БАКТЕРИАЛ ТРАНСЛОКАЦИЯ ШАКЛЛАНИШИНИНГ
МИКРОБИОЛОГИК ЖИҲАТЛАРИ
Сувонов К.Ж., Халманов Б.А., Эшмаматов И
Тошкент давлат стоматология институти
Тадқиқот мақсади тажрибада ҳайвонлари йўғон ичаги микрофлораси
вакилларининг ошқозон-ичак трактидан организм ички муҳитига
ўтишининг (бактериал транслокация) микробиологик жиҳатларини ўрганиш
бўлди.Экспериментал тадқиқотлар 2-3 ойлик, 18-25 грамм оғирликдаги
оқ, зотсиз сичқонларда (n=115), динамикада ўтказилди. Тажрибаларда
қуйидаги микроорганизмлар авлодлари штаммларидан фойдаланилди:
Escherichia spр, Proteus spр, Enterobacter spр, Staphylococcus spр,
Streptococcus spр, Enterococcus spр, Salmonella spр, Schigella spр.
Культуралар идентификацияси Bergey's (1997) бўйича олиб борилди.
Корреляцион таҳлил натижалари шуни кўрсатдики, бактерияларнинг
организм ички муҳитига (қон) ўтиши (транслокация) уларнинг йўғон
ичакдаги концентрациясига тўғри ва кучли боғлиқликка эга (ρ=0,85).
Тажрибаларда 1х10 2микроб танаси/граммдан 1х10 12
микроб танаси /граммгача бўлган концентрациядаги микроб
суспензиялари қўлланилди. Бактериал транслокацияга олиб келувчи
оптимал концентрация 1 х10 6 микроб танаси/граммдан бошланди. Бу
бошқа муаллифлар маълумотларига тўғри келади.
Ички муҳитга транслокация бўлувчи микроорганизмларнинг асосий
қисмини Enterobacteriaceae оиласи вакиллари ташкил этишди.
Транслокация даражасига қараб улар Escherichia spр (Р<0,001), Proteus
spр (Р<0,02), Enterobacter spр (Р<0,05) авлодлари бўлди. Ушбу авлодлар
вакилларининг транслокацияга мойиллиги Staphylococcus spр, Streptococcus
spр, Enterococcus spр каби граммусбат коккларга нисбатан ишонарли
равишда юқори бўлди (Р<0,002). Тажрибаларнинг барча серияларида
лаборатория ҳайвонларида Salmonella spр, Schigella spр каби йўғон ичак
нормал микрофлорасига кирмайдиган, лекин шу жойда патологик жараён
келтириб чиқарадиган авлодлар вакилларининг транслокация ҳолати
аниқланмади (Р>0,05), шунга ўхшаш натижа C.albicans да ҳам кузатилди
(Р>0,05). Барча натижалар лаборатория ҳайвонлари қонига
микроорганизмлар ўтганлигини (транслокация) билвосита тасдиқловчи,
шу микроб антигенларига қарши махсус антителолар титрини маълум
вақт оралиғида, динамикада аниқлаш имконини берувчи серологик усуллар
ёрдамида олинди.Шундай қилиб, тажрибада транслокацияга қодир
микроорганизмлар Escherichia spр, Proteus spр ва Enterobacter spр лар
бўлиб, Salmonella spр, Schigella spр, C.albicans ларнинг транслокацион
қобилияти аниқланмади.
