muvofiqdir:
“So’zlashish” – bolalar va kattalar tomonidan fik-
rning og’zaki bayon etilishi.
“Muomala” – bolalar va kattalarning bir-birlari
bilan so’zlashuvi.
So’zlashish, muomala – bu ikki yoki undan bola
yoki katta kishilar o’rtasida o’zaro aloqani yuzaga
keltiradigan jarayon.
“So’zlashish me’yorlari” – bolalar yoki kattalar
tomonidan fikr og’zaki bayon etilayotganda amal qi-
linishi zarur bo’lgan talablar.
“Muomala me’yorlari” – bolalar yoki kattalar
bir-birlari bilan so’zlashayotganlarida amal qilina-
digan talablar.
So’zlashish orqali bolalar va kattalar bir-birlari
bilan aloqa qiladilar, bir-birlarining holidan xabardor
bo’ladilar. So’zlashish chog’ida bolalar yoki kattalar-
ning orzu-istaklari, o’y-niyatlari, orzu-umidlari,
intilishlari va maqsadlari to’g’risida ma’lumotlarga
ega bo’linadi. Bolalar va kattalar so’zlashish orqali
bir-birlariga yordam kerakligini anglaydilar va muh-
tojlarga yordam berishga shoshiladilar.
So’zlashish har bir bola yoki katta yoshli kishi
uchun zarur. Chunki so’zlashish orqali atrofda sodir
bo’layotgan voqea-hodisalardan xabar topiladi. Shu
bilan birga so’zlashish natijasida turli ma’lumot, ax-
borot va bilimlar o’zlashtiriladi[6].
Bolalarda so’zlashuv (muomala) me’yorlariga amal
qilmaslikning salbiy oqibatlaridan xabardor qilish
bo’yicha o’quvchilarning e’tiborlariga quyidagi ma’lu-
motlar havola etilishi mumkin:
Bolalar va kattalar bir-birlari bilan o’zaro so’zlas-
hganlarida ma’lum qoidalarga amal qilishlari lozim.
Agarda mavjud qoidalarga amal qilinmasa, quyidagi
salbiy holatlar ro’y beradi:
- o’zini noqulay ahvolga qo’yish;
- suhbatdoshiga hurmatsizlik qilish;
- suhbatdoshining ko’nglini og’ritish;
- suhbatdoshlar o’rtasidagi do’stlik, o’rtoqlikka
rahna solish;
- o’z fikrini yetarli bayon qila olmaslik;
- maqsadini suhbatdoshiga tushuntira olmaslik;
- qo’pol muomalasi yoki gaplari uchun suhbatdos-
hdan tanbeh eshitish;
- suhbatdoshida o’zi haqidagi noto’g’ri fikrning
yuzaga kelishiga sababchi bo’lish;
- atrofdagilarning o’ziga bo’lgan hurmatini yo’qo-
tish.
Bolalarga ular tomonidan so’zlashuv (muomala)
me’yorlari to’g’risidagi tushunchalarning yetarlicha
o’zlashtirilishi uchun sharoit yaratish ham muhim
talablardan biri sanaladi. Bu o’rinda ularning e’tibor-
lariga quyidagi ma’lumotlarni havola etish mumkin:
Suhbat mazmunidan kelib chiqqan holda so’zlashish
turlicha namoyon bo’ladi. Ular quyidagichalardan
iborat:
1) salomlashish;
2) tanishish;
3) iltimos qilish;
4) savol berish;
5) minnatdorchilik bildirish.
Salomlashish ikki kishining bir-biri bilan uchrashishi
vaqtida bir-birlaridan hol-ahvol so’rash sanaladi. Sa-
lomlashish vaqtida suhbatdoshlarning yuzlari ochiq
bo’lishi, tabassum qilishlari, bir-birlariga yaxshi
niyatlarni ifodalovchi so’zlarni aytishlari talab qilinadi.
Shu bilan birga o’quvchilar salomlashishda quyidagi
talablarga amal qilishlari lozim:
1) salomlashish so’zlari sifatida qabul qilingan so’z
va iboralardan foydalanish:
- bunda agar o’rtoqlar bilan uchrashib qolinsa, u
holda “Salom”, “Yaxshimisan?”, “Ishlaring yaxshi-
mi?” deb murojaat qilish;
- kattalar bilan uchrashilganda esa qo’lni o’ng
ko’krak ustiga qo’shgan holda “Assalomu alaykum”,
“Ahvollaringiz yaxshimi?”, “Sog’liqlaringiz yaxshi-
mi?”, “Charchamay yuribsizmi?” kabi iboralarni
qo’llash maqsadga muvofiqdir.
2) salomlashish vaqtida qo’pol yoki jargon (buzib
ishlatiladigan) so’zlarni qo’llamaslik yoki noma’qul
harakatlarni qilmaslik:
- tengdoshlar, o’rtoqlar bilan uchrashganda “Pri-
vet”, “Chao”, Somalaykum” (arabchadan tarjima
qilinganda bu so’z “Sizga o’lim tilayman” ma’nosini
anglatadi);
- o’rtoqlar bilan uchrashganda hech qanday so’zsiz,
bugungi kunda urf bo’lganidek, o’zaro bosh urishtirish;
- o’rtoqlar bilan o’pib ko’rishmaslik.
Agarda o’zaro uchrashgan kishilar bir-birlariga
notanish bo’lsalar, u holda suhbat tanishishdan bosh-
lanadi. Tanishish chog’ida ham ma’lum talablarga
rioya qilinishi shart. Shu sababli boshlang’ich sinf
o’quvchilariga ham tanishish vaqtida amal qilinadigan
qoidalar to’g’risida ma’lumot berish, ularda tanishish
jarayonini to’g’ri uyushtirish ko’nikma-malakalarini
shakllantirishga e’tibor qaratish lozim.
Bolalar asta-sekin tanishish chog’ida quyidagi ibo-
ralarni qo’llashga odatlanishlari kerak:
1. Siz bilan tanishishga ruxsat eting!
2. Siz bilan yaqindan tanishishni xohlardim!
3. Keling, tanishaylik!
So’zlashishda, odatda, biror-bir narsa yuzasidan
iltimos qilishga ham to’g’ri keladi. Bu holda dastlab
uzr so’rash kerak. Chunki murojaat qilinadigan kishi
biror ish bilan mashg’ul bo’lishi yoki biror narsani
o’ylayotgan bo’lishi mumkin. SHuning uchun “Uzr!”,
“Kechirasiz!”, “Ruxsat bersangiz!” kabi so’zlar bi-
lan murojaat qilib, keyingina, “Iltimos!”, “Mumkin
bo’lsa…”, “Agar Sizga noqulay bo’lmasa…”, “Agar
Sizga qiyinchilik tug’dirmasa…” degan holda iltimos
qilish zarur[7].
Suhbatlar chog’ida savol bilan murojaat qilishga
56
Alfraganus University
nisbatan ham talablar qo’yiladi. Bu talablar quyida-
gilardan iborat:
1) oilada, jamoa joylarida savol berishga to’g’ri kelsa
yoki savol berish ehtiyoji tug’ilsa, u holda shunday
yo’l tutiladi:
- dastlab uzr so’raladi;
- savol bilan murojaat qilinadi (savol bilan murojaat
qilinganda “So’rasam mumkinmi?”, “Bir savol bersam
maylimi?”, “Ayta olmaysizmi?, “Ko’rsatib yuborol-
maysizmi”, “Marhamat qilib, menga aytsangiz!”,
“Tushuntirib qo’ya olmaysizmi?” kabi iboralardan
foydalanish odob qoidalaridan sanaladi);
2) ta’lim muassasasida dars vaqtida o’qituvchiga
savol bilan murojaat qilishga to’g’ri kelsa, u holda
quyidagicha yo’l tutish to’g’ridir:
- o’ng qo’l ko’tariladi;
- o’qituvchi ruxsat bergandan so’ng savol bilan
murojaat qilinadi;
- bordi-yu, o’qituvchi savol berishga ruxsat berma-
sa, u holda dars tugashi kutib turiladi va mashg’ulot
yakunida yoki mashg’ulot tugagandan keyin o’qitu-
vchiga savol beriladi.
Belgilangan qoidaga muvofiq, dars vaqtida savol
istalgan paytda berilmaydi, balki, o’qituvchining yoki
so’zlayotgan o’quvchi so’zini tugatgandan keyin, yoki
umuman, mashg’ulot tugagandan keyingina savol bi-
lan murojaat qilish lozim[8]. Odatda o’qituvchilar ma-
vzuni tushuntirib bo’lganlaridan keyin o’quvchilardan
“Savollar bormi” deb so’rashadi. Shu vaqtda o’quvchi
o’zini qiziqtirayotgan savolni berishi mumkin.
So’zlashish jarayonida, shuningdek, suhbatdoshga
minnatdorchilik bildirishga ham to’g’ri keladi. Bunda
ham muayyan qoida (talab)larga rioya qilish kerak.
Ya’ni:
1) ochiq so’z, salgina tabassum qilish;
2) umumiy axloqiy me’yorlardan kelib chiqqan
holda ma’lum so’zlarni qo’llash (bunda “Rahmat”,
“Tashakkur”, “Minnatdorman”, “Sog’ bo’ling!”,
“Uzoq umr ko’ring!”, “Ishlaringiz o’ngidan kelsin!”,
“Kuningiz xayrli o’tsin!”, “Omadingizni bersin!” kabi
so’z va iboralardan foydalanish mumkin).
So’zlashish me’yorlariga ko’ra suhbat chog’ida
suhbatdoshga to’g’ri murojaat qilish ham muhim
hisoblanadi. Suhbatlar chog’ida odatda suhbatdoshga
“Sen” yoki “Siz” deb murojaat qilinadi. Bunda suh-
batdoshning yoshi va o’ziga qay darajada yaqinligi
inobatga olinadi. O’zbek xalqida tengdoshlarga nis-
batan “Sen”, katta yoshdagilarga nisbatan esa “Siz”
deb murojaat qilinadi.
Munozara
Tashkil etilayotgan suhbatning suhbatdoshlar
uchun samarali bo’lishi uchun yana bir qoidaga amal
qilish zarur. Bu suhbat vaqtida suhbatdoshning ismini
aytishdir. Odatda, bolalar va yoshlar suhbatdoshlariga
ularning ismlarini to’liq yoki qisqartirilgan holda ay-
tib murojaat qilishadi. Milliy qadriyatlarimizga ko’ra
inson ismini to’liq aytish talab etiladi. Islom ta’limoti
g’oyalarini ifoda etuvchi manbalar va zamonaviy
psixologik tadqiqotlarning natijalariga ko’ra har bir
so’zda o’ziga xos quvvat mavjudligi aniqlangan. Shu
sababli, har bir kishiga o’z ismini eshitish yoqimli
tuyuladi. Ismni qisqartirib yoki buzib aytish odobsizlik
hisoblanadi.
Xulosa.
Shunday qilib, so’zlashish (suhbatlashish) ikki yoki
undan ortiq kishilarning bir-birlariga, atrof-muhitga,
o’zlarini o’rab turgan ijtimoiy va moddiy borliqqa
nisbatan munosabatlarini bildirish jarayoni sanaladi.
Kishilar o’zaro so’zlashish (suhbatlashish) vaqtida ja-
moatchilik tomonidan tan olingan me’yor (qoida)larga
amal qiladilar. Shu sababli maktabgacha ta’limning
tayyorlov guruhlaridagi tarbiyalanuvchilarni va bosh-
lang’ich sinf o’quvchilarini so’zlashish me’yorlaridan
xabardor qilishga alohida e’tibor qaratish lozim.
Adabiyotlar
1. Jamiyatda huquqiy madaniyatni yuksaltirish konseptsiyasi / O’zbekiston Respublikasi
Prezidentining 2019 yil 9 yanvardagi “Jamiyatda huquqiy ong va huquqiy madaniyatni yuksaltirish
tizimini tubdan takomillashtirish to’g’risida”gi PF-5618-son farmoni, 1-ilova.
2. N. Ismatova va b. Tarbiya: 1-sinf o’quvchilari uchun darslik. 1-nashr. -T.: G’afur G’ulom
nomidagi nashriyot-matbaa ijodiy uyi, 2020. - 64 b.
3.N. Ismatova va b. Tarbiya: 2-sinf o’quvchilari uchun darslik. 1-nashr. -T.: G’afur G’ulom
nomidagi nashriyot-matbaa ijodiy uyi, 2020. - 80 b.
4.N. Ismatova va b. Tarbiya: 3-sinf o’quvchilari uchun darslik. 1-nashr. -T.: G’afur G’ulom nomidagi
nashriyot-matbaa ijodiy uyi, 2020. - 80 b.
5.Aбдуллаева SH. Педагогиchеские технологии развития познавателных творchеских способ-
ностей уchаshихсия младshих классов. Дисс.канд.пед наук - T.: 2005.-175 ст.
6.Adizov B.R. Boshlangich ta’limni ijodiy tashkil etishning nazariy asoslari: Ped.fan.nomz.... diss. - T.:
2002. - 276 b.
7.Jumaev M.E. O’quv jarayonida bo’lajak boshlang’ich sinf o’qituvchilarining pedagogik madaniyatini
tarbiyalash: Ped. fanl. nomz. ... diss. avtoref. - T.: 2021. - 214 b.
8..Inoyatova M.E. Uzbek alifbe darsliklarining tarixiy taraqqiyoti bosqichlari va didaktik asoslari: Ped.
fanl. nomz. ... diss. avtoref. - T.: 2006.-23 6.
9.Nazarova X.P. Boshlang’ich sinf o’quvchilarining kommunikativ savodxonligini tahminlashning
didaktik asoslari: Ped. fanl. nomz. ... diss.-T.: 1999.-245 6.